樂天冰室 (萬迪廣場)

營業中

休息中

今日2點幾去食，午餐A係牛扒拼漢堡扒，吸引到食肉獸嘅我，所以就叫咗呢個跟薯菜，落單順利無問題侍應都無講咩。到上菜發現牛扒喺度，薯菜喺度，個漢堡扒就唔喺度，但多咗2條腸。叫咗個侍應 (係個有戴住頸絲巾嘅阿姐) 埋嚟問點解，佢好處之泰然咁話係呀無漢堡扒呀，然後就想走，我話落單果陣無講過話無，佢話唔關我事喎，唔知邊個幫你落單，呢刻好想答係我自己落單架阿姐，我話如果你一開始話無我未必叫呢個餐，跟住阿姐問我想點，大家開始火火地嘅時候有另一個職員走埋嚟問係咪要換，算，我最後換咗個流流地嘅C餐 (份量我覺得細，同埋無乜味)。我想話你間嘢生意好，唔係表示你可以亂嚟，阿姐態度擺明係：“係無架喇，你要唔要？”，無嘅嘢唔係一早講，而係上菜果陣先話你聽，態度仲要唔關我事、你唔要就罷，仲要由頭到尾無人講過唔好意思，我唔係要你低聲下氣，就算你輕輕鬆鬆嘻皮笑臉咁講句唔好意思都無問題，而唔係一幅高高在上嘅厭惡態度。

樂天冰室的芝士焗咖喱豬扒飯絕對是一道香氣撲鼻的美食。這道菜以豬扒為主要配料，搭配濃郁的咖喱和融化的芝士，在口感和風味上都能給人留下深刻的印象。首先，豬扒的烹調技巧非常出色。豬扒煎得剛剛好，外酥內嫩，保持了肉質的鮮嫩口感。咖喱的香氣在豬扒上燻烤而成，使得每一口都充滿了濃郁的咖喱味道，令人垂涎欲滴。其次，芝士的加入使這道菜更加豐富和美味。芝士在烤的過程中融化成黃金色，覆蓋在豬扒上，增添了濃郁的奶香和濕潤的口感。芝士的鹹香與咖喱的辛辣相互融合，形成了一種絕妙的平衡。最後，樂天冰室的熱奶茶也是一個不可錯過的飲品。熱奶茶濃郁香醇，奶香和茶香完美融合，口感順滑。這杯熱奶茶與芝士焗咖喱豬扒飯搭配在一起，絕對是午餐時光的完美組合。總的來說，樂天冰室的芝士焗咖喱豬扒飯是一道香氣四溢、口感豐富的美食。豬扒的煎烤技巧恰到好處，咖喱和芝士的結合讓味蕾得到了極大的滿足。再加上搭配的熱奶茶，整個午餐體驗非常抵食。如果你想品嚐美味的港式料理，這裡絕對是一個值得推薦的選擇。

今日有點肚餓, 所以去左樓下間餐廳到食下午茶下午茶 由14:30 開始至 18:00介紹間餐廳先間餐廳開業未夠半年, 午飯時段好多人去排隊既正門既左手邊係麵包部, 右邊係燒味部無影相添, 下次補番 (我記得的話 )餐廳面積大, 唔係繁忙時間入去的話基本上唔洗點等位, 員工仲會主動幫你搵位但我一個人去食, 基本上都係要搭枱以搭枱來講, 上曬食物係有點逼既始終對面既係陌生人, 自然想要多點點距離感今日點左XO醬揚州炒飯 加 熱奶茶上菜前, 我聽到隔離枱話仲有個炒飯未到我仲以為會好細碟 或會 大細超送到我眼前既時候, 兩碟炒飯都係差唔多食物揚州炒飯 材料有火腿片 + 叉燒粒 + 蛋 + 葉絲 + 辣椒 (少量) + 蝦仁 (中SIZE)蝦仁我認真數過, 有10粒炒飯獲氣夠, 飯炒得夠乾身飯同料既比例合理, 炒得夠均勻我食曬個飯之後望番個碟, 油量少唯一缺點係炒飯既熱度唔知係餐廳冷氣大 定係 個飯放左一陣先送到我手熱奶茶既茶味過濃, 有點澀另外, 我個杯係崩的但對面既陌生人係新杯真係沒有對比, 沒有傷害對面既陌生人食兩個酥皮蛋撻 + 熱奶茶酥皮蛋撻賣相幾好, 幾吸引可惜我個胃容量不足, 唯有下

