影片
港鐵長沙灣站 C2 出口, 步行約6分鐘
繼續閱讀
電話號碼
56472128
營業時間
今日營業
全日休息
星期一
全日休息
星期二至日
12:00 - 15:00
18:00 - 21:30
公眾假期
12:00 - 15:00
18:00 - 21:30
公眾假期前夕
12:00 - 15:00
18:00 - 21:30
以上資料只供參考, 請與餐廳確認詳情
影片
相片
終極之廣島牡蠣濃湯拉麵
終極之廣島牡蠣濃湯拉麵
+925
+20
食家推介
極之拉麵Kyuku Ram隱身於長沙灣元州街。雖然店面不太起眼，但在社交平台上看到店主對湯底的堅持，讓我決定前來一試。他們的招牌菜「終極之廣島牡蠣濃湯拉麵」確實令人驚艷！🍜濃郁的海鮮湯底完美詮釋了拉麵的靈魂。為了追求完美，店主甚至願意休業一天重新熬製未達標準的湯底，這份執著令人欽佩。👏極上黑松露鯛魚白湯拉麵同樣出色，濃郁鮮甜的湯底配上嫩滑叉燒，溏心蛋更是流心誘人。黑松露的馥郁香氣與海鮮的鮮甜完美融合，麵條口感滑嫩，可選擇添加辛辣提味。激安1元優惠：每碗拉麵只需加1元即可搭配一款小食。我們選了迷你紫薯（2粒）和迷你抹茶泡芙（2粒）。必試小食：北海道芝士年糕，外皮金黃酥脆，內裡煙韌有嚼勁。另外，🍗唐揚炸雞也非常美味，外酥內嫩，讓人回味無窮。罐裝飲品：凍日本蘋果汁，凍日本提子梳打店面雖小但溫馨，暖色調燈光配上木質傢俱營造日式氛圍，餐桌上擺放著各式動漫模型。用心的食材配搭與用料實在，是一間絕對值得支持的小店❤️
繼續閱讀
湯底唔符合要求就倒掉，情願休息都唔開門？今時今日難得有此力臻完美的拉麵店，必須去支持一下。✨終極廣島蠔濃湯拉麵✨$138好友係蠔精，只要有蠔食，一隻都唔會放過🤣食物一上枱，佢雙眼發光🤩。內含三大隻日本廣島蠔，加上數隻醬漬牡蠣，蠔味十足😍。還加了一份鯛魚片，超級滑嫩💖湯底非常濃稠，一啖入口，鮮味大爆發‼️蠔味濃郁，入口純粹，且餘韻鮮甜，好食到不得資了❤️❤️細問店員，先知原來佢哋用大量日本產蠔熬湯，搭配自家製日本牡蠣醬煮足九個小時，如此誠心熬製的一碗拉麵，難怪質素如此之高。✨終極之多重貝汁湯拉麵✨ $138非常足料，有大量的花甲，牡蠣及大大粒北海道元貝。當中我最喜歡就係鮑魚，彈牙爽口。最正的是湯底，以多種貝類，搭配醬油熬製而成。湯透非常清澈，微濃而又無比鮮甜，喜歡爽口湯頭的朋友不要錯過。兩款拉麵都搭配數塊慢煮叉燒，呈鮮粉紅色，非常滑嫩。糖心蛋原隻呈上，輕輕手以筷子劃開，流心蛋汁迅速流出，超正。麵條煮熟的程度剛好，幼身但爽口彈牙。✨芝士年糕✨ $26熱辣辣，一啖咬開，芝士能夠拉絲。煙煙韌韌，烤得恰到好處，將為小食，一流👍🏻如此用心的店舖，是食客戶的福音，必須多多支持想睇更多介紹，馬上Follow我啦😁。#big_big_foodie #big_big_foodie食勻長沙灣 #big_big_foodie食勻香港
繼續閱讀
聽講師傅如果發現湯底唔啱會重做⁉️對食物有要求的店絕對吸引我去幫襯！呢間對湯底極為執着呢拉麵店主打🐟鯛魚湯同🦪廣島蠔湯底（限量20碗），由於店面面積唔大，晚飯時間都需要排隊，但無阻我哋食拉麵嘅決心：🤎G4終極多重貝汁湯拉麵 $139湯底由大量貝類、海鮮熬製，入口主要飲得出嘅貝類🐚香氣，「鮮」味十足，「鹹」味適中，並唔會有「苦、澀、腥」味，質地上偏向清湯，如果喜歡海鮮嘅鮮甜味應該會鍾意。配料勁豐富：有齊鮑魚、鮮蠔、帶子、蜆肉及叉燒.....