森美餐廳

營業中

休息中

又到3點3食下午茶☕️！今次去荃灣人氣街坊扒房森美餐廳，一入門口就好多隻BE@RBRICK熊仔figure歡迎你🐻，型格輕工業風裝修同其他cafe與眾不同，唔同角落都隱藏住充滿玩味嘅figure，重點：佢係黃架💛！————————————————👅煙三文魚牛角包（$45）👍🏻見到其他客人都有order就實無伏啦，果然牛角包好酥脆🥐，一咬就跌咗好多碎碎，三文魚兩大塊，配埋百搭既芝士、蕃茄同生菜，好足料👅焦糖香蕉窩夫（$55）👍🏻 呈圓形嘅列日窩夫，口感厚實🧇，甜味來自焦糖同朱古力醬，香蕉表面有火槍燒過既焦糖碎片🍌，忌廉口感輕盈👅伯爵蜜桃/接骨木花茶👍🏻下午茶餐配送，除咗奶茶咖啡之外，仲有果茶同果汁可以選擇，夠曬多元化————————————————🚩總結：食物有水準，座位空間感十足————————————————🌟注意：不設加一服務費，下午茶餐供應時間為平日14:30-17:30，假日15:00-17:30————————————————

今日好遲先食lunch出左荃灣做野睇下有乜食森美餐廳都算多好評就決定去呢間其實已經下午茶不過都係想食牛扒叫返lunch本身好鐘意食薯條既我掙扎左好耐叫薯菜定意粉不過實在太肚餓決定叫意粉佢配埋湯同餐包個包黎到仲熱都ok湯就不過不失我個西冷牛扒意粉終於都到了份量ok牛扒薄薄地有兩塊定三塊個汁都好食意粉唔淋不過對比返價錢$6x又唔算抵叫ok環境都舒服既下次會再去試下其他野食另外，飲品其實有好多選擇不過我叫左正常凍檸茶因為太想飲最怕苦澀同杯茶濁晒個d茶底好彩呢度個杯係ok試下其他野

荃灣很有親和感的cafe💛路過來吃早餐🍽-◾️#天婦羅魚柳 HKD $50天婦羅魚柳外脆內滑炸得很好👍🏻配沙律醬吃很開胃☺️魚柳比較小 男生可能會不夠飽扒餐配迷你牛角包、炒蛋、炸薯餅、茄汁焗豆、沙律炒蛋跟薯餅都煮得很剛好牛角包跟茄汁焗豆可以暖一些會更好沙律的醋汁很好吃只是西式早餐的配搭上天婦羅魚柳有點怪我還是比較喜歡吉列魚柳😅-◾️#香煎牛肉眼扒 HKD $50牛扒雖然沒有很厚但煎得不會過熟 吃起來肉質很軟😋醬汁跟牛肉很搭👍🏻一樣配有迷你牛角包、炒蛋、炸薯餅、茄汁焗豆、沙律-◾️#鮮奶咖啡◾️#伯爵蜜桃茶咖啡味道一般咖啡跟鮮奶的比例很好👍🏻伯爵蜜桃茶有驚喜😚伯爵和蜜桃的味道很平衡整杯不會過濃 有一點微甜杯底還有一點蜜桃肉粒-(各項滿分為5分)餐飲分數: 🌕🌕🌕🌕🌗環境分數: 🌕🌕🌕🌗🌑服務分數: 🌕🌕🌕🌗🌑價錢分數: 🌕🌕🌕🌗🌑回頭分數: 🌕🌕🌕🌕🌑-#森美餐廳 (荃灣)📍 荃灣西樓角路178-184號華都中心地下A2號舖📞 2414 7177🕐 07:30-22:30

