正和酒家

營業中

休息中

生於香港，我一定支持香港嘅經濟⋯⋯而家好流行北上搵食⋯⋯但我就一定支持香港經濟😏同埋飲食業⋯⋯老友幫我慶祝生日🎂⋯⋯我老婆就揀咗呢間老牌飯店⋯⋯包咗間房仲有電動麻雀😬🥳仲有私人廁所添⋯⋯老友好喜歡夠晒Privacy ⋯⋯🥳餐廳🤩食物質素超高，價錢又平⋯⋯最重要份量十足⋯⋯正和小炒王顏色鮮亮⋯⋯一上枱就聞出鑊氣啦⋯⋯蝦乾超大隻⋯⋯韭菜花又炒得翠綠又爽脆⋯⋯用嚟送酒一流⋯⋯XO醬蝦球蘭花蚌XO醬惹味又甘香⋯⋯帶出蝦球和蘭花蚌嘅鮮味😋⋯⋯蜜糖豆炒得剛剛好😎非常爽脆！豉椒炒蟶子王蟶子王肉質鮮嫩彈牙！非常厚肉！青紅椒爽脆清甜！醬汁非常濃郁！招牌濃湯雞煲翅用料非常重要！係用筷子夾得嘅雞煲翅！湯頭非常黏口！呈現奶黃色！係用心製作嘅！🥳鳳梨脆皮咕嚕肉外層超薄，但非常香脆！肉質非常香嫩⋯⋯充滿肉汁⋯⋯每一件咕嚕肉都掛住鳳梨嘅酸甜汁超正⋯⋯真係好好味😋👍⋯⋯餐廳有老牌式的服務⋯⋯呢個菜單係度身訂造⋯⋯可以根據自己鍾意嘅菜式同老闆提議⋯⋯超正👍👍😎😎⋯⋯

老公又生日啦🥰😬⋯⋯成班老友幫佢慶祝生日🎂⋯⋯今次選咗呢間酒樓⋯⋯因為上次媽咪帶我哋去呢度試過😋超值又好味😋⋯⋯份量超大，價錢又實惠⋯⋯食物都超水準⋯⋯一行12人😘食物都食唔晒，仲可以打包返屋企添⋯⋯上湯焗澳洲龍蝦煎米粉澳洲龍蝦🦞肉質彈牙又爽口！用上湯煮帶出龍蝦嘅鮮味！米粉煎得脆口！吸收晒龍蝦嘅鮮味！搞到米粉好似係主角咁！😋🥳最重要份量真係好足！招牌濃湯雞煲翅湯頭非常香濃，而且好鮮味添！非常濃郁！雞煲翅又夠腍又軟滑！真材實料！百花炸釀蟹鉗外層鋪滿脆米口感非常香脆！口感非常特別！又彈牙又鮮甜！😋😋⋯⋯翡翠炒龍躉斑球龍躉斑球肉質肥美彈牙又鮮嫩！鮮味十足！外層煎到微微嘅焦香！帶出唔少風味！正和七味脆皮雞皮脆肉鮮！口感嫩滑！雞味十足！鮮嫩多汁！瑤柱蛋白海皇炒飯瑤柱蛋白炒飯係粵菜嘅經典炒飯！唔係間間飯店，都能找出佢嘅精髓！炒得非常出色！飯粒分明乾身！非常足料！瑤柱絲甘香！好味😋😋

5月8日一家大細帶媽媽去慶祝母親節，你一道菜都非常味美，菜膽雞煲翅 ~ 大家爭相飲多碗，千絲百花球 ~外表香脆內裏蝦肉新鮮，班頭腩兩味 ~ 新鲜， 蔥油雞 ~ 大大隻， 帶子福建炒飯 ~ 好大碟。總結： 價錢$2880-超抵食😋，足12位份量，座位寬敞冇壓迫感，招呼好，全五星，值得推介👍🏻👍🏻👍🏻。* 由於食物上枱時太吸引，掛住食， 菜膽翅及龍蝦伊麵影唔切。😄😋😋😋

今日去飲下午茶、4個人去到、坐低冼埋碗杯、都無人比下午茶紙😑要問先有、好la 比左張紙、但無筆….. 又要再問、問佢 佢回我地：本簿咪有筆囉…. ！就走左去、等佢行過黎再佢講 入面無筆（其實未拎張紙已經知道入面無筆）佢先拎筆比我地（之後直接收起左本野、驚死我地會偷佢支筆甘、D行為同服務真係好x到尼🙄）好la! 食到差唔多、就好快收晒野啲、得返隻杯同個無水既茶壺😂👍（望下個鐘3點頭左右、已經準備收工甘、佢下午茶到3:45既）重點係 望下隔離其他枱只有我地D野係甘、又收得快、又無人理甘（可能其他係熟客掛 🤷‍♂️）最後走啦、只係眼望望甘😒真係無講多謝晒或拜拜 都算（D眼神好似想講：走啦、阻住我哋收工阿）佢哋野係ok既但服務真係差到爆🙄！

我住40年筲箕灣好耐冇去這家酒樓飲茶，大約2點幾下午茶一家人去，服務員黑口黑面下午茶紙又冇筆又冇，點8種食物來得6種冇不會問，食一會就話要埋單先，見你食完水壺都收埋驚你加水，趕我地走。服務態度差到這樣一定不會再去。

