正宗上海生煎皇 (已結業)

因為要去廣華覆診，所以都經過呢間餐廳好多次，有陣時都見到好多人排隊，諗住都唔錯啦。點知今次一試就出事啦！我叫咗一份上海厚切排骨菜飯同一籠小籠包。小籠包正常， d皮都唔太厚同食落有肉汁。點知個等成20幾分鐘既所謂厚切炸排骨菜飯，出晒事呀！有圖有真相，擺明係燒味叉燒！仲要唔熱勁乾！忍唔住問d侍應係咪比錯左,我叫咗炸排骨，點解上咗叉燒？個侍應話呢個係新派做法唔係呀，咁欺騙消費者都得？！我完全睇唔出有邊部分符合"炸排骨"，d菜飯仲要爆油,食2啖就挑哂d菜黎食。可能因為我大肚，感覺侍應對我都ok,都有傀一個闊d既位俾我坐，呢樣係抵讚既，不過眼見對其他人都幾惡，超唔耐煩...總括黎講，呢間野絕對唔值得食

我覺得呢到啲職員好想啲客快啲走都未食完就想收啲客既碟，又趕住想我賣單，一餐晚餐食都食得唔安樂好趕啲食物有幾好食都好，服務咁差唔會再去！更何況啲野食只係屬中等級，未至於會令人想再返去再食一句講晒服務真係嘛嘛！！！

友人一直話要食小籠包，經過一番討論同網上面搵嘅結果，就近近地去試呢一間。去到咁啱有台人走，所以等左唔駛1分鐘就有位。去到當然叫籠小籠包食，呢次我哋冇試正宗嘅小籠包，試咗芝士鮮肉小籠包，芝士唔會蓋住肉嘅味道啱啱好，食落去都有肉汁流出來，最好就趁熱食，只係個皮比較厚咗少少。麻辣粉絲伴豬紅係因為聽到個侍應話新出，所以叫咗碗，本人因為唔食豬紅，所以我淨係試咗啲粉絲，辣度我覺得係好微好微嘅辣。鍾意食茄子嘅人可以試吓呢個，茄子加京汁味道好香。不過菜飯味道就一般最後食埋個四川擔擔面飽哂，連出名嘅生煎包都冇食到。地方比較細，不過呢個價錢食到啲咁多嘢食已經好好，下次要再嚟食生煎包同其他野。

一向都好鐘意食小籠包，噤啱見到openrice 9月十強有介紹上海生煎包，於是去左試，試試完終於知點解去到十強，d 生煎包一咬落去勁多汁又熱辣辣，仲要個包裏面有好多肉餡（$18 X2 隻） 加埋dd 醬準簡直一流，之後小籠包就更加不在話下，一上枱好多熱，之後一咬個皮d 湯多到係噤滴，真係做到皮夠薄，唔會好似有d 小籠包噤冇晒汁，又或者一大舊皮，不過稍為有待改善就係d 位有d 迫同埋要等得耐

灌湯小籠包 $33咬落去都有少量肉汁但小籠包略嫌皮太厚 而且唔係即叫即蒸😟一般而已評分:5/10🌟上海生煎包(4個) $32這個較好食 差唔多枱枱都有叫🙈唔算好油膩 咬落又有肉汁😋評分:7/10🌟紅油炒手 $30這個一般 辣油偏向一邊 其他既雲呑係冇味😑而且好乾 可以唔洗叫 同正宗既差好遠評分:3/10🌟上海炸排骨菜飯 $41菜飯尚可接受 味道正常但排骨唔係平時食開炸既而係燒味舖既叉燒!!!🤓即係我叫咗個叉燒飯😑完全唔明白點解會咁🤦🏻‍♀️ 可能佢俾錯我啦🤓好彩叉燒味道都正常 唔太肥膩不過伏一次就夠評分:5/10🌟 酸辣湯水餃 $44酸辣湯味道平均 水餃皮薄 餡料都豐富但湯即材料可以再多啲不過質素都不俗 可以一試評分:6.5/10🌟

