樂翠園海鮮菜館

營業中

休息中

見好評同老字號過黎一試 有2間分店 店員安排座位混亂 0630pm到達 算早到 唔知係咪趕住晚市 叫我地快d落單 落完單餸茶好快到 但就唔熱無煙 無穫氣 溫暖的失望😥建議比心機煮好一碟餸 唔好貪快

觀塘28年老字號中式菜館🍲➡️門口已經見到生猛海鮮，有龍蝦，石斑，蟶子等等🌟火焰鱔球🌟去親打冷或海鮮舖都會想叫鱔食，唔係間間都會有，見呢間有就試下。鱔球夠彈身同脆口🙂🌟胡麻醬安格斯牛柳粒🌟用胡麻醬炒🐂，旁邊配上七味粉蘸，好滋味～🌟蒜蓉炒芥蘭🌟呢度招牌菜係3D芥蘭芥蘭葉炸完，拌上肉碎，再以生菜包餡。不過唔太想食炸既，清清地叫左個芥蘭😆📝平時比較小去鮮活海鮮舖頭食海鮮，始終唔係有機會一大班人食飯，點既菜式唔會太多呢

今次去試呢間位於觀塘既老字號小菜館——樂翠園海鮮菜館，見識下香港既大排檔✨美極台灣鴨舌果然係招牌菜！上枱熱辣辣，超級惹味(搞到我想嗌啤酒)！應該係先炸後炒！外層酥酥的，入面仍十分軟嫩同入味！連仔仔都搶住食！✨手抓骨好大陣香蒜同孜然味！睇落以為好乾但原來肉質幾淋！用有揸住成舊食都幾爽！我自己本身最中意食連住骨既肉，因為有爽脆既筋同咁先夠肥，所以好啱我食！✨3D芥蘭問左老闆娘點解3D，佢答唔出我自己估係因為有三種菜既煮法/食法？因為入面有炸過既芥蘭葉、芥蘭莖同生菜配上好有獲氣既炒肉碎。食法就係好似生菜包咁，加上炸芥蘭葉好似紫菜咁香口，整體又幾層次豐富！又係十分惹味既一道菜。✨蒜蓉粉絲蒸扇貝老闆娘推薦我嗌，但…to be honest還好。扇貝肉都算鮮甜厚實的，但正常發揮啦！總括來講，佢既大排檔小菜係十分出色！不過唔食omakase唔好聽員工推介是常識吧

琴晚同好姊妹一齊去左位於觀塘一間老字號菜館到食晚餐🥣撚手小菜款款都好吸引🤩最後～我們叫左3碟小菜🙂食得都好飽😌3D芥蘭（必點）🌟🌟🌟🌟好有特色的菜式😍它有點像泰式生菜包加大版～芥蘭莖好爽脆～將肉碎連生菜、炸乾了芥蘭葉包起一起吃😌口感好清脆😇有少少辣味🤪好味😋椒鹽九肚魚外觀呈現金黃色🙂外皮炸得脆口☺️味道鹹香，微辣，並帶有一絲香料的風味😑啫啫雞煲好有鑊氣😍雞肉嫩滑多汁🙂入口即化😊經過長時間的悶煮，雞肉保持著柔軟的質地😜好惹味🙈充滿鮮味的味道🤪菜館位於宜安街已有廿幾年歷史😉好有懷舊風格🙈主要做老街坊生意☺️好有人情味😚而且所有小菜都是新鮮都即叫即煮🙏🏻環境算乾淨企理😜

去完荔園，附近行吓搵嘢食，見到呢間菜館幾多嘢食，又好耐冇食中菜就入嚟試吓。餐廳好乾淨企理，座位寬敞舒服，係舒適高級版嘅大排檔感覺！地道得嚟又有時尚感。3D芥蘭Signature dish一定要叫啦！果然係signature，啲芥蘭葉真係炸到好3D，加埋啲肉碎，用生菜包住嚟食，比平時普通嘅肉碎生菜多咗一種3D感，口感豐富不少！胡麻醬牛柳粒牛柳好嫩滑，每粒都好均勻地裹住胡麻醬，就咁食就甜甜地；你亦可以再沾埋伴碟嘅七味粉，甜辣甜辣，多一番惹味；或者加上伴碟嘅洋蔥，爽脆甜，口感更加豐富！砵酒火焰焗蠔呢碟賣相不得了！未嚟已經聞到好香嘅酒味，上到枱時啲蠔仲喺個火焰中翻滾，好澎湃！啲蠔炸過嚟，好香好肥美，加上墊底嘅洋蔥，食起嚟甜甜地又好creamy，好味！蒜蓉粉絲蒸扇貝扇貝好新鮮好巨大，差唔多有我半個手掌咁大，粉絲朔晒啲甜豉油，加上香口嘅蒜蓉，真係非常之正！食小菜真係要嚟呢啲地道嘅老字號先食到嗰種鑊氣，同埋佢仲有打邊爐同雞煲，下次要試吓先。大家經過不防入嚟試吓！

