影片
開飯介紹
主打多款四川菜式，客人可品嚐招牌水煮魚和酸菜魚，另有香辣惹味的特色小炒、涼菜、香鍋和甜品等等。
繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
以上資料只供參考, 請與餐廳確認詳情
有關獎賞計劃
其實本人每星期都叫兩至四次衣閒外賣,寫食評係因為希望有日該店的老闆能睇到作改善. 我平時多數叫小炒肉同乾鍋. 重點黎喇😅我估該店應該有兩個煮法味道好唔同嘅廚師,令我又愛又恨😂感覺好似叫外賣食都變成睹博咁😏其實講真食得川菜嘅人都多數喜歡重口味,健康餐咁少油少調味料咁不如食素菜🤪我會介紹兩張唔同日子叫的小炒肉相片比大家睇下,好明顯一個夠色香味,內片有走油乾身香口掛汁。另一個少油少調味,肉片好像沒有走油直接炒,食落好淡好難食. 若果要穩陣都係食乾鍋比較好,兩位都煮得好食。但我本人又好喜歡吃那其中一位煮的小炒肉多啲，不過就要預左有賭輸嘅心理準備，因為除時係煮健康餐果位經手，咁就要捱餓一餐😭😭啲肉真係淡到食唔落😰
繼續閱讀
今日過咗嚟葵涌附近搵朋友 佢帶咗過嚟呢間位於葵興光輝圍附近嘅楊記麻辣魚館食飯 一入到嚟環境擺設都唔錯 座位都幾大幾闊落 非常適合朋友聚會食飯 我哋人數唔多 叫咗兩三個餸試吓 小炒牛肉 - 鍾意芫荽嘅人一定要叫 悠悠牛肉配上芫荽再加辣椒 味道非常豐富 辣味適中 🌕🌕🌕🌕🌑大盆菜花🥦- 話就話叫大盆菜花 係認真唔少 而且估唔到五花肉都幾多下 呢個辣到相對少啲 而且菜花吸晒五花肉嘅香味 簡直食到停唔到口😆🌕🌕🌕🌕🌖冰粉 - 食完嘢梗係要食返啲凍凍地甜甜地嘅嘢中和吓 佢嘅冰粉整得勁好食 而且再配上淡淡嘅桂花香 作為飯後甜品真係好滿足🌕🌕🌕🌕🌘📍 楊記麻辣魚館 (萬成大廈) (葵涌)葵涌禾塘咀街109-115號萬成大廈地下B及C號舖港鐵葵興站B出口 步行約9分鐘
繼續閱讀
今日午餐嘅時候又好想食辣辣地比較惹味嘅餸，所以又決定喺公司附近呢間楊記麻辣魚館解決，今日同朋友入去就點左一個回鍋肉飯，一個係酸辣肥腸飯，午餐嚟計都比較抵食，仲有紙包裝嘅嘢飲送，酸辣肥腸唔太辣，肥腸都算清得乾淨，放咗香芹泡椒，還有酸蘿蔔，都幾特別，炒得幾有鑊氣，好費飯，今次另一個叫做回鍋肉，五花腩炒得都幾香，肥肉外層脆脆的，又切得幾薄，香芹辣椒加埋入去，超級好送飯，份量唔會太少，適中，呢間真係我哋嘅飯堂嚟㗎，已經唔知來咗幾多次啦！今天的午餐又解決了。
繼續閱讀
成個新年都冇約班老友見過面，趁撞正大家都得閒，即刻約出嚟食餐飯，順便幫兄弟補祝生日呢間喺朋友屋企附近開左無耐，諗住食完可以近近地上去佢度再吹下水，所以就試一試呢度係用電話掃QR自助落單，好方便一去到，但又未人齊，就叫左碟嚟送下啤酒食住等，叫左小辣，辣味同鹹味配合得好平均，啲雞炸到好香脆，朋友嚟到要再叫多碟酸酸辣辣好開胃，薯仔絲好爽，而且價錢非常平，抵食又大碟中間嗰啲我唔知係乜菜，不過同皮蛋食係非常夾，而且皮蛋係溏心，正到痺牛肉都幾多汁，配搭芫荽一齊炒，芫荽都索左啲牛肉嘅油味，唔錯肥腸油分充足，一咬落去好多汁諗住同出面食冇乜分別，但係原來有驚喜，起碼賣相已經夠靚仔，炒得又乾身，味道仲好好添第一次食呢類甜點，炸完出嚟要趁熱食，點埋啲紅糖醬，食過返尋味仲有好多食物想試，下次再有機會食再同大家分享
繼續閱讀
楊記堂食好味應該多人都知啦，之前一路都係堂食未知外賣如何！今次就去試下啦！ 今次買外賣兩人食都唔會買好多 一個大盆花菜 一個細份酸菜魚 冇飯🍚 外賣自取落單準時去到即可有得拎毋需等待（咁凍如果仲要等真係好辛苦）！拎返屋企仲係熱辣辣（相信係踩住時間整出來😁唔係提早整定）打開外賣成屋都係食物香氣 麻辣、酸辣！ 問到都流曬口水🤩🤤！味道同堂食一樣而且冇任何減少份量問題 酸菜魚細份都好食同埋好大份 如果有飯三個人都夠食！
繼續閱讀
您可能會有興趣的...