桃園小品 (蘇豪東) (已結業)

係呢間餐廳嘅常客一個禮拜都有幫襯一兩次通常食早餐, 間唔中有食下午茶或者午餐今日食下午茶柯打咗個雞扒米線嚟到覺得雞扒個份量少咗好多, 好奇怪又無端端搭一嚿雞肉同個經理反應佢就入去畀個另一份我與此同時, 發現嚿雞扒又老又鞋又乾基本上唔係正常人食得到！！今次打電話上寫字樓同佢反映CS都話其實唔會煮到咁老咁乾明早第二塊一樣係炸到乾曬！！食物質素低咗咁多嘅價就識不斷加！！再同cs反映, 佢話叫我換第二個餐我換咗魚片角初頭得嗰三嚿畀我我話乜咁陰公㗎, 得三嚿？再打電話上cs先至畀多幾舊我仲有我講畀個cs聽我會寫去openrice, 佢好愛你不理咁話呢個係你個人做法喎真係陰公, 食個下午茶又囈又西又投訴又打電話, 我都話我係常客, 只想靜靜地食一餐跟住埋單走人呢啲係咪公司管理不善嘅原因？！

上星期六晚去鯉景灣趁熱鬧，睇吓蘇豪東舉辦嘅萬聖節小型嘉年華🎃，所以提早六點半晚飯，一行五大兩細選擇去桃園小品，✅係一間性價比唔錯嘅食肆。不過近兩三年來，桃園小品最欠缺嘅就係服務態度，有一位應該係領班嘅男員工😬，負責帶客人入座及落單嘅時候，往往說話粗聲粗氣，從來唔識講一句唔好意思，面部表情好似你欠咗佢十萬八千七。當晚入到餐廳有意外驚喜，因為已經幾乎客滿，但係接待有新一位年青新面孔🙂，馬上安排在門口相連八個座位。過咗幾分鐘就嚟落單，主動覆實點咗嘅四個小菜組合，而且講話態度親和。另外一位接待員亦反應快速，加單一個小菜。雖然桃園小品晚飯套餐最近加咗價，當晚覺得相當滿意，蒸鱸魚清甜肉滑，梅菜扣肉十分下飯，咕嚕肉亦保持一往高水準。希望呢幾位新員工可以繼續努力工作，我一定會多啲幫襯桃園🤗

本身今日想落東大街食嘢，但係冇位泊車所以就兜咗過去嘉亨灣附近，因為附近多標位泊車，一去到就已經有得泊低架車。行咗一個圈之後好多餐廳都拍烏蠅，可能因為大部份都係西餐為主，午餐食set lunch的人比較少。然後經過見到桃園小品坐滿人仲要等位，跟住就入去望一望，見到好多客人枱面嘅嘢食都幾有鑊氣，所以就決定坐低。葱香煎肉餅飯 (多蔥)基本上有接近一半客人都係叫呢個煎肉餅飯，上菜的時候都幾有wow factor🤣🤣 舊肉餅仲大過塊面，真係好粥了，不過下次再嚟真係要記得叫少飯，一個正常女仔冇可能食得晒，肉餅非常香口，葱有熟油鑽過，特別香口，但係又唔會話好鹹，飯底另外有甜豉油，放埋一齊恰到好處🥰🥰巨人雞扒•勁香葱油飯其實巨人雞扒應該都唔錯，不過相比起嘅時候佢個巨人雞扒就一啲都唔巨人😂 普通早餐雞扒一塊，份量反而覺得少同埋有啲寡，所以我都係推介上面個沖香煎肉餅飯多啲。凍檸茶另外值得一提係佢個凍檸茶走甜，凍檸茶黎都係見唔到檸檬，但係原來佢係將所有檸檬已經榨汁放埋入去，做得唔錯，完全冇檸檬皮嘅苦澀，感覺非常之新鮮清新👍🏻咁熱嘅天氣一流

呢個地點呢個價錢已經算吾錯，推薦蔥油飯系列，好香，好惹味😋。另外京都骨應該即點即做，口味算不上驚喜，但勝在新鮮。所有白飯有放藜麥，符合健康飲食需要👍🏻設計餐單也是用心了👍🏻👍🏻飲品方面，所以試下佢哋凍檸茶，唔系一片片檸檬，係真直接攞檸檬肉，飲落少左檸檬皮的苦澀味，但酸甜茶味配得剛剛好😎🍹

