標記樂園潮州粉麵 (已結業)

3月10日1個人黎食晏，約12:40到。85%滿。味道、抵食度:叫左碗牛筋丸麵($10)加紫菜($3)加杯凍奶茶($7)。份量適中，麵底彈牙爽口我鐘意，牛筋丸有3粒、味道唔錯。服務：呀姐主動落單執檯清潔，有效率，可接受。門口4眼哥仔待客幾有熱誠。環境、乾淨度：店面光猛醒神又有大電視，地面鋪有防滑膠地墊，加分。筷子應可換批新。1點鐘撇時店已坐滿95%。呢間好過隔離黑招牌，平平地有下次。(我係旺角街坊)

情人節一大班人原本想食煲仔飯不過到處也爆棚只好見到有位的食店便入叫的都是正正常常那幾味蠔餅(冇蠔味,得個油字),大眼雞(冇乜腥味,不過都冇乜魚味xd),金菰肥牛粉絲煲(ok),魚香茄子煲(硬到死的茄子),jerjer雞煲(ok),金銀蛋波菜(沒有莧菜,ok啦,不過唔夠淋),蘭花鮮魷(較佳),蒜泥白菜仔(油到冇可再油),鴨肉(冇食,唔知)吃完一d都唔飽完全趕不走寒冷的感覺但在標記門口街頭打冷永遠記得2008情人節hahaah!$70一個人自己覺得幾貴因為質量同價錢不成正比

好久沒吃過潮洲打冷，一心一意到旺角標記吃啦。當晚兩個人只叫了三個菜。1. 胡椒豬肚湯很家常的一樣菜，跟所有的潮洲菜都一樣所以乏善可陳。2. 時椒炒蜆真正令我發火的菜。它不但沒有炒的香味，份量也相當的不足，而且油都是停在了碟子的底部，像是炒好了放在一邊再端上來給我們的。再看看別桌的炒蜆，熱騰騰地份量足。所以我敢斷定我的那一盤是退貨再出口。更甚的是竟然是殼比肉多。為甚么同樣的消費同樣的價錢我們要吃翻炒的呢?>o<3. 蠔餅一個字：油。我下次再也再也再也不會去了。旺角真的要找好吃的打冷我想已經不可能了。

星期六晚睇完戲都成差不多7時, 係旺角行左一陣就要去食飯因為我地無book位又唔知去邊度食, 亂行一通之後見到間打冷舖2個人就縮入去食...叫左碗蠔仔粥, 豉汁炒聖子同埋咸菜鱔煲. 原本我仲想叫多個蠔仔餅/炸豆腐只可惜見到碟碟野份量都咁多都唔敢再叫啦.其實此店既食物味道都唔錯架, 不過就係味精落得太太重手我食完飲左成支可樂都好似仲係好口渴咁, 唔通間間打冷舖都係咁.

早幾日呢頭想搵下午茶食, 行黎行去都唔知食咩好, 最後行到黎呢度, 見佢寫住十蚊碗, 所以決定入去食番碗!兩個人入到去好容易就搵到位, 可能係下午茶關係啦, 不過環境衛生就一般喇, 唔算乾淨, 不過求求其其啦, 叫碗粉食頂肚先! 師傅叫左碗牛肚米而友人叫左碗牛丸麵!先講碗牛肚米, 湯底幾皇味精, 而牛肚賣相幾差, 牛肚同街邊食d差唔多, 係就係好腍, 不過唔吸引去食囉, 米粉份量唔算多, 一般啦; 牛丸麵一碗有四粒牛丸, 牛丸都幾爽口彈牙, 不過牛丸裡面好重胡椒粉, 咁樣反而影響左成粒牛丸口感, 都唔知佢落咁胡椒做咩, 而麵鹼水亦頗重, 麻麻地!總括而言食物質素一般, 環境又係一般, 所以先會有十蚊一碗; 而d阿姐抺又求其, 差d將上垃圾掃晒落師傅身上, 真係離晒譜! 不過師傅相信如果樣樣都掂話, 十蚊雞真係落唔到樓, 將貨就價話呢間食店都食得過, 但係師傅下次未必會黎, 除非師傅身上只得十蚊啦!

