樂園牛丸王 (已結業)

d魚麵好好食呀不過唔會飽囉

夜晚同朋友仔行完街,可能太夜好多想食既餐廳都close左,朋友話想食魚蛋河,見到呢間個樣比較ok就入去試下叫左個魚蛋河加紫菜同豆漿,個湯低淡淡地魚蛋好爽口,亞姐好禮貌^^好低食

要慳錢0既時候就最鍾意0係度食，好味又夠抵嘛，我係呢度0既常客，推介各位呢度0既炸魚餅、墨斗丸同魚皮餃，好正﹗其餘0野就同出面0既粉麵鋪冇乜太大0既分別。仲有，呢度0的油菜又靚又抵食架。

14/8號晚，旺角周圍都好多人下，行得好辛苦，好累。因為仲病緊，口淡淡無乜胃口，所以就選左呢度黎開餐。叫左四寶魚麵、瑤柱豬肉丸河粉、西生菜、凍奶茶、凍檸茶。其實呢間野一d都唔平，一碗墨丸河都要十八蚊啦，四寶魚麵同瑤柱豬肉丸河粉，仲要廿幾蚊碗添，真係幾貴下，所以唔可以成日食。瑤柱豬肉丸麻麻地，好似加左瑤柱不但貴左，仲難食左添。佢d墨丸同牛丸就唔錯。咁樣埋單都已經要六十幾蚊，真係好貴下。同場見到有兩個人，一共叫左4碗野，嚇左一跳。

我一向如果出去旺角無咩好食就會去呢度食粉麵~我最喜歡就係紫菜魚旦河~我覺得呢間既魚旦都唔錯既~雖然比德昌就差少少啦~但係都食得過~魚皮就麻麻地啦~香港仔魚旦好食d~加$3仲有野飲~

昨晚在旺角逛街,到食飯時間,聽說這裏的墨丸不錯,便去一試,八時半左右,全店差不多爆滿.叫了墨丸米線,魚鮫米線,通菜和凍奶茶.兩碗粉都頗大碗,不過賣相不太吸引.墨丸是落足料,都不錯,但本人較喜歡津味的墨丸.而魚鮫就一般,已$21的價錢的確貴了一點,反而通菜和凍奶茶分別是$3及$5,平得很.今餐$50,平均來說都可以的.

米線好滑，腩汁唔會太濃太咸，牛腩好味，唔un又唔肥。雖然依到叫牛丸大王，但我聽到個個都叫牛腩咁既?!

墨斗丸麵在這裡是特貴的,要21大元一碗,這裡的招牌黑椒牛丸也只是18元,不過墨斗丸的材料與味道都是別處吃不到的,彈牙之外,味道勁正,不似別的墨丸食落一口粉o有朋友特地從汕頭帶來所謂正宗手打黑椒牛丸，也不及這兒的出品ｏ

昨晚好大雨，唔想周圍搵食乜，見到樂園有位就衝O左入去，費事淋。是晚不是太多人，但唔知係咪因為淋O左雨，所以覺得冷氣好勁。要了一碗墨斗丸和油菜，墨斗丸其實即係墨魚丸，好彈牙，還有粒粒馬蹄，口感極佳，麵條都好爽，不錯，雖然碗麵要$21，但我覺得都OK，有機會想試海參丸和花膠丸。

今天吃了:牛根丸+ 坑腩河. 牛根丸好彈, 不過德發好食d.坑腩好臨, 不過九記好食d

20050312 3pm同2個女同事出街做research, 先o黎呢度醫肚.我要牛雜牛根丸米($23), 同凍檸茶($5). 牛根丸超彈, 牛雜就一般.再share 一個油菜要菜心($5).total 埋單$84

一條冷單拖到此區，跑入此店吃個快速晚餐。點了黑椒豬肚丸魚麵、蠔油菜心、熱檸啡。質素一般，魚麵較出色。

12月22日提早了到達旺角,在旺角中心對面的樂園牛丸外賣了一碗牛丸麵,加五蚊油菜,但恐怕吃不下,以及最怕是不好吃,因此作罷!!回到公司,整理好手頭上的東西才開餐,前後擺了十五分鐘才進食,幸好仍然熱辣辣,牛丸都真係幾彈,牛味淡淡滲出,麵就可能浸得太久,淋了一點,但都好吃,湯也不會好鹹,但喝了幾口都有點口渴,想來應該味精幾重,面層撤上了冬菜,蔥花以及芫茜,如果早知佢有芫茜,我就一定叫佢走,等我唔駛食到皺眉!只欠兩元就已經廿蚊一碗,有點貴,不過都算值呢個價既!

25日晚9:00pm和大魔怪到此店。我要了牛丸麵，大魔怪要了牛腩米線。牛丸麵：牛丸好彈牙，麵好爽。牛腩米線：牛腩是坑腩，淋入味。HK$18.- 一碗，但物有所值。加HK$5.-有油菜，但剛沒有大魔怪至愛的生菜，祇好作罷。湯底味精極重，過後好口渴。題外話：此店在西洋菜街，近先達廣場。

20041212 4pm下晝要上個朋友位於愛民村o既屋企, 搭小巴之前好肚餓, 過o黎對面馬路o食o的o野先去.呢間o野我好幾年前o黎過, 無乜特別印像, 今次再食覺得真係幾得wor, 我要o左個牛丸手切魚麵($23), 牛丸夠晒彈牙, 不愧為牛丸大王, 魚麵都唔錯, 都係好彈, 另加$3 加個油菜菜心, quality 一般同埋好細碟, 不過$3 咋wor, 你想點?其實我唔肯定有無落錯comment, 唔肯定呢間係唔係就係響金聲戲院斜對面果間分店, anyway, 有錯請指正, thanks.埋單$26