梅窩麻糬王 (灣仔道)

營業中

休息中

早兩日見到 @ufoodhk介紹先知原來梅窩麻糬王喺灣仔開左分店(以前飯丸屋個位)，所以lunch time即刻同同事去試🤤。12點半左右去到只有約2~3個人排隊。雖然即場制作，但店家應該預左多人排🤣，所以有成個架既現貨唔使等😋，有啲味仲新鮮出爐熱辣辣！隔一陣再經過已經開始排長龍😂，好彩買完麻糬波波先去買lunch 😝。🔅朱古力 ($7/1 | $35/6)即刻食口感比較普通，口感偏軟糯，返屋企焗熱就更好食🤤，不過同事們都一致好評🖖🏻。麻糬波波外脆內軟，唔會好硬好韌，恰到好處👍🏻。朱古力味🍫夠香又唔會太甜，焗完有少少流心好正。🔅紫菜肉鬆 ($7/1 | $35/6)原本麻麻肉鬆味，不過呢個又唔錯🥺！雖然無咩紫菜味😂，但肉鬆夠多又夠鹹香，推薦一試✨。🔅雙重芝士 ($7/1 | $35/6)芝士味🧀聞落好香，但個人略嫌唔夠鹹味，反而帶點甜味。不過有同事就覺得好香芝士味🤣。🔅經典原味 ($5/1 | $25/6) (圖右下)原味加左芝麻幾香，唔太甜，但唔焗熱就較普通。💬整體其實都唔錯，好抵食🥺，建議要焗熱食！外脆內軟，煙韌程度啱啱好😍。BTW其他分店好似分唔同時段出唔同既味，唔知點解今次可以

其實麻糬同面包🥯都好難🤯寫夠最少字數，不過為咗做第一☝️篇食評，都係要寫d嘢。我之前已幫襯過北角既梅窩麻糬王，真心正。知道灣仔開咗新店，即刻去排，點知現場幾十人，但大家都好有秩序沿欄杆排，最後排咗十五分鐘先到我，好驚🫢賣哂，平時得兩種味，點知紫菜肉鬆麻糬剛出爐，加埋朱古力🍫同原味就有三隻味揀（平時六隻味輪流出兩隻）。之前北角有限買令話一個人最多買12個，但每隻味6個又超過咗限購令，正諗緊要邊兩隻味時，男店員話原來限購令係一隻味12個，所以我每隻味6個係冇問題👍，我就叫咗三隻味每個半打，原味$25六個，其他味$35六個。原味係凍既，不過朱古力🍫同紫菜肉鬆係新鮮出爐所講仲係熱，所以冇封口費事有倒汗水💦。不過原味同紫菜肉鬆味既外觀一樣，我問男店員點分，佢話原味個袋印咗「梅窩麻糬王」，但紫菜肉鬆味冇印。返到office請大家食，自己用筆寫番味道費事講咁多，最搶手係紫菜肉鬆味，之後係朱古力🍫味，再之後係原味。我三款食哂，最好食都係紫菜肉鬆味，甜甜地，外脆內軟，之後係朱古力味，有流心感覺。極力推薦新鮮出爐係好食😋好多。

灣仔新開人氣麻糬王 呢間係北角好出名 近排係筲箕灣開咗分店 岩岩仲見到灣仔又有新分店 仲試業緊 路過去左試試.去到好多人排隊 keep住都有5個人去到只有⭐️紫菜内鬆餡 麻薯$35一袋6個買左一袋 打開見到有7個 開心 （原來因為試業送多個比你）😋因為新鮮出爐 熱辣辣 表皮亦都係烤過果種脆口😋幾香口 少少似 蛋捲 叉燒酥果類香口感入面空心 表皮薄 有少少肉鬆味道係常見麵包店沙律肉鬆卷味道🤔雖然好食 但麻糬黎講 做唔到煙韌感 要注意🤔如果想食呢個味 我會食番沙律肉鬆卷 會更開心.見到1715 原味就黎出爐 等多等試埋你啦⭐️經典原味麻糬 $25 6個 （同樣試業多一個）👍🏻同樣新鮮出爐外面 又熱又脆 好香口唔同嘅係 呢一款中間 做到少少煙韌感覺我個人反而鐘意原味多d$25 6個算抵食 值得一試.整體評價中上 但未到必食之選現時優點 好大程度 因為新鮮出爐佢地出品做得偏硬偏乾 所以脆度比其他人高如果唔係即食 好容易中伏 加熱後都唔會Q彈所以鐘意軟熟朋友要注意.如果日後競爭大 多分店估計風潮過後 可能評價會急轉直下..#梅窩麻糬王 (筲箕灣)地址：筲箕灣東大街76A號地下B1號舖灣仔店係標記雲吞

上網睇有人介紹新開不久麻糬波波專門店，又係長龍店，就特登過去潮聖一下，去到若有10多人排隊，不過人龍去得好快，唔洗10分鐘已買到，本來想買朱古力同肉鬆，但淨返原味同肉鬆（可能晏左5:30pm),一拎上手係熱嘅，但一咬落去係硬嘅，完全冇麻糬煙靭口咁，有啲失望，唔知係咪太忙焗過龍，定佢招牌係朱古力同芝士，見人哋post北角分店好正咁，好在唔貴，有機會經過再試埋其他口味P.s擺到第二日再食返，反而好食左，起碼冇咁硬