椰林閣餐廳 (已結業)

公眾假期日，晏起身趕時間吃飯點算好？一看見附近椰林閣的下午餐餐牌，價錢就是讓我想也不想便進去坐低叫餐。他們的下午茶湯粉麵類HKD30餘元連飲品、炒粉麵類四十來元連飲品，份量十足，抵吃吧！叫得做椰林閣應該是食東南亞菜吧？不然，裝修亦都應該有點東南亞feel 吧！椰林閣裡，沒有椰林，也沒有樹影，只有大量復古作舊鐵皮美式車牌做裝飾，而食物也來是大集合般，形形色色什麼菜式也有！椰林，也是一個名字吧！食品質素是ok級別，海南雞湯米裡，有頗多帶骨海南鷄件，抵食而言，絶對滿分！豬扒炒公仔麵的豬扒的調味頗重，對平常嗜清淡的我來説，是略嫌太咸太重手了！公仔麵炒得乾身，麵質彈牙有嚼勁！可以吧！

今晚，一行四個廢青，唔知食咩好。傾左一大輪，竟然係去食椰林閣。。。。。。。。。。。。。。。我簡直覺得不可思義。呢間野是否真的是咁差？我只能說，食物可以擺落口，但你唔會發出"好味呀!!~~"的叫聲。左上是雞扒配德國腸餐德國腸不像德國腸，咬下去雖彈牙，但竹欠缺豬肉味，只有濃濃的胡椒味。雞扒一般，食落更略為油膩。右上是日式吉列魚柳意粉，呢個最難食，特別係ｄ冇味意粉！意粉好明顯齊用滾水煮，只有一陣陣膠粉味，而且很濃，沒有汁伴食，真的很難放入口。吉列魚柳尚算香脆，味道不太差。左下是雞扒配芝士焗蠔，過得去啦，雞扒略為油膩，但可算嫰滑，味道也香。不過減緊肥的人士千奇不要點。蠔如果沒有芝士襯配，絕對沒有鮮味。但雖加上芝士，味道也不討好。右下日式照燒汁焗鰻魚飯，照燒汁略為過甜，鰻魚太過乾身，但也有點鮨香。不過都係覺得像茶餐廳貸色。整體來說，都真的很一般。雖則是這樣，但椰林閣長做長有，呢下真係令我佩服。。。。。

今日同左啲同事行左去麗晶果邊食飯, 結果揀左椰林閣。午餐既餐牌都算幾多野可以揀, 而且仲有餐湯同餐包連野飲。最後我揀左蒜香烤雞扒意粉配忌廉湯......首先上黎既係餐包, 熱辣辣既餐包再加埋牛油, 十分香甜軟滑, 幾好味。之後再到忌廉湯, 裡面只得栗米, 味道都唔錯, 但無咩特別。最後再上埋個主餐, 份量都幾大, 雞扒份量都足夠, 雞扒好JUICE, 再加埋洋蔥汁, 十分惹味!!!!一直以黎我都好鍾意食呢到既意粉, 因為呢到既意粉係用茄汁炒過而且唔算好油膩....宜家再試都冇失水準, 意粉既煙韌程度岩岩好, 再加埋茄汁真係好好味!!!!今次令人有驚喜, 每次食物上枱都係熱辣辣, 而且價錢都好實惠, 下次會再食過...

呢間係樓下嘅西餐廳，我媽好中意佢環境乾淨，舒服，今晚同佢撐枱腳，一於試下 。唔係咁肚餓，於是叫左個馬來炒米粉同炭燒豬頸肉。米粉炒得好香，雖然講唔出啲咩香料，但係好有馬來嘅風味。配料好多，青椒，洋蔥，肉絲唔少得，一啖食落去好多種層次，夠色之餘又夠味，一個字:好Fit。跟住食呢個豬頸肉，平時中意食串燒嘅我都係抱住試下嘅心態，唔知西餐廳嘅串燒會點。咬落幾有嚼頭，撕出來食，食到啖啖嘅沙嗲味，好入味，絕對唔輸蝕街邊啲小食檔，好有風味。佢仲有個幾特別嘅醬汁點，有小小辣，又酸酸地，值得一試，但係個人就中意原汁原味，唔錯！

很久沒來這裡吃早餐,今早附近有事辦又來到,點了這個雞翼魚腐湯檬粉,還貪心一點加了餐肉,特別在在外出茶餐廳吃早餐,好難會吃到檬粉,所以每次到都點檬粉,雞翼煎得剛好肉滑味濃,魚腐最好味是怎樣真不清楚,要多試才敢下評語,餐肉又是用心煎過,誠意滿分,反而杯奶茶有點失色,茶味不濃,要改善了,靚茶係餐廳靈魂呢,最值得一提是那個叮到熱辣辣的餐包,加牛油簡直冇得頂,這裡還可選蕃茄湯底

是日下午茶再到椰林閣分店，6個人點選了雞腿配鮮果沙律，黑椒雞排意粉，豬排茄汁意粉及揚州炒飯，是次的份量唔及在柴灣分店的多味道亦不及柴灣那間椰林閣煮得好味。雞腿配鮮果沙律，雞腿小得可憐而且炸得肉好鞋口完全鎖不了肉內的水分，鮮果沙律不如叫薯仔沙律較為恰當。揚州炒飯無味，茄汁豬排意粉完全是唔上色明顯分開煮完沒有再炒勻，豬排有根，黑椒雞排份量小但仍有黑椒味保留在雞排中。是次用餐有點失望。

