橋香園雲南過橋米線

營業中

休息中

🥢呢間嘢打去叫外賣 四五次總有一次會有啲嘢錯我建議每次叫外賣都叫店員重複但係佢哋未必show你佢哋送外賣嘅時間亦都唔定有時半個鐘有時可能要你等一個鐘先送到所以大家預好時間💡同埋提醒大家呢間嘢係唔會主動幫你地分湯如果要分湯記得落order嗰陣講，但係如果你想食到一個惹味嘅米線 *就建議唔好分湯！💡同埋佢每一碗米線都會有酸菜 芫荽 蔥 芽菜跟 *唔食嘅朋友記得打電話叫走！✨ 兩餸薯粉 中辣佢地米線配料選擇頗多，我最推薦就係佢哋嘅麻辣湯底 每次麻辣湯底都好龍尾5分鐘嘅話叫米線或者薯粉吸晒啲湯更加入味但係佢每次米線份量嘅多少都都好睇當日廚師心情 同埋個麻辣湯底每次水準都唔係咁穩定有時辣啲有時冇咁辣 唔似得出面連鎖米線店咁統一

路過中環少少餓先試下，估唔到有少少驚喜，米線底的酸菜幾好食喎，魷魚都唔錯，唔似x仔啲死咸濃湯底，價錢都親民既。不過份量可能對一般人黎講少左啲，我自己就岩岩好。下次再去會試下牛肝菌。脷伸：非凡忙時段、非外賣、姐姐第二日放假，心情好靚，服務態度良好

落左單隔左一陣發現印出來單紙有錯，馬上通知樓面，我係叫米粉唔係米線，樓面阿姐大聲同廚房講：「佢話要米粉喎！」聽落好哽耳，好似講到係我突然要改米粉咁，廚房同樓面阿姐話已經整左，樓面阿姐走泥問我要米線得唔得，我話唔得，阿姐又走去同廚房講唔得，廚房阿姐就即刻講：「唔得去第二間食。」依家係你哋樓面阿姐聽漏落錯單，但就將問題推落食客度，導致廚房阿姐誤會係食客錯；廚房果個就唔理咩原因，擺出一副唔憂做的姿態。。。

中環lunch 時間，行過見到求其入。擇左餐牌頭果款，4餸米線，湯底淡d , 米線同其他鋪頭差唔多，豬紅，由魚都ok, 鹵水蛋一咬， 好凍囉，就咁係雪櫃放落碗，我浸返熱都唔好食，豬皮又係麻麻。總括70蚊食個米線，唔會有下次。

晏晝諗唔到食乜，就同同事試吓喺OpenRice平台叫外賣好方便好快，等咗大約半個鐘就可以拎得整體個味覺同嗅覺享受都OK但係份量就真係好少，我叫咗三餸薯粉，有腩肉豬肚同豬頸肉，食完等於食咗個小食完全唔飽。佢啲配菜嘅份量仲多過佢啲薯粉，薯粉得一兩住就冇啦如果以性價比來講，真的不算高，$60+喺中環都有好多選擇整體體驗 6/10

位於中上環附近的雲南米線，由於鋪內座位有限，平日放食時間都見到不少人排隊等位入座，若果有地方食亦可以選擇用app外賣自取，去到即取即走，而且餐廳特別貼心有分開湯和麵。叫了無錫骨薯粉中辣無錫骨亦是我們常說的豬軟骨，算大件而且整得夠淋身，入口易咬。薯粉是典型我個人很喜愛的粗薯，不是有紋耶種。辣種方面，中辣很過癮，喜歡辣的朋友可以試試，亦可以從小辣開始找尋自己喜愛的辣度。除了無錫骨餐廳提供30多款餸可供選擇，除了無錫骨，金牌腩肉和牛肝菌亦幾受歡迎。

原本很喜歡這家米線的味道，但差不多每次去都會出狀況，少送，配錯菜，湯底有時一點味道依然沒有，有時又非常鹹。每次去店裡，已經很小一張台還要五人擠，每次都還沒有吃完就把碗也收走。以前幾乎每星期都會去兩次，但體驗實在太差，沒有零錢老闆連一文都不給免。時隔已久，今日決定叫外賣試試，結果等了半個鐘，騎手已經到店裡了，發現訂單才開始做。連普通最基本的服務都得不到，不論味道如何好，也沒辦法留住客人，已經不打算再光顧了。

