樂餸 (非門市)

營業中

休息中

樂餸的餸菜款式多，每星期都有不同款式提供，$48 套餐跟埋有前菜及老火湯。 飯，餸，前菜都分隔好，湯係用獨立保溫瓶暖著，很細心。今次叫了泰式酸辣青檸雞 + 五指毛挑蓮藕百合煲豬展。 好可惜有啲點望，一打開雞的分量都正常， 大約有8件，但食食下發覺基本上每一件雞冇乜肉，大部分都係雞骨，而且雞肉味道好淡，只有微微的酸味，配不上泰式。最後食淨了一半飯要用湯伴先得。五指毛挑蓮藕百合豬展湯，湯中有1小塊蓮藕，味道岩岩好，不會過鹹，唔錯唔錯。

在數碼港上班，附近餐廳選擇少，午市時般基本上所有餐廳都人頭湧湧。所以，在沒有帶飯的日子，或工作忙不想外出吃飯，仍然吃到住家飯的話，叫「樂餸」外賣是一個不錯的選擇。樂餸的外賣服務選擇種類多，每星期有十款主菜可選，再隨著星期一至五來決定跟餐的前菜及老火例湯。叫餐會放在紙盒內保温，飯、餸、前菜及湯分隔仔細。餐盒是可以入微波爐加熱，但不會回收，自己清洗一下都可循環再用。那天點了長白山野菌炆家雞，據說是採用長白山野長白山野生榛蘑、小黃蘑及紅松蘑來炆雞。主菜份量不少，菇類炆得很入味，下飯一流。雞肉不太老，，大概有4-5件，但雞肉較淡，要和菇類配搭吃更好。花膠蟲草花淮山栗子煲豬𦟌湯很清甜。送餐員有禮貎，在送餐時會詢問對上一次的餐盒味道，，並説會把意見向師父反映，務求滿足客人的需求，誠意可加

一早order叫佢地12:00送來，12:45都未嚟。一直打電話都冇人聽，whatsapp 又唔覆。終於有人聽，一時話送緊幫我追，一時又話唔知邊個送，追唔到。結果我食飯時間得番10分鐘都冇😡😡😡送到嚟又話唔係送貨範圍，咁我落order時又唔講？！order就識接，錢就識收。皇后大道中(mark & spencer對面 )都唔方便。唔知邊度先送！！！幾好味，幾抵食，幾方便都冇下次。未食已經一肚火😒😒😒

每個星期都有唔同既十款主菜供客人選擇, 價錢又唔會貴!雖然好多盒唔太環保不過全部都係膠盒可以洗乾淨重用!野食又唔會太重味精~而且中部份餸既底下都有菜墊底食落感覺又健康!$40咋~最重要佢準時送到~好過好多茶餐廳成日叫完餓住個肚等佢送黎~黎左又要急急腳咁食餐飯~ :>_<: