榮耀餐廳 (已易手) 新餐廳

星期五晚放工夜，黎到大圍呢頭搵食，見到openrice食評呢間唔錯，就黎探下險咯小店係大圍田心村內，位置唔算開揚，我地都搵左一段時間。可能都成夜晚8點半，店內唔多人，所以好快上菜。我地點了燒比目魚(6安士)同一個肉醬薄餅，連南瓜湯。好有驚喜份量大之餘，味道好好先講比目魚，我好喜歡食魚的，也試過唔同餐廳既比目魚，呢間份量夠大，煎得好香! 最重要係有肉質。佢既薯菜唔係薯條，而係自家製菜炒薯仔，簡單落點香草，炒出黎好好食。薄餅都好有驚喜~size好大，新鮮整，肉醬有肉味，仲有隻唐心旦係面添。都係88蚊咋支持家庭式小店，會再黎喔

我食過呢度嘅lunch，係唔錯嘅，今次試下早餐，嗌左個最貴嘅早餐，點知應該係最唔好食、最hea嘅，粟米得一小節仲要係細半邊，同埋個厚多士上面啲花生醬好難食，似係cheap嘅花生醬味，定係擺太耐，總之有”益”味...

上星期我們一家人喺福田心村附近一帶，搵下有咩嘢食始終晚飯來來去去都係茶餐廳，小菜館，泰國菜…… 都有點悶了，經過呢間榮耀，見佢裝修及佈置簡簡單單，座位亦很舒適，於是我哋入去試試！一位很親切的姐姐招呼我們入座， 還很主動介紹當天的特別例湯，打開menu發覺選擇非常豐富， 正好配合我們一家大細不同的選擇肉醬意粉，雖然份量不算太大，但係餡料及肉汁豐富，很鮮味醒胃！另外點了，燒汁雜扒配薯菜，食落口感覺到店主誠意製作！呢個雜扒有腸仔，有煎蛋，豬扒等等……最適合一家大小一齊分享鄰座兩三張枱都見到有家長帶埋小朋友一齊進餐，感覺很溫馨！

同兩老係大圍行返田心村搵食，係佢地帶領下去咗一間唔起眼既西餐，原來就係上次同老公拍拖既cafe隔幾間舖，時間尚早餐廳唔算多人，餐枱整齊排開坐位舒適天氣回暖又潮濕，難免影響胃口，酸同辣最醒胃，叫返個菠蘿鮮茄焗豬扒飯（$54）同花香新薯咖哩海鮮飯（$60）就最適合，蕃茄獻汁清新唔會一口茄膏味，飯夠乾身配薄切豬扒，有兒時既味道!花香大概係羅靭同香茅味道同青咖喱無異，配蝦仁、青口、魷魚最夾，一碗白飯真係唔夠喉老爸點既牛扒（$118）大大塊，煎得香脆又夠牛味，配菜吸收牛扒油份就算烚椰菜同薯仔都已經好好味跟餐可以自由選配餐湯、餐飲或沙律，熱桃茶（$8）配一片檸檬加點酸味，熱辣辣飲落順喉

今個禮拜成個禮拜都要自己食晚飯，唯有收工喺屋企附近搵食，呢間榮耀叫餐廳其實平時返工放工都經過，不過其實本身好少會係屋企附近食西餐，所以一直都冇機會食餐廳位置要住附近嘅人先至會比較認識，餐廳細細間大概五六張枱到，所以到環境幾好好舒服入到黎都有兩三張枱坐緊人，有一班人喺度慶祝緊朋友生日，我諗水準都唔錯掛叫法都好彈性，叫咗主菜所有嘢都可以加錢配嘩，海陸空至尊，可惜一個人食唔晒餐牌嘅食品選擇都好多香草忌廉汁藍青口做前菜，都唔錯跟餐嘅忌廉湯香醇欖油鮮茄野菌意粉，炒得好有水準，橄欖味好香

假期中午兩個人去食晏，餐廳暗暗的，十二點幾已經有8成滿，因為有小朋友關係，環境都算幾嘈下⋯是日假日只有Set Lunch.Pizza - 被預期中大，大概有8件，薄批，算多芝士，一個人食啱啱好。青咖喱雞扒煎蛋飯 - 甜甜的青咖哩，雞扒煎得好靚好香入味，但上面有灑上綠色粉點綴下，感覺很用心！熱咖啡上灑上少少朱古力粉，不是交行貨，讚！