去到餐廳坐低，叫咗個焗飯同埋加6蚊叫杯凍飲，飲品好快送到，我飲住凍飲等食物，然後等咗15分鐘左右，食物送到但唔係我order嘅食物。算，我即時向職員提出。其實好少事，更正返就ok啦。但我跟職員提出問題後再等15分鐘，依然未送餐嚟，我就兩次跟不同嘅職員提出取消order，因為趕住返公司。但係兩位職員冇即時幫我取消，只強調話焗緊，最後我堅持取消。佢地就話＂咁你俾23蚊啦，你飲咗杯嘢＂。我叫佢地問吓可唔可以照收6蚊，佢地態度惡劣話＂冇得問！23蚊一杯凍飲！＂。我話＂原本我係叫食物，補6蚊就有杯凍飲，宜家你地又錯貨又嚟得慢，取消又即時取消唔到，仲要我俾23蚊？！＂。個職員就態度惡劣話＂取消個飯啦！取消個飯啦！收23蚊凍飲！＂即係我點嘅餐一開始冇嚟，等一輪都未嚟返，叫取消又取消唔到，最後職員好悔氣話＂咁你飲咗杯嘢喎！＂原本只需6蚊嘅凍飲變咗23蚊，仲要受職員氣。。。咁嘅態度，真係令人失望。

有朋友住附近 聽朋友講知道呢間野新開搶左附近一啲食市生意 所以都想試下咩一回事呢次已經系第三次由於每次都系一個人所以只能食炒粉飯之類第一次食既系揚州炒飯 已感覺味道 獲氣絕對出色 如果以屋村區有咁既質數 呢班Cfu應該有啲料 因為好耐無食過一碟炒飯會令我讚既 本人都從事飲食業 以呢個質數黎講 絕對值中上之作第二次就食貴刁 比炒飯差一丁點 原因系炒飯太出色 貴刁也是咖哩粉足 也是不錯的選擇由於炒飯類出色 第三次就揀福建炒飯從食材配料及做法上 絕對值這個價錢用粒貝 及 貝絲 讓食客感到食材上沒有太慳另外雞肉新鮮 沒雪味 滑身就呢兩樣材料已經贏不少同行服務正常吧 一般茶記水準 也不應太高要求至少做到落單會有足夠人手 不會等太久暫時只吃過這間分店 希望其它分店都有這水準

茶記只接受現金，好明顯為左逃稅，仲要態度奇差，食客地位卑微，不應縱容這行為，食物環境還不錯，但今時今日這種服務態度，只為方便自己，絕對沒下次，門口排隊問是否要搭台回覆話入去啦，無比較無失望，寧願返大陸食會感覺到作為食客的尊重以及賓至如歸的服務，還有創新菜式，相比香港飲食業不思進取，真系被拋離愈來愈遠

新蒲崗較近鑽石山站的一邊，遠mikiki 遠，離荷里活又有五至十分鐘距離，加上較少餐廳種類，常有餐廳沙漠的感覺…最近新開的一間冰室，雖然唔算新意，但對附近返工的打工人士黎講實在係福音！開業短短數月，連假日的午飯時間都要排隊，好在餐廳夠大，座位多，等候短短五分鐘已經可以入座。對冰室茶記的裝修一向要求不多，但呢間高樓底，加上大量使用木材，感覺溫馨，和熙攘嘈雜的冰室氛圍形成強烈對比。友人介紹燒鵝瀨粉及豬扒撈公仔面，心中奇怪，冰室食燒味？上菜時只見燒鵝賣相不錯，馬上試吃一件，入口皮脆，油香滿溢，冰室有如此質素的燒味相當少見。豬扒撈公仔面完全水準以上，以鐵板上菜，滋滋作響，豬扒夠香夠鑊氣，公仔麵乾身香濃，十分滿意。整體來說，食物高質，環境不錯，是新蒲崗最近用餐的好選擇。

下午茶有韓式炸雞配牛角包，這個配搭比較新穎， $40左右，味道都唔錯。餐廳企理乾淨，可以一試。佢仲有新鮮麵包蛋撻。牛角包就淋咗啲，不過食炸雞幾好食。下次再去會試吓佢啲蛋撻，同埋奶茶紅豆冰。

