樂園魚蛋粉

營業中

休息中

臨近月尾 行開尖沙咀肚餓又唔捨得食貴少少 醒起上次食過e間 一碗魚蛋粉最平$29 尖沙咀係邊度搵叫咗碗牛腩河加淨鮮蝦雲吞同一碟菜 因為上次已經食過魚蛋同埋崩沙牛腩 今次諗住試吓其他 牛腩河牛腩份量都係多嘅有一隻碗嘅直徑咁多 牛腩正常發揮 唔un有舊成舊都係脂肪個人中意崩沙牛腩多啲 如果唔想食牛嘅有個隱藏食法 可以叫雲吞河加牛汁 我覺得大食嘅可以嗌加底 如果唔係會食晒啲粉但係未食晒啲餸 鮮蝦雲吞有六粒 粒粒都差唔多大細 入面一半係豬肉一半係蝦 清湯會配幾塊生菜加$10有一碟生菜叫咗全走(走豉油走蠔油) 所以望落去好似好dry🙈 但係菜係新鮮嘅幾鍾意黎依間食其中一個原因係想上菜快 亦都冇試過漏單 重點係乾淨！同埋裝修都幾靚同企理 下次會再嚟食😌

💛樂園魚蛋粉·呢間魚蛋粉真係超級快靚正 坐低唔洗一分鐘就有得食 我同同事趕時間既時候都會食佢😈😈·牛腩魚蛋河$42 l 油菜$10佢單拼一碗$3x既姐 不過我個日想食得豐富D 所以就嗌左雙拼😌佢個牛腩份量真係超多 有成8/9舊 而且佢真係煮得好淋 味到唔錯🤤不過個魚蛋我自己就覺得一般般啦 我覺得佢有少少腥咁🤭🤭反而佢個油菜煮得幾好 個軟硬度對我自己黎講岩岩好😎··📍尖沙咀金馬倫道21號地下C號舖

作為一個牛魔王，去魚蛋鋪唔係食人地啲魚蛋，而係食牛什河！👅 牛什河牛什好香，整得又夠淋又夠入味😋有牛腸，牛膀，牛肚，我最鍾意食牛腸🤤平時無乜幾可食咁肥嘅野，今次就豁出去，食埋肥仔河粉先算🥳．👅 魚蛋河睇落好簡單嘅魚蛋河，其實一啲都唔簡單！魚蛋好彈牙，食到好有魚味，加埋炸魚片，係香港先有嘅魚蛋味😂．👅腐乳通菜加$10就有一份腐乳通菜😋腐乳有咸香，加埋灼好嘅通菜，一定夠晒飽呀🎃有時平平地食一餐，唔洗下下大魚大肉嘅😛

樂園魚蛋粉好耐都冇試過食啲中式魚蛋粉，所以今日嚟到呢間裝修比較新式嘅樂園魚蛋粉。舖頭非常之光猛。座位之間亦都好寬鬆。佢比起一般嘅傳統中式粉面檔會多咗好多其他嘅新菜式，例如海南雞飯，或者豬手飯。今次我哋除咗叫舖頭嘅招牌麵-崩沙腩河粉之外，仲叫咗佢最新出嘅菜膽雲吞雞配白飯。仲有喺香港自家工場製造嘅酥炸門鱔皮，飲品方面就叫咗個豆漿。菜膽雲吞雞配白飯不論雲吞同埋雞嘅份量都非常之多，湯底有淡淡的雞湯味，肉質唔會因為煲完而好鞋，以$55來講分量有咁多真係非常之抵。崩沙腩河粉口感一流，崩沙腩肉同脂肪嘅比例啱啱好，河粉加色亦都令成碗面嘅味道提升唔少，分量依然都係非常之多。酥炸門鱔皮口感非常之香脆，食之前可以將佢放落個湯度浸一浸，都會令到佢油膩嘅感覺減少。呢個小食仲要係每日限定，所以有機會叫到都會再叫。

有時心血來潮會好想食碗潮州粉面🤣🤣咁啱行過呢間就入咗 其實佢裝修都幾靚 好似一般港式冰室唔會有一種好大排檔嘅感覺叫咗黃金墨魚春卷 牛雜麵 凍檸茶加個菜佢個腐乳通菜係龍另上嘅咁可以按自己分量按幾多都得味道正正常常墨魚卷都算彈牙香口～有啲似平時打邊爐嗰隻魚餅牛雜麵我最鍾意就係食牛肚！佢入面乜嘢料都有，相當豐富而且啲牛雜唔會有怪味，切得又厚身，唔錯唔錯😌😌😌腸入面都無咩污糟野，感覺上都好乾淨！凍檸茶少甜就正常水準～

今日落堂後行行下去左尖沙咀呢間樂園食入到去裝修都幾好，乾乾淨淨幾整齊之前已經聽人介紹過，今次經過就食叫左個雲吞麵同埋酥炸門鱔皮其實仲想食牛腩嗰啲下次要叫朋友一齊嚟食😌雲吞麵 $31好耐無食過雲吞麵細個勁鍾意食😬四粒大大粒既鮮蝦雲吞蝦肉好大好足夠料 我加左辣椒油 個辣椒油勁香 增加左個香味☺️好正酥炸門鱔皮$35😬😬香港工廠自家製作👍🏻一黎到有個包裝 幾乾淨食唔哂又可以攞走 好方便👍🏻👍🏻就咁食好香脆又可以浸湯5-10秒 進食兩種口感我都鐘意加左個凍檸茶😗😗自己一個享受呢一個晚餐🥰今天比我嘅感覺都好好👍🏻不錯既選擇😬

風球除下，走到尖沙咀逛街，當然要醫肚，於是入座樂園魚蛋粉，位置非常方便。餐廳除了提供粉面選擇，還有飯餐。這天晚上，點了墨魚丸魚蛋雙併撈麵，還有餐廳推介的自家製黃金墨魚春卷。墨魚丸和魚蛋非常香，滿滿的魚香味，而且口感彈牙，一試難忘。撈麵麵身非常乾，很符合個人喜好，而且份量十足，個人而言有夠飽肚。這個墨魚春卷是淨食，所以份量比較多。墨魚春卷內除了有墨魚肉，還配上粟米，無論香味和口感，也更加豐富。味道也是咸淡適中，食得開懷。

平時我好少食魚蛋粉，因為通常出街食飯都想食得好啲，但依間魚蛋粉同埋牛腩河又令我喜出望外，因為佢除咗平靚正之外亦都喺尖沙咀，好方便。叫咗一碗魚蛋麵同埋崩沙牛腩河，崩沙牛腩河係限量嘅，佢嘅牛腩非常之好味，肉質唔會太冧，而且好有牛腩嘅香味，唔會好似其他麵店嘅牛腩咁樣，得個硬字，而且佢嘅肥瘦適中，唔會有一大舊肥膏搞到全舊牛腩都冇得食。至於魚蛋河入面就有魚蛋魚片，我覺得魚蛋係正嘅，魚片就正正常常啦，但佢嘅面質又令我有驚喜，因為佢唔係嗰啲好冧嘅，仲會彈牙，所以質素都唔錯，喺尖沙咀食嘢幾十蚊一碗，加$8又有一支凍豆漿，食完$100仲有走，喺尖沙咀依到，係咪好抵呢！順便介紹翻，佢依家仲有自製辣椒油添！我兩碗都有落辣椒油，加埋一齊食仲正

好耐無食過香港啲粉麵，特然好掛住啲雲吞麵、魚蛋粉，咁岩今日出到尖沙咀，真係比我路過見到間粉麵店！呢間「樂園魚蛋粉」好有傳統香港粉麵鋪頭feel，就算唔睇menu唔睇鋪名，就咁入去都知道呢到食咩噏得出既粉麵呢到都有，最經典晚雲吞魚蛋粉當然都唔少得。我叫左個牛腩河，好平只係30幾蚊，份量一啲都唔少，牛腩就咗望落都好多，唔會得幾粒仔，好抵食。牛腩幾淋，味道唔錯，河粉亦好索湯。同場加映秘製辣椒油，加少少落湯到更吊味朋友叫左魚蛋米線，係白魚蛋唔係車仔麵魚蛋，好大粒又彈牙，好食黃金墨魚春卷，唔係炸個啲春卷，而家係軟身個款，入面好重墨魚味，仲有啲粟米粒係入面，真心好食！好耐無食過港式粉麵，價錢又平，勁抵食，好滿足

粉麵店是快靚正嘅港式食店。呢日去尖沙咀i square 睇戲前黎到樂園食午餐魚蛋魚片都好爽滑彈牙，幼麵底軟硬適中，我喜歡一口麵一匙羹紅醋加起來嚟食。湯底都唔錯，加多滴辣油令到成碗麵更香湯飯估唔到都好大份！鴨腿都幾大隻，林身，都幾好味。鮮蝦雲吞裏面嘅蝦都幾多，雲吞皮都好滑。湯內也有馬蹄，都幾爽甜。湯底有啲藥材嘅味道，感覺住家。菜心都幾甜，加牛腩汁調一調味。粉面店嘅菜整得特別口味，可能因為用煮麵嘅水淥菜，啲菜保留着香味熱奶茶都做得唔錯，茶味比較濃杏霜都好香滑，杏仁味都幾出平時喺尖沙咀食嘢通常都唔平，如果只係想快食一個午餐，粉面店絕對係好好嘅選擇。這一次我們兩個人吃，食到好飽， 食物嘅質素都OK，都係$97。

