梅 日本料理

營業中

休息中

服務態度好好🥰🥰好有禮貌今次黎慶祝生日 佢會幫手雪蛋糕仲唔會收切餅費 比埋碟你😳真係好好啲魚生又新鮮 價錢又唔算貴 cp值高！今次已經係食第二次🤤黎駱駝漆大廈一定要試下依間叫左個沙律同埋丼飯啲壽司都好好食附上埋第一次去食的相片

難得去行觀塘駱駝漆，試吓依間日本餐廳！一入去已經滿座，訂位都要等！土佐雙式魚好食😋日式餃子🥟👍🏻午市定食好抵食！份量不小，三個人叫咗兩個午市定食加二個小食，好滿足！會再有下次

最近公司搬咗過嚟觀塘本身對日本嘢好有興趣舊公司地址喺葵芳，最好食嗰間叫壽司郎早幾日午餐嘅時候上過嚟食一次，海膽三文魚飯盛惠128覺得唔錯三片三文魚腩三片馬糞海膽一嚿吞拿魚蓉一嚿玉子燒今日遲咗收工食埋先返屋企，有諗過呢間有冇晚市打開OpenRice見到收9:30即刻上嚟晚市雖然冇午市咁抵，但係比起出邊已經算好平食咗咁多間舖頭中過咁多伏，呢間個性價比系高到，我覺得佢會唔會好快捱唔住不過佢咁平，午餐上多幾次嚟食都得今日晚餐食咗個梅花丼兩片鰤魚三片吞拿魚三片三文魚腩兩粒帶子一隻有頭甜蝦兩片馬糞海膽一隻匙羹三文魚子盛惠168冇+1 紅茶花傳玻璃樽桃茶 5蚊支，單叫7蚊真係會擔心平到咁，會唔會遲早消失？全部都質素好高，不過係吞拿魚有筋（利申，可能我唔識，好少食吞拿魚）另外佢有送麵豉湯同沙律，不過我唔食菜麵豉湯正正常常囉，唔係特別好飲，但都唔差總之我未來喺呢邊返工，一個禮拜起碼食一兩次目前呢兩次都係同張相一模一樣嘅希望唔好要我追加評論鬧佢啦

今日老細無返工，放lunch去駱駝漆工業大廈三期搵嘢食坐耐小小，行經過呢間日本料理，就選呢間入去試吓，我叫左一個雜錦魚生飯set, 同事叫咗一個咖哩飯set, 賣相一流，仲有沙律、麵豉油，全部都啱胃口，魚生新鮮的，埋單都幾驚喜喎，價錢非常公道，同同事異口同聲話一定要介紹朋友來吃

好耐都冇同朋友出來晚飯，話就話唔洗帶口罩，不過係條街度仍然都係罩不離口居多，尤其係人來人往既觀塘。約咗朋友係駱駝漆中心，真係第一次去，本身約七點食但六點半已經到咗，人多到等𨋢都等到夠鐘😅依類工廈真係好大，都有各式各樣小店。 朋友試過依間日本菜話幾好，聞說係新開冇耐，客未算爆，環境都唔錯。好耐冇食刺身丼，見到一個火炙三文魚子海膽丼，職業病發唔通淨係得三文魚子？當然唔係啦🤣一份定食主菜附送沙律同麵豉湯，$139，晚餐價錢唔算貴。刺身既質素都可以，件數都夠多，飯就係正常份量，大食既朋友可能未必夠😅 依度每個員工都好有禮貌，係由心而發可以感受到，當埋單時更係少見既雙手遞單，真係抵讚👍梅 日本料理觀塘開源道60號駱駝漆大廈3座11樓S室#港飲港食平靚正 #日本菜 #晚餐 #觀塘美食 刺身丼 #火炙三文魚 @foodiehck2022

親民價就食到厚切刺身/丼飯🤩🤩位置鄰近地鐵站，好易揾👍🏻環境寬躺舒服，好中意佢個日式紙傘同浮世繪佈景🤭野食方面，種類多，CP值高😋🔸梅花丼好足料！滿滿的，大大件，又夠鮮，冇腥味，食到好飽，大滿足🤤🔸三文魚腩刺身每片都係厚切！而且仲切得好靚，厚度平均，正！🤩🔸大阪黑咖喱芝士豬扒丼都幾大碟，咖喱汁煮得唔錯，炸豬扒香脆，炸粉唔厚，同上面塊芝士一齊食，味道多種層次😝

午餐時間一點多黎到，排左一陣隊好快有位。一進店感覺是太熱鬧 ？ 還是太逼夾？枱與枱之間幾乎沒有空位…比茶餐廳還要逼夾呢…Set lunch 選擇都算多點了A 餐 和 C 餐A餐 三文魚親子盛盒配昆布烏冬和風沙律 $78烏冬份量比相像中多得很，加埋壽司一起份量有點多。沙律味道正常烏冬都算彈口，湯底甜甜的似壽喜燒味多過昆布味。三文魚都算厚切，但只可以話放得落口，壽司飯太硬，完全冇三文魚味，火焰三文魚陣燶味太重。感覺超級市場買的壽司更好C餐辣汁三文魚丼配麵豉湯和風沙律$75相比A餐，C餐份量有點小，如果再多幾件刺身，感覺會吸引一點。至於性價比方面，就見仁見智了$7x 食個午餐，觀塘仲有大把選擇

