榮記餐廳小廚 (已搬遷) 新店位置

今晚食到北角榮記,平時行過常入去試下由於坐位不多,無試過,早排試過午餐架厘牛肉飯幾好食,今晚帶了屋企人去幫親,叫了肉松蒸水蛋,金銀旦扒白菜,召鹽肉排,什菜煲,樣樣對板,好有住家文路,重有少有的涼瓜白豆朱骨湯,結賑百六蚊

呢間係一間半家庭式經營食肆, waiter都好肯做, 地方都尚算乾淨, 舖頭細細(全舖得卡位三個, 兩張茶餐廳size o既圓, 另加兩張二人貼牆), 但係食物就唔會碟頭細細, 但又未至於好大碟, 不過食材就好新鮮! 佢係以套餐為主, 套餐包一碟, 一碗白飯(可以加底), 再加一杯熱飲或例湯(凍飲加2蚊, 老板話佢地例湯係冇加味精), o既選擇雖然唔算多, 但我覺最特別o既一款叫"蒙古骨", 酸酸地帶點微辣, 好開胃! 所以我每次都會叫食! 另外佢個煎倉魚, 椒鹽賴尿蝦&椒鹽尤魚鬚同好好味! 曾經同老板傾過, 佢話佢地個大廚係由大酒樓出, 所以佢地食物好有水準, 不過因為地區同附近多食肆競爭o既關係, 因此定價都敢定得太貴怕冇人食, 所以佢套餐貴極都唔過32蚊!