桃園制作粥麵餐廳 (彩雲商場)

營業中

休息中

因工佢關係來到了彩虹，第一次來到彩虹原來彩雲村是平均年齡比較年長的村，商場也比較舊式，在商場走了幾個圈找早餐吃，被這間餐廳的外觀吸引了。上網看看原來這間有幾間分店。外表簡單整潔吸引早餐餐單：選擇和種類多落單時侍應沒有聽清楚我說什麼，所以落溜了一個火腿通粉。光線恰到好處，吃早餐和晚飯特別適合。香煎雞扒，鮮奶炒滑蛋 配 腸仔 餐+火腿通粉香腸竟然是加蜜糖再煎。很驚喜蒜蓉牛油多士很足料很熱很香其他食物也合格，就是出餐的速度有點慢。如果下次再來這裏工作會再來一次

同屋企人行行下，夠鐘食lunch，就是但入左一間去食，幾多款式俾我地揀，主要係食中式同港式既菜我望下格黎枱睇個d食物個樣啦，見到佢地食緊咖哩豬扒飯，好似好正，就忍唔住叫左啦秘制咖哩薯仔豬扒飯( $47 包一杯飲品)塊豬扒好大塊，而且肉質都算嫩，唔會好難咬，而咖哩汁係港色個隻，都幾濃郁，唔算好辣，撈飯都唔錯，白飯就溝左d藜麥，不過食唔出有咩特別，同普通白飯差唔多，成個飯好大碟，最後都食淨d飯，細食既話，建議叫少飯，以免浪費。

麻婆豆腐飯送碎片 食到我差d咬崩牙 個賣相幾好 食落都覺得吾差 但系估吾到食到一半就咬到d硬野 以為系骨碎啦 點知摸真d好似果d碗碗 碟碟既碎片真系隨時吾小心 大大力甘咬 崩牙吾特止 如果系吞左落肚 後果有幾嚴重 最後雖然取消左張單 但成餐飯 搞到無哂心情 好希望呢間鋪頭會小心d

大把位個男侍應叫我去搭枱，ok你做生意我忍但係你得半件雞排加舊飯就43蚊，點忍呀?午餐喎大佬，食唔飽點頂成日，就算啲雞掛係早餐淨嘅，都整多半舊黎呀?晚餐都仲接受到

今日一起身已經十一點幾上彩雲買下野同睇下有咩小精靈行行下未食早餐肚餓坐低睇menu叫咗一碟滑蛋蝦仁飯同紅豆涼粉冰冰等食期間，捉了一隻小精靈飯未到飲品先來，個冰冰唔錯飯一上，我見到有豉油，食一口原味就知原因....

今晚一行三人到訪，一心諗住食返之前食過幾好味嘅水煮魚，上次叫就水煮桂花魚，諗住之前食過唔會出事，點知賣相奇差都唔緊要，好食就ok，點知就完全無魚味，叫侍應問一問，竟然係鯰魚，估唔到用咁cheap嘅魚，如果我哋叫之前問一問先，一定唔會叫，尤其知道鯰魚係食垃圾大之後，根本唔會食，當然，可能係我問題，有得揀嘅話，死都唔食鯰魚。另一個小菜就正常，而且幾好味，干扁四季豆，跟餐嘅老火湯堅有料，好嘅！

今日下午我們去咗彩雲邨彩雲商場嘅「桃園制作粥麵餐廳」食下午茶！我們叫咗黑椒鷄絲炒公仔麵同豉油王炒麵！黑椒鷄絲炒公仔麵炒得都算乾身，材料都幾豐富，不過味道就比較鹹！豉油王炒麵一上碟嗰陣令我們有啲驚訝，就係只得齋麵，一啲配菜例如紅蘿蔔絲或芽菜絲都無，令我們覺得有啲失望！至於跟餐嘅飲品本來我們叫凍檸茶同熱檸水，但竟然嚟咗凍檸水同熱檸茶！唉⋯⋯真係令我們非常失望呀！

本來對桃園嘅早餐冇乜期望，但細佬話唔錯，好過意樂添!呢日就同細佬食早餐，平日早上唔多人，好快有位。美式早餐 :香煎雞扒+餐肉、煎蛋配蒜香牛油多士 $29大大碟上檯，賣相唔錯，食物夠熱~雞扒配蒜蓉汁，香口~蒜香牛油多士食一塊已經夠熱奶茶普普通通

彩雲邨商場已經翻身左,又是領匯的後遺症,多左連鎖店,少了獨特既大排檔小店。今次試了這間桃園，晚上六點半已有不少人等位，不過二人枱就不用等，立刻入座！看看餐牌，小菜大概$50至$60一款，有些更是推介，我地叫了兩款推介小菜 八寶馬碲煎黑豚肉餅 黃沙豬潤啫啫雞煲 再加$15叫左個猴頭菇排骨燉湯八寶馬碲煎黑豚肉餅: 熱辣辣,好新鮮既感覺,肉餅足料,除了馬碲還有魷魚!本人好驚食肉餅有好肥膏,但這個完全沒有這感覺!好味!另外因為煎既關係,我好想點沙律醬,同個waiter講,佢即刻比到我!開心黃沙豬潤啫啫雞煲:又是佳作!材料豐富,豬潤大大塊而且煮得剛熟,唔會硬!雞肉入味,只是汁太少,撈唔到飯猴頭菇排骨燉湯:沒有味精,但排骨好"un",，都算ok!價錢方面屋邨黎講真係有點貴,但質素幾好!侍應服務周到,會再食既餐廳

自從領滙將附近的商場大裝修後, 增加了不少食肆, 桃園是其中之一.新店開張, 自然多附近的街坊來試新嘢, 所以單是等位已經用了廿分鐘.店內的環境不算擠迫, 但地下有很多紙巾和食物碎, 令人倒胃 !入到店內正是下午茶時段. 看看餐牌, 只有粉麵, 碟頭飯, 咖喱等等正價餐牌, 但茶餐廳必備的下午茶餐卻沒有.魚片頭河粉 $25: 一碗有六小件魚片頭, 顏色很白, 看起來炸得不夠火侯. 魚片頭沒有魚味, 粉多於魚, 而且又不彈牙, 水準以下...浸在淡如開水的河粉, 份量很多, 入口一般滑溜 薑蔥乾炒牛河 $45: 乾炒牛河的份量不多,  河粉炒得不均勻, 部分完全沒有沾上醬油, 白雪雪的, 而且炒功不夠, 河粉黏在一起, 不是條條分明; 牛肉用鬆肉粉腌過, 雖然不硬, 但已經沒有了牛肉的質感和味道.熱鴛鴦很難喝, 茶葉和咖啡用的是下貨, 完全不香不滑, 只有苦澀味, 加糖加奶也補救不了, 是近期喝過的最難飲的鴛鴦.侍應服務不佳, 召喚了也裝作聽不到, 應了客人後完全沒有再來跟進; 單是等落單也等了五分鐘; 送食物上枱又送錯, 水準之低, 絕對有再培訓的必要. 整體上是不滿意的, 無論食