去過上海食小籠包同生煎包，係冇可能喺香港搵到咁平又咁高質嘅美食，之但係癮起上泥，呢間嘢都不失為一個選擇。佢勝在唔太貴，又唔劣食，雖然環境小小逼狹唔算好坐，但食物快泥，食飽就走都ok la~.星期日夜晚七點零去到，等兩張枱，五分鐘左右，等嘅時候可以劃定嘢食，坐底就可以開餐！.都幾辣㗎，不過食得辣泥講就覺得正。咬口好好，又唔覺核突。.影左底面，黑黑地的是底，由於係埋口位，皮較厚，但可以接受，覺得煎得幾香口，咬落仲有湯汁，啲肉唔會太肥，幾出色。.小籠包就有啲失望，皮厚左啲，肉feel到好多肥豬肉，食多個生煎包好過。.另一失望之選，炸醬還炸醬，麵還麵，拌左好耐都拌唔埋一齊，面的太寡太乾，食到底又好多炸醬，整體味道一般之中的一般。.是次消費平均每人六十幾，八成飽，感覺唔太滿足~

下晝行行下街口痕忽然想食生煎包，所以就黎左呢間野，由於係下晝過左午飯時間，店內客人唔係太多雞絲粉皮，一夾落去d粉皮就即散，份量正常，但個醬汁有d怪，用日式麻醬，呢個配搭有d怪，最好用返平時甜甜地果隻芝士小籠包，個賣相麻麻地，塌晒，食得出有芝士同埋個味冇搶晒d肉同湯汁，不過我覺得味道係偏淡，但尚可接受生煎包，夠熱，不過個底煎燶左，汁係有，但冇爆汁果種，肉味香味就欠奉，食時我要加豆瓣醬先有少少味道埋單$120有找

果日lunch time行過, 吾知食乜好lee間野0既生煎包好香好香咁引左我入去睇睇個menu....又忽然想食糖醋骨飯好耐冇食了...(魚米家的好好食)於是就叫了糖醋骨菜飯菜飯好吃糖醋骨....沒有煮到好"林"身搞到痴曬牙...食到好吾舒服個汁都係正正常常咁但攝左落牙縫真的好難受...同埋地方真係有點細..識0既還好..如果吾識gei..坐到咁近...真係有d老尷

之前已經食過呢度嘅生煎包，覺得好好味，好掛住，所以再嚟食多次。午餐嚟到呢度都好多人，環境都好逼，但係我哋都只係食一個快嘅午餐，所以無所謂啦。午市套餐大約40幾蚊，可以選一個主菜＋1個配菜。我就叫左上海厚切炸排骨菜飯$32 配$14 兩隻生煎包。生煎包唔會好大，上面嘅芝麻就好香，裏面亦都保持肉汁，食落去因住辣口，因為會爆汁！另外都叫咗個上海擔擔麵，擔擔面味道唔錯，但我比較喜歡花生味重嘅擔擔麵，而佢係似比夠稀的湯底。上海小籠包能夠用$22加配，普普通通，還是生煎包比較有驚喜。

之前係附近食野 已經留意到呢間食上海野既餐廳 今次終於有機會試到 夜晚七點左右到達 已經見到餐廳坐滿晒人 咁岩有人買單 好快就可以坐定定落 order 啦!我地兩個人叫左四樣野食: 1. 雞絲粉皮份量適中 麻醬係日本個種 醬既份量都算多 不過略嫌有點稀 2. 灌湯小籠包雖然無試到招牌生煎包 但試左同樣都咁出名既灌湯小籠包小籠包湯汁都算多 餡料亦不算太鹹 3. 韭菜豬肉水餃湯麵上海麵線有驚喜 不會太淋/太硬 而且都幾彈牙! 水餃餡都算新鮮 如果唔食辣既朋友 呢款都係一個唔錯既選擇4. 炸醬拌麵份量多 炸醬都算入味 加埋青瓜絲 感覺不會肥膩 撈埋啲麵食都幾惹味!整體而言 食物質素符合價位 餐廳面積不大 但環境衛生尚算可以 值得一試! 

