影片
食評 (28)
one of my friend was later, therefore My friend and I went in to this restaurant and wait for him. We thought we just have to wait for 5-10 mins, so we havnt order anything yet.at 1st, we chose a table next to the door, but the air con keep blowing to our face. It was Freeze, we wanted to change seat, the waitress didnt 'black face' us at all, and even pick a table for us, a table that away from the air con. We have waited waited and waited. After an hour, my friend has finally arrived. We are supprised that they havnt said a word when weve sat there for an hour without ordering anything. And they were very polite when getting our orders.We ordered : 豬頸肉lo 檬 春卷lo 檬 馬拉盞炒通菜and one noodles (cant rmb the name of it)I had the 春卷lo 檬. Liked the lo 檬 so much, its cold and with the hot spring rolls and pork.its jus very good. Spring rolls are crispy enough and the taste is just right.Wont be too salty or taste-nessFirst time to have the veg with 馬拉盞, its quite special for me. I can feel the oriental for this restaurant. Very good.
繼續閱讀
上星期師傅一支公漫無目的地四圍行, 呢d咪而且最潮嘅<遊行>囉! 行下行下, 越行就越尖, 終於行到去老尖; 黎到老尖, 師傅個面都未趕得切尖, 但個肚已經凹到尖左, 亦即係代表是時候醫肚! 對於師傅黎講, 一個人喺呢區食野從來冇咩心水食店, 反而一班人仲多選擇; 皆因一條友去到邊到食野, 埋單時嘅感覺就好似一位中國古人的名字! 行左一陣, 突然師傅想食越南野, 就醒起好友食家"乜都放入窿"曾經帶師傅黎過呢間食店, 於是即刻急步趕往食店! 入到食店人唔算多, 得幾枱客, 一個人真係任你坐邊都得, 莫講話坐, 直頭瞓都得呀, 於是師傅就揀個位啱啱對正個大電視! 坐底後即刻睇下有咩好食, 最後師傅揀左生牛肉湯濛配上火箭蝦卷, 而飲品就要紅毛丹冰! 其實師傅一條友食野都離唔開嗰幾款, 不過咁耐冇黎, 唔知D水準有冇走樣啦? 正當等緊食野的時候, 師傅好懷念往時同好友食家"乜都放入窿"四圍食野嘅日子, 唔知幾時可以再瘋顛咁食呢? 發呆其間三款食物一下子已經放左喺師傅面前, 師傅第一時間當然係試下個生牛肉湯濛! 講下個湯底先, 湯底夠清夠甜, 飲唔出有味精, 味道真的不錯, 當下一口氣連喝五六啖, 正呀; 而生牛肉真係未熟, 紅卜卜好鬼生, 而牛肉放喺滾滾的熱湯上, 不消一會牛肉由紅色變成淺啡色, 入口發覺牛肉夠鬆身, 而且都幾滑, 一D都唔韌唔老, 不錯; 碗中嘅白蘿蔔, 夠腍冇渣, 亦算甚好, 再加上芽菜爽口, 濛粉就滑身唔硬, 配埋是差拉辣醬份外惹味! 小食火箭蝦卷熱辣辣的, 炸得非常鬆脆, 蝦身十分爽口, 而且唔油, 配上少少酸甜醬, 十分美味; 紅毛丹冰不過不失, 絕對接受到!總括黎講食物質素甚佳, 水準維持到, 而環境舒適, 服務有禮, 價錢又唔貴, 埋單六十蚊唔使, 十分抵食; 是次師傅食得十分之飽, 肚腩亦由凹變凸, 更發現原來喺老尖黎呢間食店, 感覺係唔會變為中國古人, 所以感覺十分良好; 師傅會默默為你打氣, 希望食店繼續努力, 笑臉當然值得一比! 最後想講該位中國古人的名字是 “屈原(完)”!
繼續閱讀
Eason演唱會前食返呢間幾年前食過的小店, 味道依然okay叫左二人餐(價值108元):海南雞, 新鮮有雞味, 可惜係無骨, 個人鍾意有骨, 可以"lun"下春卷, 味道可口, 不過可以再脆d 馬拉盞炒芥蘭or 通菜, 選左通菜, 好啱味兩碗香飯甜品有椰汁黑糯米或生果, 選左生果, 有皺皮瓜, 都幾甜餐唔包飲品, 但每碟既size 都夠大(除左春卷只有兩條), 所以另加野飲都覺得尚可接受, 最後叫了一杯16元的青檸梳打.埋單124元, 唔洗加一其實係食店林立尖沙咀要屹立真的唔容易, 但呢間小館都可以在平日既日子到七點幾都坐滿, 都真係要靠口碑呢!
繼續閱讀
今日係我第三日返新工, 冇o係公司食, 因為今餐食蒸魚, 大家都話公司d魚好魚腥o咼~~第一次同同事出外食,我地今餐食越南野, 由於係lunch hour, 所以呢度勁多人~ 我地個個都order個lunch set, 因為我減肥中, 唔想食咁多肥膩野, 所以我order左個生牛肉紛絲跟蒸粉卷, 飲凍檸茶, 盛惠38元~~ 我覺得 味道都幾好味, 份量好足, 大到我都食唔晒~~ 我同事order左個鮮茄牛腩河, 睇落好足料, 又多鮮茄, 又多牛腩~ 仲有呢度d炒飯都好好味~~
繼續閱讀
因為心思思關係，走了去食越南野。午飯的關係，唔係太多人。星期日都有午餐Set Lunch。2個人叫了1個牛肉撈檬，1個豬肉撈檬。另外，再叫了1個牛油雞翼。午餐set lunch，$38左右，除了有個撈檬，仲跟一個小食，另外有杯野飲。叫了個火車頭，另外一個春卷．整體來說，份量足夠。質素都唔錯，不過都係一般水準，未話特別比其他好食。至於個雞翼，賣相唔錯，不過真係好"流"。最好要外賣，職員態度幾好，午飯又唔會收加一。兩個人食2個set lunch，再加個牛油雞翼，都係$110。
繼續閱讀