_____好味指數：🌟🌟🌟🌟🌟抵食指數：🤑🤑🤑橋香園可以話係我最鍾意嘅米線餐廳都不為過。首先佢每逢lunch time一定排滿晒人，一堆着住西裝嘅人大熱天喺外面排隊，可想而知佢有幾好食。而且佢嘅湯底真係好好飲！建議第一次嚟試叫個小鍋米線試試佢功底。而仲有一個點係佢嘅配料選擇多而且仲有好稀有嘅牛肝菌！唔係到到都見到㗎❇️豬頸肉炸醬撈米線我自己鍾意佢哋嘅撈米線多啲，首先佢哋嘅米線麵質煙韌彈牙，而且煮得啱啱好唔會太硬或者太腍，再撈埋佢哋嘅秘製醬油香濃又惹味。我通常都會加個炸醬再撈埋真係好好食！而佢哋嘅豬頸肉鮮嫩又唔肥膩，如果想食肥啲可以叫金獎腩肉，都很不錯

有日同事帶我去左呢間米線鋪食，鋪仔細細坐滿晒人，咁熱天時鋪外仲堆滿人排隊等外賣同等入座，都估佢唔簡單。同事話話牛肝菌同腩肉係必食，但個人怕腩肉太肥，所以就淨係跟機叫牛肝菌，另外就揀左牛𦟌同墨丸賣相係咪好一般但想講佢係有！內！涵！一百分滿分既話我會比95超多料，牛肝菌勁正，滑滑地味道好，仲要食極都仲有！墨丸正常5分扣左去個牛𦟌度，略嫌佢有啲硬之後同事分左舊腩肉比我，又唔會太多肥膏，夠入味，下次會考慮換走牛𦟌轉腩肉

好食既撈米線店不多，但係就比我搵到呢一間，係呢頭附近住同返工既人大概都會聽過或者有食過。今次叫左個三拼撈米線 - 魚皮餃，蟹子包心丸同埋芝士腸，雖然呢啲係簡單嘅邊爐料，但係撈埋一齊真係好好味。推薦一試！

我最鍾意嘅炸醬腩肉蘿蔔麻辣米線！ ❤️❤️呢間係我港島區最鍾意嘅米線店！好耐無去中上環喇，明明有好多新餐廳想試，但最後都係太掛住佢嘅味道，返返嚟食。呢間我可以每個星期都食，haha~ 炸醬肉碎好分明，我鍾意撈入個湯食，食到最後都有咁。(利申: 唔鍾意譚仔嗰款炸醬)今次試咗呢度嘅蒜泥白肉，唔太特別，不過米線就食極唔厭😋 我諗橋香園應該係全港我食得最多次嘅米線舖😂 經過無數次經驗，即使嗌同一辣度，中環嗰間係辣過上環嗰間，所以建議大家去中環店，嗌中辣前諗清楚先😛 上環嗰間就有2層，有卡位，坐得舒服闊落啲。.推薦：金獎腩肉、豬紅、炸醬、蘿蔔 + 麻辣

勁淋，未見過可以索到一滴湯都無！ 差到一個點，食糊仔....未食過咁差既米線.... 完全無考慮過外賣既客人感受。非常差....成碗野好似食撈烏冬咁..！唔會再幫襯！

喺中環返工，米線無幾間選擇，新開譚仔湯低又麻麻哋，平時行開見到呢間米線都多人食，諗住試下，踏入門口之後坐低咗，店舖好細，位好逼，但唔緊要啦，我嚟係想食碗米線，快快食完走，點知一落單嗰位叔叔知我淨係要一個餸即刻黑晒面同我講：「要咁少？」咁我係睇想食一個餸嘛（無錫骨），我話：「係」 ，佢繼續黑面落單，跟住問我要唔要飲品，我話唔要，佢「摺」咗聲，嘩好態度到咁，睇見放飯時間差唔多夠鐘，唯有忍氣吞聲，食碗「氣炸麵」，其實湯底味道不錯，餸也不差，係米線好淋，直頭有啲爛爛哋，不過整體可以接受，但唔會再幫襯呢啲咁唔禮貌嘅店食受氣米線。

我平時都成日有幫襯開佢地！覺得佢個湯底同d餸都好出色👍🏻👍🏻但今日我真係太忙諗住叫個外賣送去中上環個邊啦！個姐姐話唔送叫我打去上環都算，上環個個又話我個地址係中環個間送，咁我再打去啦，個呀叔態度真係差到加零一！😡🤬一輪嘴係度鬧，全程有佢講冇人講！話佢哋好唔得閒呀！又話我叫得個兩碗，我話加多個餸又唔比我講一味淨係叫我自己落去拎啦，我得閒落嚟就係你到地埋啦！平時個個呀叔態度都唔係好我都算啦，今次一輪嘴咁噴我咪以後唔食囉！點解我係中環食個飯都要受你氣！

叫左45分鐘先送到黎！雖然有用另一碗分湯，但全部米線全部勁Q林！米線入口即溶喎，何其難食，可能只適合長者食囉魚蛋勁重雪味羅！！！沒有下次！一定要black list！