歐陸冰室

營業中

休息中

同屋企人黎食晚餐好中意呢度既裝修 特別係張枱上面既花磚！😍叫左個 豬手跟黑松露汁意粉牛排跟燒汁薯菜 同埋一個煙三文魚扇貝長通粉餐湯試左忌廉湯 略嫌太淡豬手正正常常啦 係想試個黑松露汁 就有啲失望牛扒要左七成熟 都煎得唔錯🤤個長通粉既煙三文魚有啲太咸個汁就膩左少少但都okay既扇貝味道唔錯 本身餐飲有兩款特飲可以揀點知佢話無唔供應 有少少失望🤭總括黎講 耐唔耐想黎食一次都可以既～

屋邨街巿的食肆通常不會有什麼期望，但求不過不失已萬幸；大元邨街巿的食肆很多間也幫襯過，沒特別好吃。今次試下這間西餐廳，下午茶2點半開始，時間尚未到，侍應叫我們入內坐住先。甫坐下，即被枱面的斑斕色彩吸引，店舖的設計，配合播放較舊的歐西流行曲，心情很relax。龍脷魚雖然只有一塊，但煎得香嫩，配著忌廉汁再焗，好吃！煙三文魚天使麵超好味，天使麵煮得剛剛好，不淋不硬，濃濃的忌廉汁，配著菠菜、洋葱、菇片和紅黃椒絲，食到最後忌廉汁仍是熱熱的；它的配菜切得薄和細，看到廚師的用心。即磨咖啡好味下次會試其他款式！

因為有客出面等位，三番四次問我野黎齊未，我食完坐下都唔得，野都未飲完就想趕我出去，服務認真超級差，原本想俾貴少少，唔去茶記，搵個地方食完hea 下，等下人，佢個女既侍應，超冇禮貌，直頭趕我，我堅持自己，不過這間野，我會backlist 佢，冇下次～～～～～～～～～～～～～～～～～～～～～～～～～～～～～～

之前經常來大元邨食晏，但自從裝修過後，都無乜機會黎，難得今日去開附近，就上黎睇下有咩食啦，原本想食拉麵，但因餐廳廚房維修無開，就過隔離嘅歐陸冰室啦。午餐都係四十零蚊左右包餐飲，算係抵食，但想飲餐湯就要加八蚊了。今日叫咗粗黑椒焗德國鹹豬手飯，上檯時好重芝士香味，黑椒汁味道相當濃郁，越食越重黑椒味，食到最尾都覺得有少少辣，豬手焗得好淋，份量都幾多，配埋汁食非常惹味。雖然今次亂打亂撞入咗黎，但都算有驚喜。

今日咁啱喺附近就上左嚟大元美食廣場覓食平時我食開第二間泰國嘢，又唔想成日食同一間，於是搵左呢間望落裝修唔錯同多人食嘅嚟食，冇諗過咁都會中伏…我叫左個葡國雞飯配柑桔檸檬，承惠48蚊杯野飲係ok嘅，酸酸甜甜，好過個飯杯嘢都幾大杯嘅，不過即使店員主動幫我少冰我都係覺得太凍 ，結果都係飲剩少少之後到個飯 我一見到就知出事 d雞少得可憐得三舊仲要一d雞味都冇仲要完全唔入味，三舊入面有兩舊係“鞋”到冇朋友嘅雞胸，剩低大半碟都係菜，得個碟大，個汁又唔夠撈哂d飯，比20蚊都嫌多仲要食唔飽，冇下次！

大元邨街市上面個熟食市場，都有好多選擇，好多間都食過，但呢間歐陸冰室就未食過。所以，今次就黎試下。午餐選擇都算多，最後，我地兩個人就叫左個菠菜忌廉汁配龍脷柳意大利粉同埋南瓜蟹肉帆立貝燴飯。因為應該會好食。咁午餐時段，就包埋一個餐湯同埋蒜蓉包。個菠菜龍脷柳意大粉就麻麻，因為個龍脷柳唔多好食，而d 汁就一般而且少，唔夠汁。另外，個燴飯就算ok la,但蟹肉真係非常少，係個南瓜汁幾好食，撈飯一流。overall 就普普通通。

約左朋友食飯，成日放題打邊爐有d悶，又想坐得舒服傾計，一於試呢間。當日去時間還早，入座已有卡位坐，非常好，冰室最鐘意坐架位。叫左二人餐因為唔太餓，大大件牛扒加薯菜，本身驚太生叫左7成熟，但上碟來大約5成，好在都入到口，唔洗落黑椒汁都ok，驚喜薯條熱lala，好好食，外脆內軟👍🏻蛋包飯，味道都ok，不過有d細份，女仔ok，男仔食可能唔夠飽。加$20有份小食，雞翼好食！餐飲係熱谷咕，感覺係無落糖的熱朱古力，苦苦地，平衡返成餐的味道。成餐每人都$109，唔貴。

今朝無聊冇嘢做, 打算食個靚早餐,  見到呢間餐廳出奇地冇乜人等位 (因為平時都要排長龍嘅) 咁我就入咗去啦, 同男朋友兩個人入到去, 成三分鐘都冇人比menu.......呢個都唔係問題啦, 根本佢哋就亂七八糟, 啲夥記都唔知自己做緊乜!! 好啦個menu到啦落單,  同個侍應講要M餐, 佢重複咗三次N餐,  我相信係有文化差異嘅問題, 所以都算數!! 但係當個餐嚟到之後我都唔知講乜嘢好... 杯熱咖啡要加三蚊但係杯咖啡同我喺屋企用雀巢即沖嘅冇分別第二點 我哋叫咗個魚柳餐加牛角包, 魚柳餐有魚柳餐上, 牛角包又另上, 杯熱奶茶係凍嘅, 即是唔係啱啱沖, 係擺咗喺counter好耐嗰一隻我叫咗個 三文魚碎蛋三文治, 嗰塊三文魚細到好似 兩隻手指咁粗,  都算呀, 個麵包係硬嘅 我知道係麥包但係都唔會係咁樣囉 總括嚟講呢間餐廳如果要論服務係0分,  食物只可以得一分 我相信如果佢要留下嘅話應該要再畀心機培訓多啲員工同改善下食物質數囉