觀塘區真係好多好嘢食，呢日收工想同屋企人食吓觀塘區特式中式小菜館。餐廳係兩個地鐵站中間，牛頭角站行過去會快啲。❤️3D芥蘭 $118咁樣食芥蘭真係第一次，芥蘭葉切絲炸香，炒肉碎加了少少辣椒絲好惹味。用生菜包嘅方式包住芥蘭、炒肉碎、芥蘭絲，估唔到出奇地夾😍。❤️荷葉蒸雞 $88雞蒸到好嫩滑，荷葉味道好香。❤️海鮮雜菜煲 $88海鮮有魷魚、蝦同魚塊，份量非常多。❤️蒜蓉粉絲元貝 2隻$120 職員介紹今日元貝好靚，點咗兩隻試吓，真係好厚肉夠大隻。❤️香茜皮蛋肉片湯 (小) $98下火之選！材料多，芫荽味道煮出來非常香，我一個人都飲咗三碗。我哋有小朋友瞓着咗，職員超級好，特登揀個安靜一點嘅位置俾我哋。用餐途中都會過嚟傾吓偈，食3D芥蘭嘅時候好醒目即刻比濕紙巾我哋抹咗手先，仲介紹我哋下次可以試吓邊啲出名嘅鑊氣小炒，有傾有講，人情味十足。我哋點咗四個菜，三個人都食唔晒，因為每碟份量都非常多，眼闊肚窄，下次要叫多啲朋友一齊食鑊氣小炒，可以叫多啲唔同嘅菜式😍。

牛頭角既街坊或者觀塘返工對於眾安街一定有好深情懷其實呢名副其實係條食街好多唔同既中菜館 串燒 蛇羹總知就係消夜勝地～樂翠園真心係我由細食到大應該都開咗幾十年㗎啦出咗名抵食夾大件收工大班人一齊食飯傾吓偈再加返支啤酒冇得輸胡椒豬肚味菜大蜆味道少少，辛辣 蜆貝新鮮豬肚好乾淨南乳粗齋不過不失招牌名物 3D芥蘭生菜包多重口感，泰式生菜包嘅進化版炸咗嘅芥蘭葉 香脆可口配埋肉碎，口感昇華啫啫排骨煲，味道偏重口味超級多豬膶，冇臭味 放心食希望呢啲街坊小店一直唔好消失好有香港風味 而家已經唔係區區都有埋單都係四百幾超級抵食

手揸骨大大嚿，一定要用手揸住食先夠滋味，肉質鮮嫩，香辣孜然味，好惹味，好食到停唔到口😋！3D芥蘭個菜好有特色，原來係生菜包住香辣肉碎同埋炸脆咗嘅芥蘭葉一齊食，口感好特別，香香辣辣，超好味😋！手撕雞我哋叫咗半隻，估唔到都幾大碟，雞肉非常之嫩滑，點埋個甜辣醋食非常之開胃，大人小朋友都啱食👍。豉椒炒蟶子蟶子好新鮮，好夠鑊氣，鮮味十足，唔使一陣我哋就清晒😋。椒鹽魷魚阿仔最鍾意食呢個餸，夠晒香口，炸脆嘅魷魚配上炸蒜，香脆可口。餐廳仲有好多特色小菜，真係要食多幾次先食得晒，啱晒三五知己，一家大細一齊去食，可以試多啲菜式！好味嘅餐廳有好多，咁有特色又好味，仲要係老字號👍真係好難搵！