呢日朋友話想食日本野，不過觀塘選擇其實唔算太多，見到駱駝漆有間壽喜燒幾吸引，不過無提前訂檯就食唔到，最後轉移陣地黎左呢度🫣閒日夜晚都係得小貓三四隻，但以人均百幾蚊黎講，食物算係有誠意，同埋個侍應都好勤力斟茶水，生意認真難做啊😮‍💨▪️ 梅壽司盛盒12件配蟹子沙律、雞肉棒串一客（7/10）💲139壽司盛盒有三文魚、吞拿魚、油甘魚、帆立貝、蟹籽辣三文魚粒、炸蝦卷，大致上都幾新鮮🍤當中辣三文魚粒幾惹味，同埋炸蝦卷都脆身香口，唯獨係吞拿魚有啲筋一般般🤫而串雞肉棒有唔少雞軟骨粒，增添唔少口感，相信配埋生雞蛋無咁乾仲正🐔▪️ 軟殼蟹卷4件（6/10）💲55軟殼蟹外皮薄脆，但成舊好似無咩味咁，比較遜色🦀️朋友同我一致覺得炸蝦出色啲🤪▪️ 玉子燒 （7/10）💲48面頭有大量蟹籽、木魚絲、火炙芝士同沙律醬好足料，入口亦都幾香，不過玉子燒得比較熟，如果嫩滑返少少就更好🍳🔎 整體評分（7/10）

去觀塘工廠大廈玩完密室逃脫，之後就去觀塘飲食勝地駱駝漆工廠大廈開飯， 今日揀了開張只有幾個月的【梅 日本料理】。裝修簡陋，只在牆上掛了幾幅東瀛仕女圖塑膠畫布；但另一幅牆上就有兩三塊寫著「台灣省菸酒公賣局」的牌匾裝飾品 ⋯⋯ 感覺有點格格不入，明明是日本料理，但就用了這些台灣風味裝飾品，到底是什麼一回事？除了兩張簡單自選餐單之外，還有幾張圖文並茂的推介午餐及新出品。每款日式料理都有幾款選擇，感覺是典型港式日本料理。名古屋炸雞拉麵（$78）日式炸雞係典型港式處理方法，冇必要地加入沙律蔬菜及沙律醬。表面脆醬唔夠香脆，一口咬下去後，內裏的雞肉同脆醬完全分離；炸雞味道亦麻麻。奶白色的豚骨湯拉麵賣相同味道俱一般而已。近年食得多味道正宗的日式拉麵小店，全部自家熬煮特色豚骨濃湯，好味過這碗拉麵的湯底好多；面前這個湯底味道有點假，好大機會是濃縮湯包開水翻滾而成。拉麵味道麻麻，有相當重的食用鹼水味。三文魚腩拖羅蓉海膽丼（$128）剌身份量夠多，三文魚腩、海膽、吞拿魚腩蓉鋪滿白飯上面。味道方面當然不可能要求高級鮨店級數，但合格，好過迴轉壽司店少少。鹽燒溫泉蛋牛小排丼（$90）好鹹，同預期中日式醬汁的香甜有

兩個女仔食左四樣野 有刺身丼 有沙律 有卷物 同一碟壽司賣單剛好300蚊多啲啲但兩個唔細食嘅都飽到食剩野🥺是次慶祝生日 買左一舊蛋糕仔員工冇收我地切餅我地冇叫野飲佢地都有密密咁斟茶比我地份量足 性價比高 服務好好 一定有回頭個背景好靚下次霸到個張枱影相就好🫣ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ田園軟殼蟹沙律（$66）份量足嘅 軟殼蟹炸得剛好 唔會話過乾 作為開胃前菜好好～ 蟹肉蟹膏壽司（$18）- 鮮甜 好味🤣油甘魚魚籽海膽丼 （$140)各方面都好足料 油甘魚食落淡淡甘甜 油脂都夠 厚度我覺得好fit同朋友一致認同海膽冇腥味 夠甜 啲魚籽好多 我地真係飽到食唔哂啲飯 我都夾左好多粒魚籽食😂呢個價錢本身唔expect會有味噌湯同雞肉串～ 係意料之外🤔鐵火拖羅蓉卷（$52）我平時就好鐘意去超市買toro刺身食呢個價錢 我覺得真係好抵，當然上面塊toro唔會話超厚喇 但係比我想像中厚，仲要好好食🤤

