榮耀餐廳 (已易手) 新餐廳

同兩老係大圍行返田心村搵食，係佢地帶領下去咗一間唔起眼既西餐，原來就係上次同老公拍拖既cafe隔幾間舖，時間尚早餐廳唔算多人，餐枱整齊排開坐位舒適天氣回暖又潮濕，難免影響胃口，酸同辣最醒胃，叫返個菠蘿鮮茄焗豬扒飯（$54）同花香新薯咖哩海鮮飯（$60）就最適合，蕃茄獻汁清新唔會一口茄膏味，飯夠乾身配薄切豬扒，有兒時既味道!花香大概係羅靭同香茅味道同青咖喱無異，配蝦仁、青口、魷魚最夾，一碗白飯真係唔夠喉老爸點既牛扒（$118）大大塊，煎得香脆又夠牛味，配菜吸收牛扒油份就算烚椰菜同薯仔都已經好好味跟餐可以自由選配餐湯、餐飲或沙律，熱桃茶（$8）配一片檸檬加點酸味，熱辣辣飲落順喉