樂滿門快餐廳

營業中

休息中

2017年已開始，發覺2016的食評已堆積如山，又係積極寫食評的時侯，自知唔係寫食評的能手，但總想為自己留下一些飲食日誌，以作回憶。食物相片大多齊全，不過價錢有些淡忘。現在由印象較深刻或較簡單開始寫回食評。20160720 樂滿門茶餐廳，在和隆街上，就是在四眼仔腸粉和協香麵包西餅店的同一街道上，不太顯眼，而且聯和墟食肆林立，沒有特式食物或宣傳，大多數人不會找到樂滿門開飯吧。當天並沒有甚麼想吃，諗住"求其"一餐，想不到在此吃了滿足的一餐。餐廳是較舊式的茶餐廳格局，說實話，有點殘舊，有卡位和一般坐位，幸運地可以坐卡位。二人叫了:梅子蒸排骨晩飯套餐排骨好大碟，個碟好似屋隻碟咁，好有住家飯的感覺，梅子味道酸酸甜甜，加了豆腐卜，好入味，用汁來配飯，非常開胃，家人最愛吃排骨，吃得狀甚滿足。黑椒三絲炒意粉經常到酒樓飲茶，心想酒樓有炒意粉吃就好了，因為我最愛吃炒意粉，睇到餐牌有炒意粉，不二之選。上枱時很開心，賣相很吸引，鑊氣十足，黑椒味辣辣地，碟頭很大，份量不少，不過都比我食晒。餐飲奶茶一杯茶味十足，入口香滑，沒有加糖，好飲。埋單:忘了實際價錢，但價錢不貴。餐牌以作參考有好幾次揾地方開飯時，都好想再到

成個長華邨平台食肆都比領展收晒，想搵間茶餐廳都無，唯有行到老遠聯和墟搵食啦 ﹗苜次探訪，侍應姐姐妹妹嬸嬸們都服務殷勤和藹親切，氣氛融洽舒服。火腿奄烈，即叫即做，聞得到的新鮮。鑊氣十足，煎得金黃香噴噴，味道正常無投訴。太陽蛋腸仔，想咸死我咩 ﹗極咸腸，少有地係用罐頭鹽水咸腸黎喎。沙嗲牛肉出前一丁，湯底黑媽媽，超濃縮好鬼咸，麵質偏硬唔夠熟，免強只得 9 成熟左右。沙嗲牛肉芡汁一舊舊，放左一段時間，質地及味道可以，但浸完咸湯就過濁過嗆喇，整體中規中矩。

經過一天的奔波，都沒有好好休息或吃過一餐飯，累得在巴士上睡了，結果到總站先知醒。反正趕回家都來不及，唯有在附近逛逛。樂滿門已經有一段長時間沒有光顧過，晚上近9點依然有九成客，看來食物倒有一定水準。望望牆上水牌，還以為有好幾款選擇，左問一句，右問一句，差不多有一半已沽清，就連最後決定的班球，都是last one。蓮藕豬骨湯火喉足，很濃稠而且鮮甜幽香，熱辣辣的相當好飲。古法蒸班球用豆腐墊底，上邊是班塊及冬菇絲，魚肉很幼嫩，而靈魂所在是醬油，直接將幾樣食物提鮮了，舀點豉油撈飯，果然美味。凍檸檬茶就算室外氣溫低，但室內人多又溫暖，慢慢呷著檸茶，正好享受這一刻。 

茶餐廳黎講,系聯和墟算係數一數二,因為佢d野食大部分都好有水準!推介~早餐:魚柳薯餅。午餐:炒粉麵飯都好好味!特別推介:吉列豬扒,唔油膩,鬆化,好味到唔識形容。

SUMMER 時有一日行過.......見佢個MENU 好似好吸引......就行左入去了點左個牛扒田園早餐加凍OTWOW...........真係無諗過會咁大份.......原來仲有份菇菇UM 列!!!!!!!!!!^^ 非常抵食!!!!!!正

個肥厨有時聲大大,不過Do野好好食,個後生仔炒D星米好正,不過個水吧好寸.叫他少冰都唔得.樓面全部中女.冇睇頭.態度惡劣,成日講鹹濕o野.不過Do野好食又抵食大碟到唔信早餐推介:沙牛餐蛋通粉,有時D沙牛好鹹.午餐推介:多樣選擇.飲冰底可樂.D可樂好冰好凍下午茶推介:星米干牛河晚餐推介:一定要食酉冷扒.飲凍胚芽.,紅豆冰,