鮑魚鮮味彈牙，廣島蠔質地柔軟，並不會太熟而變硬，大大塊慢煮豚肉保持粉嫩顏色，入口柔軟細膩，糖心蛋煮得啱啱好，橙黃色蛋芯保持流心，所有配料同個湯底都幾match!拉麵份量超多，細食嘅我都食唔晒，麵底軟硬適中，食完呢碗麵好滿足！🤍B3 極之真鯛魚白湯拉麵 $98🐟鎮店之寶🍜呢個真係超好食，兩個湯底都各有千秋，呢個白魚湯質地比較濃厚，仲可以加辣醬，果然加咗微辣更好食，入口非常濃郁白魚湯風味，湯底內嘅鯛魚無骨啖啖肉，肉質鮮嫩無咩腥味，令我哋一啖接一啖，好快就食晒成碗麵啦！🥟炸雞皮餃子 $28超邪惡嘅雞皮餃子，餃子外皮表面香脆，擺落口餃子皮就煙煙韌靭，驚喜之處入面加咗雜菜，可以中和油膩感，簡單鹽同胡椒調味已經足夠，yummy!🧀芝士年糕 $26一定要趁熱食，外表有啲似粒粒泡芙，入面嘅芝士唔會太鹹，入口煙煙韌韌味道都唔錯！總結：可一、可再😋🍜極之拉麵 (長沙灣)📍長沙灣元州街399號喜漾地下2號舖（星期一休息，研究湯底食材）💰（只收現金）
繼續閱讀
呢間拉麵店雖然唔喺當眼位置，但仍然有好客人。餐廳自家製作湯底，留意到餐廳有幾次都因為唔滿意湯頭質素而休業一日，可想言之佢哋對湯嘅要求係幾高！🍽️終極之多重貝汁湯拉麵 $138湯底係由大量貝類、鮑魚及牡蠣長時間熬出黎嘅濃貝汁，極鮮甜！店員建議飲咗湯先食配料。配料方面有北海道元貝、溏心蛋、半殼醬漬鮑魚、醬漬牡蠣、慢煮叉燒、花甲，勁足料！😍牡蠣份量超多，醬汁鮑魚爽口彈牙，用料新鮮。慢煮叉燒好軟滑，厚度適中。貪心嘅我仲加多咗一份醬漬鮑魚(+$22)同迷你魷魚鬚($1)！😝魷魚鬚好鮮甜，唔錯！青瓜漬好爽口開胃。溏心蛋好完美，食完好滿足~🩷🍽️極之真牡蠣醬油拉麵 $99餐廳用咗大量牡蠣同9個鐘先熬煮到呢碗湯出嚟，當然要試下！香味濃郁嘅牡蠣結合醬油鮮味十足！呢個價錢仲有埋醬漬鮑魚真心抵！拉麵好有勁道，偏硬身有口感，好有喺日本食嘅感覺！豚角煮入口即溶，味道不錯。🍽️替玉 $12加替玉時可以撳一下跟餐嚟嘅鐘仔，店員就會送個替玉過嚟。替肉份量都幾多，夠唒大食嘅朋友食！😂🍽️北海道芝士年糕 $26年糕外脆內軟，加埋軟綿綿嘅芝士內餡好邪惡。芝士味好濃郁。🍹凍日本提子梳打 $9呢個梳打真係好好飲，提子味好重，唔會過甜而且解渴，好啱夏天飲！.會再去！😋
繼續閱讀
呢間拉麵店門面真係好低調，門口餐牌都只係得文字，但拉麵湯底同配料質素真係出奇地高🤩 一入門口已經聞到好香魚湯味道！本人一星期內已經2刷咗😂💪🏻 終極之廣島牡蠣濃湯拉麵 ($138)廣島蠔拉麵嘅湯底都係用濃蠔湯去配搭，湯底超正！湯底嘅蠔味非常濃郁突出，有少少creamy嘅感覺，而且好鮮甜🤤 飲完都唔會覺得口乾，可以飲晒成碗湯！而且配料質素同份量都出色，廣島蠔有大有細，差唔多成7-8隻，大隻蠔味突出😋，口感好滑！而且亦有4塊慢煮叉燒，叉燒肉質好淋😝 另外，仲有隻入味溏心蛋。💪🏻 極之真鯛魚白湯拉麵 ($98)鯛魚拉麵同樣出色，魚白湯同樣鮮甜，魚味夠鮮🤤，亦食到少少薑嘅辣味！鯛魚片都滑，仲有3塊炸魚皮！而且拉麵嘅價錢都性價比好高，價錢同坊間相約，但湯底質素同份量都比坊間高好多！我自己再加咗$10幾蚊加多2塊叉燒😂最後朋友嘅評價係拉麵湯底同配料可媲美「座銀」😂 但如果麵質可以更彈牙就完美😂💪🏻 唐揚炸雞 ($29)炸雞就同平時差不多，都炸得微脆。味道：10/10 （隔幾日2刷已經證明好食🤤）性價比：9/10 食住瘦指數：💪🏻💪🏻💪🏻/5
繼續閱讀