下午茶時間 ORDER左個意粉同凍檸茶，等左40 分鐘都未有！肚餓到我起身走人，問WAITER 取消得唔得，點知要收返我野飲錢！ 出餐咁慢就唔好係到呃人野飲錢啦 ！ 一定無下次！

悠閒的假日，約了友人到大埔逛逛兼lunch，大埔多野食，不過好多好食同出名的店子都要排隊，我地懶得排，好求其咁入左去一間歐陸冰室，入到去先醒起，"歐陸"，個名好熟，好似有人中過伏，不過入到去就試試。 裝潢是咖啡館風格，紅磚牆、街燈、牆上的木架放了書本及小精品，木枱上有花瓷磚，設計上蠻別緻，但面積小，坐位十分擠迫，坐得好唔舒服。 午市套餐，平均$55-70。 熱即磨咖啡，冇乜咖啡味。 羅宋湯，正常味道。 蒜蓉包，都是正常味道。 紐西蘭特選烤西冷年黑松露野菌汁配薯菜，$70。 西冷牛扒份量適中，口感好硬又韌，冇乜肉味，唔好食，薯角係凍的。 土耳其香草烤焗比目魚柳配薯菜，$70，比目魚味道好淡，唔多新鮮。 食物水準唔得，又貴，又唔好食，服務態度正常，而$70呢個價，真係大把選擇，下次唔會去了。

一早做完運動， 最好嘆番個靚早餐 。來到大元邨街市熟食中心， 大多數鋪頭都開咗有早餐食， 今日又嚟呢一間 。其實裝修真係幾有歐陸風格。紅磚牆， 大鐘，花花磁磚枱面 ，有卡位 ，坐喺度幾舒服 呢度早餐款式幾多， 叫咗個沙爹牛肉螺絲粉 (忌廉雞湯底)， 可能沙嗲牛肉嘅關係，沙嗲汁蓋過湯底， 唔係好覺嘅湯底係忌廉雞。 秘製白汁碎蛋 ，呢個最鍾意食 ，白汁唔會過多啱啱好。 牛油方包， 我覺得塊包有少少硬呀。 熱檸水望住張咁靚嘅枱面食嘢，真係幾開心㗎

時隔一年再光顧，用餐經驗極差1. 午餐時間，兩個人原本坐系中間大檯同其他人搭檯，準備叫餐既時候比阿姐叫我地轉去一張未執枱既四人卡位，佢執完完全無抹枱，結果要自己攞紙巾抹，掃走上手客人既殘羹剩飯，叫佢比兩杯水水又唔比，黑曬面，最後自己去攞2. 點野後隔左好耐d湯同麵包都唔黎，叫阿姐幫我地追單，發現原來無落單。。。3. 野食比較淡口，等待時間較長，最後又要追單4. 最火既系！！！！！飲凈兩啖野飲既時候，又再叫我地調位，我地已經講左飲埋就走，個阿姐都好堅持要我地搬埋一邊坐，驚死做唔到生意咁5. logistics極度混亂， 食完麵包又黎多左兩件，食曬個餐又問我地系咪未飲湯。。。我明白系繁忙時間，但賣緊50幾蚊一個餐就要有番50幾蚊既貨色同服務質素，講真唔會再去食，差評!!!!!!!

大元樓上開左好多餐廳 一直都未有機會試試 於是今日專登同屋企人黎食個早餐 本身都冇話想食邊間 諗住去到再揀 點知見到個menu都幾啱食 所以就行左入去食***我地叫左三個歐陸早餐 分別係吉烈魚柳 厚切豬扒同香草雞扒 仲加左個迷你茄蓉火腿絲湯通粉個塊雞扒好似有d雪藏味麻麻地豬扒就有d韌至於個魚柳算係咁多樣最好 炸得幾香脆但個通粉就有d油 唔係幾夠蕃茄味最特別都算係個白汁碎蛋 大埔好少會有餐廳有得食🌝🌝***由於星期日好多人食早餐 食完就要走唔可以坐得耐

周六叫了一個西冷牛扒配飯，有湯有飲品（加$2），叫了個凍奶茶少冰。來餐，一見樣子，心知不妙！😨牛扒很乾，超過十成熟，無汁，問侍應攞支喼汁，無喼汁！（吓？），問佢可否比汁，侍應有禮貌地話可以任選汁。選了黑椒汁，但連汁都⋯😫算了，粗粗地食完算。奶茶來了⋯色似咖啡😓。飲啖奶茶⋯⋯好怪！苦的，味似廿四味，勁難飲！😱，真係未試過咁難飲！（我是奶茶一族）最後，用盡洪荒之力只能喝下半杯，埋單！盛惠$70。😡這個價錢，我去大埔區的琛仔食無咁嬲！人地收$60，扒又大塊d，又好味十倍！

繁忙時間坐低都唔多人都知領左野架啦, 點知炸魚蕃茄螺絲粉食落冇乜味淡如水, 咖啡要用難飲黎形容...見裝修幾好, 但後來知道間鋪係抄人地裝修的, 想比多幾粒星都比唔落下次係大埔搵食都係要上下fb睇下先, fb某group見原來呢間係好"出名"的....... 尤其個老闆, 哈哈哈