樂富門 (已結業)

尋晚去左呢度食飯, 間中都會去呢度, 環境同食物質素應該係附近來講算係唔差, 同埋次次都見到好多人, 一定要等檯, 不過唔算好耐. 行到去張檯, 見佢碗筷都未擺好, 張檯都未抺乾淨囉... 坐低之後就大人話事, 叫左個套餐掛, 頭盤原本要燒豬, 過左陣個類似部長既人走過來話冇(冇禮貌可言), 轉左羊肉同豬頸肉, 豬頸肉個樣好似叉燒, 都ok, 羊肉冇食, 有碟綠色jelly狀既薄荷醬點來食, 其他人話唔錯...其他小菜包括:西芹合桃帶子- 唔太油, ok 瑤柱金菇菜膽- 唔知係咩菜不過唔苦, 都ok小籠包- 包皮厚左d, 麻麻魚翅- ok, 唔係水, d翅係見到食到蒸班- 唔知咩班, 淨係知好大條, 一般啦, 好似蒸過火左少少, 肉質有d輕微"鞋"口大蝦伊麵- 唔多得, 蝦唔係好爽, 個麵d味有d怪...福建炒飯- 正常, 個人覺得呢類炒飯好難會有問題既...小菜來講質素一般, 不過上菜超慢, 等左唔記得幾多個字囉, 仲有呀煲翅佢初初放低就算, 我心諗唔係要我地自己分呀, 又唔比碗喎就算想自己分都分唔到啦, 過左陣先有人拎去同我地份, 服務真係差係爆, 完成冇諗過集團式都可以咁差, 埋

小弟在世幾十年...第一次飲茶可以係茶壺內發現蚊蟻...原因不明...但我諗應該係幾日前有茶客飲用後職員冇處理舊茶葉....其它職員就再加熱水當新茶比我...現在想起都有點心寒....職員衛生意識極差！令我以後明白到飲茶唔洗搵命博！

平時食晚飯打邊爐ok既,經過今次一定唔會再去食生日晚飯變谷氣服務態度不在話下,全程系等食1)知客態度惡劣推卸責任"book左都幫你唔到"訂左位,早去都無枱,等個幾鐘(訂枱系無用)2)侍應散漫3)入座無人招呼,十問九唔應4)上菜慢,一樣樣餸上,全程等5)有餸就無飯,有飯就無餸6)部長扮睇唔到,自己換碟,食飯如同自助餐7)經理扮睇唔到,越叫越走8)經理同部長死唔認錯,要人出聲嘈全世界知先認錯 理由:話好忙,唔夠人手系原因,廚房出唔切9)經理扮矇 以上服務足以唔會俾加一服務費.所以指明唔會俾加一服務費,都照出單.收銀話要叫個經理再出過單.經理一黎到扮哂做唔到,唔可以出過一張.最後系出到,甘點解呢?什麼都慢,推卸責任,十問九唔應,唔主動,唔認錯...

我覺得裝飾環境都幾好~ 好似high class d 既酒樓~但又唔算貴~我食左好多次架喇~晚市d小菜價錢合理, 味道都幾好~服務都唔錯呀...我凍問佢地拎披肩, 佢地都有呢個service...我鍾意醬油鴨, 冬瓜盎...

腸粉似石頭...我一試難忘, 因它的粉太多了, 牛味盡失~~

Environment: I think this restaurant has been renovated recently. All the furniture and decoration is quite new and tidy. Extra bonus is given to the floor design. The floor is not covered with carpet. The function of carpet is to absorb noise. However, it also absorbs smell and that is the main cause that your clothes and hair smell when you have been to restaurant.Taste: We had 6 dim sum, vegetable and a big bowl of roasted duck served with Chinese vermicelli. The roasted duck was not too fat.

其實d野食好好味, 午市都抵食$55 有窩米加全隻燒鴨, 雖然唔係太好肉地但個皮燒得好香脆.同埋個豉油王炒面都好好不過個蝦蛟就爭d啦同埋...上得真係好慢, 個部長唔多好老脾咁...o...

上次3 點去到已經客又疏落, 點心又疏落, 給人感覺下午茶巿無第2round咁, 坐近個板間房附近, 聽到有人唱k好似劏豬咁聲, 攪到呢次茶癮一般. 但裝修,食物與服務仍屬中上.

