棠記雲吞麵

營業中

休息中

樓面一個高高地嘅呀姐同廚房做肥呀姐態度差到係鬧啲客趕啲食客走…本身因為碗面平平地又好食幾好心情嘅…岩岩食完就已經嗱嗱淋係書包巢錢比錢呀姨…個高呀姨禁都要係度話我地趕我地快啲…啲態度差到唔該都唔講句…唉…就算味道幾好價錢幾平都唔想再食

路經此店，看到店員在包雲吞，看起來樣子很吸引，就進店點了一碗雲吞粗面，另加了一碟腐乳通菜。雲吞麵送上，先喝湯頭，清而不淡，合格。粗面雖不算彈牙，但也算爽口，不會煮得過軟，也沒什麼鹼水味，合格。雲吞大小適中，皮薄內饀充足，咬一口，味道很不錯，內饀的蝦雖然不是很大隻，但每隻雲吞內都有蝦兩三隻，口感爽口彈牙，令人滿意。以$23來說，這雲吞麵算是超值。接着吃通菜，部分菜莖有點硬，菜葉灼得有點過軟，幸好腐乳醬味道不錯。不過，以$8的價錢來說，不能要求過高。食物算是價廉物美，但環境令人有點卻步。其實這小店本身算是乾淨，但可能因為附近有菜店肉店，店子營業時又是店門大開，有不少蒼蠅飛進店內，進食時總有一隻在附近飛舞，令人擔心蒼蠅會空降到食物上。店內有兩三個店員，她們可說是一眼關七，而且極具效率。她們既要包雲吞和韭菜餃，又為顧客下單，還要煮食製作飲品，並把食物送到桌上或包裝外賣，收錢的也是她們。不過可能因為工作太繁忙，店員和顧客對答時說話語氣比較急促，聲線也較大。下次在家吃火鍋，我想我會到這店買生雲吞回家吃。

葵芳區舊式雲吞麵舖買少見少.可能係年青一代未必喜歡或者未能領會到傳統的經典美食.雲吞麵正確寫法是這樣寫餛飩麵.亦都係舊底果個年代叫做（細蓉）.一般基層人士食嘅叫做（大蓉）即是兩個麵餅.8粒餛飩.（中蓉）是1.5個麵餅.6粒餛飩.（細蓉）是1個麵餅.4粒餛飩。對唔住拋書包添🤦🏻今日介紹是一間街坊喜愛小店.店舖唔算大.無裝修賣點係用料新鮮/美味大件/抵食.所講嘅平靚正.呢間小店來光顧的大多都係附近上咗年紀嘅街坊.我都未層見過有學生哥嚟食.可能時間上嘅問題！講番正題。今日點餐如下： 1. 牛腩拼餛飩麵. 雙拼 X1 $29元 再加跟餐凍豆漿.$2元 2. 鮮牛肉拼豬潤河粉.雙拼 X1 $29元 再加跟餐凍豆漿.$2元 3. 腐乳通菜. X1 $8元

我地好鍾意食水餃無意中發現呢間小店其實佢一d都唔起眼係間細細間嘅雲吞麵店老公買左生水餃返黎比我試過一次之後就成日要買了水餃係韭菜鮮蝦水餃一打12隻 $42但佢同出邊其他水餃有少少唔同就係佢加咗粟米感覺fresh好多咁而佢賣點係大大粒超級足料呀👍🏻我食五粒已經好飽所以我哋間中都會買盒擺喺冰箱慢慢食當然即刻食比較好啦因為佢都係新鮮即日包嘅喺屋企煮嘅時候清湯已經好夠因為個水餃本身都已經好夠味唔使再點野

疫情轉趨嚴重, 少左啲學生係午飯時間覓食, 搵位都方便咗。相比附近其他茶餐廳人龍如鯽, 呢間舖嘅人流相形見拙。我叫咗個雲吞牛腩麵, 畢竟間鋪都寫到明係主打雲吞麵, 所以即管試下味道。首先係碗麵嘅賣相方面, 碗面都算賣相吸引, 色澤濃郁, 雲吞嘅數量相當足,有足足四粒,而且雲吞餡料十分豐富, 有蝦、蔥花、鮮肉, 而雲吞皮都做得相當出色, 皮薄餡靚當之無愧。 而另一個主角牛腩方面, 牛腩經過長時間調製,配上滋味嘅腩汁, 兩者配合得天衣無縫, 牛腩相當淋身, 配埋凍飲凍檸茶,都只係37蚊,相當實惠。

真係好多年冇黎到E間雲吞麵店，我記得以前佢地係葵涌廣場係10蚊碗，多年後以家以經要25蚊碗啦，但都係大眾化價錢，佢哋雲吞麵大大粒麵底爽口，真係岩晒我地DX人湯底淸甜，雲吞大大粒只係對我黎講麵太少，可能要食兩碗先夠

呢間舖係細細間，又無咩裝修，典型雲吞麵舖。不過呢度d雲吞真係好好味！每粒幾乎都食有3粒蝦肉，大大粒，好鮮味。最重要係抵食，廿零蚊就有一碗麵，仲要有番咁上下水準，抵啦！

