榮發燒味茶餐廳

營業中

休息中

復活節假，尼左大圍呢間新開既茶餐廳食晏原本係冬菇亭，岩岩裝修完冇幾耐茶餐廳似Cafe 格局有室外位，方便返推BB車既家庭，不過夏天應該幾熱天花裝左風扇燈，夠晒光猛岩晒老人家睇報紙Neon Light 裝飾，懷舊得尼真係幾cafe朋友叫既燒味飯，水準唔錯，芥末要問佢拎我叫既常餐，沙嗲牛肉夠多同大塊，湯夠惹味，唔係出前一丁但係淥得岩岩好唔過淋。多士烘得唔夠脆，牛油搽得唔均奄列係白汁火腿，岩我口味埋單大概每人50蚊到，同市區其實都差不多，不過係幾好食既~

食物尚算有特色和多元化，有自家燒味及其他地道茶記食物，燒肉個皮都好脆，焗飯個味道都好味既，可惜樓面服務奇差，無人招呼，唔夠人執枱，落單，又落錯，問攞碗攞水要自助，送湯要自己提先有，焗飯等左45分鐘都未到，催左3次先原來落錯單，唔好意思都無句，黑口黑面，無下次。。。樓面12點竟然可以坐低食飯，有客叫佢地，佢地就完全唔理，又無同客講叫佢地揾其他同事，又無回應d客，咁樣想好生意都難啦，破壞哂d食物同裝修。

第一次幫襯，今日食左個焗豬扒飯，味道麻麻，大家樂比較好食！服務員態度係比較差，問佢要杯水話叫我自己去拎，自己拎唔緊要，說話態度可唔可以好少少，點解服務員個個都黑口黑面？

去食過幾次野，每次見到d職員服務都係咁差，幫襯佢食野要受佢職員氣，送餐又大力放低，漏單想佢幫手追一追，舉手叫人d職員當睇你唔到，坐左25分鐘杯野飲都無送黎，仲要落錯單寫錯河粉，我話係落單講清楚要麵，佢送到黎話無比個河粉我，跟住我話唔食河粉咁唔要喇，佢先話再炒過麵比我，又話無麵既？

比領展趕走咗出名多年嘅金城茶餐 小炒 粥粉麵，換來榮發燒味茶餐廳，好似係17年底12月開的。通常新野唔好即刻試住，等佢run熟啲，以免中伏。今日放假走咗去食早餐，價錢30蚊左右，一般大眾價錢。新裝修，環境幾好，坐位寬闊，好過場商金源好多。 因為唔係公眾假期 唔使等位。食物份量同一般茶餐廳差唔多，通粉上枱熱辣辣，湯底好味，就算火腿絲食晒，淨食通粉都覺得好味。 其他炒蛋 麵包 鬆軟 奶茶都ok。 服務一般達標， 但已經好過商場金源。