每晚八點半後火碟碟$12,我地12個食到好飽都只不過係七百元左右!海蝦扎扎跳好甜好新鮮呀,肥牛好香牛肉味,羊片又夠蘇,鮮雞片好滑,雲吞好味...........汽水都只不過係十蚊三枝不過個writess 服務態度就一般啦!

呢度下午茶同平時無咩大差別~星期一到五都一樣多人等位而且入面大廳落地玻璃,感覺光猛點心唔駛等好耐就到~唔知點解總係覺得呢間的點心無咁味精~幾好幾好~

兩個人食左五個點心,有:蝦腸,叉燒包,羅漢齋,炸雲吞及清湯牛筋腩.坐低嗌茶時上左個小吃,係唔知乜野醬燒南瓜,($6),味道幾特別okay啦.叉燒包一客兩個既皮好軟熟,好食.蝦腸蝦多又爽,腸粉皮軟熟又夠熱.炸雲吞夠脆,d甜酸汁味道適中.羅漢齋無乜特別清湯牛筋腩,牛筋腩夠腍,蘿蔔尚算入味,唔係太"林",仲爽爽地既.但味道普通.配辣椒油食比較好食.service比以前好似好d,梗梗合格,仲有待改進.

由於BU黎呢間茶樓都好近,所以黎左呢度食lunch飲茶推介呢度既蝦餃--新鮮,台式蚵仔卷--即係蠔仔春卷,好特別,墨魚餅--唔油,好食,腸粉--滑,鮮竹卷-好多汁見到有樣野叫"玉瑩小煮"~睇到笑爆咀,跟住我地問果度做野既野人,佢好似唔係好記得咁答"有d椰汁...d西米露咁",咪即係椰汁西米露...呢度d點心唔係話特別出色,service都唔係話好,但勝在多款多小食揀~

我通常是食下午茶的，下午茶的價錢合理，但有一樣要注意的是，下午茶時段2時開始，若過了3時入座，有些點心已經沒有了。推介︰酥炸魷魚鬚又大籃，又是恰恰炸的。這裡的點心一向不俗，但服務態度，有些好好，有些極差，最令人嘆為觀止是門口的知客叫籌號的速度，她是「27，27，28﹐28」咁叫，速度極快，於是d 人要聚集於知客櫃台之前，以防過了籌號。如果只給食物評分，評分是好。如果只給服務評分，評分是差。所以，我唯有俾ok的評分。

尋日一心諗住去樂富仿饍食飯,6點半前到,話冇訂位要等好耐,結果去隔離o個間(榕X),但又係冇位,唯有黎呢間裝修好簡約o既酒樓食.見倒張餐牌d野唔算好貴,大約$40-$70一個小菜,又有海鮮,翅等等.我同我男友點了避風塘炒蟶子(ok啦!),雜菇燴小堂菜(雖點呢碟菜標榜健康為主,但食落總覺得好多油),金瓜勾翅($68二人份量,好味),唔知咩野赤蟹荷葉焗飯($98,好飽,米好生,蟹羔好硬,冇乜蟹味,一般),之後點o左甜品,要楊枝金露,雪山飛弧,咖啡奶凍($6-$10),結果等o左一陣話楊枝金露賣曬,改要海底椰南瓜露,冇所謂反正同價,但就水多過料;而個奶凍就冇乜味;後o黎等咗好耐,我地就催單,個侍應話未聽過有呢個甜品,但我地show完餐牌又話比佢聽保個部長推介,跟住佢先check單,跟住又話冇落單,o甘我地o米話算o拉,埋單走,跟住一陣又另一侍應o黎話就出,跟住又等,最後同一個侍應又過o黎幫我地埋單,我地check番張單又真係冇落,費事煩,埋單走人($306),亂到暈!

我係5月7日去咗食晚飯我o地18人去食, 食咗$800幾蚊, 都ok啦, 計番一個人都係$40幾蚊環境都幾特別, 好少酒樓有卡位(for 4 ~ 6 人)京都骨最好食, 唔係好酸& 唔係好肥炸子雞& 南乳齋煲都值得一試不過等位就耐d, 所以最好就預早booking