荃灣華都中心有2間森美，聽熟客分享話2樓嗰間係阿媽經營，地下就阿仔既😂兩間我地都試過，2樓就街坊啲，親切啲☺️地下就坐得舒服啲☺️兩間款式有少少唔同，不過味道就一樣咁好食😋今次就先分享下地下阿仔店啦~餐廳幾大，坐得舒服唔迫夾☺️環境以輕工業風為主，仲有超多店主既figure珍藏，如果係figure愛好者一定會鐘意🤩餐前南瓜湯真材實料，啖啖南瓜絲，非常香甜👍🏻燕麥包保持微暖，感覺到餐廳的細心☺️ 1. 紅酒燴牛肋條 ($75) 🌟4.5/5分醬汁濃郁，牛肋條燴得好入味，非常淋，連啲筋都燴到入口即融🤤跟餐配埋意粉/飯/薯菜，意粉烹調時間控制得好👍🏻預先有香草同欖油，單食都惹味😋隔離既蔬菜都唔係hea你，有蒜香味🥰2. 炸魚薯條 ($98) 🌟4/5分上台既時候真係嚇左一跳，份量係超級驚人😱魚柳有手臂咁長，雖然比較薄身，可幸無咩雪味，呢個價錢都收貨。即叫即炸，薯條形成了一座小山丘🤩沙津新鮮，檸檬仲烘過黎，誠意滿滿🥰不過森美最出名係扒類，我之前都係2樓試過豬扒同牛扒，其中豬扒挺有驚喜😍厚切仍充滿肉汁🤤之前無專登影相，留返比大家去發掘啦😜其實2間森美既菜式賣相都唔花巧，好似屋企咁溫馨，好多細節位亦見用心

今日21-1-2021(Thur)覆診前,同老公食個早餐,其實我哋已經食勻佢三款嘅扒餐,只因知道佢哋開始經營困難,所以嚟支持.今次我要美國豬梅扒,飲凍鮮奶.老公要天婦羅魚柳,飲凍奶茶.侍應同上次一樣(上月17日刊登嘅呢篇: https://www.openrice.com/zh/hongkong/review/yeah-%E6%AC%A1%E6%AC%A1%E9%83%BD%E4%BF%8212%E6%9C%88%E5%9A%9F-e3895321),話天婦羅魚柳要等耐啲.凍鮮奶同凍奶茶都唔評喇,老公嗰份等嘅時間合理,件天婦羅魚柳比我上次食嗰件好似細啲,但仍外脆內滑.我嗰份等好耐好耐,終於到嚟,美國豬梅扒同我喺18年12月16日(https://www.openrice.com/zh/hongkong/review/%E6%B8%AF%E5%BC%8F%E5%8A%A0%E8%A5%BF%E5%BC%8F%E6%97%A9%E9%A4%90-e3247444)食到嘅差唔多,但今次口感就更彈牙.而其他嘅水準都一樣,唔差.建議佢哋早餐做返多啲款式.

呢間晚餐都食過唔少次㗎啦分量大，質素OK，性價比高👍今次食下午茶叫左呢個焦糖香蕉窩夫配果汁價錢都只係50幾蚊咋質素完全冇揸流攤有外表有內涵👍佢嘅焦糖脆脆做得好好配埋個窩夫食好夾👍(P.s:隔離枱嘅女仔都好後悔冇叫到我呢個甜品)🤣🤣🤣

-🍴明太子帶子意粉 (Dinner set) HKD148四粒帶子大大粒 係半生熟嘅狀態😻 意粉亦都幾多 多汁唔會好乾 同埋都幾多明太子 啖啖都食到啲粒粒😚-🍴紐西蘭羊鞍8oz (Dinner set) HKD178羊鞍切開岩岩好分3份唔洗爭😂一切已經感受到好淋😛羊肉嫩得黎唔會太羶係重點😋而且冇乜肥膏👍🏻配菜既薯蓉同蘆筍就正常既味啦 不過都一樣俾我地食到乾乾淨淨😂-🍴吉列炸蠔HKD58有五大粒❗️隻隻都好飽滿 同鮮甜 唔會有腥味 亦都唔會炸得太過火👍雖然炸粉有少少厚 但整體食落去都幾ok🙈-🍴鮮奶伯爵茶+ 伯爵奶茶蛋糕HKD30呢個係1+1 Promotion🙈嗌一杯茶或者咖啡加一件蛋糕就係30蚊🙆🏻‍♀️鮮奶伯爵茶 茶味比較濃 面層嘅泡都打得幾綿滑🥳而蛋糕呢 就係普通伯爵茶蛋糕 就無奶茶嘅味道 都ok唔錯😹-🍴山竹果汁梳打 HKD20 + 紅提子梳打 HKD25提子梳打其實就係平時都買到個啲🤭夠氣而且唔會好甜🍇試完覺得屋企都可以買定幾支隨時飲😂因為見到山竹汁幾少見 所以就叫左😂梳打都好夠氣 飲落去好清爽😍✾味道覺醒指數: 3.8/5 抵食指數: 3.5/5服務指數: 3.5/5.

