棋哥燒鵝餐室

營業中

休息中

🥢向附近行完山好肚餓，咁啱見到呢間餐廳，就衝入嚟食下午茶。🥢燒鵝瀨粉：皮燒得都幾脆口，估唔到下午茶燒鵝都比咁多件，仲要件件都係肉，冇肥肉，仲有條菜，點埋個話梅醬好好味，但個人認為味精味稍重，都係少食多滋味。🥢手撕雞拼豆腐飯：手撕雞醃得入味，肉質都算滑，但份量唔算多，因為夾雜左好多軟骨位置。豆腐反而滷得幾好味，又軟滑。飯既份量下午茶黎講都唔算少。🥢整體黎講都ok，飲埋野都抱住個肚走，下次黎呢頭行山再試其他餐。

棋哥燒鵝的燒鵝切雞飯與燒鵝瀨粉 🍽️今日我到棋哥燒鵝，點了燒鵝切雞飯和燒鵝瀨粉，期待能享受到美味的餐點。然而，這次的用餐體驗卻讓我有些失望 😕。首先，燒鵝的外皮雖然酥脆，但肉質卻不如以往新鮮，感覺偏乾，缺少了應有的油香 😔。燒鵝切雞飯中的雞肉同樣不夠嫩滑，上到枱食到既係凍哂既切雞，有d失敗😔至於燒鵝瀨粉，粉條的口感尚可，但湯底麻麻，無法突出燒鵝的風味 😣。這讓我對這家餐廳的印象有所減分。棋哥燒鵝在環境和服務方面一直表現不錯，但食材的新鮮度和料理的品質才是吸引顧客的關鍵 🔍。希望他們能夠檢討和改善，讓食客再次品嚐到他們的經典美味 ❤️。期待下次來訪時，能夠體驗到更高水準的燒鵝和雞肉！

此店服務態度較差，兩個人坐低，店員不會主動攞水過嚟俾你，叫佢俾杯水，仲要淨係俾一杯。今時今日咁嘅服務態度，唔知道冇人幫襯，網上 評分咁低分其實真係有原因。整體上，啲燒鵝非常韌，非常失望的一餐，店員服務態度又差，食物又冇水準，重點係食完之後，非常口渴，味精極重，飲咗1公升水都非常口渴，我以後都吾會再幫襯，簡直係嘥錢，而且食完，非常口渴，攞嚟辛苦。餐廳環境一般，有一部冷氣機滴水，啲水滴到周圍都係，環境衛生一般。

今次約埋三五知己，去左間聽朋友興奮推介嘅燒味店。初到門口，已經聞到一股撲鼻嘅香味，即刻食指大動🤤！首先落嚟嘅係叉燒飯。放眼望去，叉燒色澤深邃，閃閃生輝，轉眼間已經切得整整齊齊，等住我哋品嚐。筍筍咬落去，那層漂亮的蜜汁在口裡迸發開來，肥瘦配比恰到好處，的確是真材實料👍！燒肉呢，真係大大件，皮脆肉嫩，簡直葷素滿足！特別係皮，炸得啱啱好，埋口有啲“脆卜卜”嘅感覺，肉質既軟又多汁，再配上店家自製嘅芥末醬，口感層次豐富得嚟，香辣開胃🌶！仲去咗一碟三層肉，燒得外皮微酥，內裡保持滑溜，脆皮同肉嘅脂肪層次分明，真係入口即化。飯量都啱啱好，唔會食完覺得塞得慌。講真，好耐無遇到令人如此滿意嘅燒味店，每款口感都有驚喜，而且聽個桌佬述，半肥瘦嘅分量同質素都保持慣有水平。吖吖嘩嘩之中，大家片片雞鴨鵝掃清，經已四圍望望，嗰陣，我哋已經決定，下次再聚，一定返嚟攬齊所有燒味過癮先得！😋🥘🎉

又到食飯時間，經過見到棋哥燒鵝餐室即入去坐底。叫左一個黯然叉燒蛋飯🥚🥚🍳🍳上菜時見到叉燒同蛋都好靚🤩🤩🤩立即胃口大開👅👅本身唔記得左叫豉油另上，點知阿姐已經好醒目🌟🌟用另一個豉油碟上啦。👍👍叉燒係半肥瘦，肉質軟硬適中有焦香味。分量唔少足夠我地中午食飽飽😍至於煎蛋亦煎到燶邊而唔會太熟用蛋黃撈至正🍳🍳🍳呢個配搭簡直係完美😍係肚餓時候可以食到好味叉飯真係好滿足🥰🥰

人生第一次去棋哥燒鵝食飯，慕名而來，二話不說就叫咗個燒鵝腩仔飯加例湯，共$80。上碟有五件鵝加五件腩仔，太開心，鵝皮金黃，但一一反轉就… 件件都差唔多都係皮同骨。唔通我個樣似鍾意食皮？🥹🤷🏻‍♂️定係佢想令我留一份遺憾，下次會再嚟？個腩仔味道正常。飯底係食得出嘅靚米。個湯有味精，好甜。