最近好多朋友都去日本旅行，搞到我都心思思想食日本野，見駱駝漆有間新開嘅日本餐廳，就決定上嚟試下。依度星期六晚市都唔算太多人，崴餐廳裝修充滿日本風格，啱曬三五知己一齊上嚟食飯傾計。餐廳食物選擇超級豐富，壽司、丼飯、拉麵都有，連小食嘅選擇都好多。我見餐牌嘅壽司set幾吸引，就叫咗個壽司盛盒。我朋友唔食魚生，就叫咗個丼飯set。梅壽司盛盒套餐（$139）依個壽司set超抵食，有成12件壽司，仲要大部分都係魚生。魚生件件都好厚切，特別係個帶子壽司，超級厚身，而且好鮮甜。個set仲包咗個細沙律同雞肉棒串，個沙律超多蟹籽，個雞肉串啖啖肉，完全冇因為跟餐就送就hea 人，女仔食曬成個餐都幾飽下。鹽蔥燒牛肋肉丼（$86）依個飯係我朋友叫嘅，偷食咗佢一啖個牛肋肉，個牛肋肉好淋好香，有成五塊之餘每塊都幾大塊舊，加埋撈咗蛋黃嘅飯真係好好食。個餐除咗跟個麵豉湯同沙律之外，仲有兩個泡芙做甜品，真係好抵食。

是性價比非常之高的日式餐廳！絕對會推介俾其他人。三文魚肥美。魚籽又勁好味。仲要又多又大碗！沙律又係好好味，飯同送比例好好。坐位也寬敞，上菜都快，打工仔中午去食都唔會太趕。

梅 日本料理💮@plum_japanese_restaurant 每次去駱駝漆都要等好耐先入到𨋢😮‍💨 所以今次決定搭𨋢去到最頂層12樓，再慢慢由上而下行落去洗樓睇下食咩，行到10樓就發現呢間新開嘅日本餐廳🎏梅壽司盛盒 配蟹子沙律 雞肉棒串 🍱三文魚｜呑拿魚｜油甘魚｜帆立貝｜辣汁三文魚｜海老蝦卷一次過可以試到6款唔同嘅壽司，總共13件，平均一件$10左右，超抵食‼️除左壽司套餐常見到嘅三文魚同呑拿魚之外🍣 比較貴價嘅魚生都有，仲要係厚切添😍 油甘魚魚味甘香肥香，肉質結實爽口🐟 大大粒刺身帆立貝，肉厚鮮甜🐚辣汁三文魚係切成大大粒，正正方方咁🟧 唔會話堆埋啲切淨好碎嘅邊位出貨🔪 份量好多，差唔多跌出軍艦以外🛳沙律有蟹籽、車厘茄、粟米同沙律菜， 再淋上日式胡麻醬，清新爽脆🥗 以配菜嚟講，份量絕不吝嗇！日本居酒屋嘅必食🏮 啖啖免治肉，肉質滑順，配埋香甜嘅日式照燒汁🍖鐵火拖羅蓉卷🔥粉嫩嘅拖羅上面堆滿蟹籽，壽司飯中間塞滿拖羅蓉同青瓜🍙 唔似平時嘅卷物咁用上青瓜粒，而係將佢切成細絲，口感更加豐富🥒卷物嘅飯粒握得夠緊密👍🏽 夾起來唔會好易散開，所以最滋味一定係一口一舊🥢 不過因為大大舊好足料，但又唔想分

平時去觀塘都會去駱駝漆個邊搵下野食，見到呢間新開嘅餐廳裝修幾日系又唔貴，就試吓。油甘魚蟹膏海膽丼 $128好足料！厚切油甘魚好重油香味，海膽鮮甜唔會得2啖仔。最驚喜係蟹膏多到可以撈曬成碗白飯，一個人都未必食得曬。套餐仲送泡芺，估唔到係流心架。鐵火拖羅蓉卷 $52 🍣估唔到咁大舊，一啖食唔曬，要分幾啖。面有塊吞拿魚同玩蟹籽，壽司飯包住嘅拖羅蓉超多，真係啖啖都有拖羅蓉。鰤魚 $20 開始唔知係咩魚，原來外貌有啲似油甘魚，但佢嘅肉質更加紮實，清啲。火炙三文魚 $20火炙三文魚永遠唔會令人失望，更加帶出油香味。.炙燒左口魚裙邊 $20成日覺得左口魚裙邊一定要燒一燒，魚裙邊油脂融化咗超正。食咁多野都只係兩百幾蚊，真心抵😍

週末時間係駱駝漆大廈行下啲小店，晚餐就打算隨意搵間鋪頭食，食完可以講價錢味道都優勝過連鎖壽司店，超值得黎食！油甘魚蟹膏海膽丼 $128大大片油甘魚，仲有好多既海膽，又有玉子配搭，用料完全唔慳！最重點個蟹膏真係勁多，撈飯可以令到每粒飯都金黃色，夠曬味道！飯量都好多，可以話係兩個人食既份量。鐵火拖羅蓉卷 $52一口都食唔曬，份量好充足，而且係火燒過厚切拖羅包住大大舊飯，再包住滿滿拖羅蓉，雙重口感勁吸引，大份又好食！鰤魚 $20質感有啲似油甘，但冇油甘魚咁油香，質感都好肥厚。火炙三文魚 $20炙燒燶邊三文魚，油香味一咬慢慢散出。炙燒左口魚裙邊 $20同樣熱辣辣燒到好香口，最重要條邊真係脆口好食。