梅花邨小館

營業中

休息中

長沙灣傳統潮州食館朋友同大廚訂咗15人一圍餐潮州凍烏頭魚超級新鮮 凍魚肉質鮮嫩點豆豉醬滷水鵝肝滷水鵝拼盤鮮炸蟹鉗平時出面食嘅兩倍大酥炸蜆肉卷一帆風順英䱽魚 起肉炸花螺鹽焗雞梅菜扣肉蠔仔粥呢間傳統潮州打冷 正宗好食服務態度非常好 值得試吓

良朋共聚～椒鹽九肚魚合格，能做到外脆內軟又不油膩，要挑惕的話外皮炸漿稍為有點點厚，個人俾85 分 （100 分滿分），如果炸漿可以再薄啲啲、炸的時間再小一、兩分鐘就完滿。～ 凍蟹合格～鹵水鵝（下庄）鵝肉係我喜歡的帶骨斬件式，鹵水做得不錯，淡口幽香，鵝肉入口嫩滑帶點鵝脂嘅甘香，正！必食推薦之選！～凍烏頭火喉掌握好，魚肉入口嫩滑，要挑惕的話下次記得要走油（舊派師傅會在上碟前在魚肉身上掃上一層油）。～鹵水併盤新鮮（冰鮮）帶點點肥膏的鹵水鵝腸一定要食，其它的豬大腸（急凍貨）和鵝腎就輕嘗可以了～荔芋香酥鴨味道合格，要挑剔的話廚房炸物嘅油要勤換啲～鹽焗花螺雞噱頭嘢，人多（6 位以上）可以一試～煎𤐶餅失敗之作，𤐶餅入口老、太乾、不夠煙靭，問題應該出在水、地瓜粉漿和雞蛋的比例，另外𤐶仔份量太小，油炸又過咗火。。。～沙嗲炒牛肉豆牙本來要求嘅芥蘭賣哂而轉嘅豆牙上枱水汪汪、失敗！牛肉係港式茶餐廳做法用”師傅”醃到滑潺潺。。。靈魂嘅沙嗲醬淡而無味，三樣加上一起嘅結果係失敗中嘅失敗！～面醬炒小塘菜合格，要挑剔的話下次師傅可以試吓先用熱鑊滾油爆香啲薑、加上面醬份量多兩陪，之後薑、菜、面醬3 樣一齊猛火爆炒3 分鐘

辛苦咗成個星期，決定今日中午飯要好好慰勞自己🤣🤣 今日要食鵝肝！於是乎喺荔枝角見到呢一間梅花村小館有鵝肝食，決定入去試吓。1. 鵝肝雙拼飯 $109我揀咗鵝肝配鵝肉飯，首先鵝肝嘅份量非常多，應該有一整個鵝肝嘅份量。鵝肝滷水滷得好入味，咬落去軟綿綿，絕對唔會比法國鵝肝遜色。跟住鵝肉又好好食，鵝肉嘅脂肪其實比其他家禽少，所以如果處理唔好就會變得好柴口。而呢一間餐廳嘅鵝肉煮到好林，完全唔會有腥味👍🏻👍🏻👍🏻今餐我覺得食得好抵，大滿足❤️❤️❤️🍓🍚

一行7大兩小 叫左：小炒皇。 好油 好咸 黃金伊麵。 又係油底 賣相唔靚烏頭。 等左一個鐘先話賣晒梅花骨。 得5舊肉3舊桃 韮菜豬紅。太咸椒鹽九肚魚。好咸滷水什拼。唔錯粟米魚肚羹。一般味道蠔仔粥。係唯一好食既咸肉介菜煲。煮不出味道 肉似烚熟咁環境算唔錯 茶好飲 但我地坐樓上 要行二十幾級樓梯 老人家就要留意下食物就改善一下份量 咸甜味道 每碟餸都唔見有擺盤 看似大排擋感覺 唔吸引 服務態度都可以 但叫條烏頭第一次追係話要20分鐘 第二次追就話賣晒 哩個我就好失望

餐廳唔太就腳，長沙灣 / 荔枝角都要行大約十分鐘，附近無泊車位，只可以泊街，好彩都可以泊到門口，但唔知會唔會唔好彩要加$320埋單 前菜出色，酸菜唔會太咸太酸，花生夠脆夠熱氣，正呀！拼盤價錢實惠， 入味，數量平均，唔知一味紅腸多 凍烏頭唔算太肥，啱我口味，但如果鐘意多魚油就未必岩啦！個醬偏咸 炸雙棗味道偏淡，同埋我哋唔係好分到 2 種口味嘅分別 重點推介： 古法青衣柳煲  （唔記得影相） 好新鮮！味道有啲酸，汁都撈埋 總括不錯，係下層枱同枱之間有啲迫 ，上層好啲，地下有啲油，星期六日晚飯好多人，要BOOK定枱 

