橫須賀日本餐廳 (已結業)

因為之前係街拎到一張橫須賀既傳單上面大大隻字寫$98位任食~咪去試吓囉~~一入到去已經人山人海... d侍應真係好唔得閒,走來走去出order,不過d服務都算ok~~ order份量比我心目中真係抵食夾大件... 一邊食一邊四圍望比我地發現原來lee間日本餐9pm後入座埋單係有30%呀!!仲要生啤又有$50任飲...地方係細左d....不過都算幾好啦~最緊要係抵食ma!!

今日又去食e 間, 真係得.今次仲係4:30 起任食, $98 一位, 掂~其中推介:魚生(大大件, 又靚)燒物牛肉(質素好好好)只係復活節e 幾日先有4:30 起任食咋, 所以已經約定班兄弟姊妹們再去大食多一次, 哈哈

作為一個和風fans, 經過一間叫"橫須賀", 一個美軍以前駐日的地方, 當然入去試下啦.間野真係幾得:1. 好食- 串燒正,牛肉非常好食, 炸物脆而不膩2. 地方- "骨子" 又有卡位, 都幾好feel3. 價$ - 抵, 星期6,日(2 小時任食)復活節個幾日4:30 起就有任身, 一定要再幫襯, 哈哈

好日唔行過尖東,見到有間橫須賀日本餐廳大大隻字貼住做任食呀!仲要係$98食兩個鐘呀,心諗有冇咁抵呀!`咪走入去食下囉...一入去已經見到人山人海,d侍應好忙但態度都好nice,入座仲有drink送,d食品份量比我想像中好好多`抵!!`抵到唔停得口!!!

今日去尖沙咀經過li間舖, 見到星期六及日, 晚間放題兩小時$98, 見咁抵就入去睇吓有乜野食同book位啦!見到佢個menu都有好多野食, 有刺身, 壽司, 手卷, 小食...睇完就即刻book位啦~入到去見到個個waitress都幾忙, 我地二話不說就即刻落order啦! 等0左大約兩三個字就有野食lu~ 開佢$98咁平, d 野都唔會好得去邊, 都冇乜期望~ 點知d野0黎到既賣相同好味度都出乎意料之外! 連平時唔鐘意食既玉子壽司都食多一件, 因為佢唔會太乾or太濕, 甜甜地, 好好食! 我最鐘意既係佢既八爪魚丸, 佢唔似坊間做開既咁大粒, 而且佢每粒八爪魚丸裡面都有起碼四粒八爪魚肉, 外面脆脆地, 真係食唔停口! 除此之外最好食就係佢既餃子! 真係唔錯~ 比青葉同一心更好!

我覺得環境幾好又有2人卡位坐好正! 最正係豬骨湯煮蜆同串燒!!! 而家啤酒$50仲可以任飲兩個鐘!!9pm後入座仲有30%埋單,又有甜品送冇得頂呀~!!

我今晚同幾個老死係尖東搵食見到呢間野環境吾錯因為有街境望下做入去試下啦叫左吾多野因為怕貴食物ok最正做係個天富羅芝士,芝士夠濃,甘樣食天富羅都係第一次.

完全唔掂!!!睇報紙話d天婦羅芝士鍋有幾咁好食,去到試...1來d芝士淡,1d都唔特別2來d天婦羅1d都唔脆,lum既,好似d隔夜野咁!!!其他仲叫左燒薄餅,同一個牛肉+蛋既wor...基本上同和民既水準差唔多,但係就貴好多!!一d都唔似一間高級日本餐廳...d報紙我唸都係收$先寫啦...

一行三人去食午餐,叫了燒鯖魚-見師父係櫃拿出來即燒(唔似其它燒定)味道唔錯很香口,另叫了芝士鍋烏冬-很大碗很香芝士味推介之選,叫了魚生反,魚生反得四五款少左少少,不過$48可以接受...另外每個set跟一個迷你野,迷你刺生激迷你得三粒仔,叫迷你烏冬同拉麵真係一碗仔抵食d,整體不差可以試下~~

for $100 lunch, I might as well walk a few more steps to the japanese restaurant at empire hotel on kimberley road. super value.....only $28....great environment, many choices of lunch set...taste was ok too.i just can't believe there's such a great deal within a 4-star hotel.....wonder how do they make money?? it's even less expensive than char chan tang...i had the sushi and udon set...add $12 for a scoop of japanese sesame ice cream.....plus 10% service charge which was still less than $45.

D待應係日文, 擺明想做日本仔既生意~ 有塔塔米房, BUT唔大囉~ 要BOOK 先有~野食就麻麻, 不過環境都OK, 一個LUNCH 都要$100呀!不過間舖咁新, 5月先有, 就有咁多訪問, 究竟係咪有料定係自已俾料呢?

睇完報紙介紹這到的芝士火鍋好正, 所以來試試, 但非常之失望, 因為芝士淡而無味. 叫了牛心及牛仔骨串燒也不太理想, 似煎多過燒.豆腐餃子就最失望, 同普通餃子一模一模樣, 問那經理點解同普通餃子有乜分別, 她說有好少好少的豆腐在內, 淡炎的, 真好笑, 淡到無呀.