自從生左阿囡之後，好耐無去過大排檔，有次老公去開觀塘發現有間菜館地方企理乾淨，係食小菜大排檔嘅好地方，於是帶咗我同阿女去食。夥計姨姨好熱情，會主動介紹同推薦我哋食餐廳出名嘅小菜，未叫菜時每張枱比一碗仔花生，鹽味花生的確係幾可口。【3D 介蘭 $118】呢個菜好特別，原來係生菜包+介蘭。佢特別在介蘭葉係炸咗，上碟時都見到啲葉無爛 廚師嘅功夫真係好好👍🏻。辣肉碎+炸左嘅介蘭葉同生菜包住一齊食，真係好好味！【手抓骨$128 】呢個骨兩個字形容 - 惹味豬肋骨切成薄片，拎上手容易啲食，可惜我唔記得咗問係咪辣，如果唔係阿囡都可以一齊食。我下次再嚟會記得🤣🤣【沙薑手撕雞$148】我地3個人叫左半隻雞，但佢份量唔少，雞肉嫩滑，沙薑味香濃，雖然阿囡食到停唔到口，但我地最後食唔晒要打包走🤣🤣。【肉碎水蛋$68】呢個專登叫埋阿囡食，水蛋好滑，送飯一流。【椒鹽豆腐$78】老公最愛，外脆內軟，如果飲埋啤酒係最佳配搭。👍🏻👍🏻#觀塘 #地道風味 #人情味 #大排檔 #觀塘美食 #小炒 #海鮮菜館 #觀塘小巴站 #宜安街 #老香港 #宵夜 #晚飯小菜 #香港美食 #宜安街 #觀塘友 #kol #yummy #fo

老字號就係夠鍋氣！每個餸都熱辣辣香噴噴😋我哋叫左4餸2飯，碟碟都勁大份，好抵食👍🏻✨3D芥蘭聽個名已經覺得好特別！原來係用生菜包著惹味香辣肉碎同脆炸左既芥蘭黎食，口感特別😋✨胡椒味菜豬肚浸大蜆豬肚湯胡椒味頗濃郁，微辣刺激的胡椒味，配搭軟嫩的豬肚，讓人一試難忘！✨鮮菇蒸滑雞D雞多肉又滑，鮮菇非常清甜！個醬汁餸飯一流，又吾會太咸。✨土魷蒸肉餅呢個食吾停🤭土魷好足料！肉餅又滑又香👍🏻每一樣都有水準呀，而且d姨姨好親切好好人🥰

👧🏻😋👅🍽✨牛頭角小炒好有鑊氣❤️‍🔥-樂翠園海鮮菜館 🇭🇰 觀塘宜安街6A號地舖 🇭🇰-🔥 同一條街有兩邊鋪位地方好大, 店員招呼周到, 枱枱熟客都賓至如歸; 店外有水缸好多生猛海鮮🔥 撚手小菜款款特色, 當然都唔少得傳統小炒-🥬3D芥蘭 $118💯芥蘭莖炒香墊底, 芥蘭葉切碎再炸, 配合肉碎做生菜包勁惹味🤤 芥蘭葉炸左好似紫菜, 肉碎唔使落辣都好夠香💯生菜大大塊包得好爽, 仲好鬼新鮮, 重點係佢份量好多, 4人份量岩岩好-🐥 焦糖雞翼 $88✨唔算隻隻都沾滿糖漿所以唔會太甜, 但外皮都好脆, 隻隻都好大隻啖啖肉-🍲 沙嗲金菇肥牛煲 $98💯個煲唔會好油, 沙嗲濃味但唔太鹹, 肥牛x金菇x粉絲比例得宜, 白飯殺手😎-🐖 椒鹽上肉排 $88✨肉排薄薄地啖啖肉, 少少肥又炸得透-🥜 其他💯小食 $20 花生好脆抵讚💯白飯 $15/碗

今日同屋企人去咗觀塘一間開咗好多年嘅「樂翠園海鮮菜館」食中式小炒，餐廳喺牛頭角同觀塘中間嘅宜安街，地鐵站行過去都好方便。餐廳雖然開咗業好多年，但內部環境乾淨企理，光線充足，而且夥計都非常熱情，會主動介紹同推薦我哋食餐廳出名嘅小菜。另外，每張枱都會收取茶水同花生費。我哋嗌咗砵酒火焰焗蠔、薑蔥魚腩煲同半隻沙薑手撕雞。焗蠔上菜嘅時候會有蠟燭點起嘅火焰係底，令到焗蠔仍然保持熱度，而醬汁亦都唔會因為凍咗而凝固，焗蠔嘅份量有七隻，應該用咗一桶嘅桶蠔，而每一隻蠔都好肥美，掛滿濃濃嘅醬汁同炒洋蔥，用嚟送白飯一流；薑蔥魚腩煲嘅魚腩片唔算多骨，魚肉結實又唔易散，用薑蔥爆香之後再炒，每一塊魚腩都非常惹味；沙薑手撕雞屬於冷盤，雞肉嫩滑，手撕雞唔使吮骨啱晒懶人，不過略嫌沙薑味唔夠重。📍觀塘宜安街6A號地舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

