榮興小廚 (已結業)

年初四上班第一餐，和同事諗食乜好，預計茶樓勁多人，最後在冇book位的情況下，來到了這一間小廚。同一幢的韓燒食過了，今次就來試試港式小炒。比想像中快，來到10分鐘已有位。由於仍有同事未上班，所以一行3人，能點的菜都不多。各人選了一個，在牆上影得好靚的菜式，成為了開年飯的主菜。今餐三道小菜都好港式，又夠鑊氣。先來是菠蘿煙肉卷，像咕嚕肉，但來裡是煙肉，不會太咸，煙肉增加了口感；然後來的是朱洪武豆腐，名字幾特別，在網上找了資料，原來是釀豆腐。有比較之下，這一道就比煙肉卷失色了。也可能在座的也是食肉獸，對豆腐有偏見。最後是避塘雞中翼。想像中，一有避風糖這三個字的菜式，都是有一大堆炒香了的蒜片、配以辣椒，很惹味。今次沒有令人失望，上枱時菜還在冒煙，已經贏了。雞中翼配上避風塘，食到停唔到口。食雞，唔一定去KFC的。新年食番D港式口味，繼續支持本地菜式。

同朋友去灣仔食飯，原本就想叫d點心食嘅，咁就咁啱見到榮興有呢個京式塞螃蟹，就同朋友討論咗呢道菜嘅由來同歷史。於是乎，我哋就話要試下呢一道由清朝遺留至今的嘅京式賽螃蟹！！道菜就系由蛋白同蛋黃組成，用個蛋白黎模仿蟹肉，話說系清朝時慈溪太后特然間想食蟹，但新鮮嘅蟹就系好遠嘅地方，送唔砌到皇宮，所以就有咗呢一道由蛋白模仿而成個京式塞螃蟹。榮興嘅呢道菜就有加小小蟹肉同蛋白一齊炒，所以食落都好有鮮味！好值得一試嘅菜！

今日就同媽咪系灣仔行街嘅，咁lunch嗰陣就想搵間中餐館食飯，所以我哋就黎到 W square 嘅榮興啦。咁我就見佢哋平時系有飲茶嘅，所以d味就擺到好似茶樓咁。我就用OPENRICE想睇下佢哋有咩好食推薦啦，但係見到上面推薦嘅中菜太少，所以我就想黎 同大家推薦下我食嘅呢個咕嚕煙肉卷。道餸嘅樣上黎都好靚，顏色好吸引，d煙肉卷就炒埋d咕嚕汁，所以食落就中和翻個煙肉嘅鹹味，食落口有煙肉香同d酸酸甜甜嘅咕嚕味。。

平時落屋企樓下最中意叫嘅就系榮興嘅古法籠仔蒸蝦飯，肚餓時食嘢最緊要系要近，快，同好食......佢哋個古法籠仔蒸蝦飯就系用咗海蝦黎蒸飯嘅，料都唔少 ga。。。。個海蝦同個飯一齊蒸就可以用黎 keep 住 d 蝦嘅鮮味系個飯度！！而且蝦嘅分量都唔少，同埋d海蝦好新鮮，而且佢哋d醬汁都好好味。平時佢哋嘅侍應就好快手，好友善，，，，，，，落完 order 好快就有嘢食。咁作為佢哋嘅長期客仔，我當然會繼續咁支持榮興啦！！！

這間榮興小廚之前一直都沒有來過，今天剛好在集成行街，經過就來看看。要留意，我來的是星期日，早段是有很多位的，但去到十二點半之後就要等位，人極多，所以假日來最好早一點到，十二點或以前來最好。他們很好，安排了我坐在房內，而房內當然又會靜一點。吃的是點心，沒有來過就隨便叫。炒腸粉，我嫌太多油，味道是可以的。墨魚餅，有一點點硬。鴨腳扎，傳統點心，味道中上。粉卷是我的至愛，現時茶樓已甚少這個，很好吃，肉甚多，而且粉皮也軟熟，但不會散。山竹牛肉，新鮮牛肉味。每人還送一個例湯。整體感覺滿意，不是上上水準，但可以接受，中上質素，價錢合理，招呼也好。

