椰仔冰室

營業中

休息中

椰仔冰室係一間茶餐廳嚟嘅食咗個沙爹牛肉麵送牛油多士其實又唔係送嘅，價錢包埋咁解仲送咗條腸仔，其實又係價錢包埋嘅仲包括一個煎蛋熱飲就唔收錢凍飲就加三蚊同行嘅就食呢個辣雞丁通心粉轉炒滑蛋同埋叫咗要走包結果都一樣係有三角形牛油多士正常嘅份量正常嘅味道本來我食沙爹牛肉麵就一定會落辣椒油但係呢間亦都係用變成咗一包包好似麻油咁樣嘅辣椒油對餐廳嚟講就方便衛生對食客嚟講就認真唔方便，好麻煩同埋通常都唔好食唔辣又唔香正常嘅價錢正常嘅服務正常嘅話都會再幫襯

正常用餐，叫咗個炒嘢，另一個喺川辣炒烏冬，裏面啲雞肉有臊味！在我嘅飲食經驗中幾差嘅餐廳都從來未試過連雞肉都出現臊味！之後叫咗兩杯茶走，搞咗幾下，試咗味，無落練奶，本來唔記得落好小事，成日都發生，但叫個長髮戴黑框眼鏡嘅阿姑過嚟諗住叫佢加練奶件事就完咗，點知佢同我講喺唔喺未搞均😒，響我三十幾年飲奶茶嘅經驗，難道未搞均定喺冇落，要你嚟教我⁉️我就答佢「我第一次飲咩⁉️」跟住就發我老脾，話咩嘢好心提我，我有叫你做好心⁉️我須要嘅就只喺練奶，你講咁多嘢做乜？！ 所以難怪啲人北上搵食，香港就喺有呢啲人，搞衰晒餐飲業，要味道冇味道，講服務冇服務，你去幫襯好似你嚟求佢咁，所以，冇下次！絕對負評，皆因一件小事就決定熟優熟劣。👋🏼👋🏼

有時同老公會係度食晚飯，我哋試過鐵板燒類（薯條有落椒鹽粉，我哋都鍾意食）、咖哩焗飯、雞煲仔（可以麻辣轉唔辣）、炒烏冬（鐵板上）、西芹雞柳家常飯，都覺得好味，飲品都正常good，會繼續幫襯試其他味道唔錯、食物選擇亦多（我經常都選擇困難，好多都想試）、環境算乾淨、服務態度又好，希望keep住做落去感覺比附近幾間茶記算好味，暫時算係光顧次數最多既一間得閒有時間會再係度試埋早餐或者下午茶，希望水準一樣咁好啦

同朋友北上, 約咗在粉嶺地鐵等, 離約定時間尚早, 所以去附近找下, 吃個簡單早餐先出發. 在地鐵C出口行出去，見到間叫椰仔冰室, 啲早餐唔貴, 傳統港式既格局。 入去叫咗個醒晨早餐, 除咗有沙嗲牛肉公仔麵,仲有炒蛋,多士. 個餐好快就來, 正宗港式效率. 個沙嗲味淡, 唔夠香, 茶餐廳水準, 牛肉有d 筋, 個蛋滑，奶茶正常。但見隔離枱啲食物仲未有, 催咗幾次, 個待應話整緊, 但有點不耐煩. 最終好似都等咗好耐先到。總的來說, 個餐正常， 但服務則好一般.

已經唔只一次，點解果兩個著黑色恤衫既肥女人成日俾面色客人睇？佢地明明係第一身對住客人落單同收錢，但態度差到好似欠佢地全家咁！又俾面色你睇又明明見到你舉手舉好耐先施施然行過嚟，今次仲正，個爆炸頭戴黑框眼鏡既黑衫女人自己撞聾，一句都聽唔到我講野，咁我咪唯有大聲啲答佢「係呀」，佢即刻鬧我話聽唔到姐，小姐！咁我真係好無奈喎🙄 平常聲線你又撞聾聽唔到，大聲啲你又話我，不如下次手語溝通呀！講到食物，真係唔知發生咩事，叫個英式全餐，牛角包食到一半酸既，漢堡扒硬係有陣怪味，得香腸同炒蛋係正常🤬 搞到我忍唔住吐出嚟！祈求快啲開第二間茶餐廳🙏🏻 已經無必要去，唔係貪方便只想快食都唔會去！

最近有時間都會在這家店買外賣它算是我其中一個外賣食堂之一這店的套餐比較「抵食」大概午餐是50多元左右下午茶餐都是40多元左右我覺得這家店的CP值很高無論咖哩飯還是焗飯都很足料足料不是只是食材方面足料而是醬汁一點都不馬虎咖哩吃到是多重香料及味道濃厚而焗飯也是有香草味濃郁對比起現在很多做汁飯的店水準高出很多這次點的是焗豬扒飯芝士一點也不手軟一大片放在上面原隻蕃茄也很多，而且是炒飯底可能你會說焗飯不都是炒飯底嗎？其實現在有不少店都直接給你白飯所以這點真的要強調一下豬扒亦不乾不柴，絕對是梅頭豬肉軟彈有脂肪亦有豬味，而豬味不是臭豬味這個價錢是非常難得而跟餐的飲料我點了奶茶由於我喝奶茶不加糖的關係所以奶茶原味比一切重要這家店的奶茶茶底很香醇只是帶一點點苦澀可見茶葉用料也不俗，奶跟茶的比例很對我口味所以整體來說以這個價位是很不錯最少以同區來說這個價位這種質素已是很不錯了

粉嶺最近先開，外面望落裝潢唔錯，決定一試食個brunch。叫左個帶子福建飯同一杯凍奶茶，個飯有鑊氣，廚房功架係有既。內籠坐得闊坐得舒服，唔洗自己拎紙巾入面比埋你。埋單六十幾，可以肚餓得閒咪入去食個飯坐下，人唔多。

今次去粉嶺行山搵到呢間食早餐上網見到呢間冰室唔多見到有分店山友話試下估唔到有潛艇食👍🏻叫咗個咸牛肉蛋潛艇個蛋好滑只係咸牛肉份量少咗d 😅杯茶都正常山友叫咗個茄牛通佢地話茄湯好味👍🏻係牛肉有d 筋希望下次食會有進步

叫左個外賣咖喱牛肉飯連埋運費要$118份量少得可憐，薯仔好似仲未熟咁完全唔諗唔入味，外賣已經講緊成$86，其實可唔可以做好少少？疫情下成日講生意難做，但係做到咁都仲有得做我諗都仲有希望既

附近新開了一家餐廳,看見常常都有人等位就去試一下~餐廳空間大,所以不會坐得太擠~侍應亦很友善,還會推介餐點~三個人點了三個主食~點了一個招牌葱油珍寶雞扒飯,就是侍應姨姨的推介~因為葱油太吸引,沒有拍照就吃掉了...🙈雞扒的皮煎得十分香脆,再加上葱油,實在一流~不過,就是比較肥吧...當天是星期天,所以精選午餐有XO醬乾炒三絲意粉~所有精選午餐都會送例湯跟餐飲,比較化算~而且凍檸茶的茶底做得不錯~這個意粉炒得很香,XO醬略帶辣味~大概是避免意粉沾鍋,所以油會比較多~本來只點了前面兩款,不過見份量比較細,所以再點了一個焗芝士蕃茄魚柳飯~這個焗飯醬汁相當多,但是飯的份量比較少~魚柳尚算滑,也不會有梳打味~以街坊茶餐廳而言,味道算不錯~雖然價錢稍貴而且份量偏少,但勝在味道取勝~