樂園魚旦專家 (電氣道)

營業中

休息中

環境5分：地舖唔算好大間，不過望落好光鮮，三排方枱，圓枱同卡位好整齊，魚蛋粉食店黎講值滿分。衛生5分：外賣盒穩陣冇漏湯，一樣畀滿分。服務5分： 姨姨好好人，落單，煮野，包裝夠快手，服務繼續滿分。味道5分：1) 碗牛根魚蛋米分量唔細，米粉煮得時間適中唔會太淋，買完外賣行左廿分鐘米粉都冇淋，湯底唔會好鹹，可以飲多幾啖，個腩汁好香，魚蛋彈牙爽口，牛筋好淋，完全冇牛騷味，滿分。2) 凍檸茶檸檬都有三四片，茶底正常唔會好澀。抵食4分：五十幾蚊有碗雙拼米仲要有杯凍飲都算抵食。

附近並沒有魚蛋粉，突然間想食，見佢裝修幾新淨所以諗住試吓，我係諗住叫外賣，企咗喺收銀處好一段時間講咗好多次唔該都冇人理我，個冇頭髮嘅叔叔一定見到我有眼神交流，但係佢選擇無視，我叫咗崩沙牛腩河！走青，另上面。結果都冇另上冇走青，我仲特登強調咗好幾次，但係最尾都冇做到，買餐飯仲要受氣，果然係有香港特色。講返嘢食，牛腩唔入味。湯底完全冇味，河粉因為冇分湯返到屋企已經吸晒啲湯。份量超級少，以呢個價錢嚟講，仲要態度差，冇下次

經過左一間樂園魚蛋河舖頭見到咁多人買外賣，附近有冇其他餐廳，見到門面唔錯，就入咗去試吓。佢嘅價錢算親民，比起連鎖式嘅米線舖頭雖然貴咗啲，但係勝就勝咗佢嘅性價比高。魚蛋河粉一定係必叫，因為魚蛋唔會太鞋，，亦都好彈口，份量都幾多，一個女仔應該都好飽。貪心嘅我就梗係食多啲其他唔同嘅種類啦，拼埋鳯城水餃都唔錯嘅，入面既豬肉都ok 。跟住就係秘製牛雜，份量都幾多，唔會有臭腥味。😂😂😂唔好以為好容易，好多舖頭都清理得唔好搞到有浸臭味。本身想叫崩沙牛腩，但係好可惜地，佢話賣晒！有啲唔開心，不過佢嘅牛腩都好食嘅，起碼肉質夠冧，同埋有肉味。加$11飲咗杯凍檸賓，就好飽好飽地離開去。

今晚無煮飯，所以喺北角上完堂就買啲嘢食返屋企。由於唔係好大胃口，食碗魚蛋粉清清哋就啱哂☺️。我幫襯咗「樂園魚旦專家」，之前喺第度食過OK，而且環境亦光光猛猛，感覺乾淨。我由落單到有食物喺手，成個過程都唔使五分鐘👍，店員超迅速！再者，值得一讚嘅地方係佢哋包外賣有一手，包得勁穩陣，唔會東歪西倒🥡。金牌牛三寶河($58)，🐮牛三寶包括五香牛腩、牛筋同牛肚，價錢雖然貴少少，不過味道確係有水準。牛腩半肥瘦口感好正，牛味濃郁，並散發住啖啖五香味，肉質一絲絲好味道。牛筋炆至綿軟滑嫩，而牛肚就又爽又煙韌，各有千秋。河粉本身都幾好，既滑溜，亦唔會碎濕濕。最後就連牛湯底都幾惹味，無落味精，飲完唔口渴。樂園四寶丸麵($48)，🍢四寶丸其實唔止得四款，佢有招牌魚蛋、黃金片頭、豬肉丸、墨魚丸同埋魚皮餃。每一樣食材都好好食喎，爽彈之餘，仲食得出用料新鮮，佢果然不負専家之名。下次可以考慮嚟呢度單買料打邊爐🍲。幼麵唔重鹼水味，由於分湯上，所以並無浸到淋晒，呢$1係值得加嘅。凍奶茶🥤(跟餐價$8)，樂園唔係茶餐廳，但佢沖嘅凍奶茶絕對不比茶記水吧遜色。奶茶香滑，茶底唔澀，甜度適中。總括嚟講，樂園嘅魚蛋同牛腩同樣有質素😋，水

呢間樂園見都有幾間分店，好似都幾出名咁，平時都好多人會食，見今日經過又要買外賣見肚餓就買嚟試下。入到入面環境都好乾淨，平日去呢啲麵館最怕就係啲環境污糟邋遢，但係呢間樂園真係好乾淨，坐得好舒服， 光光猛猛的。叫咗一個牛雜河同一杯凍檸茶，坐在一邊坐外賣拎。外賣來嚟，很細心自己已分湯，回去打開，真係好大碗，而且勁足料。食落啲面真係好彈㗎，而且個湯底真係好濃味。啲牛雜好入味，牛肚好爽口。有時食牛雜，都驚佢啲腸洗得唔乾淨，但係呢一間完全冇呢個問題，食得好方心。另外仲有呢個辣椒油，真係一定要落啊。辣椒油好香，食得出佢真係好重辣椒，加埋落啲麵一齊食，完全帶出咗成碗面嘅香氣。最後，食晒所有河連湯，但係真係好飽，碗麵真係好大。完全值呢一個價錢，又唔貴，冇記錯才38元，推薦大家嚟食。下一次我經過都一定會再返嚟食，真心好味又超值。

