梅子貓舍 (已結業)

觀塘工業區有間規模較細的貓貓咖啡店，叫梅子貓舍。上得貓Cafe，食物都是其次，重點是貓咪。這裏十一隻貓都有血緣關係，老闆為他們製作了一個族譜。雖然有照片方便辨認，不過還是這裏的店員最熟識貓咪的名字。令人我覺得驚喜的是咖啡店提供越南滴漏咖啡。店員先端上一個鋁造滴漏壺蓋在上面的玻璃杯，深啡色的咖啡從壺裏滴出來。因為我和朋友點的是冰咖啡，所有咖啡萃取之後，店員上前收走滴漏咖壺，在遞上一杯冰塊給我們。冰塊是啡色的，好似都是咖啡，確保味道不會溝淡。這杯越南咖啡香味濃郁醇厚，有貓貓的陪伴下這個下午非常寫意。越南滴漏咖啡奄列早餐🟡

Mrs Sunshine 除咗鍾意影相打卡、仲好鍾意同朋友girls talk ! 今次就同朋友去觀塘搵猫猫放鬆下！上網完梅子猫舍都幾好、決定一試！果然冇令我哋失望！Cafe 以輕食為主！但有好多猫猫！我哋叫左2個吐司share ! 分量唔算好多、但味道出乎意料之外好食！雪糕配吐司、絕配！🥰🥰🥰猫猫們都非常友善、可以摸同影相！食下野，玩下猫同傾下計！休閒寫意過了一個下午！我同朋友都覺得玩完猫猫好療癒！但由于cafe 位置有限！所以記住環預先電話預約！

如題，只會去一次嘅餐廳🍴我估咁多好評嘅原因係因為貓貓🐱 首先，餐廳其實好細間，位坐得非常之逼。我同旁邊的陌生人相距連一枝筆都無。其他商廈的貓cafe都比這間工廈餐廳闊落好多。 不過，話明貓cafe，貓貓🐱當然都係主角。 貓貓唔怕人，隻隻都好得意。 到上菜時候，咖喱芝士滑蛋飯真係唔錯，咖喱係夠甜，滑蛋都煎得啱啱好，呢個餐整體來講都好食嘅，但價錢真係算偏高，個碟亦都太住家style。然後到我嗰個餐黎到，我真係大跌眼鏡，係意大利黑松露炒蛋配吼多士。首先個外型真係完全唔吸引，好似廚餘 😥 個炒蛋似煎蛋，黑松露味完全唔夠。真係見到都好唔開胃，俾八十幾蚊食個蛋 🤣反而最後嘅嘢飲都比較正常，latte 同焦糖泡沫奶，都正正常常，latte 既拉花都唔錯👍🏻 但間餐廳坐咗20人都好迫，當有一兩個人圍住隻貓嘅話，已經變得好「阻掟」，開左三部冷氣都好熱。好擠迫嘅環境，加上好低CP嘅食物，所以呢間餐廳我應該只會去一次，再去第二次。

見放學得閒就同同學嚟咗食野，開門冇耐就到咗，去到完全冇人，就走先有人嚟。入門要換拖鞋，裝修風格偏日系，座位唔多，但都幾舒服。野食都係即叫即整，要耐心等下。D貓貓唔算太主動，只要主動行過去都會比你摸。冇估到仲可以見到忌廉係度踩奶🥰！中途仲有隻踩過我大髀...呢個好似係午餐套餐？外貌平平，但經艷到我🤩。首先個蒜蓉包烘到好脆，蒜蓉味好足。其次薯蓉入口即溶，又有調味。跟住兜油醋甜甜地唔會太酸。個蕃茄仲會爆汁。漢堡幾新鮮，份量中規中矩，咖喱偏甜口，唔係特別辣，兩者味道融合得好好，但個人唔係特別鍾意甜咖喱，朋友覺得唔錯，鍾意嘅朋友都不妨一試👍🏻。朋友叫左杯水蜜桃乳酸，夠味又唔會太甜。我叫左杯伯爵茶朱古力，茶味還好。得閒會再嚟過🤤

呢間貓cafe 位於工廠大廈cafe 既裝修有住家同舊式感覺感覺到店主十分愛錫貓貓，而cafe 既貓都係同一個家庭，每一隻都十分似樣去既時候係晚上，好多貓貓都訓著左。講下野食而呢間鋪頭既咖哩牛漢堡蛋炒飯十分出色！值得一試

朋友係愛貓之人，所以揀左間未去過既良心貓cafe，不過坐得有d迫🙈·由於同呢個朋友食飯次次都飽到死死下，所以今次決定叫少d因為要食甜品😆😆不過佢地既野食係偏細份，好彩有叫甜品，食埋都叫滿足😋•伯爵茶朱古力。比個名吸引咗，第一啖淨係飲到伯爵茶味，之後攪勻飲又幾夾wor🤤•煙肉芝士忌廉蛋汁意粉。份量比較少，同埋鹹左少少•炸薯角配黑松露醬無影到🙈。不過炸到夠脆，加松露正👍🏼•濃朱古力心太軟with連豬。畫得好靚呀，心太軟好味，加埋雪糕一齊食😋·重點呢度真係好多貓，係真係好多！幸運既話仲可以拍到主子既patpat🥰

今時今日有寵物係餐廳入面的確好吸引鐘意動物，而又吾可以係屋但養既我地，上次去左間有柴犬既餐廳，今次去貓貓cafe去親旅行都想去睇睇其他國家既貓貓cafe，但係總係無時間去到，終於今次可以去睇睇貓貓又食下好野了今次搵到呢間係因為我地想去比較近既黃店，而且見到好多人po貓貓既相，我首先比貓貓吸引到，去到再睇睇有咩岩食坐低之後的確係見到好幾隻貓貓，好得意啊～嚕了好一陣之後，我地先諗到要食咩～我就叫左個法式黑松露燴飯，食落又有我鍾意既gas味，又要芝士味，呢種濕濕地，又拉點芝士絲，再加上軟硬適中的飯，食落的確吾錯，份量都好足，食食下好飽肥，滿足感十足。朋友就叫左個日式咖哩滑蛋芝士飯，睇落都吾錯。我地仲叫左個小食share,最後仲叫左個甜品，我就叫左個心太軟，幅畫畫得吾錯~黃店無誤，食落都吾錯，下次再黎可以食過

食飽午餐附近行吓街，之後想坐低飲杯野食下輕食，附近想去嘅餐廳都好多人，左揀右揀，最後搵到呢間。本身預咗貓cafe野食可能一般，點知非常以外地好食，黑松露炒蛋多士，心太軟，西班牙咖啡，紅苺石榴冰茶，全部都令我覺得好以外，好有質素。尤其係黑松露炒蛋，好香好滑，不過下次會試吓齌啡。至於貓貓，好多都好親人，有一隻(Cola)仲會跳上你大腿比你摸，貓貓走來走去好熱鬧。如果喜歡貓嘅絕對要去試吓。缺點：食物比較慢，如果剛剛坐滿，響外面等可能會好耐。

草根作為觀塘之友，當然一定要發掘附近有咩黃店可揀💛，上星期草根妹妹約左朋友去呢間貓貓Café🐱☕️，食物唔算驚艷👉🏻👈🏻，但係有13隻可愛嘅貓貓相伴🐱🐱，加上理念相同💪🏻大家要多多支持喔！.🍴進入餐廳前，就睇到黃色Memo牆同Posters💛，記得要先消毒雙手🤲🏻，確保貓貓健康。.📍小食拼盤(二人份) ($88)Snack Platter (Crispy Garlic Bread, Spring Roll, Curry Puff, Potato Wedges, Sausages)拼盤一共有五款小食，炸物新鮮炸出🔥，有香焗煎蒜茸包、春卷、咖喱角、脆薯角脆皮腸，款色不算特別，味道可以👌🏻。.📍全日早餐 ($118套餐)All Day Breakfast少女必食輕型All Day 🍳，有煎滑蛋、腸、煙肉、車厘茄🍅、沙律菜🥬、兩塊蒜茸包，😍水汪汪的滑蛋質感嫩滑，👍🏻不錯! 🐷煙肉的肉比脂肪多，不油膩。整體上，🌿清新!.📍香濃肉醬芝士燴意粉 ($118套餐)Spaghetti With Bologness Sauce🍝這個燴意粉煮得比較腍身，😭肉醬質地亦比較稀，幸好芝士能夠拉絲🧀，味道上不過不失。

星期六午市去都好快坐滿，餐類選擇好多，西式all day breakfast ，日式面餐，咖喱蛋飯，日式定食飯，吐司，甜品一應俱全，奐然之任何時間去都岩晒hea 坐玩貓。唐貓好乖，任摸唔嬲，又唔會追打亂叫，地方好衛生唔會周圍都貓毛飛，亦沒有貓便味。味道好平均，餃子烏冬 （湯底ok 濃味）pizza吐司（好味多醬多料），二人併盤 （抵食好好味、尤其多士）薄荷朱古力咖啡，百爵茶咖啡（咖啡配上百爵茶好特別）