星期五晚零晨二人到旺角吃飯，叫了以下三味餸：羊腩煲（細）－很夠味，多汁，有荀、北菇，羊腩很易入口。蟹肉西蘭花－西蘭花炒得很好，蟹肉茨汁很多。咸菜豬肚煲－遇到阿姐很好，說兩人吃這個煲也夠，不用叫咸菜豬肚湯，現場所見咸菜豬肚湯真的很大兜，味道不錯，不太辣。還有叫了一支樽裝玉泉忌廉及一支芬達橙汁。　

尋日一班共8人去吃飯打冷, 坐樓上, 因樓下冇位, 上到去, 得一個亞叔伙計, 叫左佢好耐先得閒幫我地落單, 叫左幾味餸 , 真係冇一樣好食, 蠔餅-粉多得很, 蠔仔得個幾粒, 又有鑊"龍". 鵝片-好un, 好厚, 又冇味. 老水併盤-最好食係隻蛋囉. 菜心炒牛肉-牛肉乸到超林, 冇晒口感. 蒜容蒸蝦-蒸到過晒時間, d蝦叔到細晒又un. 炒蜆-冇味,好多都冇肉, 真係唔知點解? 地方又唔乾淨, 服務又差, 價錢又唔係平, 好在間野係旺角(因為旺角冇嘜打冷), 唔係一早執左, 下次咪攪我!!!!

前兩日約左朋友夜晚7點幾去睇戲，心想睇戲前食碗麵填下肚。記得以前曾黎過呢間標記樂園食十蚊碗麵，終是我同朋友一人嗌左碗粉同一碟油菜。但有一個阿姐落單寫錯晒野，而且態度勁差︰1) 我地因為咳而嗌熱菜蜜，個阿姐應完之後俾左兩杯凍菜蜜。我地話要熱唔要凍，佢而家先至話只有凍飲冇熱飲賣。(下，竟然冇熱飲賣？算喇，咁但係冇理由我地落單要熱飲時話唔講只有凍飲。)2) 我嗌左碗香菇豬肉丸米($10)加炸魚皮($3)，點知黎左碗雙併米香菇豬肉丸加魚皮餃米($15)。同個阿姐講我唔係要魚皮餃係炸魚皮，個阿姐仲要發惡話我講唔清楚。幸好我朋友嗌的雙丸河加紫菜同油菜走油就冇事。原來唔止我遇到咁慘既遭遇，隔離有人嗌左雲吞麵就寫錯左做唔記得乜；同枱的男人話要牛腩，佢就猛話牛丸。唉！講真對十蚊碗麵既味道冇乜要求，佢地o的麵既味道都尚可以入口，但個阿姐好似冇聽野，不停落錯單，仲要話個客講錯，以後我都唔再幫襯。

晚餐無咩胃口,食10蚊碗面算數叫左自制墨魚河- $15d墨魚幾特別,幾好味但個河真係細左少少我女仔人家都唔多夠呢

估唔到真係又抵又好食喎!其實我同小牛只係求其白撞亂揀一間食肆食野,入到去至知原來$10一碗粉麵,加紫菜,魚皮,生菜的話,各加$3,真係抵喎!所以我地樣樣都加!加埋都唔使$20!竟然,唔係迷你版喎!同普遍一樣份量,不過咁,粒黑椒豬肉丸的確細粒左,比起樂園()更加無得比,但係味道差唔多囉!魚片就似乎粗左少少...所加既魚皮又唔差喎,夠脆,唔厚,加$3絕對抵食!又加左紫菜,份量比我想像中多。食物之外,每杯飲品都係$5,又係抵飲!不過,我叫佢少甜,佢無少到呢!

男友之前食過話好味,上星期日帶我嚟試試,感覺好怪,店鋪又開電視又開歌,唔通2隻耳仔可以分開聽?1)潮式蜆仔肉~原來唔好食架,咪叫2)鹵水鵝件(例)~鵝件同墊底既豆腐同樣好味3)大眼雞魚(細)~D皮好多鱗,一定要去皮食,但麻麻4)油菜5)汽水一支二人共消費:$165

經過呢間野見有少少餓，便入去食碰當晚餐。要了牛丸米。雖然係$10，質素都要ok 架！牛丸有四粒，一咬落去就食到好大陣蒜頭味，見到牛丸裡面有蒜頭粒，搞到個味怪怪；牛丸唔夠彈，麻麻地。米粉都幾多，不過略嫌硬身。湯底超清，無咩味，好在有d冬菜吊吊味。如以$10面黎計，呢間算一般，起碼都ok夠飽。環境好迫，坐我隔離個女人無o拿o拿就俾個唔小心嘅伙記淋到背隻濕咗。

潮州打冷店第一次食，樓上原來有雅坐，坐得都算舒服，有電視有空調。服務一般，由於樓上關係,有時d人行開哂, 無人seveice 你的。不過食物上得很快，不錯。食物質素: 叫了蠔仔粥, 很好味。其他如蠔餅,老水拼盤, 雞煲, 金銀蛋菜, 炸墨丸等等, 味道一般, 不差不好.比起平時係牛頭角下村or 官塘市中心食開的打冷，這間就比較不值了。

10蚊一碗米麵河~ +坏野飲都係5蚊算好抵啦~味道又不錯~落單唔駛1分鐘即有得食,岩曬d趕時間的朋友~不過有次係碗麵到食到條菜虫.... 但好細條~之後佢就換過碗比我```