嗰日咁啱經過炮台山附近，想食個快既dinner，就去咗試吓呢間魚蛋粉，因為見佢啲魚蛋好似好正。我同朋友每人叫咗碗雙拼粉麵，我叫咗碗魚蛋拼牛三寶，朋友叫咗碗牛筋拼牛雜。我哋都交換左啲餸嚟試吓，呢間啲魚蛋真係超彈牙，可以講係我食過最彈牙嘅魚蛋。而佢啲牛筋炆好嫩，牛雜亦都煮得好入味！最有驚喜可能係個麵底，佢個幼麵爽口彈牙！湯底非常夠味。兩杯嘢飲都okay，唔會好似有啲茶餐廳咁沖到勁稀。呢個價錢食到咁既質數我都滿意，會再黎食。😋😋

平日放工又唔想自己煮😝，又唔想食到敢heavy，經過樂園魚蛋專門店就叫兩碗粉麵🍜 外賣返屋企食。✨識食一定食🥩金牌牛三寶，牛肚、牛腩、牛根，一次過滿足三個願望😍，牛腩仲要係崩沙牛腩，爽口彈牙👍🏻，完全無楂，牛肚牛根同樣有咬口，仲要加埋墨魚丸😋，非常好味。🤤👏🏻另外點左牛筋+雲吞麵😗，牛筋份量非常多🤩，每塊牛筋軟硬適中👍🏻，而雲吞大大粒😵，再加上腩汁湯底濃郁好味。😋👍🏻

💛 @lokyuenhk今晚同家姐兩個人食晚餐，懶得煮嘅我哋就去咗北角嘅「#樂園魚蛋」食個粉麵🥰 呢度除咗粉麵都仲有飯餐㗎，不過我哋就比較鍾意湯麵😋 湯麵價錢都好抵食，$33就有交易，我哋就揀咗啲貴少少嘅👻🍜 金牌牛三寶 + 魚皮餃 雙拼 米線（$58+$10）家姐叫嘅呢個雙拼超豐富！有牛筋、牛肚、牛腱，仲加埋魚皮餃🤪 牛筋夠腍、牛三寶三樣都香味濃郁😋 米線加埋少少辣椒油就更正喇😆🍜 樂園四寶丸 河粉 （$48）樂園四寶丸包括招牌魚蛋、黃金片頭、新鮮肉丸、魚皮餃😋 四樣都係我鍾意食嘅😚 招牌魚蛋真係幾正，好爽口彈牙🫣 🧃 凍檸茶🥤凍檸賓

疫情開始嚴重，個個都呢喺屋企食嘢，有時唔想煮飯就叫咗個樂園外賣裝修好新穎，一入去就見到好多好年青化嘅裝修。佢哋堅持香港製造雖然今次叫咗個雙丸麵，但見到佢個招牌寫住蘿蔔腩汁飯，搞到我都好想食另外見到佢啲辣椒油好正，返到屋企試左辣得好過癮，鍾意食辣嘅朋友唔好錯過。佢嘅墨丸同魚蛋都好彈牙好爽口，值得推介我住得比較遠，就算返到屋企都好，啲面都好彈牙，但又食唔出鹼水味另外估唔到佢嘅奶茶都好好飲，茶底香濃，奶亦啱啱好，估唔到一間麵舖都可以做到咁正嘅奶茶

疫情太厲害，最近都喺嗌外賣返屋企食，臨返歸就想買啲嘢食返屋企，最後揀咗好耐都喺揀返呢間樂園魚蛋😋佢哋出咗名喺香港自家製造粉麵舖嚟講個裝修都幾新潮，雖然我哋只喺叫外賣，但喺我都好怕啲環境污糟嘅餐廳，最後我同老公叫咗一人一碗唔同餸嘅麵，再加杯凍奶茶。老公叫咗碗墨魚丸魚蛋幼麵，我哋拎到返屋企啲麵都唔會浸到淋曬，估計師傅因為外賣所以特登唔會煮到啲麵太軟，所以食嘅時候就會啱啱好，呢個細心位加分👍🏻魚蛋喺佢哋嘅招牌，食落真喺同出面嘅唔同，亦都好少地方食到呢啲咁嘅魚蛋，我都幾鍾意呢一款魚蛋。墨丸亦唔喺啲冰鮮粉做嗰隻墨丸，雖然我食過有一間舊粉麵舖喺最好食無得比，但係佢哋呢度啲墨丸都唔算差。之後我就嗌咗碗崩沙腩墨丸，無可否認佢哋嘅崩沙腩真係超好食，肥膏啱啱好，啲肉又唔會韌，啱晒鍾意食有油脂但軟牛肉嘅人，真係食幾多嚿都唔會膩～😍嚟到樂園魚蛋一定必點崩沙腩！

