椰林越南菜館 (已結業)

平時去開大家樂大快活呢類食十幾蚊下午茶包飲料覺得抵, 但食耐了又覺得悶因為選擇唔多,.... 好少變...但近日行過口福街呢間下午茶... 原本好自由... 下午茶任何食物飲料都係半價...例如餐牌內d波蘿炒飯38.00 , 下午茶時間就$19.00 ... 份量一樣, d 河粉檬粉就原價25.00 下午茶就13.00 , 無需加一添....而且係餐牌正價就會半價...唔駛限死話食咩餐甘悶...我就和個friend 2:30 去食, 叫左個炒貴刁19.00 + 春卷13.00 + 馬拉盞炒通菜20.00 ....食到好貴飽....都係52.00 ....... 好抵, 而且最緊要係唔會似附近間"和河粉”下午茶ｄ份量少一半...... 大食d都唔夠食呀... 時間係1-5 , 下午2:30-6:00 ... 外賣d湯粉會分開湯和粉. 唔會浸到淋晒... 都算認真呀... 但外賣要加一蚊合錢....

早排與為食好友C 在此吃晚飯，我地order了兩份set(咖哩牛腩飯+青檸Soda-$35),好味and(雞絲Mon+粉卷+青檸Soda-$35)，唔好食+ 2 個小菜（蝦餅-$38，太多油好唔掂and 馬拉盞炒介籣($33)，唔得又唔hot ．埋單$141.

蝦球炒河粉好大碟, 但唔好食,好油!COFFEE 比起普通既茶餐廳仲要差! 春卷唔熱, 仲好多油, $35 一個set lunch 唔算貴, 但都唔平! 唔怪得都冇咩人幫襯, lunch 坐左1.5 HRS 都冇人趕! d 待應答人問題好似好唔耐煩咁! toilet 都乾凈但地下好"洗"

lunch去食,$35有drink加一個粉麵, 叫了一客香辣海鮮炒河, 好味不過唔夠辣.一客牛肉粒飯, 合格, 牛肉粒少了點.另叫了一客春卷,麻麻地啦....drink係珍多冰(綠色個d好硬.....)$35呢個價錢唔係貴, 但係可以食得好味d

自從推出35蚊套餐之後, 水準大跌!碗乍肉金邊粉, 肉又少, 得幾條, 粉又少, 幾啖已吃完...另外除餐附送的小吃, 唔夠熱..唔低食了..

碟頭超細,味道平平,環境服務當然無,相對價錢貴到離晒譜,制唔過

同個朋友在附近搵食，佢話想食越南野，就行左入來幫襯。下午茶時間都見有唔少人，雖然冷氣幾涼但幾多人煲煙，有少少煙霧迷漫。叫左兩個午市套餐，分別是雞絲檬及燒豬頸肉檬、蒸粉卷、周埋叫多左客牛油蒜蓉軟殼蟹。雞絲檬OK；豬頸肉是炸不是燒的，但都奄得入味，幾好食；蒸粉卷裡以粉葛為主，幾爽口，幾好食；炸軟殼蟹有三隻，都好香牛油同蒜蓉味，唔錯不過80蚊一客就貴左些少。包埋兩杯咖啡埋單150蚊，唔算平，但幾好食。

The interor deco was changed in late 2001 and therefore it looks more tidy than before.

個d筷子有漬o既, 我叫左生牛河, 無骨鳳爪同豬肉卷, 味道麻麻。果陣因為肚餓,所以就覺得d野都可以接受, 如果平時我諗我唔會希慮再去。埋單一百二十左右, 都唔係好抵~環境衛生感覺都幾污糟!

　　去到厚福街，諗住「是但」揀一間食肆，點知揀o左呢間「椰林越南菜館」就出事喇！　　一行5 個人，叫o左「牛油蒜茸椒鹽軟殼蟹」$88 ﹕只得3 隻蟹仔，而且得少少牛油味，但入口就成口都係油，椒鹽﹖唔覺喎。　　「越式拼盤(細)」$6X ﹕4 樣o野，每樣兩件，少得可憐，而且無樣好食。　　「菠蘿炒飯」﹕真係得炒飯，菠蘿都唔多舊。　　「雞/ 牛串燒」﹕雞都可以整到o鞋口，好o野！　　「越式炒貴刁」﹕又係炒河粉，其他材料欠奉。　　又貴又唔好食，環境又差，真係請我都唔再去！

最近再去, D o野食好o左好多~OK la~ ^_^

個個話衰,姑且一試!!Drink okay, 牛肉粉不過不失,再叫一客炸扎肉檬不錯。另外衛生情已改善。（老闆仲會搭訕幾句介紹食品）

果日同男朋友行到去厚福街, 唔知食咩好, 「紅螞蟻」又好多人,於是走左入去呢一間「椰林」到, 諗住越南野衰極都有限啦!點知, 對腳一踏入去舖頭, 就頓時有D後悔, 因為個地下污糟到死, 好多食物的渣滓, 仲滑潺潺, 核核突突, 然後佢地安排左我地坐一個卡位, 個D位污糟到死都不特止, 仲有好多食物核骨跌左係D坐椅到, 真係好嘔心!好喇, D 野食黎到, 果日我係叫左碗生牛肉湯河.......點知食左兩啖, 再用"匙更" 一"筆".....就見到一隻小蒼蠅食我碗湯河到浮屍....嘩!!!! 即刻有想作嘔0既感覺...完全唔惦, 平就真係幾平, 但係衛生署俾果D星星, 我諗佢可能只係得一粒到咋! 簡直恐怖!

都真係未見過咁迫坐得咁辛苦既一間餐廳，入到去真係坐多陣都唔願，野食又唔好食喎，佢地D態度又差，都唔知有無搞錯架... 咁樣點經營餐廳呀，不如你去地盤開食堂，大家一齊迫到出汗，一齊講粗口，簡直係.......... 垃圾呀!!

食物唔係好掂, 好假o既越南菜~