以前成日都話要入深井食燒鵝但係對於我呢啲港島人，真係攀山涉水咁老遠今日嚟到「棋哥」止一止個燒鵝瀨癮先啦💛師傅心情應該唔錯！竟然我無額外叫都比左燒鵝脾我‼️超意外！！🥢🍲燒鵝瀨粉燒鵝捧到嚟見到係脾時已經忍唔住興奮咗！🤣再加埋佢油香豐富，未食都已經香味撲鼻😎鵝肉口感好好，唔會似一般燒臘店般霉口，而且皮下層脂肪唔會嚇死人💛真係不得了只係瀨粉稍嫌失色⋯⋯質感一般🐷朋友就叫左碗叉燒瀨未至於燒鵝般出色，但味道又算唔錯！叫咗半肥瘦，肥瘦度都好適中

試過多次筲箕灣、銅鑼灣和灣仔分店的乳豬，不知是否地區優次問題，乳豬質素都有點分明：1. 銅鑼灣和灣仔的乳豬都比筲箕灣更脆、更香口。2. 銅鑼灣和灣仔不論要1/4或1/2隻都會有豬腳，感覺比較完整，而筲箕灣則沒有。3. 銅鑼灣和灣仔的乳豬肥瘦每次比較均勻，不會太肥膩，而筲箕灣分店的則9成是偏肥的。4. 銅鑼灣和灣仔切件的大小都比較平均，而筲箕灣則是比較參差，有些更是大得誇張。如果有得揀，一定去銅鑼灣或灣仔買。

今日老竇去買燒鵝乃，結果收銀「係係燒鵝乃」，返來又變成燒鵝飯，好神奇呀，可惜老竇冇keep收據🧾，激到佢呀。呢到提番大家，通常長長ge盒仔就係飯，三隻碗仔就係燒鵝乃啦，拿到手記得check下啊

見周圍冇乜位，心諗成日路過也想一試其燒鵝是否掂，不如一試👌店內不算人多，店員姐姐主動問我食乜，當然是下午茶燒鵝瀨粉如圖都好足料，皮脆，肉不算肥但味道不錯👌如果湯味濃些就仲好💪又真是冇評語如此差，下次試下外賣燒味套餐先，算平

食左好多次同其他分店次次都好唔同佢係得煙燻味重鵝偏瘦偏乾，但佢又未去到柴食落尚算有鵝肉味唔夠油，係差好遠四十零蚊，算啦，都叫有五舊肉配個粉同凍飲志在冷氣同坐下，過下燒味口癮

年年生日我都係漉菜食點知我老媽命令我去買肉同大家慶祝，咁唯有落街求其買啲有骨落地的野。行行吓我老婆話不如試下呢間，反正從來未試過而我心諗燒鵝應該難食有限所以入去同個女收銀講要一隻燒鵝。個女店員好好人話今日買燒鵝畀多一蚊就有半隻雞，之後又叫咗啲豬腳仔同海蜇。返到屋企整番熱啲燒鵝發現佢異常香口，份量又多，啲肉齒夾留香有彈性，皮係脆的，而屋企人話隻鵝太肥反而本座認為啲肥膏先至係最好食的部份。反而隻雞，豬腳仔同海蛪就非常麻麻，豬腳仔同海蜇只有酸醋味，隻雞又鞋又淡茂茂。但隻雞係送所以唔好味都無乜所謂對面泰興可能比較好味啲但應該相差唔遠，以價錢來講佢都算平

感覺環境方便，但就試一試燒鵝噶魅力。|燒鵝拼燒腩仔^不算太肥噶燒鵝，腩肉脆質。比較大舊，相對燒鵝，略勝一籌。燒鵝個人認為不夠嫩不夠厚不夠肉感。難得可以堂食。應該是開門第一個客人。

一向好喜歡吃棋哥燒鵝，今日放工夜咗，晚餐唔想食咁飽，原本想叫常餐，阿姐話冇咁就轉叫燒鵝瀨粉。瀨粉同燒鵝分開上，賣相都唔錯，有8-9件細細件，食咗5件跟住果d就唔食得，果幾舊唔知係邊一個部分，只得塊皮及肥膏，冇肉又好咸。我自問要求唔係高但人總要有少少要求都唔係過份，見到果位斬料哥哥行出來，就同佢反影吓，因為條氣真有d唔順。佢嘅回應係：“哦！肥d啫！”完全當我係傻嘅，又肥又咸，你食吖！好好好好好失望呀！

幾年前佢係一間寂寂無名嘅燒臘小店，剛剛開張嘅時候個個街坊都話好食又唔貴，於是我都去試吓，覺得好食過中環嗰間名店，呢幾年間，不斷介紹朋友去食，過時過節又買嚟送禮，又有不斷幫襯，覺得越來越退步，直至今日，我終於要爆了；頭先去買個叉鵝飯，一打開個盒見到燒鵝皮仲係脆嘅，好開心啦！點知全部燒鵝都係肥膏同埋骨位，得層皮可以食，至於叉燒明明叫咗佢比瘦啲，最終係比半肥瘦我，都算啦！起碼有一半可以食下，不過我以後都唔會再去幫襯，我亦會叫朋友唔好再去食，完。