榴槤貴族 (已結業)

今日去了葵涌廣場行街，經過見到有間賣榴槤的小店，竟然有最出名的貓山及黑刺榴槤賣，未行到埋去都聞到陣榴槤飄香。除了原個榴槤外，還有台式雪花鳥結糖及榴槤冰皮月餅，趁中秋節快到，買盒黑刺冰皮比阿媽品嘗一下。黑刺冰皮黑色的冰皮外層包裹著香味撲鼻的榴槤餡，冰皮層厚薄適中，一咬開黑刺香味湧出，入口質感幼滑，香味濃郁，果然係榴槤中的極品，陣榴槤味齒頰留香，食完一個又想食第二個，真係食唔停口。，果然係榴槤中的極品。

就快到中秋，又係時候食月餅！榴連月餅好受歡迎，我都唔執輸食返幾個😋榴連貴族 喺請葵涌廣場有鋪位，去買非常方便！佢一盒有6個冰皮月餅，有黑刺、貓山兩款，一次過食哂兩隻味！那完返屋企放喺冰格儲存，食嘅時候解凍，大約10分鐘左右。貓山王冰皮，冰皮煙韌，入面有好多榴連果肉，榴連味幾濃，口感唔錯～真係似食緊貓山王咁～～黑刺冰皮夠哂特別，外皮黑色，入面黑刺果肉比上年增多20%，食落更豐富～一盒有兩款口味，真係好滿足，係時買定送比屋企人～～

準備到中秋節，平時食開雙黃白蓮蓉或者冰皮月餅🥮今年想試吓新款式，因為我同屋企人都鍾意食榴槤，今次想試吓榴槤冰皮月餅～咁啱經過葵涌廣場嘅時候，見到呢間小店有貓山王榴槤冰皮月餅！梗係想試吓啦～貓山王榴槤冰皮月餅佢係黑刺同貓山冰皮兩溝～有白色皮同埋黑色皮嘅冰皮月餅🥮一盒有六件，每款各三件，黑刺冰皮月餅係竹炭嘅顏色，內餡有豐富嘅榴槤肉～食落覺得好香甜，凍冰冰，好適合炎熱嘅夏天～榴槤嘅香味真係好正！貓山冰皮月餅煙煙韌韌，皮薄餡多～內餡同樣係充滿着貓山王榴槤果肉，好好味😋

又到左一年一度嘅中秋節 近年已經唔流行食傳統月餅 食奶黃月餅 但係今年再有啲新花臣 就係榴槤月餅！！ 喺葵涌廣場搵到一間叫做榴槤貴族竟然係有買榴槤冰皮月餅 佢舖頭除咗佢哋之外當然仲有各式各樣嘅榴槤 講返個月餅先 簡左貓山同埋黑刺兩個口味 入面係超多果肉 咬落去榴槤香味大爆發！ 佢哋出邊榴槤月餅更加香濃好似真係食緊冰凍嘅榴槤 聽聞佢黑刺嘅果肉比上年多咗50%唔怪得咁好味 價錢公道 咁足料都係只係講緊大約三百蚊 同傳統冰皮差唔多 !

榴槤冰皮月餅是我媽媽的最愛，所以一到中秋我就會找不同的榴槤月餅給她試～這間店除了有榴槤月餅外，還有很多來自馬來西亞的新鮮榴槤肉，這天去買月餅的時候都看見很多人在選購新鮮榴槤呢～榴槤月餅很多款，今次我們試了黑白雙煞-尊貴黑刺冰皮月餅和貓山王冰皮月餅，餅皮月餅都是迷你size，拆開包裝已經散發出強烈榴槤香，黑刺冰皮月餅選用果肉橙黃色的黑刺製成，黑色配橙色的對面鮮明之餘，入口奶油味比較突出，餡料中會有綿密黑刺果蓉，配上軟糯的餅皮，清香度較高，喜歡香氣的朋友可以選擇這一款。貓山王冰皮月餅是指定動作，這款月餅特別將甜度降低，更能夠品嚐到榴槤之王的最真實的味道，聽店員介紹這些貓山王都是馬來西亞剛成熟的榴槤果肉而且雪藏果肉，所以口感都特別綿密，最加分時餅皮不會很厚，視覺上更有晶瑩剔透的感覺～在買月餅的時候，店鋪還有一個小角落賣雪花酥！！😍雖然沒有太大關聯，但它們的雪花酥甜度特別降低，鬆脆之餘卻不會嗑喉，多款口味中我最喜歡吃綠茶和OREO味道，喜歡水果的話，升級版的芒果味絕對是下午茶之選呢～～

