極之好粥麵茶餐廳 (已結業)

我今日同r_1900有同樣經驗，不過我到埋單才知炸兩盛惠38港元!!!　我問伙記又凍又淋晒的炸兩，點可能買38元？　點知佢仲調轉頭話我唔早D出聲．　真係不知所謂

星期日原本同準新娘去MK睇早場但無飛，　焗住STAY旺角早餐. 眼見附近選擇不多, 最後去咗幫趁極之好.想當年食過佢地嘅炒丁同車仔面唸住靠得住,同準新娘坐底見到MENU有炸兩搵伙計落單,阿姐第一個答案係盛惠38港元!!!　心想荼餐廳收酒店價錢幻想可能好好味, 就叫一碟加埋準新娘劃紙仔車仔麵....等咗陣炸兩到先,　份量有平時光顧粥舖多一陪, 側邊淋麻醬面上加蔥花, 豉油用另一個碗仔上,賣相OK.　點知咬落第一啖....凍口既,油炸鬼淋晒雖未之於隔夜但好明顯唔係新鮮炸起,比起一般粥店隨叫隨整更不如,味道同其他食完全無分別. 試問佢地好意思收38蚊，係因為自以為好味道定舖租太貴?　之後準新娘叫嘅車仔麵到,　油麵加牛磅加魚蛋加小棠菜.在無期望之下果然唔好味: 湯底完全無味似水,　魚蛋淋到完全唔彈牙似烚咗好耐, 得牛磅叫做正常....總括係一般水準之下埋單計埋兩杯凍飲盛惠$88, 以早餐價錢來講確實係搵笨~~極之好貴為一代聞名的港式茶餐廳,　係味道不再好定經已有名聲唔想保持水準? ANYWAY作為一個顧客身份在旺角有更好選擇食店大前提下唔會再幫趁呢間名大於實嘅食店.

今在跟女友在旺角閒逛，突然想吃車仔麵進了這店。在附近區內，我覺得味道較好的就是這裡的出品，特別是這裡的辣醬，辛辣香味之餘韻可以殘留在口中一段時間，甚是令人開胃。看過車仔麵選紙上價錢，也只有概嘆物價又再一次提升，原來一碗便宜的"車記"，要選三餸的話就已經超過了二十大洋，以我的收入還可以接受如此價錢，但如果是低收入人仕，三碗同價的車記便可以買到4.5個雙拼燒味飯了...我點了豬腸、豬血、冬菇油麵，女友的是餐肉煎蛋跟蘿蔔。一如以往這裡的豬腸大多是大腸來的，比起小腸的口感更加有o趙頭，豬腸的清潔方面也從來沒出過問題(至少在我身上沒遇過)，至於豬血跟冬菇也煮至入味。這兒車記的餐肉煎蛋都是用長城牌午餐肉的，以現在物價來說已經算是"貴價"食品。而蘿蔔比上次來的清甜無渣，跟平面一般老而有渣的好多了。^^面對通貨膨脹，大部份食店的份量明顯減少了許多，還好在味道上仍能保持著，不然真的變成了又貴又不抵食了....

今日同個fd行過呢間野，個事頭婆好Hardsale，終是入左去。我叫左三樣餸同一個河粉加底已經廿九蚊！ｄ野又少過人喎！我個fd又係三樣餸一個面，不過冇加底。佢圈左香腸，五蚊份！點知得果一條囉！而且個面又細個！佢夠膽收成七蚊！得果三幾啖！點完野食之後個事頭婆好催促咁問你：「飲咩呀？快ｄ！」之後我同我個fd係好趕ge情況下都叫左兩杯凍寧茶。嘩！要成十四蚊一杯！杯野又唔係大杯兼好飲！而最大問題係佢冇通知要另外加錢而且仲要係咁貴個囉！所以大家要小心呀！加上ｄ野又唔係話特別好食！但係收咁貴！四十幾蚊而且咁貴夾唔飽ge車仔面真係第一次！唔會再去！

佢地話係得奦作品--炒出前一丁,咁我殘酷一丁梗要試吓啦!我食既係一碟鷄亦出前一丁,味道都唔錯,好多茶餐廳既炒出前一丁都會成個碟底係油,但係佢唔會,而且麵係真出前一丁,所以食落好味!鷄亦有四大隻,炸到脆卜卜,都幾好食!價錢有d貴!不過八成既錢係俾mk既租!!