今日大家同事們想飲茶，考慮到要就我哋食飯時間，唔駛等好耐又有位坐，所以嚟咗呢間。係之前同事行過見到記得又未去過嘅一間小廚。一到門口，佢就有位可以直入。 佢有點心紙有小菜可供選擇。我哋叫咗幾碟點心，一碟炒飯，佢就送咗中湯同埋糖水。呢頭入單，佢轉頭已經送上例湯，有點鹹，我都唔識分係咪味精湯啦。然後點心好快咁樣一籠一籠送上嚟。講返食物嘅味道，只可以講佢嘅味道好特別，叉燒包唔知係咪因為有鮑魚汁，所以怪怪的。馬拉糕的味道也是跟坊間的有點不同.... 我也不懂得怎樣形容。其他食物不過不失。到最后，佢送既甜品係綠豆沙，佢裏面加咗一種我哋唔認識嘅菜，味道很重，所以也不懂得欣賞。

今日同男朋友家人食飯，家人提議去灣仔一間小菜館食飯。地點都唔算近地鐵站，要行10分鐘左右，加上大雨，都幾狼狽。不過試過之後，覺得好值得推介！椒鹽魷魚炸得香脆，少少喼汁令味道提升！清蒸鮑魚仔好有果皮嘅香味，食落火候十足。小店招牌的墨魚餅炸得金黃，加咗芹菜之後， 好彈牙。而且好友家庭小菜嘅味道。越係容易嘅家庭小菜，就越可以彰顯到廚師嘅功架。就咁單憑以上幾款，已經食到「回味。食嘅雖然係大排檔嘅小炒，環境絕對比大排擋來得舒服。大熱天時，無冷氣又點得？雖然交通唔算方便，但係以味道來講就絕對值得比機會！

今天係烈日下工作咗大半日， 七點幾收工走人， 7個人食埋飯至走， 大家想飲個消熱湯水, 揾間中菜又唔使等位， 上樓舖會少人d。朋友係呢處飲開茶， 好少食晚飯， 好彩真係唔使等位。叫咗賽磅蟹， 等到其他嘢差不多食完都未嚟， 漏單??  當我們叫取消時，經理就話煮緊….香菜皮蛋豆腐魚腩湯， 下火， 降火每一間店都有個小炒皇， 呢間都唔例外，魷魚， 乾魚仔，腰果，好食過蝦， 配料一向好食過主菜， 吸晒d汁， 梗係好食啦。琵琶豆腐，大粒庄，有豆腐魚肉做餡，加埋蔥，我比較喜歡正常Size， 易入口d，味道還可以。叫咗一隻霸王雞，都幾大隻，腍滑有味。中式牛柳，正常味道。竹笙羅漢齋，可能啲竹笙比較濕，好似另到個汁好淡，尤其是係芽菜，加係煲裡面由生熱到熟，靠d汁至有味道，但係今次失準。

平時無論媽咪係屋企煮既魚香茄子煲，定係叫既外賣，我都好中意食。魚香茄子煲應該可以算係呢個世界上最好既食物搭配之一，真係越食越香，越食越肚餓，想食多幾碗。榮興呢度既茄子煲好有魚香味，比出邊果啲有味得多，香得黎唔會太鹹，good！斑塊炒西芹亦是唔錯既選擇，好正！西芹有降血糖作用，若果我地平時食得多肉，間唔中食下西芹都幾好。呢度啲小炒都好好味，值得比like! 除左呢啲普通既小炒，巨仲有好多其它唔同口味既野食，譬如順德既焗魚腸，下次真係要試下。

今日經過灣仔，約左美國返黎既fd食lunch，巨話食怕左西餐，掛住中菜，想食中菜，於是我地就黎左呢間榮興小廚，呢間我之前都黎食過，感覺唔錯。個fd話好想食鹹蛋蒸肉餅飯，咁就滿足下巨既小小願望啦，估唔到巨呢度既鹹蛋蒸肉餅飯咁有味，唔錯。兩個人食唔到太多，另外叫左個豉椒炒聖子同埋干煸四季豆。送飯都好好味，食完之後個fd話去美國前要再黎食多次，一於就咁話啦。哈哈。呢度係W Square 1樓，都幾方便易搵，伺應態度都算唔錯，仲推薦我地下次過黎要試啲咩必食添，已經開始期待！