話說臨近中秋節。有係時候買吓月餅過下節。對比起傳統月餅。本人一路都比較鍾意食冰皮月餅。因為冇咁油膩之餘，亦都可以選擇自己鍾意嘅口味。今年一路煩惱緊到底買邊隻冰皮月餅。咁啱今日行開葵涌廣場。突然俾我聞到一陣好大榴槤味。身體情不自禁咁沿住味道嘅方向行去。俾我見到一間榴槤貴族喺度。最後買咗榴槤冰皮月餅。入面有兩隻口味包括貓山王同黑刺。貓山王冰皮月餅入面勁多貓山王果肉，咬落去嘅時候一陣陣榴槤味爆發出嚟，對比起我其他食過嘅貓山王榴槤冰皮月餅。味道濃好多，有一刻以為自己真係食緊貓山王。黑刺冰皮月餅，從店員口中得知。比起上年增加多20%嘅果肉。而且唔好睇佢外表黑蚊蚊。食落亦都係好重榴槤味。對比起坊間嘅榴槤冰皮月餅，我自己覺得榴槤貴族嘅榴槤冰皮月餅更值得大家嘗試。

又就到中秋啦！最開心係又可以食到好多種類既月餅~ 雖然自己對冰皮月餅唔係超級有興趣，但就非常喜愛榴槤，所以見到用榴槤做既冰皮月餅，忍唔住要試試，難得一年一次嘛。呢盒冰皮月餅分左兩種口味，分別係貓山王同黑刺。全部月餅細細一個，食用非常方便，解凍5~10分鐘就食得，最重要係唔驚一次過食太多。🔸貓山王冰皮月餅貓山王榴槤比較黑刺較清甜，甜味比較突出，非常濃郁，果肉順滑又香，榴槤味係非常勁！！基本一切開就全間屋都聞到，冰皮無想像中厚，感覺都唔錯。🔸黑刺冰皮月餅採用黑色冰皮，雖然冰皮味道無分別，但夠晒特別。其實黑刺味道都一樣好濃郁，香甜之餘一樣好細滑。其實兩種味道都好好食，所以有得雙拼就岩晒我啦。

𝔻𝕦𝕣𝕚𝕒𝕟 𝕩 𝕄𝕠𝕠𝕟𝕔𝕒𝕜𝕖一年易過又中秋，即係又到咗瘋狂食月餅嘅日子😌除咗傳統月餅之外仲有最愛嘅冰皮☺️冰皮月餅而家越嚟越多口味，行過葵廣見榴槤貴族有榴槤口味就忍唔住買嚟試🤭 拎咗返去之後第一件事當然係解凍😌😌經過漫長（其實都係十零分鐘嘅事）嘅等待。🥮貓山王冰皮月餅 首先係試貓山王，切開成浸榴槤味擁出嚟😌幾驚隔離屋報警呀😂薄薄嘅冰皮一咬入口🤭榴連果肉又香又滑，味道偏甜，濃郁到好似真係食緊貓山王咁。🥮尊貴黑刺冰皮月餅 黑刺版本黑色冰皮嚟，切開聞落係清香啲無咁濃味，都係薄薄嘅冰皮包著榴槤餡，入口即溶，味道香甜濃郁之餘口感細滑。自己鍾意黑刺多啲😌🤭仲有成兩個星期先中秋，應該未到已到食晒

