影片
港鐵鰂魚涌站 C 出口, 步行約3分鐘
繼續閱讀
電話號碼
25619903
營業時間
今日營業
11:45 - 22:45
星期一至六
11:45 - 22:45
星期日
全日休息
以上資料只供參考, 請與餐廳確認詳情
見好耐無食，就諗住快快脆買個牛腩墨丸河外賣。去到無人等外賣，第一個落單的，跟住就開始有三四個人買外賣同入去食。結果我第一個落單，係最後出哂所有單都無我份，問阿姐佢就問返我係要咩？講完之後就話墨丸要淥，但後面叫撈麵又出到，兩個咖喱牛腩又出到，咩都出到。我真心唔明白淥粒墨丸有咩咁耐，一係你講明要等耐啲，唔係我催你，你先講，仲好就理所當然，理直氣壯咁嘈返我，覺得等係應該。最後搞左十幾分鐘先出到一碗得兩粒雪味墨丸，幾舊柴牛腩嘅粉。由$35食到$39，雙拼今日收我$44，會係最後，以後都唔會再幫襯
繼續閱讀
小妹咁岩附近返工 Lunch time隨便揀一間食飯一間小店 但好多人排哂隊（好彩係等外賣）我就入去試試 平時都唔會食牛腩 覺得會好韌 攝牙罅見到評論話牛腩好食 我就試一次又抵食！ $3x 加$5多一個餸！！食完回頭好多次！因為牛腩起碼5-6舊 好香又入味 又林 原來可以咁好味 唯一覺得係有點肥膏 真係要試
繼續閱讀
牛腩麵一碗，才$35。加$5雞，就可以變雙併。再加$5雞，就可以加埋紫菜或者菜。店舖外邊不太吸引，好彩同事介紹我來食，唔係就走寶。今日試了牛腩牛肚麵。牛腩和牛肚都分別有三四舊。好林，入味，又大件。唯一缺點係幼麵的份量太少。下次最好食撈麵先會夠飽。堂食座位還可以，衛生情況也可以。不過都係外賣回家慢慢食最舒服。加埋盒菊花茶，先至再加$6。香港島區，咁嘅價錢，咁嘅食物質素。真係冇得輸，去邊度搵？下次一定會再幫襯，支持香港的小店！
繼續閱讀
樂意粉麵咁多年都保持到水準。我唔敢話佢係牛腩麵既天花板，但性價比絕對超高🔝 回頭率 💯💯💯個人偏好牛腩要有肥，最好腩肉連筋，肥瘦均勻，有𡁻頭但唔爛。呢間既牛腩正正做到我既要求，仲要係$35、$35、$35！！！雙拼都係加$5、$5、$5！！！重要既事要講三次！性價比極高！完美既糧尾恩物 🎖除左推薦牛腩之外，牛丸都係另一個亮眼點，因為粒牛丸非球體，係扁狀水滴形 💧我諗應該係餐廳自製既牛丸，因為我真係無見過非球體牛肉丸，實在太搞笑啦 🤣🤣🤣 味道就正路牛丸，唔好期望咁高，除左個外形無咩特別之處。最後報上餐牌一張，呢個價錢果真係漆黑中嘅螢火蟲，糧尾時救人一命。希望寫完篇食評之後千祈唔好加價 🙏🏼
繼續閱讀
上網見到呢間牛腩麵基本上係冇差評嘅，個個食過都話好好食，舖頭好細，好舊，應該都係老字號，做咗好多年嘅街坊生意，咁就買咗牛腩撈麵試吓！🍴 牛腩撈麵 $42 (9/10)牛腩麵好大一份，起碼有兩個幼麵，牛腩超多，有成七舊，仲有條菜心，塞到成個盒都滿晒！個份量真係勁良心！牛腩舊舊都有膏，香而不膩，肉質彈牙，好軟淋，唔硬唔鞋，仲有少少牛味，超好食！麵就爽口偏淋，好多麵，但略嫌重鹼水味🥹佢哋個辣椒油好香小辣，一定要撈麵食，令到個麵冇咁重鹼水味！但整體來講$42份量同埋質素都好高質，好好食，一定會再買！食完真係勁飽！推薦指數: 9/10平民小店，良心份量，出色牛腩，下次會想試吓牛雜😆😆
繼續閱讀