又再一次番工番到夜，正好同事又有揸車，決定去大圍食，因為三個人條路都順便經過大圍外面內面都其實真係很平凡，但環境乾淨舒服，老闆都看似平易近人，馬上看看餐牌因上次在bigger burger有左慘痛經歷，所以好需要補償，立即叫左個紐西蘭肉眼扒餐呢個堅係紐西蘭肉眼扒，我住過紐西蘭成1年幾，次次去parknsave買牛扒都係呢隻味，不得了，冇諗過唔係得個名，認真有紐西蘭牛肉扒味！我負責分牛扒，一人一口好快食完，因為堅比之前間野好食太多，我自己充滿私心地刻意切左最肥既部分俾自己：）呢隻肥膏，其實係真肥，但食落口絕冇肥膩既感覺，只享受到佢既肉香味，勾起左以為紐西蘭買完自己煮既回憶：）仲有值得一提，唔好以為放下低既係一般既伴菜用bacon 煎香哂，先放菜同薯仔再煎過，係有味道既伴菜！不過美中不足係薯仔唔夠乾身，我比較喜歡香口少少：）南瓜濃湯！：） 好濃好好味，有略中帶微酸，好開胃，可惜食唔出係咩香料：（櫻花蝦蟹肉pizza係薄既，櫻花蝦夠哂多，蟹肉就少d，不過整體都好食海鮮燴飯 （大概叫呢個名）有誠意既燴飯，食到淡淡特別香料既味道，不知道是什麼名字。另外上面既海鮮都算okay好食，成個飯都味道剛好

有一晚我去了一間位於沙田大圍田心村(隆亨邨對面)的港式村屋地道榮耀餐廳吃晚餐，店內裝修設計令人有舒適感，特別喜歡佢的座位。因為喜歡食魚，會在餐廳叫各式魚類，特別注重魚是不是新鮮，今晚叫左比目魚試試，果然幾好食令人心情愉快：亞拉斯加扒比目魚拼燒蝦意粉，無骨的比目魚煎得鮮香，魚肉質亦嫩，魚身很高厚度令人覺得份量多。而吉列炸蝦也炸得香脆，我會配以沙律汁下調味吃落自會甜酸。再加上椰菜、薯仔、意粉配合下，入口番尋味十足。下次再來時又要再食呢個比目魚餐。

聽朋友介紹沙田大圍有間餐廳的廳師水準幾好。於是晚餐到了榮耀餐廳吃晚餐，村屋內外環境清幽，令都市人感受不到束縛。要一個美國安格斯肉眼扒拼吉列蝦意粉 ，首先肉眼扒以美國靚牛扒製，大塊在約七八成熟的煎製下，一件件切開時感覺到肉是有彈性的， 扒質入口時鮮香味十足，的確是很爽滑無窮，再加上燒汁調味下自然增添加左美味感。而吉列炸蝦在生粉下炸得熱度剛好，食落口熱辣適中，令蝦身有著脆脆爽爽的美味，入口質感更加惹味再加上椰菜薯仔意粉。

間舖既位置好入，唔太起眼，今日經過見到餐廳冇乜人，起初都唔敢入去，諗諗下既然黎到不如試下好唔好食，感覺上餐廳算係親民，之後就入左去坐，都算坐得幾舒服，坐低左叫左個漢堡薯條同焗豬扒飯，侍應見我地兩個人食細心主動問我地切唔切開個包，整體上都整得幾好食，最後試埋佢個冰桃茶都幾好飲。初初都擔心佢冇客，之後隔左一陣都有好多客坐低，最緊要出品好，自然就會有客幫襯，我覺得整體上佢地都做得好好，值得推介比朋友，加油！

村屋下的西餐在大圍附近徘徊，去了在村屋下的西餐廳，試了，真係唔錯喎，我點左一個Standard嘅set dinner 牛扒餐，整體好滿意。一個西餐當然有沙律，主菜加飲品，價錢一啲都吾貴，值頭抵食！主要講一下塊牛扒，比一般的大塊很多，我叫了6成熟，煮完出嚟味道好好，冇雪藏未，肉質很嫩滑，一啲都唔鞋，亦都一啲都唔肥，加上佢嗰個醬汁，食得我津津有味，雖然係小店,但係食材一啲都唔差，服務生的態度服務都非常好,食得好舒服。友人叫咗個羊架，羊架好有羊味，半肥瘦，伴左自己嗰啲醬汁，都很不錯。另外，在叫咗個小食，青口，有少少蒜蓉伴碟，有10隻有多，中size，味道好鮮甜，最緊要係冇沙，亦都吾貴，正呀！