帶囡囡去西灣河補習，有個半小時，的確要搵個地方坐下嘆個下午茶。係街望入呢間食店，門面幾吸引，舖內裝修幾好，加上呢個時間裏面較少人，可以靜靜地坐下食下嘢。餐牌封面是這一頁。我喜雞扒，所以唔洗諗，就叫咗右上角既香煎雞扒麻酸辣米線配凍檸茶。加埋$44蚊，可以咁樣休息下個幾鐘，同食得幾飽，都算咁上下。好過去附近間星巴克坐，之前試過坐，只係杯咖啡都三十幾蚊，同埋地方較暗較窄及多人，真係多人，我覺得唔自然。呢度樓底高坐位舒服，坐得耐都ok，加上今日天氣幾好，太陽光充夠棈神。餐牌餐具都清潔食物方面都正正常常無咩可以彈。杯檸茶味酸甜度調配得幾好，好飲。米線湯底好好，應該加了味精，不過正常既。雞扒抵讚，嫩滑夠juicy，夠厚肉。夠晒飽肚。

這位身材細小的男侍應態度出奇差劣! 想炒蛋轉煎解冇得轉唔緊要，叫飲品冇得後上唔緊要， 但係態度呼呼喝喝又唔解釋可以唔叫住。 叫食物未講完一樣已經催你講第二樣。即刻起身走人!之前招呼冇咁差， 今次真係失望。

桃園小品 Momo Kitchen今晚無聊搭小輪過西灣河，出碼頭附近就見到呢間桃園小品，於是入去試試。避風塘艇家炒麵🌶️（💰68）炒麵好入味，配料有蝦同魷魚，見到d辣椒覺得距好辣，食落還可以接受，不過偶爾食到粒辣椒籽後勁十足，都幾辣🤣潮式蠔仔小雲耳肉碎泡飯🦪（💰60）蠔仔好鮮甜，再配合肉碎、雲耳冬菇令整個湯底好鮮甜，有小許胡椒味，但不會搶咗蠔仔的鮮味，不錯👍*飲品跟餐半價

朝早去碼頭搭船返工，最近得哩間想食粥餐，之前有$33 set, 今日睇menu 無晒，得番$39 set, 焗你要晒燒賣腸粉蘿蔔糕重點係想搭8:28 班船，得我1個等外賣，入面亦唔多人，8:15落單，8:30先拎出來，喺正碼頭對面都趕唔切，你催佢都係懶懶閒此處只適合唔駛返工人士慢慢食，及熟客先會有服務。

游完水好肚餓，所以就喺附近覓食，好耐冇黎呢頭食嘢，所以都唔知原來呢度轉左手做茶餐廳。下午茶來講，越邪惡越好味。既然啱啱游完水，所以就盡情地嗌西多士加凍華田。你唔好睇佢上面塊牛油好似好細塊，足夠有餘，查勻晒成塊多士充滿牛油香味，西多士入面有花生醬，再點埋糖漿，邪惡到一個點，加埋杯凍華田少甜，唔知幾耐冇食過咁滿足嘅下午茶。只要我老婆嘅香煎雞扒麻酸辣湯米線，味道都OK，總括嚟講呢間茶餐廳嘅邪惡食物質素幾好，可以有下次，至於服務方面，茶餐廳都唔可以有咁多要求，總之你叫侍應，佢哋好多時都會直行直過。

呢間係西灣河嘉亨灣海旁附近既餐廳，其實都算係菜記，係海旁附近泥講，呢間既野食算抵食了🤣今次2個人食，我就叫左以下2個餐。1.炸雞脾配暑條 附有茄汁醬 獨立包裝 $41呢個炸雞脾好好味 夠熱同脆口 推薦2.飲凍朱古力 少冰 好難飲 😣 5好叫 無味 ，凍飲加$33.花生醬西多士配糖漿$32一般，本身唔太鍾意食一粒粒嘅花生醬 ，所以我覺得麻麻地。 4.飲熱奶茶，呢杯野都幾好飲，推薦，起碼有味🤣

