棋哥燒鵝餐室

營業中

休息中

每次行去巴士站既時候都經過見到呢間棋哥燒鵝好多人食！今日屋企唔夠餸，咁就黎呢度斬料先係門口見到啲燒鵝、燒腩仔都好靚燒腩仔塊皮睇落已經好夠脆我就係最鍾意食呢種價錢都唔算貴棋哥叉燒顏色睇上去比較深色，好明顯燒得好夠火候適當既焦香令叉燒更好味食落好有驚喜肉質好軟腍，完全無筋的，而且肉味夠突出，外層既又唔會好硬，咬落去成舊係融合到超好食！蜜汁叉燒當然少不了個蜜汁，平時食既叉燒個蜜汁味比較濃，但棋哥叉燒既蜜汁岩岩好，除左食到蜜汁味，仲可以食到焦香味&肉味脆皮燒腩仔塊皮好鬆脆呀而且完全唔會有肥膩感肥瘦適中，肥瘦比例應該係1:9仲有少少咸香味，呢個燒腩仔比其他大集團好食好多

愛人要食燒味但係又要Ot,焗住要買外賣，呢間棋哥係銅鑼灣開左無耐，朋友介紹話幾好食。見到外賣menu 都幾多野揀，價錢又唔貴。佢叫棋哥燒鵝就梗係試燒鵝髀啦。先讚讚佢d外賣包裝先，保溫做得幾好，我半個鐘後先番到屋企，都仲熱。一打開，真係有嘩左一聲，好耐無見過咁大隻鵝髀，夠哂足料，美中不足既係切左，如果無切就完美（係我唔記得講要免切😅）肉質嫰滑，肥瘦亦非常適中，鵝肉好香，肥而不膩，咬落去仲好juicy，因為外賣，皮唔算趣但係都夠皮薄，如果堂食應該會梗加正，近年食過最好既燒鵝髀。飯既濕度剛剛好，唔好乾爭爭，加埋香甜既醬汁同鵝油，無得頂。另外想講佢例湯都唔係交行貨，足料夠火喉，好鐘意！下次一定要堂食佢個鵝髀飯免切先得！好味！

近年棋哥不斷開分店，又有廣告推廣，應該是計劃企業經營，到處也有分店，變成連鎖式燒臘飯店。在用餐時候經過，總會見到大排長龍，不論外賣，還是堂食，可見捧場客不少。那天經過是下午茶時段，見到有座位，不用太擠迫便入內一試。相比正價消費，下午茶優惠很多。本來我與朋友也是點义燒飯，他要求肥、燶义燒，點餐的服務員，只有正價，才能要求部分，他擔心是瘦义燒，所以叫了燒鵝瀨粉，也是下午茶餐，而我還是點义燒飯。我們兩人的同感，沒有太大的驚喜，可能因為是下午茶餐，未有吃到最佳部份。下次試試正價用餐，看看會否有分別。

每次行街經過呢度見到啲燒味掛晒出嚟 勁Juice勁吸引都好想買幾盒燒味返屋企同屋企人分享 但可惜每次黎親呢度都係食完飯 所以一直都冇買 直到今日下晝經過呢度就即刻二話不說買咗呢度嘅燒味返屋企加料屋企人唔多所以最多買左個雙拼 好想試哂依度咁多款燒味脆皮燒腩仔-呢個燒腩仔唔講得笑 個皮鬆脆到呢 好似食緊薯片咁 就算返到屋企都依然鬆脆 真係唔係邊幾間可以做到咁嘅效果 就算係個肉質都非常之淋 勁好食勁Juicy佛山燻蹄-呢個佛山燻蹄又係唔講得笑 切得薄薄地地一塊一塊 勁香勁好味好後悔咁遲先買呢間燒味返屋企食 我決定之後尼到尖沙咀都要買返一兩盒走！

今晩去灣仔上堂，同學就話喺附近棋哥燒鵝餐室一齊食飯，點知我同朋友好遲先放工，本來見呢度環境都幾光猛，最重要係冷氣又夠凍，諗住可以食埋先走，但因為怕遲到，所以叫咗兩盒外賣帶走。黎棋哥燒鵝就當然要叫一個棋哥燒鵝飯$53，另一個脆皮燒腩仔飯$48，又幾大盒飯喎，仲有兩條菜心，燒鵝煙燻味好香，燒得都幾靚，燒腩仔半肥瘦，又唔會太肥，啲皮都仲好脆！本來想食叉燒，不過朋友堂食叫咗碟叉燒俾咗幾件我食，叉燒又幾淋。