我同屋企人間中都會黎食下飯，因為呢度d潮洲菜比較啱口味，比較似我嫲嫲煮開嘅味道，可惜嫲嫲已經唔喺度，只可以黎呢度回味一下啦。通常都會叫滷水鵝，滷水拼盤，蠔餅之類，琴晚想食春菜，但問侍應佢話冇貨，介紹左個鹹肉芥菜煲。一上枱，見個湯底幾吸引，飲左半碗仔，估唔到幾好味喎，有淡淡胡椒味，但又頗清甜😋，相信下次都會再叫。特別要講下佢d飯前小吃，佢個鹹菜真係好好味，唔係死鹹，會係甜味比較多d，令你食完想再食。仲有個炸花生小魚仔，香口鬆脆，回味無窮，不過食得多就容易熱氣囉😝仲有佢個甜品，每次都會叫白果芋泥，細細碗，比較甜同飽肚，兩三個人食一碗就差唔多，總覺得佢之前比較好味。

我同女友兩人入座，有訂座，場內客人唔算多，不過樓上似乎仲有客人包廳，一直出圍頭菜，最緊要都係生意興隆！餐廳免開瓶費，不過要求高嘅酒友最好自備酒杯我地兩位叫左兩個小菜一碗白飯：魚香茄子煲 $ 88煲仔細細份量十足，始終係薄身金屬煲，感覺比瓦煲細而似好少茄子夠淋，肉碎多，夠鑊氣，唯一問題係油多咗啲，不過係可接受範圍梅菜扣肉 $ 98腩片約 7 - 8 片，顏色好靚，腩肉蒸到好淋但未到煲湯肉，非常軟滑梅菜調味到位，鹹甜平衡，拌飯一流價錢中上，不過以呢個時代計合理，但可自來酒水要讚有收茶芥費，有提供茶同醃菜 $ 10，雖然唔需要，但好耐冇食過中式醃菜同認真真係超好食姐姐服務唔錯，見到我個袋太大就建議我放喺吉櫈，不時亦會加熱水BTW 好似冇加一

長沙灣和荔枝角每到午飯時間總是水洩不通的，一天路過看到這間梅花村是吃潮州菜的，因為附近很少潮州菜館時午餐也開的，同事們都說想試一試。餐牌上午餐的價錢實在平民兼抵食，我叫了一個鵝片拼墨魚飯，鵝片的厚薄度控制得很好而且滷水汁的味道亦不會過鹹，真是很好送飯。而墨魚片方面，亦很爽口，其實有個特別令我驚喜的地方，我覺得梅花村的飯煲得很好，有一種煙韌的口感，並不會似外面的茶餐廳般經常將飯煲得很琳和變得一嚿一嚿不夠分明。

呢間有個北角店呢間就相對無咁多人知😉梅菜扣肉上枱熱辣扣肉食皮同脂都入口融化不過個醬出事因為好油呢款餸係肥ok既但吳係成口油咁🙈但除左油既問題其他都ok滷水併盤有腩肉片: 過肥，成口油酥味紅腸: 正常墨魚: 夠爽👌🏻👍🏻豬腸: 有適當既脂，味吳配👍🏻👌🏻豬耳: 爽口，又入到滷水味👍🏻🤨滷蛋: 味吳出🥲蜜餞梅花骨整體像 中式牛柳咁整成既 金沙骨好送飯🤨👍🏻多肉結: 不錯合格之上既水準👍🏻#梅菜扣肉#滷水併盤#蜜餞梅花骨#梅花邨小館

不建議！味道差，份量小，價錢貴！ 200一碟一隻既鮑魚仲有腥味！有無搞錯？超市35蚊買既罐頭鮑都好食過尼碟嘢！ 蠔餅既話可能係大家做法唔同，尼間就係粉多過蠔仔，食落好似蔥油餅咁，感覺好唔同！ 牛仔骨份量好小，可能租貴？味道一般，唔香口。好難食！ 我個人不會再去第三次！😭😭😭因為今次係第二次去，上次去已經覺得好難食了！估唔到宜家仲差過上一次😭😭😭😭😭😭😭再多一次唔好既體驗！😭😭😭😭😭😭😭😭😭！

The food is always consistent when we visit this awarding restaurant with a humble traditional setting. This time i brought along with my friends to try this restaurant again. Our favorites are the braised slice goose meat, fried chiu chao noodles and satay beef!! The braised slice goose meat is very juicy and fresh. Their chiu chao noodles and satay beef are significant chiu chao dishes. Their chief cook them well and taste is amazing.We love going back there for dinner as the dishes taste grea