今天本以為開開心心與家人到西灣河挑園嘆個下午茶，殊不知這裏的侍應服務奇差。揸住本Menu舉高手搖動足足1分鐘才有一個侍應不耐煩地走近。其後的對答態度差劣，再換過經理及部長亦都未有改善⋯⋯。在這疫情期間經餐廳業已經十分艱難，但感覺上侍應及部長以致經理的業方式不似是為顧客服務及公司爭取客人的讚賞，實在為桃園管理層及股東擔心！請管理層多加關注這西灣河桃園前線員工的服務水平並立即作出改善，否則前景不敢想像！

黎左幾次先寫食評其實樣樣都幾好食，以茶餐廳黎講算高質啦。係香港開d垃圾低質茶餐廳都大把人食，所以桃園算難得一見有番d水準。最回味係個葱油雞扒飯😂雖然聽落好似周圍都有得食，但咁大方落咁多葱油塊扒又大到cover晒個飯，每啖飯都有汁有葱雞扒又脆皮yummy yummy就真係少有d囉。蕃茄芝士焗飯就略酸，唔知是咪情義結硬係覺得一哥焗豬扒飯係最好味🥲公司三文治好靚仔，係每一份都好平均，包脆料多。酸辣粉，幾正宗喎隻味！算好食喎！呢到既檸茶檸水都係用揸左既檸檬，唔使自己篤的，凍熱都咁大杯，環境又舒服寬躺，價錢同普通茶記咁上下，如果係我樓下開間就好喇

話說另一半因為工作關係，睇怕都SAY GOODBYE TO CITYPLAZA FOREVER了！（希望）既然係咁，就算遠都要出去同老公食餐飯了！今日仲行到去西灣河食老公平時食開既餐廳，睇下到底住係西灣河既居民食啲乜桃園小品係一間裝修好新淨既茶餐，餐廳都好大好多位，座位又闊落難怪老公肯由太古城中心行去咁遠食啦我地一人叫左一個客飯，我叫既係回鍋肉，老公叫既係中式牛柳，佢d 白飯會放d 黑芝麻係度，唔係污糟黎佢既份量真係值回價錢，店員一放低我已經知道我唔會食得曬老公話佢次次黎都叫中式牛柳，雖然我麻麻喜歡呢個餸，但老公咁捧場實有原因既，所以我都夾左舊肉質鬆化好夠味，的確好好送飯，酸酸甜甜咁有啲蕃茄味每塊都幾大舊，仲有五、六件我個回鍋肉好多辣椒籽甩曬出黎，我都OK食得辣就覺得還可以，但係老公就覺得有啲辣，所以佢都只係夾左少少食係茶餐廳食都預左係港式回鍋肉，我覺得呢個質素都已經好好食，都係豆辨醬個啲味啦但就咸左少少個餸就偏油，所以食得就唔好怕肥，食到尾個碟都有幾多油呢度既份量真係大，我食得好飽食淨左半碗飯（但係老公仲可以拎埋黎食）行開行埋唔知食乜都可以黎呢度食返餐

遊畢東龍島，回程船到達三家村碼頭，巧合遇上由三家村碼頭到西灣河碼頭的輪船泊岸，我們乘便登上輪船到達西灣河蘇豪區用膳。選擇去年幫趁過的「桃園小品」。黑椒牛柳粒飯 柱侯牛腩湯伊麵雞扒蔥油飯加半焗流心煎雙蛋熱奶茶 柱侯牛腩湯伊麵，伊麵份量尚可，相信是台式柱侯牛腩，細細粒容易食，柱侯牛腩極少，味道還可。黑椒牛柳粒飯，炒雜錦粒粒的黑椒牛柳粒，味道尚可，祇是過於油膩。雞扒蔥油飯加半焗流心煎雙蛋，雞扒是香脆可口，又焗又煎流心蛋並不流心，蛋白邊就很香脆。去年幫趁過的「桃園小品」，因為與朋友夫婦同用膳，朋友先生對我們兩位女士招呼很週到，所以我沒有觀察到餐館的服務嚴重不足！幸好香港人懂得包容，我亦祈望餐館能改善！

家下啲番茄醬一定好貴，我見佢個餐牌，蕃茄濃湯米線紅卜卜，就叫咗，點知嚟到，得一細劈番茄醬，同個侍應反映，佢話你「不」開就有好多㗎啦。係紅色同埋啡色嘅分別⋯⋯無言⋯⋯不過佢個反應，好似都係答慣咗㗎啦，諗都唔使諗就hea完我走。你覺得貴嘅，你咪寫番茄湯囉，寫乜鬼嘢蕃茄濃湯