入去食車仔麵!我只評我自己嗰碗,女友嗰碗唔評!我係食米粉,再加生菜,豆卜,火腿丸,豬腸,蘿白d餸既味道幾好,特別鍾意d豬腸,唔韌,夠淋,豆卜ok,鍾意d鯪魚肉,火腿丸,蘿白係大路野,唔會有咩特別!個湯好多油,加埋辣油,好油,但係味道好精彩!

因為我個frd話佢之前食過超好味，又見佢話自己羅咁多獎，米打算食下囉~一入到去，發現一個抄公仔面要成四十蚊，超唔抵。但發現佢係開廿四小時之後都覺得勉強可接受既。叫左個雞翼抄公仔面同埋一個唔知咩聰蛋炒腸粉。個公仔面超一般，唔係所謂可以羅獎咁好味。但d雞翼都幾好味既。而個腸粉都係好一般~~~我個frd食左之後話可能係換左廚師wow，之前無咁架bor..但個waiter唔知係搞gag定係太蠢呢，超搞笑，我地六個人得五杯水，叫佢比多杯水。結果成壺水羅黎，比我地自己斟，呆左，我地都唔係咁既意思。= ="

買了幾個車仔餸。豆腐卜：有五粒，size唔算大，比起以往細好多，豆卜上的魚肉幾好，at least 唔腥。豬腸：唔算入味，不過好在唔韌，煮得夠淋。牛膀：有四片，淋得唔夠入味又唔夠淋雞腎：好好味，有嚼頭，淡口，如果咸番少少會好食好多。個碗就好大，不過每樣都係得幾舊/幾片。無計啦，而家樣樣都貴，佢唔加價，就唯有將貨就價，縮水是少不免的！

海鮮炒公仔麵.... 唔差,但亦不算高水平;不夠獲氣,沒有汁,唯一好處是不多油。柚子紅茶.... 那麼common的飲品,都做得不太好味。最沒禮貌的是老闆-- 有人叫了麥皮,他跟水吧接單的人講了五字經典粗口:「X X X X X,咁夜叫麥皮!」門口貼出幾個食神奬,有點莫名其妙..貴..唔值!不會再去!

我們要了：金黃雞翼炒公仔麵($38) - 雞翼四隻，頗飽滿的。麵炒得算乾身，碟面沒太多油，配以幾款配料來炒，幾惹味。不過以這樣的價錢，唔抵。豬皮蘿蔔魷魚米線($22) - 蘿蔔幾淋幾入味。豬皮有硬有淋，味道okay。魷魚幾乎不見，沒什麼味，應該說除了蘿蔔之外，其他送的份量極之少。米線碎濕濕的。湯底明明叫走辣，但還是愈吃愈辣。又不能跟餐叫飲品，唔抵。環境不用說，真的污糟。試一次就好了。

何出此言?事緣: 11月4日夜晚趕住睇eason chan 演唱會臨急同朋友黎呢間食野我食車仔面朋友食2溝碗仔加魚肉菜其實問題唔係在於野食係在於員工態度我咁大個女第一次見到服務差到咁既人佢係一個男人頭髮黑啡色身材瘦唔高around 165 -170 唔大隻屬於前輩級朋友叫左一個碗仔翅既本來後尾諗諗下都係要個2 溝: 伙記唔該將頭先個碗仔翅轉2溝 黑面"妙咀妙舌" 態度超差 好彩朋友禁住我如果唔係我諗發生爭執我唔會再黎呢間食野我唔想再見到呢個人態度差到死!!!講返野食其實係第二次黎呢到食今次食車仔面都唔錯蘿蔔炆得好香好入味朋友食果個2溝就麻麻又貴又唔抵食花園街街邊好食好多ps : 我仲聽到其他伙記向人介紹話佢地果到既碗仔翅係全香港no.1我聽完之後好想話朋友好貴又唔好食!

