影片
以上資料只供參考, 請與餐廳確認詳情
食家推介
平日都係喺附近南X叫開外買，今日有時間，周圍貢，就試下呢間一街之隔的麵店。出面睇餐牌，已經比價錢震驚咗，估唔到$28就可以食到個兩餸麵。點餐就行入去店中間向店小二落單，經過見到好多人都叫咗雲吞，所以估計雲吞係招牌啦。因為挨近兩點，等咗幾分鐘就拎到。原來用透明膠碗裝，睇下去幾靚仔，份量好多。本人拎到返公司都係過左十分鐘先食，估唔到保溫好勁，仲係熱辣辣。雖然食物就同普通麵句冇乜分別，不過本人就欣賞佢勝在價錢親民，包裝幾好，同埋店小員服務幾好，一定會再試！
繼續閱讀
十年前就認識咗呢間粉麵店 十年前1x蚊一碗 伊家2x蚊一碗 不變嘅係 十年前定十年後都係抵食之選 仲要權記都係喺港島沿線開舖🙊以呢個價錢食到碗粉麵仲要係身處於港島 果然係糧尾恩物 廢話講完入正題🤣今次嗌咗雙拼 雲吞拼鯪魚球麵 無記錯嘅話單拼同雙拼都係一樣價錢 雲吞同鯪魚球感覺係最多人叫(好似) 十年前我都係嗌呢兩款🤣雲吞同鯪魚球都唔會因為定價平而縮細份量 都算正常大細 蝦都唔會霉 幾彈牙 肉同蝦嘅比例平均 Lunchtime時間都坐滿灑人
繼續閱讀
今日lunch唔想食咁飽. 所以就搵下公司附近有無d食雲吞麵的店. 居然有. 重要平到我笑.牛肉撈麵, 同事話以為會好細碗點知一黎到一大個湯碗. 份量真係嚇一嚇. 似落左兩個麵餅.可能我一直諗住牛肉好似牛腩個 d. 點知黎到發現真係一舊舊的牛肉.同事話味道唔差, 但有少少痴牙. 自制墨丸貢丸米. 呢度的雙併$26 就算三併都係$36 真係見到個價錢由心笑左出黎. 好耐都無試過食咁抵的lunch墨丸可能係自家制. 所以只有兩粒. 味道ok 咸甜適中. 重有d彈牙. 貢丸就有三粒. 不過不失. 碗米粉亦無因為價錢而得兩三啖. 絕對飽肚, 怪不得食完出門口一條長龍. 望到對面食自家制雲吞, 都幾大粒下, 下次有機會一定要試下,
繼續閱讀
灣仔「權記雲吞麵」位置唔顯眼，但因為性價比高而吸引咗好多人去幫襯。午市時間真係擠滿咗好多人，買外賣嘅人都唔少呢。三拼都只係HKD34一碗，麵、河、米粉同價，喺區內算係抵食㗎啦。我呢碗特級牛丸、招牌雲吞、自製墨丸三拼一啲都唔細腕，牛丸雲吞墨丸全部都大大粒，好足料，丸類又夠晒彈呀喎。單拼雙拼同價，我就一定會揀雙拼啦🤣🤣飲品只有豆漿或玻璃樽/罐裝「可口可樂」系列供應。即係話冇奶茶咖啡檸茶之類飲品㗎🤣
繼續閱讀
經過權記雲吞麵見未食過所以入去試下 ～估唔到又幾好食而且價錢非常抵絕對係慳錢之選雖然餐廳叫雲吞麵店但最引起我的興趣並唔係佢嘅雲吞，而係佢嘅手打鯪魚球麵 🍜手打鯪魚球麵本身好鍾意食鯪魚球見佢係手打，好似好吸引所以就嗌咗嚟試下鯪魚球麵奉上嘅時候熱騰騰 😍鯪魚球好有鯪魚味口感幾彈牙，唔係一舊粉，口感似潮式魚蛋麵既口感爽口有嚼勁湯嘅味道都不錯，味道適中，同鯪魚球及麵嘅味道好夾另外仲配咗菜，感覺更健康可以再 encore ～
繼續閱讀
您可能會有興趣的...