棋哥燒鵝 (已結業)

返屋企經開燒鵝店，買咗隻燒鵝髀同埋鵝肝返屋企加餸😚燒鵝髀好多肉好好味👍🏻燒得好香滷水鵝肝好入味🤗口感好好👍🏻加餸一流屋企人都好鐘意食 下次試下其他燒味先😆

好耐冇食過燒味飯啦！就叫咗3盒幾款餸食勻佢😆油雞、切雞、叉燒、燒肉和燒鵝。每盒啲餸份量都唔少，有菜有薑蔥，睇落幾吸引，食落都唔差，但飯就硬咗啲，叉燒咸咗啲😬

專程由沙田出九龍買棋哥燒鵝，之前食過其他分店，大家都讚不絕口。獨有荔枝柴香味嘅燒鵝，皮脆肉香，味道夠但唔會太鹹，肉質嫩滑，大家你一件我一件爭住食。燒味套餐都抵食，半隻鵝+半隻雞，價錢相議，點兩個套餐，其中一個套餐加錢要下裝，咁就可以拼成一隻鹅，仲有一隻雞，屋企人多咁樣食最化算。白切雞也是要讚，雞皮滑捋捋，忍唔住都食咗兩塊。黃埔呢間只做外賣，店員態度和善，有傾有講，專做街坊生意。最近母親節飯、生日飯都喺屋企食，幫襯咗兩次，好食！

肥鵝和肥义燒是廣東人至愛之二，現代人怕肥。此店吃5斤4両瘦鵝，看了不覺有差別，食前細看，無了層肥膏，入口肉質細嫩。有陣陣茘枝香，與內地食的相近，生果入饌，潮！斬四分之一外賣，自己備飯，比買兩個鵝飯化算。味道較淡，下了醬汁，仍覺不和味。須下酸梅汁的。餐紙力陳鵝油不油膩反有益，走新派健康路線。