呢間餐廳長期好多人 好彩我早到 唔洗排隊😜😜我叫咗巨型嘅fish and chips 但我冇諗過真係咁巨型…😂😂😂😂個炸魚嘅魚肉質地新鮮 冇雪藏味 又送湯同餐包總括而言 好抵食!!!

今(17-12-2020 Thur)朝因公事要入屯門,咁去之前同老公食個早餐,去邊喥食?諗起呢間黃店早開門,於是再嚟.我哋去到唔多人,睇完menu感覺同之前嚟食過嘅種類冇乜變,o衣o家睇返上次喺18年12月17日刊登嘅呢篇食評 https://www.openrice.com/zh/hongkong/review/%E6%B8%AF%E5%BC%8F%E5%8A%A0%E8%A5%BF%E5%BC%8F%E6%97%A9%E9%A4%90-e3247444,果然係冇乜分別.我哋今次就叫咗同樣$50.00嘅扒餐,分別係香煎牛肉眼扒同天婦羅魚柳,配迷你牛角包,炒蛋,炸薯餅同茄汁焗豆,飲品就分別要熱咖啡同柚子可樂.兩杯飲品到嚟,原來上次老公係飲柚子可樂.今次就我飲,今次覺得兩樣嘢起咗平衡嘅作用,柚子令可樂冇咁甜, 可樂令柚子變得冇咁澀.然後香煎牛肉眼扒嗰份先到,而天婦羅魚柳都唔係好耐就到.天婦羅魚柳熱騰騰,同外脆內軟,味道清淡,一定要蘸沙律醬食,不過沙律醬好似酸咗啲.香煎牛肉眼扒薄薄,但牛味好濃,口感鬆軟,老公話完全冇鬆肉粉味,好正.炸薯餅炸我靚,不過外面鹹咗啲;迷你牛角包有淡淡牛油香,感覺

由細到大我都好鍾意潮野，大個左都會買d氹下自己開心，朋友就係知道我鍾意，所以帶左我去呢間潮cafe潮聖一入到去就見到Be@rbrick、Ron English既McSupersized、肥仔Chubbi Chunk 、Supreme等等，真係難掩我興奮既心情🤩🤩鳳美蝦香芒牛油果他他原本想叫森美沙律，點知叫錯左🤣不過呢個賣相都好靚，可能想配返他他凍食，隻蝦都係凍的，如果隻蝦有煎過我仲鍾意，仲有牛油果都幾飽肚，但我最愛既芒果好好好酸，就真係有d失望風腿芝士pizza呢款好似餅乾咁脆既pizza底我就最鍾意，風乾火腿既咸香，再有少少蕃茄仔，係一度好好既餐前小食，送酒一流，不過cafe無酒賣的😂蕃茄蟹肉意大利粉份量一d都唔少，蕃茄味十足，都食到少少既蟹肉，意粉都幾al dente我覺得自己似去左藝術館多過去左cafe，食物質素不錯又大份，有得食又有得鑑賞藝術品，對我黎講係一種享受

森美餐廳嘅擺設喺最吸引人路過都會眼望望，估唔到野食同樣令人食過翻尋味🤪其實呢間餐廳午餐晚餐都食過不下十次，已經成為咗飯堂，原因喺抵食夾大件，同屋企人嚟又得，同朋友嚟吹水食飯又得，最緊要搵個拆得嘅飯腳😆《大蝦牛油果沙律》❤️❤️❤️大蝦爽口大大隻，牛油果控應該都會好滿足，啱晒想瘦身又唔想辛苦個胃嘅女士《炸魚薯條》❤️❤️❤️❤️呢個炸魚薯條上枱個陣完全嚇親隔離枱，個份量超級多多多，條魚炸得好脆，魚肉好滑夠厚肉，配埋成座山一樣嘅薯條，2-3人share都仲得

街坊系列 – 森美餐廳位於荃灣舊式商埸外圍📍單憑OPENRICE OR GOOGLE MAP絕對難搵🔍要出返商埸先會見到,真係只有住附近既街坊先知🔎------------------------------環境:一般西餐廳設計,枱比一般餐廳大🤗坐得好舒服,一啲都唔會覺我好逼餐廳老闆有儲玩具既習慣🤖利用左唔小老闆既珍藏作為餐廳既裝飾(仲有好多小編鐘意既Bearbrick)😍------------------------------食物: 鳳尾蝦龍蝦汁繪意大利飯($90)🍤意大利飯軟硬適中,有咬口得唔會太硬👍🏾鳳尾蝦處理得十分好,唔會過熟變得太韌蝦腸亦清理得好乾淨,唔會見到黑色野😋唯獨龍蝦汁同芝士味偏淡🥺小編期待意大利飯會更RICH一點🤩魚柳芝士漢堡($88)🍔一個字形容:巨😱非常足秤既SIZE,魚柳唔乾身🐟但食起上黎就比較論盡,愛靚既姐妹要注意😜P.S.午餐會有個餐湯同細麵包跟埋🥳------------------------------服務:店員唔算多,當日樓面同事3個左右有D手忙腳亂既感覺,但禮貌都好好😵只係可能每次舉手都要等一等,但都合理既------------------