梅花邨以前只知北角有，食打冷食潮州嘢呢一間算傳統，原來長沙灣都有間分店。🖍呢度除左餐牌上潮州菜，仲有特別炮製巧手私房菜要提前預訂(一帆風順鷹鯧魚、石榴雞) 🖍前菜咸酸菜好味到可以食幾碟。🖍呢度滷水做得出色，滷水拼盤必食。🖍椒鹽墨魚條，炸得酥脆彈牙🖍粉絲蝦煲，上檯熱辣辣、粉絲入晒味🖍一帆風順鷹鯧魚，造型似帆船，魚肉封煎、肉質夠嫩、條骨拎去椒鹽都啖啖肉🖍甜品「反沙芋頭」，即叫即做，外層比砂糖包實，入面熱辣辣，芋頭又夠粉。🖍菊花石榴雞，用來包裹餡料的蛋白皮極考功夫，入面包住雞肉、馬蹄、蝦仁等材料，鮮嫩不膩。🖍蝦乾鮮竹浸勝瓜🖍瑤柱魚香炒桂花魚肚🖍招牌沙嗲牛河🖍鹽焗花螺，上檯再用火燒下，熱辣辣好鮮甜，入面可以放隻雞去焗，但師傅話我地食吾曬，叫我地唔好😂到最後真係飽到食吾晒..❤️呢間係傳統嘅潮州小館位於長沙灣內街，舊式裝修，上下兩層樓上雅座，光猛地方乾淨企理，今日有緣見到老闆坐陣冇架子、侍應都有禮，上下一心有講有笑，值得一讚。食物份量正常，吾叫特別野價錢亦唔算貴😊😋 ❣️Pan Fried Chinese silver pomfret❣️Deep-fried Taro chip coated with

食物味道: 我覺得唔係所有菜式都好味，所以要揀適合自己心水嘅口味，例如：「蜜餞梅花骨」係廚師推介嘅菜式，亦獲得好多食評讚賞，所以叫咗一客試吓，但我覺得平平無奇，唔係個人嘅心水，反而比較少人品題嘅「反沙芋頭」就做得好有水準，即叫即做，上枱熱辣辣，芋頭又粉又香。食物份量: 幾大，以四個人一碟係綽綽有餘價錢: 唔貴，都係大眾化嘅價錢環境: 從比較老舊嘅裝修睇，呢間係傳統嘅潮州小館，並非新派食肆，不過地方都算企理乾淨。服務: 老闆、侍應和廚師都斯文有禮，值得一讚回頭指數(10分滿分): 8分

知道哩間潮州菜好耐，今日book左食午餐。鋪仔吾大，大概10多張檯，好在夥計一早叫我地訂位，到12點20都坐滿啦。服務OK啦！餐具都幾乾淨，有主動比熱水你洗。優點-午餐吾加一- 上菜快- 調味幾好啦- 防疫工作算OK啦！改善點-所有炒野都太多油-性價比不高-潮州野吾算多同好。蜜餞梅花骨（$88）3分- 排骨帶肥幾淋，蜜餞味吾強，但整體幾好味，可惜系排骨無乜鮮肉味。韭黃炒青衣球（$118）4分-碟頭夠大，韭黃炒得幾爽，魚肉又厚，魚味都OK。滷水鵝片（$138）2分- 鵝肉幾鞋同無鵝肉味。滷水鵝同豆腐都吾入味。招牌肉碎粥（$58）2分- 菜牌寫蠔仔肉碎粥，原來無乜蠔仔同方魚，大部分就系肉同紫菜，以咁價錢去滿樂都食到，絕對吾值得。以一家潮州菜館，可以話系幾失敗。梅菜肉碎炒飯（$60）4分- 熱的時候幾好味幾香口，超得一粒粒，凍左一震已經吾好味，但肉碎吾多，用來檔午餐就可能無料到。

荔枝角食肆選擇多，這天想和同事坐久一點，便從荔枝角往長沙灣方向走，來到這間梅花邨小館吃午飯。時間尚早，餐廳還不是太多客人。聽介紹這裡是吃潮洲菜，午餐選擇也有滷水鵝菜式。不過怕鵝毒，我們便點了滷水五寶飯。午市套餐包飲品一杯，今次試了柑桔蜜。柑桔蜜有點驚喜，因為沒想過是咸柑桔，比普通餐廰提供的韓式柚子蜜多了份正氣柑桔蜜不會太甜，味道剛剛好 (圖中為未搞均的樣子)當日店內都有多枱食客叫了這個五寶飯，五寶飯有豆腐﹑紅腸﹑蛋﹑豬肉﹑豬耳，頗豐富。白飯配上滷水汁，不會太乾。