最近心情唔多好，功課又多，做到個人好攰....放學上左黎呢間貓cafe坐下同貓玩下放鬆下心情，今次係我第三次黎，每次都好唔捨得咁走，尼度d貓真係好得意，只要買一包貓零食，d為食貓就好踴躍衝過黎店主好用心教我點樣餵，有隻叫cola嘅貓貓好聰明，會識得俾手第一次摸到肉球超興奮食物推介：黑松露蘑菇芝士飯？（唔記得全名）飯煮得好好食，又唔會好硬，又有口感，每一啖都有勁多芝士同蘑菇，正飲品：店主推介草莓牛奶，超好飲！勁推介！尼度有得食又有得玩，收費我覺得好合理，坐得耐d都唔趕（真係好唔好意思）平日黎6點前埋單離座唔收服務費好抵

cafe永遠都係我嘅最愛💛小動物都係最愛💛所以難得一次嚟觀塘，當然要去間有小動物嘅黃店Cafe試吓啦💛Cafe入面嘅裝修唔係特別新淨，燈光亦都比較暗，不過有種懷舊嘅感覺☺️但係如果係為咗打卡影靚相嘅話，呢間就唔係太適合啦🤥餐廳入面嘅座位唔多，大概五六張枱左右，不過可能因為近排有病毒嘅關係，只有兩三台客人🤢🤢🤢店入面嘅貓貓大概有十一二隻（ ？ ）🐱🐱不過唔知係我嘅體質唔受貓歡迎定係點，冇一隻貓肯過嚟我度😿後尾見到隔離枱嘅另一對情侶都係一樣嘅狀況，應該係呢度啲貓貓唔係特別痴人嘅性格🤢👆🏽好似係期間限定嘅鴨肉飯 $128套餐鴨肉唔多，但係好多菜，好健康（但係我鍾意食肉wor哈哈）😹味道係好似和風嘅丼飯一樣，甜口，好多汁好似有少少地一層湯咁，所以飯比較多都唔會覺得太齋嘅套餐包一個味增湯、一個薯蓉、一個小甜品🤤味增湯意外驚喜，入面明明只有昆布，但係有蜆味，唔知係我味覺失靈定係乜嘢，好好飲薯蓉都幾好食，入面加咗香草但係個小甜品就唔得我歡心，貓掌形嘅小蛋糕望落好得意，但係口感好硬，同埋我唔鍾意牛油味，下面白色嘅cream又太甜👆🏽芝士肉醬焗薯角幾好食，正常水準，肉醬偏甜（啱我口味）但係可以多少少肉醬同

🍙等待時間：只要唔係星期五六日去，一般乽大會有位，但還是高度建議各位打電話預訂，另外星期一是梅子貓休息天呢。🍔室內環境：室內環境唔算好大，大概可以容納20人左右，而裏面有成十二隻可愛家貓🐈,店主亦放左好多心血落裝修上，自成一格。靚！🍰服務質素：有一些留言覺得店主態度差，其實佢地只係相對少言，唔笑睇落cool姐，其實好好人，會留意客既需要，對貓當然更nice 。🔺用餐簡評：我就叫左加咖喱牛肉滑蛋飯，首先咖喱汁呢就類似日式嗰一種，香濃又帶點甜味，我個人覺得非常惹味又開胃嘅，以蛋方面呢都煎得相當滑，係你肚餓嘅時候一個飽肚之選。🔹總括來講：一個非常之適合你去休閒自修，思考嘅好地方，愛貓之人必去，唯一不足之處呢就係嘢食選擇比較少。🐈

同朋友黎食lunch，餐廳係工廠大廈裏面。咖哩磨菇飯，汁好浠，完全冇咖哩味。鴨胸好咸，咸到食唔到。卡邦尼意粉好細碟，啲配料好唔夾，意粉好難食又冇味。飲品好細杯，食物又等左好耐，份量好細，價錢貴。環境好暗，裝修冇乜特別。除左有貓，啲貓都會俾你摸下又幾得意之外，完全冇野值得黎。雖然係黃店，有連儂牆，值得表揚，但餐廳黎講cp值真係好低，完全唔推介，唔會再黎多一次，大家亦冇必要黎試，可以懲罰或發掘其他黃店。

近來香港社會氣氛低沉，好多人都悶悶不樂，甚至抑鬱不安。今次筆者就推介大家黎呢間梅子貓舍，讓可愛既貓貓同美食開解大家❤️小貓係cafe內活潑彈跳，非常得意☺️教大家一個小秘訣，如果想吸引貓貓黎你度，可以係枱度放一個大紙箱，貓貓就會好快飛奔過黎，當個紙箱係溫暖的家😂mocha 😊扒有機大啡菇配菠蘿厚多士，健康滋味集一身😊如果肚餓既，呢個all day breakfast就岩晒你，一上枱時貓貓會湧晒過黎，因為太香太美味啦😆 不過佢地好乖唔會偷食😋岩鹽朱古力咖啡，通過左我呢個咖啡達人呢關😊有情緒要抒發出來，食餐好，玩下貓，明天又係新既一天。香港人加油呀💪