阿媽話今晚要加餸， 好耐冇食過燒味了，有D掛住叉燒同燒腩仔，放咗工順路經過棋哥買了叉燒同燒腩仔各50蚊。 呢間灣仔分店好近鵝頸橋，雖然都是一般燒臘店格局，感覺光猛乾淨衛生，各種燒味掛在玻璃外牆上，賣相不錯。外賣终於到手了， 感覺還是暖暖的， 回家後趕快吃了兩口。未食先興奮因為賣相相當吸引。叉燒肥瘦比例剛剛好，色澤均勻， 吾知點解食叉燒都有入口即溶的感覺，肉質很鮮嫩， 老人家吃也沒有問題。而燒腩仔外皮脆脆的， 食落去真係聽到卜卜聲 ，五層肉清晰可見，一口一啖啱啱好，真心值得推介。下次想試試它的常餐先，好抵食都是四十幾蚊。

琪哥燒鵝個名好多人都聽過，放工經過見到佢做緊個雙拼優惠，計落同屋企附近買到的價錢差唔多，所以買來食下。行到埋去，已經有幾個人等緊外賣，果然真係幾多人買。喺櫥窗見到油雞好似幾靚，所以今次我選咗叉燒拼油雞兩大盒燒味，跟一盤仔姜戎，一路返屋企都幾重手。一打開個外賣盒，真係好香，油雞望落外皮好靚，份量好夠。食落啲皮好滑，啖啖肉！叉燒嘅香味比油雞更强，溫暖的叉燒，肉質很嫩，叉燒汁甜甜的很好味😋這樣兩大盒，這個價錢，返到屋企炒多碟菜，夠5個食有突，好抵！見到佢嘅燒腩仔都好似好好味，下次係時候要試試佢嘅燒腩仔

疫情影響一家人都好少出去食飯，今日係灣仔收工經過見到棋哥燒鵝好吸引😍 門口有外賣價錢架，一目了然。就買左d半隻燒鵝番屋企做餸😍😍😍拎到番屋企依然好正，仲係熱辣辣架！燒鵝皮不肥膩而且很脆口和很晶瑩剔透，內裡鵝肉肥美連皮一齊食十分滋味呢！😋😋😋入口肉質多汁美味，而且不膩骨香入味，配上甜酸醬和燒鵝汁，送白飯真係無的頂👍🏻👍🏻👍🏻另外凡買棋哥燒鵝半隻仲可以加$10 換購雞半隻，好抵食👍🏻

棋哥的飲食哲學當一個人收工果陣，就係最攰又最開心嘅時候。慢步在銅鑼灣，繁華嘅街道上，棋哥的餐牌非常突出。醒起同事講過好好食，於是決定買翻屋企試試。其實等待外賣嘅過程已經係一個享受。係寬敞嘅坐位上，一陣陣燒味嘅香烤味撲鼻而來，大概10分鐘後我就拎咗個外賣。我叫咗個乳豬燒鵝胸飯。歸家路程大約半個鐘，都有擔心個飯會唔會無咁好食。點知翻到去，一打開個飯，仲係熱嘅。我即刻開餐，鵝胸嫩滑多汁，一咬落去，肉汁從舌尖流入喉嚨，鵝皮更加係精髓，皮下薄薄嘅一層脂肪，將適量嘅油份分佈係鵝肉度，再配合温暖入心嘅白飯，口感非常豐富。當食完一啖後，即刻已經想食第二啖。再試埋個乳豬先，脆皮乳豬火喉啱啱好，絕對不會有燒焦薰黑嘅效果，但同時保留倒應有嘅爽脆。最後乳豬都無太喊，頗合大眾口味，值得再試一次。

棋哥- 香港人日常之港式燒味燒味相信大家一家很熟悉，因為番學午餐會食到、工作午餐會叫到，晚上斬料加餸會買到，連加班工作都會有，雖然經常食到，但又不會悶和膩，相信這就是港式燒味的吸引，今天也不例外-港式燒味。脆皮燒腩仔脆卜卜的燒腩仔，外皮色澤靚，燒的時間剛剛好，肥瘦肉比例各半，非常均勻，油香十足，油脂豐盈，而且肉味濃，又不會醃製得死鹹，配上芥末醬更惹味。棋哥叉燒港式燒味當中最愛一定是叉燒，貪淡淡肉又沒有骨塊，而且半肥瘦叉燒，肉質嫩腍，入口即溶的油脂，配上蜜汁，伴飯一流，每之燒味加餸都會有叉燒。

