櫻桃麵飽西餅 (已結業)

成日黎幫襯除左會買我至愛既鮮奶包,丹麥條,芝士蛋糕之外早輪突然想試下其他野食左芝士軟法包($4),菠蘿包,雞尾包芝士軟法包估唔到除左大個之外中間仲有芝士夾心叮十幾秒後食芝士溶溶地仲正雞尾包同菠蘿包都好軟熟雞尾包d餡足又唔會過甜好味

鮮奶包5蚊4個新鮮出爐時食夠軟熟面頭舖有少少類似墨西哥o個d油皮雖然較油但真係幾好味芝士蛋糕大大個夠份量味道同伊藤家o個d差唔多但平d又大個d丹麥條多提子又唔會太油酥皮鬆脆野味非常係減肥人士既大敵佢好多包包都好好味價錢又夠平值得支持但西餅就麻麻喇

成日見門口放滿新鮮出爐既麵包有個藍苺雪山包賣相唔錯咁平又咁多人幫襯就選左呢個另外又見到佢d牛油合桃蛋糕都唔錯又要埋試埋兩樣藍苺雪山包其實係墨西哥包上面再加一點藍苺醬藍苺醬味道一般好在包身鬆軟, ok牛油蛋糕出奇地好味味道有d似孖寶蛋糕但較鬆軟同重d牛油味好好食

除左麵包外亦試過佢d件裝西餅(@$4)試左栗子蛋糕同黑森林蛋糕栗子只係舖面夾o係蛋糕中間既係忌廉黑森林蛋糕就只有少少朱古力碎放面中間係啡啡地色既cream同無味既o者喱兩種味道都只係麻麻勝在蛋糕夠軟熟以後都係只食麵包好d

試過栗子蛋糕同黑森林蛋糕全部都只係4蚊一件好抵食但味道同價錢永遠成正比糕身夠軟熟但栗子蓉同朱古力片較少cream較多幸好cream唔太甜黑森林d cream中間仲夾住o者喱肉當然只有樣而無味啦下次都係食番麵包較好服務不得不讚就算今次較多人姐姐仍然會好有禮貌而且見佢放蛋糕入膠袋時係快而準

經過呢頭聞到好香麵包味望入去又人頭湧湧一於又試下買左丹麥條($2.5)同花生條($1.5)雖然買完之後都隔左成幾個鐘但完全無影響丹麥條係我鍾意o個d層層酥外加蜜糖o個種幾酥化又唔太油但可以加多少少蜜糖令佢甜dd花生條好多花生舖面大大條夠脆口好好味又唔係但呢個價錢有呢個水準係得既抵佢咁多人幫襯

我阿媽成日都買佢0既蛋白蛋糕，好軟熟好好味，早排試佢包，又平又正，火腿蛋&餐肉都係$2.5，隔夜都仲幾好味，反而覺得山崎&Panash包都冇佢咁好味

食完個魚蛋米早餐唔係咁夠喉,即係去喱度加個菠蘿雞尾飽.因為佢係o岩o岩出爐,所以仲熱辣辣,個飽size較細,所以個包上面層野比例較多,但比較容易散,反而裡面D椰絲分量較小,而且仲未凝固,口感一流.喱間餅店都有好多街坊幫襯,排晒隊咁,真誇張.

阿媽買左幾個只係一蚊雞既迷你菠蘿包,我當然唔執輸,雖然細細個,大約係普通菠蘿包既一半,但係都唔錯喎,味道ok,包唔硬,只係個皮實,易碎,如果個皮再加少少甜會更好,以一蚊呢個價,有呢個質素,絕對係超值!

呢間小店勝在夠平,個日去到,見到有以前無出既新包款,叫合桃提子麥包,size 比一般提子麥包細少少,食落味道無咁甜,有少少合桃,但唔太多,亦唔太大粒,可以話只係一個少少既點綴,對於我而言,反而覺得岩岩好,唔錯!另一日路過,買左個蛋撻試下,食完既感受係:唔得!都唔好食既!同蛋撻王相差十萬八千里喎!

本來我根本唔知屋企附近有呢間店,係因為睇左Cathie既食評,見到咁平,所以專登黎試,嘩!$5有6個菠蘿包或者雞尾包,$5又有三件拿破崙,去邊度搵?我買左3個菠蘿包,3個雞尾包,3個拿破崙,都只係用左$10!我,嗲地,媽咪各食一件。正如Cathie所講,拿破輪唔係正統個d,係兩層比較厚身比較硬既酥皮(其實都唔係好似酥皮),夾住薄薄既蛋糕,中間用cream黏住,酥皮唔鬆化,質地有少少偏向餅乾,cream幾多,有少少奶油味。雖然我唔到有椰絲,但係唔知點解食到椰絲味。菠蘿包同雞尾包係與一般無異,係比出面平好多咁囉!不過菠蘿包個好易散,我一路食一路跌。整體上,唔係特別好食,但係勝平!(所以佢好好生意,包一路出一路賣!)

見到食評話呢度o既拿破崙餅好味, 而我又成日都見到d婆婆伯伯買,仲要一買就買三件($5三件,$2一件), 我又湊下熱鬧買左件黎試.個拿破崙o既酥皮幾香, 不過中間有成1 cm 厚o既buttercream, 個cream又無乜味, o係個餅裡面o既作用不大! 所以我覺得麻麻地.

地址: 沙田大圍道37-47號耀寶大廈1號電話:26267375今日經過,見佢有好多細細件既飽點,就買左兩款試下,有杏仁條($1.5),同埋一件拿破倫餅($2.0),兩樣都好好味啊,杏仁條好鬆脆,不過細細條真係食佢幾條都閒閒地..;至於個拿破倫餅就唔同平時果d咁有幾層,而係中間夾住蛋糕,兩邊有d酥皮咁,雖然唔正宗,但係我覺得好好食啊,又唔會好滯,可以一次試幾款呢~~

唔好以為淨係得中環泰昌門口至會有人龍等麵包出爐呀!呢間隱藏o係廣東道街市o既麵包舖一樣日日有條人龍o係度等麵包出爐嫁!等乜野?之唔係$5有六個o既菠蘿包同雞尾包囉!當整個旺角o既港式麵包店都賣緊一蚊一個菠蘿包,以為自己好平o既時候,佢地用$5六個呢個新低價,吸引左成班伯伯婆婆仲有師奶們朝又去排,晏又去排, 試過經過見到d師奶為左打尖問題o係度嘈大交添!我自己就未試過湊熱鬧買菠蘿包或雞尾包. 但係我就會幫趁佢o既方包, $5一磅, 個皮幾,包亦都軟熟, 港式方包黎講,唔錯!