森川弁当

營業中

休息中

好嘢，今日嚟到間日式便當店，心諗佢啲食物會唔會真係咁正？係嘅，真係得喎！🍱 第一彈，手羽先串燒便當，幾件肉丁燒得外脆內嫩，香氣噴鼻，啖啖肉叫人停唔到口。嗌埋件太卷，啲青瓜脆生生，餡料鮮味十足，仲要啱晒懶人嘅我。有埋碗雜菜沙律，輕食又健康，下次同閨蜜們一齊嚟，一路嘆、一路嗑嘴住講偈正！🍣店仔除咗提供豚肉生薑燒，配埋口感煙韌嘅雞軟骨漢堡、滑溜溜甜蛋，飯量足夠，啲黑芝麻更加提味，咁方便，一買就解決哂lunch難題，真係諗住下次帶老豆老母一齊黎試試。👨‍👩‍👦 朋友啲介紹從來唔會錯，森川便當畀咗我爽朗嘅日式午餐時光。食個便當，想像自己搭喺新幹線窗前，看見日本嘅風景一閃而過，真正文青既feel呀！

弁当精緻好食，非常適合一家人野餐之用，小朋友們愛不釋手😁。今次買咗花見弁当，去山頂野餐，行完山食，又健康又好味，一定會繼續幫襯，希望森川會有更多新產品比我地enjoy啦！美味しいねえ！

上星期二到森川弁当買素食便當。紫蘇飯糰野菜便當，$65。餐單上還有另外三款素食便當。他日可再吃其他款式。日式便當就是這樣講究外觀。餐盒內有兩個三角形的紫蘇飯糰。飯糰無論是三角形或圓形，圓角邊的造形看起來都是可愛的。一絲絲的黑色東西便是紫蘇。紫蘇的微微酸味在咀嚼時散發出來。飯糰內還有少許黃色的醃蘿蔔末。整個味道不會淡。夏天吃這個飯糰亦開胃。飯糰旁是紅蘿蔔和牛蒡絲的前菜。有微脆的口感。可嚐到甜味和醬油味。餐盒右邊前格內有小菜。小紙盤內是車厘茄、冬菇、玉豆和玉米筍。冬菇像是沒有甚麼調味。就是原始的味道。肥厚的冬菇口感軟滑。玉豆和玉米筍似乎略為烤過。有少許焦烤味。仿如原始的煮法不會影響味道和爽嫩的口感。旁邊的茄子亦烤過。而且有燶郁的醬油味。我覺得很好吃。南瓜只是燙過。保留其甜味。口感偏向爽脆。我期待吃那個年糕福袋。因為我喜歡吃糯米的東西。豆皮包著日本年糕。口感軟糯。然而，我似乎嚐到魚的味道！不知道是否用魚湯燙過年糕福袋。餐單標註這便當是素食。我希望是我味覺上出錯，而不是店家誤會了魚是素食吧……最後那一格是燒玉米。味道甜滋滋。玉米容易咀嚼。便當內也包含甜品。真是很豐富啊！甜品是葛櫻，又名葛饅頭。

呢間小店喺海富中心入面，鋪面細細，但便當🍱款式都幾多，價錢大概$60-$90左右，跟餐加兩蚊就可以有豆漿或者紙包飲品，價錢喺金鐘都算幾抵～🤑.五目合盛便當🍱五目炊飯有啲牛蒡絲同蘿蔔絲，飯嘅質地濕咗少少，份量亦唔太多，但食落有牛蒡香味又唔太鹹，幾好～ 🍚 .鱆魚餅食落有鱆魚粒，彈牙～ 🐙 .漢堡扒厚身紮實，咬落有肉汁～ 🍔 .鯖魚肉質唔老，煎得幾香 🐟 .竹輪中間夾咗條筍，外軟內脆～ 🦁 .便當味道唔錯，喺附件返工可以一試～～

素菜飯 $50金鐘附近的餐廳寥寥可數，素食者唔想日日食沙拉可以試下呢間小店！店舖只做外賣，每日13:15左右就會有特價優惠，每個飯盒都可以減$10，好抵食😋😋食物黎講，飯盒拎到翻office仲有微溫，但係同事買既便當就已經變凍🍱😖如果d野食可以熱d就更好啦！至於個素菜飯，睇得出亦食得出餐廳既用心，用左好多唔同既材料，味道好好！🤙🏿非素食者都可以不妨一試！！係健康又好味既選擇🙋🏻‍♀️🤤

森川丼 $65 (跟餐送凍綠茶）灣仔一帶不乏美食，不過每逢lunch hour就人逼人😖😖想搵個條龍短d既餐廳堂食都難！呢間日本小店位於小巷之中，主要做外賣生意，亦有少量堂食座位，正值lunch hour都有唔少位，夏日熱辣辣，見到有位本身嗌左外賣都即刻轉堂食🤣以$65黎講，食物超大份！細食d既女仔可能會食唔曬（我的女同事）🙈魚生亦好新鮮！！飯都好有水準！！凍綠茶好飲！！係可以食完再食的午餐飯堂🤣🤣🤙🏿

由於我有選擇困難症所以我會去之前睇定有咩好食先去之前已經鎖定左要食春の宴見到個便當嘅樣就已經好似去左日本咁呀好掛住日本呀痴線好豐富，有蕎麥麵、漢堡扒、糖心蛋、蟹棒壽司、秋竹輪、玉子、紅白魚蛋、三文魚、炸雞、年糕福代、櫻花蝦飯糰、芥末八爪魚、燒茄子。全部都啱我口味 真心唔錯滿足到我好多野都想試食少少的慾望食曬九格亦都夠飽吐 食完有種好滿足的感覺走嗰陣時仲聽到有兩個日本人上班族去買lunch 添 呢度啲便當好啱買去户外食雖然我都係帶去office食

