椰小盅燉湯專門店 (太古城中心)

營業中

休息中

平時我都很懶得下廚，最愛來太古城逛逛之餘，一定過來飲湯⋯滋潤一下！每次都會叫我最愛織金竹笙烏雞椰湯⋯正啊！像我這些外食族要吃的健康，唔落鹽，唔落糖，唔落味精⋯ 真的很健康！湯也很清甜！真系好好味！

從結婚開始發現吃熱飯的好處今日經過太古城品發現椰小盅 真好有糧心飯三款牛豬雞選擇加湯減20元還可以半價加小食再看椰小盅原來是燉湯專門店選了當歸乳鴿四物椰小盅外賣牛腿（展）紫薯飯配燒賣堂食紫薯飯很特別丶牛展就很入味配菜心又滑又甜真的非常好吃下次帶埋朋友要試埋其他選擇其實吃熱飯真的有很多好處架除了腸胃好咗和胃酸唔會倒流唔吃炸雞我就真的好少患感冒當然唔好飲咁多凍野冷親個胃還要飲食營養均衡做少少運動最近看到排寒也可以免除生病我前日試下晚上在睡袋裡睡覺

今日經過誠品行街，見到呢間有燉湯嘅晚餐套餐，好耐冇飲過燉湯，另一半好鍾意飲燉湯，呢度附近又好少有呢類型嘅餐廳，所以諗住試一試。點知一試好有驚喜🤩🤩點咗個竹笙烏雞椰小盅湯+醋香排骨紫薯飯+上素鮑菇，每樣個味道真係好好味，食落去個肚係好舒服，每個餸都好入味，味精唔多，特別係個燉湯非常之足料，香味清新，味道仲好清甜，個湯係燉到好入味，價錢喺晚餐價算適中，鍾意飲湯人士值得推介！！👍🏻👍🏻🤩🤩🤩

今天在太古誠品書店打完書釘，路過肚餓經過就試下呢家的椰小盅燉湯專門店，我們叫了蟲草花鮮鮑燉土雞及口人參燉烏雞湯，湯好飲，有椰子的香味，鮮甜唔口渴，土雞好滑，仲有鮮鮑，彈性超有咬口，性價比超高，人參湯味夠濃，真材實料，加9蚊仲跟餐有雞翼同紫米飯，雞翼夠入味，真心無得輸！再加$9仲有一個酸梅湯可以加，味道酸甜適中，十分推薦大家試試。食完發現原來呢間餐廳係米芝蓮2020推介，唔怪得味道同埋性價比都咁OK啦！

舊地重遊椰小盅。因為上次飲過湯之後念念不忘，所以今日又一早嚟到同一間分店。今次冇咩驚喜，點咗兩個上次飲過而久久不能忘懷嘅蟲草花干貝土雞燉鮮飽椰小盅（ $85 ），另外又為同行家人，再點左一個織金竹笙烏雞椰小盅（ $65 ）。上次飲過呢兩款湯都知係真材實料，佢係濃郁同時又清甜。平時唔特別好飲湯嘅人，應該都會俾佢嘅清甜味道吸引住。果然三個湯嚟到，都係非常熱辣辣，足料、清甜、濃郁。好難得可以喺繁忙嘅成品慢慢享用燉湯。之後再追加A餐自家製滷水牛腿肉配紫薯飯（ $38 ），同埋C餐將香柴火雞小腿配紫薯飯九龍（ $38 ）。仲有加倍椰香燒賣四粒（ $14 ）同埋兩串炭燒雞肉串（ $16 ）。三人食就剛剛好。

朋友介紹，第一次試呢間小店喺誠品太古店入面，呢度有好多款唔同嘅湯，每款都唔同功效，例如調理腸胃、美顏、養血、保氣、下火、潤肺。個椰子湯好足料，真心係成隻椰子原隻上，湯好清甜，又夠晒熱，食完餐飯都仲熱，好amazing! 椰小飯好出色，女士份量，我朋友勁細食都finish! 真係有紫薯喺入面!一個餐夠晒飽，又唔會好heavy ☺️ 冇鹽冇糖冇味精。我就食左烏雞，朋友食排骨，養顏好啱女士食呀Lunch 推介👍🏼

今日第一次光顧，叫了兩個餐如圖，湯有很濃的椰子香，入口有香甜椰子味，椰小飯有紫薯也很好吃，焦糖排骨味道剛剛好，不會太甜。另一必食的是芋圓，十分好吃，會再光顧的。

宜家好多店都有賣無味精嘅燉湯，不過咁有椰子味嘅燉湯就第一次飲。今日第一次試左烏龍燉湯，加$9可以配埋紫薯飯、雞翼（一隻）同菜圃。第一啖入口當然要試下個湯先啦，嘩，真係好有椰子味，啲雞肉都燉得幾林，但紫薯飯就唔夠熱，雞翼都唔係熱的，菜圃不過不失。有機會下次再試其他燉湯。

本身想過來食織金竹生雞，但估唔到椰小盎終於出下午茶套餐，有abcd4個選項，我就試試那個桃膠配番茄多士，桃膠幾正！！有意外驚喜，多士還好，作為配菜可以一戰，雖然都係終於熱熱既湯多d xd

好少係出面飲到咁正噶湯，原只椰盅，入面湯料好豐富。配飯餐都只係加9蚊，天氣漸凍更適合。招牌兩個雞湯唔錯，不過試埋人參燉雞覺得人參味更出色。小朋友都中意飲。下次會再來

同朋友去完郊遊，路過太古誠品，望倒呢一間燉湯專門店，好奇心拘使下就試下食下呢一間。畢竟我都好少食呢啲中式野。我同朋友每人叫左個牛腿飯同雞鎚飯，味道中上，雖然份量對男仔黎講可能會少左啲。而最想講嘅就係個燉湯，好味係預左嘅，但個種椰子清甜味係令人好想回頭，湯料都好足，燉到好淋。

這間小店在太古城誠品裏面, 環境十分清幽, 可以一邊睇書一邊食嘢, 真是假期的悠閒之選! 我叫了一個非常美味醋香排骨紫米飯連織金竹絲烏雞椰小盅套餐. 排骨酸甜適中好味, 燉湯清甜好味, 無味精, 食落健康好飲,有在家食飯的感覺,一家人都大讚好. 店裏面仲有各式各樣嘅嘢食, 好多選擇, 小朋友叫了一個飄香糯米雞, 味道適中,最啱小朋友,佢哋都食得津津有味. 會再下次再光臨,餐廳座位也十分舒服, 有空閒感,不會令人感覺迫在一起,令人輕鬆自在.

疫情期間，外出進膳都會選擇較健康的食品。偶然在OpenRice看到這間「椰小盅」，推廣無味精、無落糖。今晚和朋友來到太古誠品一試，星期六晚不用等位，有卡位坐，每人order一款椰小盅，兩款都鮮甜美味、足料，進食時小心熱。「幾忙都要記得飲湯」

叫咗一盅芋圓糖水，足料，椰汁底，椰味夠香濃。有三色芋圓，芋圓好QQ,仲有仙草、紅豆、椰果。而家去OpenRice 寫食評仲會有小食送。大家行誠品想食下午茶不妨試下。

飲啖熱辣辣嘅真材實料冇味精嘅湯，真係冇味精架，因為我有味精敏感，一飲就知～ 今次揀左花膠，秋風起，天氣乾燥，要潤下， 加埋個紫米飯、雞亦～ 午餐啱啱好，行完誠品醫個肚先，坐得舒服，食完再行街。