今日未食午餐，諗住去學嘢之前食餐勁嘅，經過就入咗依家落魚蛋粉啦。見佢個格局好似新派嘅魚蛋粉，裝修得幾靚，坐得幾舒服嘅，所以就入咗去食啦。佢6:00pm之前仲有下午茶嘅，叫咗牛腩同鮮蝦雲吞雙拼，腐乳通菜，凍檸水，仲想食少少魚皮，見到佢哋有個酥炸魚骨，本身自己好驚魚骨，問吓啲姐姐係點個陣，點知對面個客人係咁推介我食，所以都試埋啦。本身有腩汁喺個湯入面，每一啖都好濃味，牛腩唔會好肥又或者好乾，一咬開就扯得甩，而且數量都幾多㗎，有成七至八舊。雲吞有兩粒，皮都算薄嘅，不過不失啦。反而腐乳通菜嗰個腐乳醬都幾特別，唔係一般死鹹嗰種，反而係好香有少少帶甜，雖然唔知係乜嘢，都係用豆整架啦喇，我食食吓就食晒成個醬lu! 酥炸魚骨係一代咁相嘅，開咗個袋到晒出嚟都有六七條，其實一個女仔一定食唔晒，最好就同其他人分享啦。同出面嘅炸魚皮唔同，呢個比較厚身嘅，清楚見到魚骨，侍應會比一個高湯，好友善咁樣提醒如果想佢淋少少嘅話，就浸耐啲。本身個魚皮都有味嘅，自己覺得如果唔浸湯食嘅話，會比較鹹，就算浸左30至40秒，一食落去都係確確聲，好脆。食落去真係唔覺得自己食緊魚骨，反而因為佢比平時嘅魚皮厚，更加享受到炸魚皮嘅精髓!

朋友就嚟要離開香港所以就同佢食下啲香港嘢啦，咁香港最特別嘅就梗係魚蛋粉啦咁就見今日嚟咗尖沙咀就過嚟試吓啦。咁呢我就叫咗一個牛筋同埋墨丸嘅面啦同埋加咗一個筒菜嘅。朋友就叫咗魚皮餃河粉，天氣見咁熱就叫咗兩個凍檸茶少甜少冰。呢啲真係香港特色。好快啲菜就上咗嚟啦另外我覺得個牛筋都幾好食因為補充骨膠原，而麥丸亦都整得唔錯。朋友就鍾意食個魚皮餃，因為食落去感覺好足料同埋都幾鮮甜嘅感覺，加上有一啲蔥做配料食落都覺得好好味

🤤平靚正之選🍟#尖沙咀行開尖沙咀想食啲地道野，試到間好抵嘅粉麵餐廳🤩地方企理，坐得舒服😌✅魚蛋➕鮮蝦雲吞雙拼麵呢到魚蛋出名，果然名不虛傳！好重魚味仲要極彈牙🤪🤪雲吞皮薄餡靚，叫雙拼可以一次過滿足兩個願望✅脆骨魚皮另一招牌菜👍🏻有別一般普通炸魚皮，呢個連骨所以炸得零舍鬆脆，浸系湯到十秒左右再食，超有風味一餐夾埋一百蚊都唔洗，食到勁滿足.📌 樂園魚蛋粉 (尖沙咀)#尖沙咀美食 金馬倫道21號地下C號舖-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #越南菜

尖沙咀餐廳超多，要揀野食真係好頭痛。不過如果想快快咁食個lunch,食個tea,食個飯。可以一試下依間魚蛋粉。價錢超平，入面多人。鬼佬都黎叫外賣menu 都多野食。唔食麵都有飯。有d 其他地方冇嘅炸魚皮價錢平入面都算乾淨魚蛋雲吞河$38魚蛋佢地自家打，食得出重魚味雲吞夠哂大粒+$8 就有野飲。+$10 仲有碟菜見佢講到d 魚皮咁吸引，所以就試試$35唔算平，不過咁嘅質素，係抵嘅。同d 皮好大，又脆，個味道好特別。

好耐無食過港式魚蛋粉麵成日係tst呢到都經過樂園魚蛋粉😛 今次終於走去試 意外地水準之上😎😎我地最鍾意個海南雞 好滑而且肥就均勻唔會話好肥一大層脂肪而係薄薄一層皮我一層嫩滑嘅雞肉加上甜甜嘅黑豉油真係幾好食 鮮蝦雲吞質素正常你話好突出不過鮮蝦都彈牙雲吞皮都夠薄滑我地再加碟腐乳通菜腐乳😆😆比較健康唔係普通一尊腐乳而係腐乳醬呢個位要加分😍😍推介指數4/5樂園魚蛋粉 (尖沙咀)尖沙咀金馬倫道21號地下C號舖