桃園小品 (蘇豪東) (已結業)

上星期六晚去鯉景灣趁熱鬧，睇吓蘇豪東舉辦嘅萬聖節小型嘉年華🎃，所以提早六點半晚飯，一行五大兩細選擇去桃園小品，✅係一間性價比唔錯嘅食肆。不過近兩三年來，桃園小品最欠缺嘅就係服務態度，有一位應該係領班嘅男員工😬，負責帶客人入座及落單嘅時候，往往說話粗聲粗氣，從來唔識講一句唔好意思，面部表情好似你欠咗佢十萬八千七。當晚入到餐廳有意外驚喜，因為已經幾乎客滿，但係接待有新一位年青新面孔🙂，馬上安排在門口相連八個座位。過咗幾分鐘就嚟落單，主動覆實點咗嘅四個小菜組合，而且講話態度親和。另外一位接待員亦反應快速，加單一個小菜。雖然桃園小品晚飯套餐最近加咗價，當晚覺得相當滿意，蒸鱸魚清甜肉滑，梅菜扣肉十分下飯，咕嚕肉亦保持一往高水準。希望呢幾位新員工可以繼續努力工作，我一定會多啲幫襯桃園🤗