中秋節就黎到了‼️🥮每年我都要食月餅賀一賀佢 感受下氣氛❤️比起傳統月餅 我更愛冰皮月餅😋中秋節既時候天氣仲係好熱 最岩就係食返個凍冰冰既冰皮月餅😍仲要用上珍貴既黑刺榴槤咬落去真係好似食緊新鮮榴槤咁 不過係特濃版‼️仲要全部榴槤肉 好好食!!!黑剌平時一個都賣得唔平 而且唔係好多地方有依家竟然做到係冰皮月餅入面💜.黑刺冰皮月餅一盒有6個名乎其實皮薄餡靚 冰皮係好軟綿綿 唔係好硬又厚果啲啲餡超多🤤一次過獨食2個都唔過份啊～係冰箱拎出黎等3-5分鐘左右食 係最正的🤩.除左榴槤月餅 仲有依家好hit既雪花酥賣有多款口味 買埋一次過送俾屋企人 朋友 得左🥳

榴櫣冰皮月餅 hkd$298(貓山王)/$398(黑刺)🇲🇾榴櫣來自馬來西亞！啱啱過左既8月正正撞正榴櫣當造既季節,正好用黎用月餅就完全食到最香既榴櫣.🥮貓山王榴櫣🤟🏻皮薄煙韌入口帶點綿糯感.🤟🏻內裏充滿貓山王榴櫣果肉,切開第一下已經感受到貓山王既香氣.🤟🏻貓山王果肉入口綿滑creamy,味道香甜得黎又帶點貓山王獨有既酒甘香,感覺好似食緊真榴櫣一樣.🥮黑刺榴櫣🤟🏻外層冰皮面採用黑色以襯托返黑刺低調又華麗既稱號.冰皮同樣薄身而且煙韌軟綿.🤟🏻內裏黑刺肉份量比上年豪華！入口細膩又帶住奶油般既香滑.🤟🏻味道比貓山王更甜更濃郁,入口即溶而且帶住好長餘韻.

臨近中秋，又是賞月食月餅既時間。覺得傳統月餅太膩？覺得普通冰皮月餅不夠特別？我推薦大家一試「榴槤貴族」的黑刺和貓山王兩溝的冰皮月餅！坦白說，榴槤月餅不是甚麼新款食物。可是，以往的榴槤冰皮月餅，要不是D24，要不就是榴槤蓉極少而且不新鮮。可是，「榴槤貴族」所出售的貓山王跟黑刺兩溝的榴槤冰皮月餅倒是第一次試到。「榴槤貴族」宣稱所用的都是真材真料而且份量十足的當造榴槤果肉。的而且確，品嚐過後，我認為絕對是貨真價實。最重要的是，價錢不貴。如果你是榴槤控，我覺得「榴槤貴族」出品的榴槤冰皮月餅，真的是首選！

🍴榴槤貴族冰皮月餅，體現王者味道臨近中秋，襯早買了時令的冰皮月餅與家人同享，一同嚐鮮。葵芳2樓有尊門賣馬來西亞榴槤的商店，這些便試試店內的冰皮月餅。📍貓山王冰皮月餅 $298/盒貓山王冰皮內含大量榴槤果肉，帶有一點果肉纖維，卻入口即溶，然後慢慢散發回甘的香甜果香，味道層次最豐富，果肉肉質柔軟，甜而不膩，吃後仍齒頰留香。📍尊貴黑刺冰皮月餅 $330/盒黑刺冰皮月餅以尊貴黑色作月餅皮，讓人一目了然，容易分辨。黑刺榴蓮餡甜度及口感極佳，難怪黑刺榴槤有樹上「黃金」之稱。黑刺榴蓮冰皮月餅的果肉餡呈奶油狀，香軟帶黏，榴槤肉幾乎不含纖維，色澤比貓山王餡更為黃潤，帶有明亮的橙黃色調。入口味道富濃烈的奶油感，入口香甜，味覺層次分明而又富變化，豐富而清晰，令人回味無窮。🔸小總結店員服務態度好客有禮，店內更有原個榴槤及雪花酥可供購買，值得一試。👅 味道：5/5💰CP值：4.8/5🕴🏻服務：5/5🔰餐廳環境：5/5👀回頭率：4.9/5🍽 餐廳：榴槤貴族🌐地址: 葵芳葵涌廣場2樓2007號舖