Lunch time 辦完自己嘅事, 趕住買個外賣返公司食, 走到金鐘海富最多外賣店嘅2樓𥄫𥄫🤔.. 呢邊都出名多外賣店選擇, 茶餐廳款式嘅, 台式便當都有。睇到呢間外賣店擺咗幾款飯盒喺門口, 1:30pm 後每款減$10 😍 反正都未食過今日就試呢間! 玉子吉列炸豬扒便當 ($55)個炸豬扒有啲乾, 除咗主菜之外亦都有啲炒雜菜蕃茄仔之類嘅配菜, 尚算豐富, 賣相ok, 食物質素絕對可以有改善空間 跟餐餸鮮豆漿, 減價之後嘅價錢合理好多~

金鐘食飯出名又貴又少選擇今日想介紹一間賣日式便當既小店💛我買完仲去左附近既添馬公園食🌳
真係好寫意～啱晒打工仔忙裏偷閒take a break!🌟 玉子吉列炸豬扒便當($65)呢度嘅便當好似日本百貨公司地下街既高質便當🍱
而且店員仲會好貼心咁幫客人翻熱仲附送一包飲品

講返便當d餸炸豬扒嘅份量一啲都唔細🤩再點埋醬汁（豬扒醬+蛋黃醬）真係一流至於炒野菜就有好香嘅芝麻同麻油味
而甜蛋咬落軟綿綿真係好好食！！！🍳食物嘅配搭都好注重均衡飲食🤓由於我冇預先落訂直接行去鋪頭買
1:10pm去到既時候已經得返好少選擇🤯
選擇困難症+樣樣都好想食諗左好耐都未決定到食咩
結果短短3分鐘內有好多盒都俾人買晒！！😭😭😭於是我下定決心搶埋最後一盒既豬扒飯😤各位朋友如果想試下既記得預早去落訂/去鋪頭搶購呀🤪

中午一點幾嘅金鐘真係勁多人！喺海富二樓一個唔起眼嘅位置搵到一間無華麗裝修嘅日本便當黃店，小編好好彩買到最後一盒便當！所以雖然金鐘店話就話收2點，如果想食到嘅話記得要早啲去呀😆 btw得金鐘同九龍灣係黃，唔好食錯！ 😋 煎三文魚扒便當 $50 痴線咩50蚊食到個lunch有埋嘢飲仲要咁高質！小編買完返去先叮嚟食，叮分幾鐘之後嚿三文魚扒都仲有魚油咇出嚟，肉質依然鮮嫩，加埋照燒汁真係好夾！飯底唔係珍珠米所以扣咗少少分，但扣咗分都仲值5粒星星😝 旁邊有塊南瓜做前菜，食完佢先正式開餐勁開胃～  再btw～大家可以學小編擺張日本嘅相喺後面，扮住去咗日本喺櫻花樹下野餐先🌸🤣

雖然話而家好多公司都係work from home，但係lunch時間想爭一席位亦都唔係咁容易……😅今日由中環行去力寶搵個同事食個lunch，度度都無位，最後行吓行吓去咗海富中心就見到依間森川，同事話不如買個飯盒去浪漫一下💕唔使考慮啦，即買！😂😂買咗個飯盒就兩條友行出去添馬公園撐枱腳，其實係冇枱腳撐，最多係撐石櫈腳😆我食照燒雞扒玉子燒便當，同事就食炙燒鰻魚玉子燒便當，佢嗰個貴我$10，有兩包嘢飲送😋因為太肚餓嘅關係，我已經食咗前菜、同埋兩粒紫薯至記得影相📸️燒汁好好味，配雞扒白飯一流，兩粒紫薯係我最愛🥰其實望住咁嘅環境食乜都好味😋親而家仲未係好熱，間唔中買個便當行出添馬公園浪漫一下都唔錯😚😚

Working in Admiralty, Admiralty Centre has a lot of taking away options. And today, I go to Morikawa Bento for my lunch. There are a lot of choices, rice, noodles, and salads, all lunch boxes are beautiful and look really good. Besides, the price is not expensive and reasonable, but the lunch boxes are sold fast in lunchtime, it is recommended that you come and buy early, otherwise there are not many styles to select.I bought the eel and seaweed roll lunch box, there are many different kinds of

呢間外賣店抵食又好食 有素食餐盒 俾食素人士幫襯左2-3 次 店員服務態度好好重點係 黃色經濟圈金鐘選擇真係太少 呢間係海富入面唯一一間 番工一族仲等咩 午餐邊度仲有咁平支持！

之前就試過呢度噶九宮格味彩禦膳，感覺還可以啦，今次就試下其他，燒汁炒豚肉弁當價錢都可以啦，$45一個，分量噶話都可以，豚肉噶話都ok啦，中規中矩不過對於我黎講就有小小偏鹹啦，下次可以試下其他新款！

去到時已經無咩款好揀 好多都已經俾人留左或買走左 當時個staff見我心大心細 都有主動向我推薦同問我鍾意食d咩 仲介紹左款慢煮鯖魚便當俾我 但個盒無咁多配菜 驚唔夠飽之下 揀左鹽燒既 拎到返去都仲溫溫地 d配菜有用柴魚高湯煮過 超好食🤤 唔似出面個d係咁易白灼就算 佢本身有配埋個汁俾你淋落條魚同d飯度 但我偏好淡味d 所以就咁加檸檬汁 已經好夠味 d餸好下飯 搞到唔夠飯食😋 希望下次買到飯團個款 在個熱櫃見到盒預留ge 好吸引咁🤤