趁假期，去北角逛下，行到電氣道附近，就入去食碗麵。金牌牛三寶 $58爽口牛丸 +$10牛三寶係牛筋丶牛肚丶牛腱，牛筋滷夠腍，牛肚入味易咬而不韌，牛腱肉質軟嫩多汁，三款都幾好；湯底味濃，幼麵質感彈牙。秘製牛雜 $38頂級墨丸 +$10牛雜麵有牛肚丶牛肺丶牛膀丶牛腸，算幾乾淨，牛肺口感腍滑，牛膀質感比豬潤更粉，牛腸內充滿油脂，牛味重！越邪惡越好味之選，滿足！凍檸茶 +$8豆漿 +$8 壹品豆漿，香港製，同超市售價係一樣

今晚有事做去左砲台山個邊，一出地鐵過條馬路就到呢間粉麵，一晚市仲未有得食，就買外賣直接返屋企慢慢食，好方便！外賣係湯同面分湯的，咁d面就吾會淋晒！幾好，又keep得到d湯熱。今次自己嗌左碗金牌牛三寶食，好大碗同勁多料丫！牛腩牛根牛肚最少各有4件，食到勁飽勁滿足！牛腩半肥瘦咁好正，一d都吾老仲好嫩，牛根淋得嚟又有咬口，好多骨膠原丫，好食，牛肚都好爽口，加埋辣油，一流丫！仲加左料加10元可多樣料，我加左墨魚丸！彈牙又墨魚味濃，好食！本身諗住嗌河粉，不過冇晒，轉左食麵都好正，好有咬口，湯底又夠味鮮甜牛味，好味道，食完都吾覺得口渴，應該冇乜落味精吧！連飲品都吾錯嘅，價錢又盒理，下次又再買，好方便美味！

這裡有別於其他魚蛋粉店。店面光亮寬敞，座位舒適，還有卡位，店員斯文有禮，食物選擇很多，除了粉麵，還可以吃飯，各種小食琳琅滿目，感覺挺高檔的，最重要是不貴。🤗我們都喜歡“牛”一些🤪，點了三寶牛河粉，甭沙牛腩麵，一杯阿華田和一杯熱杏霜。飲品先上桌，濃香的杏仁霜非常好喝，令餓壞的胃感覺暖暖的，很舒服。平時喝的杏仁霜總是很稀薄冷淡，這裡的杏仁霜是熱情濃郁，特別好。👍粉麵上桌了，很大一碗，牛牛的舖滿碗面，牛牛都做得非常出色，牛腩香軟不鬆散，牛筋軟糯大塊頭，牛肚爽口不黏牙，😘加上香蔥元西辣椒油，香港人口福不淺。雖然已過了午餐時間，可這裡仍是人流不斷，客無虛座。所以說，吃東西要往人多的地方，熱鬧些，保證安全些。😘

返工食晏就嚟咗呢一間茶餐廳，一入到去覺得好光猛同乾淨！枱面唔會油，地下又唔會好滑，整體感覺乾淨茶餐廳來講已經好重要㗎喇！因為第一次食，所以貪心就叫咗一個四寶丸麵，四寶丸入邊有魚片頭、魚蛋、墨魚丸、貢丸同埋魚皮餃，全部都大大粒，啱晒心思思唔知道想食邊一款！當中最鍾意同出色當然就係佢嘅魚片頭，一入口真係非常之彈牙，同平時食開包裝完全唔同，有魚味唔會麵粉咁，彈牙有汁，下次應該會食魚蛋河😌另外所有丸類唔會腍 ，全部都好有彈性，質素唔錯，麵質爽彈，（我好怕麵腍架！），最畫龍點睛嘅當然就係辣椒油，每一間茶餐廳嘅辣椒油配方都唔同，我好鍾意呢一間辣得來香，香得來唔麻，仲食到食材嘅真味，帶出湯底香，我真係好想問吓呢一間舖頭有冇得單獨買辣椒油比我返屋企過吓癮😂 檸檬茶新鮮唔會苦澀，$50來講，呢一個質素非常之好，最緊要乾淨又衛生同埋好食呀嘛

週六晚上來個早飯，六時左右到，本來打算簡簡單單吃碗粉麵，見到很久沒有食過嘅牛筋及牛肚，即好想點牛三寶試試！牛三寶麵 $52 頂級墨丸 +$8牛三寶有牛筋丶牛腩丶金錢肚，三款食品都入味，；一向都喜歡墨丸順便來個雙拼，有驚喜，大大粒之餘，還吃到墨魚粒，質感爽彈！崩沙牛腩 $52 鮮蝦雲吞 +$8崩沙牛腩位於橫膈膜附近，比起其他腩位，它有一塊薄膜和豐富的膠質，爽軟不硬，怪不得是店家限量發售的產品。熱檸茶 / 熱檸蜜 跟餐+$8