今日要返學校舊生會做嘢，所以一個人去到大圍食個晚餐先！一個人走到田心村的一間餐廳吃晚餐，典型的村屋餐廳，甚有人情味，充滿著中學的回憶！店內環境都幾精緻，甚有小店韻味！簡簡單單的一餐，店內的服務員招呼殷勤，如家中的大姐姐一樣！叫了一份一人餐，套餐可選沙律又或餐湯，我揀左南瓜湯😍😍，都好濃郁！今日揀左肉眼扒做晚餐，配上中式的煮法的薯菜！牛扒叫左5成，火喉控制得好好，唔錯！你可能會話，配上中式煮法的薯菜，唔怪嗎？我會答你，出奇的夾，完全係香港人口味。短短一個晚餐過程，你會發現唔少上咗年紀嘅附近居民，會嚟呢度食飯個晚餐。呢度係一間村屋嘅餐廳，佢俾咗我哋一份最好嘅回憶與味道！是日晚餐，以完美的凍檸樂作結！總括而言，與我一樣在香港長大的，會明白這樣的一份晚餐，有多麼的可貴！

搬到沙田都差不多兩年了，周邊地區仍未探尋得到！就趁今天是陽光普照的假日，就到附近走走看看。走著走著就到了田心村，一入村感覺舒服，好像進了另一個世界似的。走著走著，見到在角落裡的榮耀餐廳，名字中式但吃的卻是西餐，令我打起興趣，入內一試究竟！入到餐廳內，環境不俗！店內雖小但頗有情調☺️餐牌看了一看，決定要點個比目魚跟沙律吃吃！價錢也不算貴。先來一個餐湯南瓜味濃，用作醒胃著實不錯！燒雞沙律，雞燒得香且肉嫩多汁👍🏻令我印象深刻！坊間吃的大多是鞋得像紙皮似的🙄但榮耀把雞處理得很好，值得一讚！比目魚算厚身，煎得外脆內多汁！混著碟邊的忌廉汁吃，更甜美😘

係大圍忙完，近近地唸住係附近搵間餐廳，係眾多大排檔裡面出現左一間都幾別緻嘅西餐廳，一於入去試下。點左個紐西蘭羊架餐，配餐湯，再嗌多碟青口當小食，夠飽又滿足。是日餐湯為野菜湯，飲落好濃菜味，健康又開胃。終於等到個羊架上嚟啦，埋相好吸引，旁邊有配醬料，野菜，洋蔥，同埋香菇。羊架要左7成熟，切落去果陣已經知道咬落口感應該好好，果然冇另我失望！恰到好處的羊騷味係我的至愛！平時都好鍾意食青口，今晚又有口福食到啦！都幾新鮮，不錯！overall都係幾滿意嘅一餐，辛苦過後唔使出市區，都可以慰勞下自己，不錯。

一個人做到夜媽媽放工諗住鬆嘅鬆，返到大圍試下間新嘅餐廳，呢間喺村屋入面嘅餐廳。世估唔到咁好食。除咗好食之外，環境仲非常之 舒適，令到我心情放鬆享受一個人嘅晚餐 今晚我叫咗一個安格斯肉眼扒餐，再加一個烤香雞沙律，而家介紹畀大家 首先係南瓜湯 。非常好味，法國少少嘅硬麵包同埋香草非常可口，呢間餐廳記得飲咗湯啦 餐湯之外仲跟咗杯凍檸茶，估唔到西餐廳嘅格局竟然沖得出茶餐廳一樣嘅水準 烤香雞沙律主角嘅沙律菜，非常新鮮而且沙律醬配合得剛剛好，唔會太多啫蓋咗沙律嘅味道，沙律上面嘅烤香雞 烤得非常之香，而且雞肉軟滑一啲雪藏味都冇 主角來啦，安格斯肉眼扒拼吉烈炸蝦伴意大利粉，安格斯肉眼扒要咗七成熟，軟硬度剛剛好亦都冇嗰種血淋淋嘅感覺，肉感非常豐富，吉列炸蝦，炸到外皮卜卜脆裏面嘅蝦肉亦都非常之彈牙，意大利粉軟硬度亦都非常式中，但要改善嘅係啲汁太少啦，多番啲汁會好味好多