我好鐘意食街邊野今次去番拍拖個陣成日去嘅打冷拍拖食飯地方<樂翠園海鮮菜館> 🔸沙薑手撕雞叫左半隻雞份量以為唔係好多 點知都好大碟 超抵食 雞肉又嫩滑 唔會好肥膩 送飯一流🔸手揸骨原本拎緊筷子去夾 最後醒起個名 所以拎手揸 豬肉嫩口 唔會好鞋 食落仲啖肉🔸胡麻醬牛柳粒七味粉同胡麻醬好濃 勁香勁好食🔸胡椒味菜豬肚浸大蜆呢個係我最鍾意嘅一道菜濃濃嘅胡椒味加好大隻嘅蜆同冇腸屎好乾淨嘅豬肚飲完胃暖暖的聽講街坊小店係老字號 已經28年 陪伴大家好耐食物好味夠鑊氣 啲伙記老闆娘熱情又好客值得介紹 吹水聚會推介🏠樂翠園海鮮菜館📍觀塘宜安街6A號地舖@lokty1995#觀塘 #地道風味 #人情味 #大排檔 #觀塘美食 #小炒 #海鮮菜館 #觀塘小巴站 #宜安街 #老香港 #宵夜 #晚飯小菜 #香港美食 #宜安街 #觀塘友 #kol #yummy #foodie #有鑊氣 #好味 #火鍋控 #夜市

做完運動💪🏻剛好係觀塘😚 就要去食個飯啦今次我地就揀左去觀塘28年老字號 樂翠園海鮮菜館食下中菜, 可以慢慢食, 傾下計😘 咁地道既中菜已經好耐無食過啦~ 有別一番風味👐🏻我地人少少就叫左3-4道菜🍲 碟碟都大大碟, 熱辣辣好岩食呀💖💟3D芥蘭好特別既食法👐🏻 有生菜包著肉碎同炒脆左既芥蘭黎食, 特別得黎又唔錯喎💟沙薑手撕雞份量好大碟, 沙薑味好夠配埋滑嫩雞肉同配料醬👐🏻味道都唔錯啊💟胡椒味菜豬肚浸大蜆依個凍冰冰既夜晚食絕對一流👍🏻 熱辣辣有濃濃既胡椒味浸著豬肚同大規🙌🏻 每人都要先飲番一碗暖暖身💟小炒皇每次食小菜都必叫, 因為我最鍾意食韭菜🤪同腰果🙌🏻 一樣都有水準呀經過觀塘要黎試下😚 食完仲可以喺附近食多個糖水🙌🏻

冷雨夜正值晚飯時份，經過觀塘內街，餐廳侍應在門外殷勤推介下，價錢又合理便入內試試。問了侍應有什麼推薦，她推薦招牌菜3D芥蘭、胡椒豬肚浸大蜆，另外我再叫多個胡麻醬牛柳粒。胡椒豬肚浸大蜆：我最鍾意胡椒豬肚湯，用小木桶承載滿滿材料，豬肚軟嫩沒有內臟腥味，大蜆又肥又大隻，湯色夠奶白飲一啖即時暖意上升。3D芥蘭：原來是變奏版生菜包，將芥蘭葉切碎再炸，脆到好似吃薯片，芥蘭莖原條生炒爽中帶嫰，豬肉碎簡單用辣椒蒜頭乾葱爆炒，再連芥蘭葉一併用生菜包著吃，完全跟泰式生菜包有異曲同工之妙。胡麻醬炒牛柳粒：醬汁包裹牛柳粒，牛柳粒夠軟淋，再加上舖上七味粉，非常惹味。整體食物質素夠鑊氣，侍應服務好，見到很多人吃火鍋，氣氛夠熱鬧。