We came here with friends (our first time) and we were really impressed with the efficiency of the staff, the quality of the food and the exceptional value for money! It’s up on the first floor so you’ll only know of it through word of mouth, but it’s SO worth he trip if you’re in to eating decent Yum Cha in Hong Kong! I’m definitely putting this place on my list of places to take overseas guests when they come to visit! Thank you for a wonderful experience :-) PS: our friends booked in advance

砂礓雞腳 砂礓要靚雞腳先會好食哩間來講算唔錯👍🏻👍🏻白灼鮮蝦呢道菜冇乜嘢特別要講，只要新鮮灼蝦根本就唔係種技巧🤷🏻‍♀️臘味拼盤臘味講求製作，風乾既過程....但係成碟野裏面其實我只係好臘鴨脾😂豉油雞味太過濃， 但雞肉喊會好老，嫩口， 可以點黎送飯👍🏻👍🏻果皮蒸鮑魚新鮮嘅鮑魚，配上一啲果皮，蔥花，加入豉油清蒸，係我最鍾意嘅蒸鮑魚做法😋😋清香嘅果皮味融入有咬口嘅鮑魚👍🏻👍🏻

環境3分：正常中式酒樓格局，中間放大圓枱，側邊有卡位，都好鬆動。衛生3分：衛生都係正常酒樓合格水平。服務3分：正常面口，態度都算良好，加上爽手，可以畀三分。味道4分：1)      蝦餃入面啲蝦都非常新鮮，計下數有兩隻蝦咁多，都算好食。2)      啲豬潤腸粉食落有些小異味，而且啲腸粉皮厚左少少，最後都食剩半條。3)      雞絲粉卷材料非常充足，有少少蝦肉，雞肉，紅蘿蔔，雲耳絲，比起豬潤腸粉好食好多。 4)      牛肉燒賣超大粒，比起蝦餃大一半。 5)      雞飯上面有雲耳都算比較特別，食落都唔錯。6)      蒸蘿蔔糕份量充足，食到一條條嘅蘿蔔絲真材實料，合共可以畀四分。   抵食3分：有免費例湯同糖水送，的確係抵食。因為12點45分前埋單走人就享有點心8折優惠，見到張單計下數，原來蒸飯唔算點心，所以就冇八折優惠。價錢都畀啲連鎖酒樓貴少少， 但係八折之後又差唔多，所以抵食都有三分。

十幾個朋友聚會 唔想食大排檔 但又想可以大聲傾計飲酒既話 呢間係唔錯既選擇雖然有啲唔就腳 無論銅鑼灣定灣仔地鐵站 都要行一段路 不過野食質素真心唔錯叫左9/10個菜 1打啤酒 埋單都係一人一百六十左右當中最鍾意既就係呢個黃金炸豆腐 外皮應該係包裹左一層椒鹽既粉漿再炸 食落係外脆內嫩 夠味得黎又唔會太咸 一碟有1/4都係落左我肚另外仲有碟土魷咸蛋肉餅都係配飯佳品 啲男人一人一啲撈飯食 一瞬間就無哂啲服務員態度都好好 見我地坐得迫 主動幫我地換過張大枱

今晚約咗教會小組弟兄姊妹食飯。黎到銅鑼灣灣仔附近的這間餐廳，是一個弟兄常客推介的。我們先叫咗個例湯：蓮藕豬肉湯，好暖好正，唔會咸同似家庭式的！霸王雞：比想像的無咁嫩，少少老的感覺呀！但幾香同唔肥！蝦仁炒蛋：蛋都滑同香，蝦好爽好大隻魚香茄子只有茄肉、無皮，配飯食幾好，但唔夠香口鱔配燒肉煲：好香好味道，配飯一流菜好入味，鮮甜！這個炆豬手：好正好嫩！大讚！好滑的豬肉配豬皮，好多膠質！有髮菜及生菜，好入味，好正可樂一直都受歡迎的甜品有馬豆糕：清甜又滑；糖水：意米蛋糖水：好清好潤呀！