我返工附近好近葵涌廣場，呢一日去葵廣食嘢，行行吓見到有一間舖頭買緊榴槤，仲冇賣埋榴槤月餅，見中秋節就嚟到啦，我全屋企人又好鍾意食榴槤，個價錢先二百幾蚊，所以就決定買返去試吓！我鍾意食冰皮月餅，佢哋有兩款冰皮: 貓山王同黑刺。我同朋友一人一盒，每盒有6個，各買一個味，之後大家一人一半share。由於太急不期待，我等佢解凍咗一陣就即刻食！食嗰陣仲係好冰凍，但好爽😂貓山王冰皮月餅: 榴槤果肉多，一咬落去榴槤香味爆發，比坊間榴槤月餅更濃味，更香甜！黑刺冰皮月餅，聽講比上年增量20%果肉😍兩款冰皮都好味😋

又到中秋節，見屋企人鍾意食榴槤，今年想有d新意去咗榴槤貴族買咗冰皮榴槤月餅孝敬佢哋。榴槤冰皮月餅有兩款口味，分別係黑刺同貓山王。一黑一白夠哂特別。榴槤冰皮皮薄煙韌包住入面超多榴槤果肉，同食緊榴槤冇分別，啖啖都係香濃嘅榴槤味。黑刺作為最名貴嘅榴槤，本身已經非常矜貴好難先食得到。果肉食落嫩滑細緻，入口即融，仲有黑刺獨有嘅甘甜味。至於貓山王亦都唔輸蝕，果肉香甜細滑，榴槤濃郁嘅香氣係口腔入面爆發出黎。。。榴槤貴族葵芳葵富路11號葵涌廣場2樓2007號舖。。

每次去葵廣掃街都總會有新發現，今次行行下突然聞倒一陣榴槤味，原來哩度開左間榴槤店，小店標榜佢地嘅榴槤都係由馬來西亞直送黎香港，除左有即開榴槤，仲有榴槤月餅賣。見中秋節就到，就買盒月餅試下。佢地嘅月餅有冰皮同流心兩款，冰皮有黑刺同貓山皇揀，而流心就有奶黃同榴槤選擇，因為屋企人唔係個個都食榴槤，我就買左一盒奶黃流心同一盒榴槤流心返去試下。小店叫榴槤貴族，所以月餅盒都整到成套西裝咁。打開西裝外套，內袋仲有袋巾喺度，好棧鬼！鹹香奶黃流沙月餅($308/8個) - 煲呔圖案做面哩款係奶黃流沙，月餅係迷你size，一次食一個啱啱好唔會太漏。我用小焗爐焗左幾分鐘，月餅未拎出黎已經聞倒好香奶黃味，奶黃好流心，唔會太甜，餅皮軟身唔會太厚。流心榴槤月餅($308/8個) - 用小店中文店名做面嘅係榴槤流心，切開流心效果雖然冇奶黃咁明顯，不過食落就好香榴槤味，唔食榴槤嘅屋企人仲話好臭添！除左榴槤食品，小店仲有台式手工鳥結糖賣，店員仲俾左粒我試食，食落冇平時嘅鳥結糖咁甜咁痴牙，都唔錯呀！總結，作為一間榴槤店，佢地嘅榴槤月餅都真係幾香榴槤味冇另人失望，反而奶黃月餅佢同其他牌子比就未必太突出，下次再黎開都想買埋佢