年初一晚，搵食艱難，好彩屋企附近仲有食肆開門。嗌咗羊肚菌紅燒豆腐加白飯，一味菜已經顯出呢間酒家個大㕑嘅功力，個芡汁香濃鮮味，夠杰身包住尐菇菌同豆腐，非常入味。單一味餸可能會有啲鹹，有白飯就啱晒，送飯嘅時候個芡唔會話俾啲飯朔晒尐汁浸住晒，雖則個飯麻麻哋，唔新鮮又乾又硬，但係個芡汁靚到將啲飯嘅旱味完美掩蓋，一餸一飯，完美配搭。特別鳴謝大年初一仲辛勤工作嘅所有員工，即是冇利是（要自己行去櫃檯俾錢）服務態度都非常好，謝謝大家？恭喜發財！

黑衫服務員態度差到極致，已經係熟客，態度一如既往的差，開開心心過去飲餐茶，食到一肚氣返黎，絕對無下次，等佐40分鐘才上第一個點心，問佢就話等就等，唔等可以走。如果無改善，就等趕曬啲客喇。

今日同屋企人黎到正和飲茶已經黎過好多次 因為好近屋企佢位於西灣河同筲箕灣中間 所以都需要行一段路程我就大概一點半到達酒樓 好爭地唔洗等位就要位員工都幾好服務 客客氣氣 我地四個人就叫左五樣食物👍🏻食物質素不過不失 叫做唔錯 環境又唔會太嘈吵 可以靜靜地飲下茶送餐速度就大概15分鐘左右就黎齊✌🏻👍🏻

味道還可以，但係樓面黑衫服務對答不友善，落單25分鐘返餸菜未到，因為有小朋友肚餓，問聲有没有漏單，居然可以說成，今日人多，等到就等, 等唔倒，可以取消埋單。其他對答亦非常不友善。

想幫佢刺激經濟 小菜選擇不多 味道和份量都一般旁邊的食客雖然分檯。但是隔檯大聲說話 口水橫飛 大佬啊 你不要玩火好嗎 好彩係和自己家人吃飯 否則掉臉 由於不是熟客 沒有人換骨碟 或加水結語： 不會回頭

正和 -又正又和味有家庭小菜，又有特色菜式。可以感受到老板及廚師的用心。 話說我有一天想買點東西給我媽媽吃，見到前身係太湖的位置開了間生的酒家，猶豫佐一陣入去睇睇，點了聖瓜豆付班片又要加薑又要少鹽少油（覺得自己好麻煩），但招乎我的老板真好服務，一一安排又推介話廚師係某某酒店的大廚，又跟我分享他創業選址這洒樓頂手的過程。我想我下次一定來吃飯。食佐兩次真有分享一下感受的動力！舊瓶新酒，菜式跟之前的酒樓有很大的區別。我們剛剛吃了風沙豬首，男生很喜歡這菜式又飲又食！又點了黑醋骨，但像生炒骨多點因黑醋味太啖。我喜歡節瓜粉絲㷛，啫啫棠生菜煲。真的太高興西灣多一間有水準的酒樓。keep it up!

酒家開咗咁多年改埋名都未試過，今日去開附近揼骨，就嚟試下啦!一樓攞位個阿姐好惡，大聲，對個個都呼呼喝喝；相反二樓的伙記好好多，有笑容又有禮貌。 好彩我地上二樓食晏。點心紙的點心款式比較少，但唔可以食咁飽， 只係隨便叫咗幾個點心和小食。正和蝦餃皇 蝦餃唔算大粒，不過個皮唔會散，入面仲會有汁。黃金流沙包可能放凍咗，冇流沙，流沙係奶黃餡，感覺一般。鮑汁炆鳳爪鮑汁味道不錯，鳳爪炆得唔夠腍。黑醋一口骨 炸得似咕嚕肉，不過係配咗黑醋汁。龍蝦湯灌湯餃呢個係後加，所以都等咗一段時間，湯夠熱，有蟹柳做材料有啲行。

琴晚同家人去食晚飯，簡直唔得呀，態度差，又唔衛生...特別係個樓面姐姐，我地食到尾聲，有一個餸未黎，咁我地就話cancel，佢話煮緊....黎緊嫁啦...我地話唔要啦，我地都食完所有野啦(因為連之後第2轉order既餸都黎埋食完啦)跟住，個姐姐就即刻黑面同差態度講: 咁係咪E家埋單呀??? 我媽媽就行出去埋單啦，同姐姐講係漏左單，姐姐話唔係啦，都出緊黎啦........係你地唔食咋馬....所以，食物唔得都算啦，但態度咁樣......真係冇下次......

成家人出去食中菜，決定試下正和，見到佢半席都幾抵就叫咗，個翅同埋雞轉咗做冬瓜盅同炸子雞。半席黎講佢啲野碟頭都份量夠，而且上臺道道菜都熱辣辣岩岩整起，好有鑊氣，出奇地好食，而且$998全包真係抵到爛！仲要有鮑魚食，鮑魚炆得都幾淋幾入味，而最後佢個飯係好有特色的大澳海鮮籠仔飯。出面好少見，但個人認為口味有啲重，不過佢就好足料。好多海鮮係面！啲服務態度很好。姐姐主動問我有無興趣將個翅轉做冬瓜盅。值得再去！