以前係太子近旺角道既時候，已經有食開佢既生煎包，果時得外賣沒有飯同麵食，到佢搬左之後我又冇時間幫襯佢，而家有時間喇就自己去食下啦，去到間舖原來好多人要等，係咁我去攞一個人既飛等位先，之後睇餐牌原來多左咁多野食，見到餐牌寫住有"上海炸排骨湯麵"，一心諗住食啦。我一個人都要排成大半個鐘，坐低之後點左個"上海炸排骨湯麵"同2個"生煎包"，個麵黎了，個姐姐講炸排骨湯麵，我一見點知中伏喇，我叫炸排骨，唔係叫蜜糖排骨呀，樣同食落口都根本係蜜糖排骨，一食落去又唔好食......唉，之後黎個生煎包，終於有個好食少少既食物喇，都可以比個生煎包一個讚，但真係比起之前真係差左。

一個勁熱又超多人的星期五晚上，地點旺角，不用多想都知道在沒有訂位的情況下星期五晚上一定很難「搵食」，湊巧要到旺角辦點事順便吃飯，可是滿街都是人，走到新寶戲院附近連米線都要排長龍，見到隔離這家生煎包店，門面很細又殘舊應該都經營了一段很長的時間，但仍然很多人排隊，好奇心下決定試這間，天氣那麼熱吃些簡單輕食也不錯。餐廳名都叫上海生煎包$32，應該是必食了吧。賣相不討好，皮厚唔脆反而有些硬，味道還可以，不過還是有點令人失望！灌湯小籠包$33也是必點的，只屬中規中矩。川味無骨鳳爪$28，賣相雖不好看，但幾惹味，酸酸辣辣的。上海炸排骨湯麵$42，排骨不論賣相或味道都極似叉燒，這排骨真的跟我想像中有點出入，份量算多，肉質有少少爽。總結：真心認為這個質素不值得排隊吃，但一試無防。

老朋友約食飯建議吃這間，我未試過，而且我喜歡酸辣湯，當然無問題，遲了些小收工，差不多8時去到竟然要等位，快食快閃的小店，都不能慢慢想和拍照，所以快快點好餐等吃。上海排骨菜飯，其實即是豬排，肉質偏瘦，少少乾和硬，自覺菜飯過油，所以好一般~上海生煎包無理由不吃，我們一人一隻，以前食的是普通包點皮，而這個皮薄又好多汁，感覺比小籠包更多，不錯呀！酸辣湯麵，不算辣，易入口，再酸些更好，材料都可以再多些~紅油炒手似雲吞加豆瓣醬，皮幾滑~食了好多肉，而且生煎包比較熱氣，當晚有點喉嚨痛了，還是少吃些好，間中食都不錯！不過這裡太趕，不能久坐的，食完就要你埋單，遲多5分鐘都不可以，可能多人等位。

其實之前一直有去呢間食野，覺得佢價錢合理，野食又唔錯但依架去食原本好多野已經沒有，例如栗米湯，食物又難食左最最最，重要問題係，服務其差，重差過九記落錯單不特止，重要屈返你，如果你真係性格巨星就唔好出黎做野啦

這裡的生煎包的確做得很好！單看外貌已跟我之前在上海吃過的某某生煎包店吃過的超級相似～外皮不太厚，而底下更煎得脆脆的，內裡的湯汁超多，熱辣辣的，咬一口已想溢出來了。小籠包亦沒有令我失望！同樣是熱辣辣的，湯汁份量剛好，也可以整口吃，非常滋味～雞絲粉皮勝在麻醬夠多，粉皮煮得晶瑩剔透，彈牙～五彩冷麵的芝麻醬同樣夠多，加入青瓜雞絲等夠清涼，如加些蛋絲就更好了。菜飯內菜和白飯的比例好，不會太少菜。但豬扒就有點油了，我和朋友都覺得似叉燒。炸醬麵的麵很多，但炸醬的味道有點奇怪，不夠香辣也不夠醬料。最後一提，這家的價格以上海生煎包來說其實有點貴，但若跟香港的一般上海菜比，實是平民價，值得推介～