難得放假，同朋友入咗荃灣食好西。好耐之前已經聽過森美餐廳呢個名，今次終於可以試吓啦。🤘🏼我哋兩個人點左三道菜，分別係森美沙律、哈密瓜配西班牙火腿、及烤羊膝。點完單，夥計即刻送上熱辣辣嘅濃湯及香噴噴嘅餐包，好窩心呀。個湯飲到有煙肉及薯仔粒10分足料，而餐包上面就配有燕麥再塗上牛油嚟食，啱啱好。😍至於主菜，最驚喜嘅莫過於森美沙律。裏面分別有大蝦、焗薯等。擺盤真係十分之靚呀，雖然係沙律，但越食越滿足。另外點了羊膝，五成熟剛剛好，羊肉配上附帶嘅薯蓉同醬汁，味道creamy而且肉味香濃。有機會真係要再encore🤩。

約咗三位舊同事在荃灣黃店聚舊，這間餐廳環境舒適很適合聊天，星期一晚都八成坐滿了。今晚點了四個菜式，有熱賣的 fish and chips重量級，菜名的「重量級」我們沒有十分為意，點知一上桌我們就哇了一聲。 薯條的份量簡直足夠五人份量，炸魚內的魚肉略嫌不夠味，幸好有沙律醬彌補不足，配菜有沙律菜，喜愛吃薯條的不妨一試鳳尾蝦香芒牛油果他他十分推薦，作為第一道前菜沙律， 酸酸的香芒加牛油果，鳳尾蝦也足夠四個人食 haha，很能引起食慾，而且感覺很新鮮哦。另外叫了一個，明太子帶子忌廉汁意大利粉，原本的海膽已改為明太子，不過上碟時又變了蟹子，份量亦是很大碟，而且味道不錯，連不喜歡忌廉汁的我亦覺得香濃而不膩。main course要了一份美國安格斯西冷牛扒 五成熟，配菜有烤菠蘿、車厘茄及薯蓉，同樣是分量很大哦，我很喜歡那個烤菠蘿 香甜juicy。朋友則喜歡牛油薯蓉，牛扒亦恰到好處。 服務亦很周到，感覺很好的一間西餐廳可惜太飽了連飲品及甜品亦不能再叫

呢排老公工作辛苦了, 趁佢生日就同佢食好D 啦! 森美餐廳一向都係我哋喜愛O既餐廳之一, 貪佢餐廳內環境不錯, 食物性價比高又就腳。黑色O既門面, 加上落地大玻璃, 令餐廳喺晚上變得特別顯眼。門外已經有MENU, 睇到啱食先入去! 晚上冇套餐, 不過可以加$30 有一件CAKE (冇得揀, 隨機) 同一杯非特飲飲品。先上餐飲 - 西柚可樂, 特別, 可惜冇COKE ZERO。餐湯 - 青紅蘿蔔忌廉湯, 冇乜特別; 餐包係熱上的美國安格斯西冷牛扒 - 老公生日就食豪D D, 佢揀咗美國安格斯西冷牛扒 (MEDIUM) 我記得對上一次叫西冷牛扒係一年前, 果次係失望而回的。所以今次老公諗住點時, 我都有猶豫。不過今次就冇令我失望啦! 首先講講塊扒都幾大塊, 切開又真係做到MEDIUM, 調味方面都好不錯! 令人好想食完一舊再一舊。$228 O既價錢, 有呢個質量, 我覺得好OK!扒底有薯蓉, 有燒菠蘿, 燒粟米, 筍, 同燒蒜頭! 一見到個燒蒜頭, 我就好開心 (我老公就唔太開心啦, 因為佢好怕蒜頭味)! 因為外面餐廳好少有, 而森美餐廳就有提供! 我真係好鍾意食蒜頭架! 另外, 燒菠蘿真