櫻羽居

營業中

休息中

想食平價壽司唔使去爭鮮嘅，位於長沙灣嘅櫻羽居都一樣又平又正又好食。呢間壽司店主打做外賣生意，平時會有各種 sushi set放係凍櫃到比客人選擇，仲可以係個sushi bar到組合自己既set 添。呢度既各種魚生都唔錯（以同樣價錢既做比較，同高級壽司店個啲不能同日而語），特別係帶子同三文魚，每次黎到都會買好多。價錢又唔貴，唔洗慳住慳住咁食。另外推薦火炙三文魚壽司，雖然要等但絕對值得！最後除左魚生壽司外，呢到仲有各種定食，全部學生價，好抵！

有陣時想係食外賣壽司嘅話都會去呢一間鋪頭買，佢哋有Pack好晒嘅壽司亦都可以逐件買，咁今次我哋就買咗兩Pack包好咗嘅壽司。鋪頭嘅凍櫃都夠溫度，起碼壽司上面唔會見到有水氣，除咗壽司之外仲有刺身揀，咁今次我哋淨係買咗壽司冇買到刺身。今次買嘅壽司價錢都係平均$5至＄6件，有兩大盒，理單$123，質素都可以接受，第一次試佢嘅鯖魚壽司，因為燒過嘅關係，唔會太腥，其他壽司嘅味道都可接受，當然唔會有堂食壽司咁新鮮，但價錢上又會抵d。今次我哋兩個都唔係太飽，下次真係要買多盒刺身先得。不得不提的是，佢哋嘅Wasabi係非常之辛辣，第一次食嘅時候壽司上沾上少少Wasabi已經辣到飛起，所以食嘅時候要小心。

一個人夜晚又唔想on居居坐係餐廳到食飯， 最好嘅就係買啲嘢返屋企食，可以着得又舒服之坐得又舒服，又可以做自己鍾意做嘅嘢，輕鬆舒服。行到去第一間鋪頭就諗住買個鰻魚飯。點知無貨喎，見到呢一間入到去就見到好多盒裝嘅壽司，但係去到買單嘅時候就見到櫃下邊有啲一件件嘅壽司整好咗，自由組合，好似更加吸引。價錢有4蚊到10蚊不等，所以最後選左食呢一個啦。咁多款壽司我覺得最吸引嘅就係赤蝦司，望落去大大件，晶凝通透，成個蝦包住哂成個飯，最足料。另外個帶子都好鮮甜，仲好厚身，咬落去啖啖肉嘅感覺。芥末八爪魚都不錯， 雖然包住壽司嗰塊紫菜已經林左，但係入面嘅芥末八爪魚味道做得不錯。你間鋪頭望落去都幾大間下，除咗壽司之外仲會有生蠔，可以即開即食。旁邊仲會有d位可以坐，嚟個快嘅午餐都ok。

天氣悶熱，來到環境乾淨，充滿日本氣氛的櫻羽居嘆冷氣嘆Sushi。雖然雪櫃有多款雜錦拼盤，但我依舊喜歡自選櫃，款式繁多，自由配搭。我選了花之戀、蔥花三文魚、三文魚腩、三文魚及帆立貝Sushi～每件都很新鮮，可食出刺身鮮味! 特別是厚切肥美的三文魚腩，入口即化花之戀上的丘比特醬配三文魚，口感襯絕總結, 平民化價錢可吃到水準甚高的Sushi, 抵食

Monkey 出名活躍無時停，每天排到節目密密麻麻，尤其是星期六日。 有時好趕想返屋企換件衫食啲嘢，我通常會買櫻羽居的壽司盒，唔會揀啲熱辣辣嘢食。佢啲款左成日都唔同同我捉唔到佢條路，有時呢樣配嗰樣，有時有唔係，同埋每次都有十幾款壽司盒俾人揀。今次呢盒幾合我心水，有天婦羅反卷四件，三文魚壽司，蟹棒壽司同兩件花之戀，都只係$42， 我未見過這個盒。 天婦羅虾仲有少少脆，三文魚都尚算新鮮， 但係飯就大舊左點。因每壽司飯的份量都多，所以很夠飽，快快食飽飽，換件衫，又上路去了！

公司同事建議午餐叫櫻羽居的C餐😁因需要自取同訂餐，故此要早一天訂定去拎！同事凱旋歸來既時候，同時帶埋兩大盤既刺生壽司😈大家第一件事係要簡要超辣芥末定係正常芥末。而我唔怕死咁簡左超辣⋯先拎三文魚刺生，一點芥末。。攻鼻到立即眼水標頭皮癢，建議真係要小心考慮😂😂再黎就食我至愛花之戀，三文魚味濃郁，一口都食唔晒，真係唔錯！最愛既希靈魚刺生好新鮮😍咬落爽口連一向少人食既加洲卷都比人搶晒不過唔好既係魷魚刺生唔夠新鮮，咬口差😓本身想買埋蠔，不過同事雙手拎唔晒，唯有放棄😭😭

內裡有自選壽司，雖然價錢平點，但質素較差。選了中華沙律，10蚊，滿滿的放在小盒內，亦很惹味。中華沙律配加州反卷，芥末是很嗆鼻的假芥末。飯不會很硬，但亦不是加了醋的壽司飯，中規中矩，可以接受。一邊有沙律醬，一邊沒有。沙律醬好好味，裡面有玉子，蟹柳及青瓜。如果不選擇魚生，其他食物的價錢都合理。

午飯時間來參觀兼用膳，這裡的新裝修很骨子，充滿日本feel，地方乾淨企理，相信店主花了很多心思，由於舖面面積不大，座位只有八至十個，多數顧客都是來買外賣自取，當中以學生妹最多，我就選擇坐下來慢慢品嚐。