好貴話說呢日同朋友行完elements 出返黎旺角搵野食又攰又肚餓走左入黎食野諗住茶餐廳, 應該都係冇分特別但一見餐牌波羅飽8 蚊一個@@,眼都突埋!!!!!碗仔翅16蚊一碗!!!!!!!!!!之後都叫左3 個餸 一個面叫左豬紅蘿蔔豬腸油面豬紅好易散蘿蔔有胡椒味,但覆蓋左蘿蔔本身既甜味豬腸不過不失, 普通貨色油面, 好硬同好少面叫左加辣, 但d辣唔辣要自己加d辣椒油上去先好食22蚊唔包野飲, 飲清水唔抵食同埋好貴下次都係食隔離街既米線/ 手打面仲抵食d成個餐廳都好多雜誌既圖片介紹呢間餐廳去完之後都覺得雜誌真係好多誇大成份!!

尋晚同小牛係旺角太子一帶搵食,行呀行,都搵唔到地方食野,一係太多人迫爆,一係唔想食果的野,最後求其搵左間極之好,諗住食下車仔麵,點乜都得...兩個人,要左個荔灣艇仔粥同一個三送車仔麵,再加兩杯凍飲,估唔到咁都要$60埋單...$20一碗既荔灣艇仔粥,本來以為好大碗,因為佢話係生滾煲仔粥,點知同一般無異,好細碗,唯一可取係竟然有薄脆,近年好少見咯!點車仔麵時,見到有芋絲,幾特別,唔係間間有,所以點左,$6一份有4件,可惜其中一件乾鬼左,死唔到,又會咁...同埋個湯底好差,食食下會見到一的肉碎既野,又唔知係乜,同埋佢無啦啦同落左好多麻油落去,我本人就真係唔鍾意喇!臨走時出到門口,個侍應仲問我地買唔買蛋糕,原來佢地門口有個檔,賣蛋糕麵包,奇!整體上我覺得麻麻囉,亦唔打算再黎,或者呢度既炒野好食卦,見好多人都叫炒乜炒物...

20070831概念中旺角總是應該有大把大把宵夜場所的，這裏也是其中之一，不過雖然做宵夜生意，卻不保證廚房裏還像日間那樣貨品齊全……至少我們是轉了幾次才叫到東西的……簡單一碗皮蛋瘦肉粥，比想像之中來得有心機，用的是細細的肉絲，幾乎是肉鬆了，甚至有幾條口感像是瑤柱絲：）所以粥的味道也更濃，店面不大卻一樣有Plasma，不過是晚那套戲實在太爛，壞了整晚的心情。

食過呢間車仔麵同炒一丁車仔麵貴左D又冇套餐跟飲品不過D送真係幾好味同埋幾靚炸豆腐好味其他車仔麵檔冇得食同埋個麵可以要檬粉雞翼炒一丁預左會多油但佢又唔係真係好多可接受覺得幾好味但雞翼乾左D喇真係佢個麵炒埋D青蕉蘿蔔絲都幾惹味但又係貴左D 因為都係冇餐跟野飲叫杯凍飲加要十幾蚊...好唔抵但呢間野好衰D服務係門口個呀姐就好似好好招乎咁叫你入去入到去果陣D呀叔就呼呼喝喝迫你坐邊個位咁..而且見你係學生或者食D平野唔加野飲會黑口黑面ga而且坐低一定要叫野...千祈唔好陪朋友入去淨飲水唔記得要比20蚊定10蚊佢係計人頭唔係計台的