影片
營業時間
今日營業
11:30 - 22:30
星期一至四
11:30 - 22:30
星期五至日
11:30 - 23:00
公眾假期
11:30 - 22:30
公眾假期前夕
11:30 - 22:30
以上資料只供參考, 請與餐廳確認詳情
嚟咗呢間好似話有啲澳門風味嘅粉麵店食個簡單嘅晚餐🤣$79「虎蝦安格斯 喇沙湯米粉Angus Beef & Tiger Prawn with Laksa Soup with Rice Vermicelli」：麵底有「粗麵/幼麵/米粉/米線」可以揀，咁揀咗「米粉」，米粉夠晒硬，竟然做到有意大利麵 al dente 嘅效果，真係幾啱我胃口🤣；喇沙湯底幾好味😋；牛肉有2種一啲深色啲一啲淺色啲2種都幾軟熟🤣；仲有兩隻蝦🦐肉質幾結實🤣跟餐加 $11「葡式樽仔奶茶•熱」：見到嚟咗一杯「熱奶茶」，店員阿姐話「樽仔奶茶」係「杯上」嘅，都幾特別🤣$38「籠仔蒸雲吞Macau's Wonton」：用個蒸籠裝雲吞都幾得意🤣$33「籠仔腩汁菜芯 Beef Belly Sauce Flowering Cabbage」：用個蒸籠放菜心亦都係幾得意🤣；我哋仲叫咗「全走」，簡簡單單🤣$43「招牌澳門豬扒包 Signature Macau's Pork Chop Bun」：麵包外皮脆脆哋，豬扒煎香咗，少少甜少少鹹，食得幾開心🤣
繼續閱讀
是日同朋友到旺角梁慶記食下澳門米芝連推介。去到都算幾full,好彩好快有位入座。用qr code點餐，我們點了招牌蝦籽撈麵，蝦籽牛筋腩撈麵，籠仔腩汁菜芯，籠仔巨魚旦，籠仔墨魚餅，籠仔炸雲吞，籠仔豬頸肉，籠仔五花腩，凍奶蓋芝士朱古力，凍奶蓋芝士紅豆冰，凍葡式樽仔奶茶，凍檸樂。招牌蝦籽撈麵：蝦籽夠香口，撈粗麵麵質彈牙好味道蝦籽牛筋腩撈麵：除了蝦籽香外，牛筋腩入味又夠淋。籠仔腩汁菜芯：腩汁完美融入其中，菜芯鮮甜可口。籠仔巨魚旦：好有魚香味道，爽口彈牙。籠仔墨魚餅：墨魚餅香口之外，墨魚香有咬口。籠仔炸雲吞：炸得岩岩好。籠仔豬頸肉：煎得香口，豬頸肉肉質有咬口。籠仔五花腩：煎到多餘肥膏都冇晒，香口好味道又唔油膩感。豬扒包：豬扒入味煎得香口，多洋蔥更加正。凍奶蓋芝士朱古力：奶蓋芝士同朱古力比例好夾。諗起再到朱古力返返黎牛奶味又唔爭氣個廣告。朱古力香濃好味道。凍奶蓋芝士紅豆冰：紅豆夠淋，加上奶蓋芝士入紅豆冰又多一層享受。凍葡式樽仔奶茶：茶底夠香，奶茶滑身入口回香的味道。凍檸樂：解暑之選，幾片厚切檸檬加冰底再混上可樂。
繼續閱讀
今日經過，見到佢既鋪面有幾張米芝蓮既證書，就一試下啦！原來佢地由澳門開過黎既，佢地用傳統既竹昇麵，用全蛋去做，唔用機械做，就試下佢既分別先！職員的服務非常好，詳細介紹各種食物同特色；餐牌份量設計都好貼心，可以選擇半份或全份。對於我呢啲眼大肚窄、咩都想試既人來說，點半份就不會因為一份食物而吃得太飽，咁樣可以嘗試更多的菜色。見佢既豬扒包同蝦子撈麵都好似幾好食，但我一個又食唔晒，唯有揀一樣啦最後我揀左牛筋蝦子撈粗麵，加$18要左一個籠仔巨魚旦，同埋樽仔奶茶！黎到既時候賣相幾好，牛筋有三大舊，有幾條菜心，面頭鋪滿蝦子。佢既其中一個賣點係佢既麵質，話唔係機械做既！試一口，真係發覺同出面完全唔同，佢既麵質好有咬口，有彈性，有蛋香味，真係幾好食呀！溝埋啲蝦子一齊食，真係會一啖一啖繼續食架！至於牛筋方面，炆得好淋，但又有果種GEL 既感覺！！而籠仔巨魚旦，味道可以啦，好彈牙!而佢既樽仔奶茶，好好味，唔會好甜，而且仲有淡淡既伯爵茶味！下次經過都會一試！評分：👍🏻👍🏻👍🏻/5整體味道指數：😋😋😋😋/5性價比：💰💰💰💰/5環境：❤️❤️❤️/5服務：✅✅✅✅/5
繼續閱讀
原本經過梁慶記，想入去食出名的蝦子麵。但係已經過咗lunch Time時間，（原來午餐只去到14:30）；如果正叫一人餐（$78）好似唔抵，突然見到另一個餐牌有下午茶。旺角竟然有$35的下午茶，雲吞麵仲要包飲品。 （冷熱均可）雖然食唔到蝦子麵，但係$35雲吞麵好似真係有幾抵。 可以選擇粗麵或者幼麵，還可以選擇麵身比較淋或者硬。選擇了粗麵，比較硬身，雖然$35只有三隻細細隻嘅雲吞，面的份量也不算很多。 但質素尚可，桌面還有免費的酸蘿蔔可以任食。下午茶時間，鋪面細細，但坐滿了客人，雖然位置與位置之間比較逼夾，還需要搭枱，但以旺角來說還是可以接受了。而且服務還可以，老闆招呼還算熱情。下次還是要來試試蝦子撈麵。
繼續閱讀
第一日去完，覺得味道及價錢都很合理，卻在OpenRice找不到。早已想為這間餐廳寫食評，但也擔心寫了食評後，去到要排隊了。連續去咗兩日試咗幾樣餸，蝦子撈麵非常多蝦子，價錢也不貴，配料的份量也很多，無論是豬扒還是蟹黃，味道都很出色。所有肉類都做得很好，例如肥牛、炸豬扒、豬頸肉。飲品也非常特別，味道也很好。唯一失望嘅地方，撈麵的質地及味道有點怪，不是我喜歡的味道。非常喜歡每樣小食，因為份量不大，價錢便宜，可以是很多款，也不會覺得貴。值得再去。
繼續閱讀