榴槤B哥

營業中

休息中

第一次買榴槤唔知去邊好就上咗睇榴槤關注組睇🤣見呢間評價唔錯就買咗✍🏻$488 5kg貓山王BB Set (3-5個⚠️要前一日喺社交平台留言搶除咗套餐之外都有單個買 優惠要留意返佢fb都係百零蚊一個👅真實食口感-馬來西亞貓山王入口即溶 浸味越食越濃🥹仲有獨有嘅甘香味！會再encore 👋🏻下次應該會試其他唔同品種✨

店員姨姨好殷勤嘅服務，好耐心咁介紹唔同品種榴蓮俾我哋知。老闆仲親自落手開榴槤。兩張相無用濾鏡無P圖，榴蓮實物真係咁金黃色！而且店舖仲有抽真空包裝服務，就算我拎住搭車返屋企都唔怕臭親人哋，唔怕尷尬貓山皇 都係平時一貫水準👍🏻 細核，又軟又甜 今次豪一次 再買埋 黑刺， 見識下原來外皮係卜卜脆 好似提子皮咁，但咬好入去就好軟滑 好creamy ，好特別👍🏻 下次想試其他品種 D2夢中情人，姨姨話最好打去預留，唔怕摸門釘，因為賣完就關門 有時6pm已經收鋪。

因為中秋節同朋友聚會想訂個榴槤一齊食，我預早一個星期WhatsApp榴槤B哥，我問阿姐黑刺好食啲定係竹腳好食啲，佢推介完我就訂咗黑刺雖然價錢貴啲，因為佢話係外脆內軟。到拎榴槤當日，隔住個榴槤殼都聞到啲香味，食落口真係好正，味道好濃好香，食完唔會好似貓山王咁有啲咁苦嘅Aftertaste，所以我好鍾意，阿姐冇推介錯！

經過荃灣路德圍，見到有間買榴槤舖頭口痕想食就即刻幫襯🤤見到今日供應有D24、貓山皇同竹腳三個品種於是買咗兩款榴槤想上去朋友屋企一齊分享！⭐️市面上馬來西亞來源都係以貓山王、D24、黑刺等為主，由於我比較孤陋寡聞，未聽過有竹腳依個品種所以我就試吓佢先!💛店員好細心幫我哋揀榴槤同埋開埋(因為我只係識食唔識得開榴槤😂)每一個榴槤大約有五房👍🏻💚竹腳(有榴槤皇后之稱)聽講產量比較少，所以出口唔多味道比較苦，有少少黏手🧡D24 山頂XO肉質比較柔軟，有少少酒香感覺，苦中帶甜！今次買咗兩個榴槤加埋都要$700。價錢方面我真係唔知平定貴啦(馬來西亞榴槤)不過間舖頭收消費券,就當係政府請啦😎

本人是一個超級榴槤友，有時會約埋三五知己買榴槤開party。今日落荃灣搵B哥，揀咗一個貓山王BB及一個D24 XO同好友開心Share。B哥會即場開，包開包熟，而且仲要用盒裝再加真空包裝， 免得搭車味太濃會令人尷尬。我哋約好去朋友屋企開榴槤派對，一打開包裝已經嗅到澎湃榴槤香味，好似在呼喚我哋要馬上食咗佢，大家洗好手即歎。呢個猫山王BB肉多而且有5房，夠熟又好香又甜，口感 creamy，齒頰留香，食到舐埋手指，飽到飯都唔使食。d核幾薄幾細，超滿足。而D24 XO就味香濃帶少少醇香，d核雖然有少少大，但每粒榴槤都好好味。利申：榴槤B哥間鋪頭可使用消費卷，下星期又可回購，Yeah ！！