經過肚餓想食碗麵，就入去幫襯下(⁎⁍̴̛ᴗ⁍̴̛⁎) 就叫咗碗牛腩雲吞河，油菜同一支可樂。~\(≧▽≦)/~啲雲吞好大粒，牛腩好林，湯底都好好味(*¯︶¯*)油菜都好翠綠同好新鮮，咁多嘢都只係50幾蚊咋， 10分抵食(≧▽≦)

今時今日19蚊可以食到一碗我認為係全個新界區最好食嘅雲吞面其中之一。大大粒嘅鮮蝦雲吞，仲有四粒，好香大地魚湯底，加埋好有蛋味而不多鹼水味嘅面。大家如果下午嚟食我建議你哋十二點前，因為繁忙時間都比較多人。

近排公司都比較多野做，收工之後又見餓餓地，所以叫左個老死落黎食個宵夜 吹下水。口啖啖想食個麵，所以就係附近搵左呢間棠記整返碗雲吞麵。傳統既麵鋪間隔，牆上貼滿menu同價錢，以依家既物價，20蚊唔洗就一碗雲吞麵真係買少見少。我當然毫不猶豫咁叫左碗雲吞麵，單拼會有4粒雲吞，皮薄、用料十分足，蝦肉仲多過豬肉，鹼水味唔重，再落d辣椒油就更惹味。友人就叫左雲吞河，話想食下河粉 清清地，但重點都係要試一試個雲吞。另外，我地都叫左碟時菜加一加送，呢晚就得返通菜，但用腐乳通菜配麵都不失為一個唔錯既選擇。再黎樽豆漿都係6蚊，冰凍 豆味濃，食完再飲啖既爽快程度都唔輸比可樂架。今時今日20蚊可以食到乜？睇到呢一刻我諗你都已經知道個答案。

難得有決戰食神嘅換票證，所以就同家母拍下拖，去戲院睇返場戲。散場之後，佢應該俾最後一幕嘅嗰碗麵吸引左，點都話要食麵＠＠，所以就同佢行左黎呢度。我點左個牛腩雲吞麵，而媽媽本身想點淨鯪魚麵的，但口快快講左鯪魚雲吞麵。所以俾埋啲雲吞我食媽媽你是最好的。牛腩雖然得兩件同滷得入味，但柴左啲，口感唔算好。而雲吞大大粒，好足料，每粒都起碼有三四粒蝦仁係入面。雙併一碗正常有三粒，都算抵食。同埋呢度嘅麵鹼水味唔算重，加少少醋就夠了。一路食一路同家母傾偈，發現咁耐以黎來都係第一次同佢睇電影。睇黎「孝子」呢條路仲有排行...

雖然水餃大粒唔等於好食 但正所謂唔打得都睇得下呢間嘅水餃就真係大大粒 無驚喜勝在足料又爽口 放入口啖啖肉係好大滿足感 蝦肉、木耳、豬肉、填到滿滿 沙河粉又白又滑又夠多 湯又好飲 一碗就夠飽肚 最重要係平 呢d就係 麻甩佬的浪漫

由於本人女友家住葵青 故每逢周六日經常到葵芳閒逛 觀賞電影等閒娛節目 自然會光顧附近嘅餐廳若讀者熟悉葵芳嘅話會知道本人先前所評論嘅雲桂香正正在是次餐廳嘅附近言歸正傳 棠記雲吞麵「平、靚、正」 ：「平」棠記雲吞麵只售十七元 雲吞竟有四粒 試問坊間還有何麵檔會以此價錢賣有四粒雲吞嘅雲吞麵？ 如有又好食嘅話 請留言告知本人「靚」雲吞由於皮薄 故能被清晰地看透 不太肥嘅豬混合原隻橙色嘅鮮蝦 令本人急不及待咁咬一口「正」雲吞皮薄餡靚 豬肉嫩 蝦肉彈牙 鹼水麵吸入微咸湯汁 非常匹配最後豆漿不太甜 但豆味濃 正好中和一下剛才嘅「濃味」棠記雲吞麵 平民美食 當之無愧

平時的午餐，多以茶記或西餐或意粉為主，甚少以潮州粉麵作為午餐。今天雖然貵星期六，但是晚上卻與家人一起出外晚飯，故今天的午餐不用吃得太多，來一個粉麵已經足夠。棠記雲吞麵是小小的食店，售賣的都是潮州粉麵。進入店子時，已經是淥麵的廚，與一般的粉麵店無異。在下再走入內堂，直到餐廳的盡頭就坐下來。鮮蝦雲吞河。也許真的很久沒吃粉麵，於是把雲吞放進口裡，然而雲吞幾大粒的，蝦仁入口爽口彈牙，河粉也很滑溜。不過在下沒有喝過湯底，只是因為甚少喝這類的湯頭。凍奶茶。來一杯凍奶茶，是因為近排喝得多熱飲，間中來一杯凍飲，或者不過份吧。其實一杯凍茶，只是茶的香呆和甘醇是殅樣的，只是加了冰吧，不過要少甜的話，甜味也許不多吧。一碗簡單的粉麵，可以頂到肚餓呢!

雖然經過肚痛既一次 但都無損我今次再黎食因為太掛念佢D雲吞 而且糧尾 $15有4粒大兵波仲想點？叫左個雲吞面 因為得1個丫姐煮既關系 都等左好耐~大約15 MINS先到~ 湯底濃左 味精又重左 ~面比較咸 重蜆水味 ~ 雲吞依然彈牙 肥肉較少 鮮甜美味~