今日在公司 chea左整天成個人都散哂，決定做一晚冇飯夫人，在外食埋晚飯才回家。於是致電比老公商量食乜時，見到公司樓下有很多軍裝警員駐守，內心一陣不安感覺。經老公提醒今天是反修例一週年，應該是預防晚上有事發生故警方做足戒備。我們反正又末知食乜，而附近有間歺室出名燒鵝都末曾試過，就提議買外買回家算吧！棋哥燒鵝飯外皮香脆色澤油潤。鵝肉偏廋看唔到肥膏，感覺鞋口。誰料食落有驚喜，肉質結實多汁，吃時散發陣陣荔枝香；所以不覺肥膩。常餐棋哥义燒米粉、香滑炒蛋及火腿牛油厚多义燒肥廋均勻，咬落鬆化甘香。炒蛋份量足和蛋味濃。牛油厚多外脆香口，若卽吃應是非常滋味，無奈回家後才食稍為遜色。

每次搭車經過都見到棋哥燒鵝，有一晚終於忍唔住，要買返一份回家同家人分享，試下佢既質素，門口有外賣價目，清晰可見等候期間，掛著的脆皮燒腩仔，感覺非常鬆化香脆可口師傅一刀一斬，隔著玻璃窗也感覺到燒鵝皮的脆香聽說燒鵝下莊是最好吃的，下莊的份量足夠2-3人享用，咬一口，口腔內有陣陣荔枝木的獨特清香，原因是燒鵝是用上荔枝柴燒出來的肉質鬆化而不膩，骨香入味燒鵝皮不肥膩，晶瑩剔透，夾著鵝肉一起吃非常滋味配上甜酸醬同燒鵝汁，送白飯真係一流人多的話可以點半隻燒鵝，優惠加$10就有半隻雞，抵食

食燒鵝不是要去深井，原來香港區都有代表，琪哥😆😆😆😆😆😆😆分店都有數間，每間都係地鐵附近。今次我去係灣仔區。銅鑼灣b出口行數分鐘就到😁😁😁😁今次媽媽想食鵝，價錢都方面都算合理價但新出10蚊雞好吸引，但👉🏻👈🏻今次係想食燒鵝🤣🤣留返下次了下午茶時段比較平😊😊😊😊😊包裝都很不錯點了碗燒鵝瀨粉。下午茶來說都多份量，瀨粉唔會無咬口，湯底好不錯。令到瀨粉每條都吸收到湯味。燒鵝一讚。皮有燶燶煙燻香。皮又翠，肉質彈牙。每舊都有水準另外點了燒腩仔加燒鵝。燒腩仔肥肉不多。翠翠外皮，加小小介辣分外不同。媽咪都讚今次試左一間好味燒味店，值得推介

呢排少左出街食 煮都煮唔到咁多所以就叫左燒味外賣呢到除左燒鵝係招牌 其實其他都好好食架呢次就叫左叉燒同切雞先講叉燒 佢比起一般燒味鋪/快餐店唔同因為佢真係好腍 完全唔係食落好鞋好乾 佢係好滑 有肉汁好好味佢既份量都好多 而且每塊都好厚佢外皮有蜜汁 味道都一樣好 而且無出面落左色素既鮮紅色 高質素之選之後就係切雞佢隻雞半隻都幾大隻食落去佢肉質屬於較爽口個種就唔係好油好腍個種我就看得呢款好岩喇呢排做緊特價,咁多野都係123蚊咋 又抵又好味

每日食晏都係我最頭痛嘅時候(仲頭痕過返工嗰陣)，今次我就試吓燒鵝飯，呢一間棋哥燒鵝我喺好多地方都見過，但係一直都冇去食過，見佢攞燒鵝做招牌就一於試一試佢啲燒鵝有幾利害。餐廳外邊採取透明嘅玻璃設計，令大家可以睇住廚師點樣處理燒味，食得放心。今次叫咗棋哥招牌燒鵝飯餐，套餐包括例湯加燒鵝飯同菜芯。平時食燒鵝飯最驚隻燒鵝超肥，多個一半都係肥膏，但係佢哋嘅燒鵝肥瘦均稱，咬落去皮脆而且肉質厚實，有咬口之餘仲有淡淡油香。 另外仲有送獨立包裝嘅酸梅醬。另外例湯用蘿蔔，豬骨，蜜棗煲成，十分足料！喜歡食燒鵝嘅人可以試吓！