朋友約食tea, call 我，我正在九龍灣行緊街，他就叫我到椰林閣吧!約2:45到, 先找下有冇架位,好彩!找到最後一張，燈光尚可，枱椅舒適，可惜冷氣有點不夠:-/未吃lunch, 就叫了馬拉海鮮炒米粉，重有焗咖哩雞扒飯跟熱奶茶，馬拉海鮮炒米粉，沒有馬拉特色，略欠清淡了一点，焗咖哩雞扒飯比較有水準，咖哩汁調較得剛好，雞扒就有的過瘦，如果肥一点会好味，奶茶夠熱如的份量少D更好服務員不多可能Tea time 關係Cut 人手等了一陣才有人過來落單及叫飲品但服務質素尚可。

因為工作關係,間唔中都會唻呢間椰林閣食午餐,不過次次都係等兩點後有下午茶先食,講真食物質素只係一般,唯獨一樣野例外.........咖哩牛腩就真係好好食,咖哩汁好味之餘,佢地真係用牛筋腩,仲好夠味又腍,最難得係次次都可以保持水準P.S.食過其他分店,椰林閣嘅咖哩係幾好食!!!

好評來自早餐，外賣的早餐﹗工友介紹椰林閣外賣值得一試，兩個餐$40有得送貨﹗老實說上次幫趁完對佢印象麻麻﹗是茶記的水準了吧，不過最鍾意係佢竟然貼心地湯還湯，麵還麵外送，等0的麵唔洗吸哂0的湯而發脹難食﹗沙爹牛肉尚算腍滑味濃，仲有個牛油餐包仔，20蚊可以吃得飽﹗上次堂食真係不敢恭維，這次早餐幾貼心，給她一個笑吧﹗

在九龍灣逛了幾小時 買了生日禮物 也影了相 也接近晚餐時間在德幅和淘大中走了幾走 討論著究竟吃甚麼為好想過吃和民 Pizza Hut 上海菜 Euro Go Go但最後想到了爸爸喜歡据扒 也考慮到金錢問題所以最終選擇了劣評如潮的椰林閣特選晚餐共有11款 好像跟以前沒甚麼變動我點了晚餐特選套餐C(焗酥皮龍脷柳伴天婦羅大蝦$52爸爸要了晚餐特選套餐E(洋蔥牛仔腸伴巴西豬扒配選意粉)$53姐姐叫了晚餐特選套餐H(黑椒燒羊扒伴煙鴨胸配選意粉)$69媽媽則吃晚餐特選套餐I(燒春雞伴美式脆魚柳配選意粉$63我們全配選意粉 喝忌廉湯 媽媽跟姊姊則+$8要酥皮忌廉湯我和爸爸的忌廉湯先來 味道是不錯 有點過鹹但可接受香草是看得見但吃不出 但味道真是不俗餐包十分軟熟 也是挺好吃的等了一會 姊姊的酥皮忌廉湯端來她說酥皮好像焗得不夠透再等了一會 媽媽的也端來爸爸的豬扒最先上 他沒甚麼評語 只說豬扒挺爽口在姐姐喝沒兩口酥皮湯 她的羊扒已送來她說味道不俗 但最後一舊羊扒燒得太乾媽媽的跟我同時上桌燒春雞皮是很脆 但肉質看似很乾 是燒的關係嗎但媽媽說味道也是不差的我的焗酥皮龍脷柳魚肉雪白 稱不上十分嫩滑 但也不俗天婦

食物又唔係好食,d服務員態度差到難以置信,唔知道以為佢係客人,黑口黑面,粗聲粗氣經理既態度尚算可以.d服務員真係唔要得呀唔洗錢我都唔會去呀,何況而家仲要我俾錢買難受.

想點個酥皮盒肉醬意粉,點知咁早就無晒...中午12點就無晒侍應建議我點個鰻魚雞絲PIZZA. 我即管試下.但係太濃味啦,係我有史以來食過最難食的PIZZA.可能鰻魚本身唔應該拎去做PIZZA 啦 = =a侍應真係唔係少,又唔係好多客, 但係個個都黑面神咁.真係第二次都唔會再黎呢間啦.

呢間野係我去過咁多間椰林閣以黎最差一間.食物差. 湯已經做得差..一味得個鹹..主菜牛扒造得過硬, 雖然汁係唔錯, 但牛扒硬到牙都咬唔到...服務態度差. 入黎已經冇人理我地. 坐低時侍應俾牌一個笑容都冇, 都唔知佢係咪想做我生意如果唔係係岩岩係呢頭見客, 都唔知呢個集團有間咁好的餐廳.

這間椰林閣的服務真的很差，唔知點解，伙計又唔係少，總係唔知點。食物又唔多好食，相比其他地區的椰林閣，這間的確係差一皮。

到呢度午餐, 叫個香芒海鮮炒飯., 份量好大. 但炒得好濕, 又唔夠味, 海鮮即係炸魚塊+蜆仔+蟹柳, 芒果肉少少放飯面最唔得係服務, serve我個係個黑色套裝經理女物體, 朋友叫拉麵, 無筷子叫佢, 佢又唔應你, 然後將對筷子拋落面, 走去埋單已經唔想佢. 費事貼錢受氣, 但其他待應又唔理我, 結果都由呢位女經理幫我, 又係粒聲唔出打開個皮夾, 找錢一句多謝都無+黑口黑面, 前世欠佢咁, 試問點會再幫襯佢?