榕樹頭咖啡館 (已結業)

lunch set 有三四款選擇，我要了set A，可從多種材料揀兩款，要了鮮蜆+田螺肉栗米飯。雖然油煙比較多，但份量同口味都幾岩我，還有cheesecake甜品，仲好過去食燒味飯啦。下次lunch又多一個選擇了。

同公司曾經有人買呢度的芝士餅作慶生作，好評如潮。於是訂了一個，帶去阿姨家作家族聚會的甜品項目。家族聚會，份量寧多莫少，免得被親戚們視作小家氣子。問店家可否再做大些，（如直徑十二吋），回答係「不，因為再大的尺碼（指直徑），餅身會再扁些…」想深一層，十二吋又真係大得有點核突！於是買了個「藍苺起司餅」（$220；九吋），和一個「雜苺起司餅」（$240；九吋），兩個起司餅放埋一齊，幾大幾宏偉。共四佰六十蚊，送紙碟膠叉二十套。貴過買三磅生日忌廉蛋糕，貴在D 忌廉芝士料！？生果新鮮，量亦唔少；忌廉芝士餅身超香濃滑溜，芝士味超濃郁，店家幾肯用料。結果，呢兩個九吋餅，我地廿二個人（十八大人，四小童）剛好吃光。

(23/5/06)今日收早,行人之前打去問,仲有無oreo cheese cake,無人聽。諗住行黎先算,應該無問題。有開鋪,一入去,一朕油煙味,已不討好。而餅櫃只得番件普通cheese cake,店員話今日無oreo cheese cake,唔係日日有,或者你打來訂吖。嘩!激氣呀!打黎!!?打黎有人聽咩!?原本都想試試soyocinno,唏!突登行黎咁"橋"腳的地方,end up 咁樣,唔會再黎喇!

跟同事來這兒午餐。十二時四十五分，巳滿座！抽氣系統，極度有待改善。我的新夾克，風吹三天，仍是濃濃油煙味道！！！餐牌有三、四款午餐（各$45，免加一）。沒餐湯餐包，僅碟頭飯配飲品甜點。只比茶餐廳好丁點兒而已。主菜方面，我的「紅咖哩龍脷柳」相當惡劣！從色香味而言，感受不到咖哩應有的香辛惹味！龍脷柳處理得好差，味道腥爆，沒有上粉便去煎，勁出水，肉質「霉霉韃韃」！貨唔靚、手勢唔得，唉！同事的「照燒豬肉眼扒」只比我的好丁點兒。豬肉肥膏佔大半。所謂照燒汁，跟鍋底的油沒兩樣！豬肉眼扒的肉質難得地粗糙，唉！至於飯是混入少許南瓜蓉的「南瓜飯」，油膩程度是挺嚇人的。份量又少。唉！碟頭飯質素惡劣，幸而，甜點和咖啡是較為有水準。可能是咖啡室的緣故！是日甜品是「朱古力布朗尼」，OK 喎！餐飲選了「熱咖啡」和「熱奶茶」。兩者都是香但不濃。不濟的碟頭飯、飲品麻麻、油煙味濃、坐位甚迫，老闆娘趕客走，大概無下次。

這亦是以前常光顧的食店。曾經有一段日子，常常跟同事到隔隣麥記吃沙拉。女同事們吃一份沙拉便夠飽，但我等男兒卻當然唔夠喉！不想吃炸薯條、漢堡包類，便在這兒購買一片muffin ，偷運入麥記。既有沙拉的纖維，亦能吸收muffin 裡的脂肪和澱粉質（哈！）店裡每天午飯時段超熱鬧，收銀員忙個不停。我通常自己去夾muffin 才去付錢。幸而店家未予以責備或黑臉。店家只供應兩款「美式鬆餅」（$6）：南瓜核桃、香蕉核桃。質地鬆軟，香甜誘人，口感頗油膩，女同事嘩然。想起都想食。

有多款西式早餐提供，食物普普通通。另試過它的其中一推介- 豆漿咖啡，但實在很淡，不但沒有咖啡味，連豆漿味都好似不覺有!