新開既茶餐廳，就開係我返工既附近，今日一試食物唔錯佢每日都會有兩款牛餐，款式雖然較少，但貴精不貴多，而且打工飯黎講價錢唔算貴都係57蚊，凍飲加2蚊，今日食呢個係蒽油雞扒飯配薯菜，加凍齏啡！睇一睇啲蒽花既數量剛好，要欣賞係啲雞油好香，好濃陏，夠入味。雞扒夠厚，大男人食完都可以飽到肚。另外要讚一讚既係個薯菜，唔係單單係求其幾條菜，炸幾舊薯角咁唔健康。而係直接焗個薯容比你，呢份誠意夠厚呀，出面食個焗薯都要$30蚊啦之後係個湯，不過不失，正常湯款，套餐送埋凍齋啡正常質數唔會太多冰！遺憾冷氣太凍，坐入啲會 ‌～ 沒信號～

同同事食下午茶總共五個人嗌五個餐食先講有咩中伏：紅豆冰、豬扒炒公仔麵、薯仔蛋沙律、炸雞髀1。❌❌❌紅豆冰 （跟餐+$3）冇特別嗌小冰點知嚟到七成都係冰同埋佢唔係椰汁係有浸雲呢拿嘅藥水味2。❌❌❌豬扒炒公仔麵啲豬扒唔新鮮似用粉拿咗好耐最犀利嘅係有浸化學ammonia 亞蒙尼亞味公仔麵唔知炒得好唔好食但個豬扒出事因為係同事食到有問題我哋幫手試味一致認同3。❌薯仔蛋沙律健康唔甜但啲蛋有浸中藥味 食落似茶葉蛋味4。❌生炸雞髀塊皮有一半炸到窿咗邊味道就唔知喇

這家餐廳聽起來是一家非常不錯的選擇。除了好的服務和合理的價格，食物的品質也是相當不錯的，雖然可能不是最好的，但至少是中上水平。如果考慮到性價比，這家餐廳可能是此區一個非常不錯的選擇，特別是如果你想要一個良好的用餐體驗，但同時又不想花太多的錢。已經去了這家餐廳五次，並且感覺良好，無一次需搭枱。因此我對它的服務、品質和價格都感到滿意。蛋撻 菠蘿油仲有驚喜。 如果你正在尋找一家可以經常去的餐廳，這家餐廳可能是一個不錯的選擇。

期待已久，終於開到來新蒲崗，平時只在荔枝角食過早餐及下午茶。今次晚餐食豪啲叫咗鑊氣小菜 蜜椒薯仔一口牛$80同 鮮魚湯鮮茄金銀蛋肉碎浸時蔬$70 加$18 有湯、白飯、咖啡或茶 凍飲加$3 。小炒鑊氣十足，非常美味，鮮魚湯真材實料，仲大大碗。白飯軟硬適中。睇其他枱啲食物賣相非常掂，下次再來試其他

餐廳環境⭐⭐⭐⭐⭐之前在長沙灣分店都有食過，覺得茶餐廳來說，樂天算係高質。今次終於喺近屋企又近返工，有間高質飯堂啦！新蒲崗分店喺鑽石山港鐵站附近，大有街工廠區那邊。食材質量好，出品味道好，款色多元化，總有一款啱心水。開張以來，差不多每個禮拜都幫襯兩次，無論平日或星期六日中午都要排隊，有啲似觀塘紅茶嘅feel。店內裝修環境舒適，座位也適中闊落。所有嘢都跟紅茶好似，連「只收現金」都一樣🤣出品⭐⭐⭐⭐⭐幫襯左幾次後，終於的起心肝出下post 支持下☺️今日叫左「魚湯蠔仔肉碎泡飯」多湯，張相係已經比我急不及待飲左頭淡湯先記得影，湯飯上檯嘅時候真係滿到瀉架！個湯好有魚味同小小奶味，蠔仔新鮮，分量適中。上次嚟honey叫左「魚湯龍躉泡飯」，佢話啲魚都係真才實料，無乸味，值得再食。另外仲叫左「黑椒牛肉炒意粉」，黑椒夠辣，牛肉夠淋，乸味唔重，意粉係幼身煙奀，唔係快餐店淋姐姐嗰種。凍檸茶同熱奶茶都係正常水平。服務態度⭐⭐⭐⭐⭐最後值得一讚，餐廳各員工都好好禮貌。我幫襯嘅時候，次次係繁忙時間，但員工個個都係好好笑容，連收銀都會講聲「多謝」，今時今日真係好難得😊