正宗印度菜館

營業中

休息中

三號風球的下午本打算去路邊街吃船河,路經這店見到還有很多空桌,而且set lunch($35)價錢不貴又很豐富,臨時改變主意吃印度菜。印度侍應將精美餐牌給我,但沒發現我想要的set lunch,唯有再來一次英文oral考試;印度侍應哥哥表示本已過供應時間但也提供給我,真感謝!薄脆連同三款醬汁首先登場,薄脆脆得像薯片,吃到麵粉香和粒粒香料;除了一款醋蒜頭(?!)外,綠色像薄荷乳酪和紅色像蕃茄+辣椒的汁醬又頗好味,前者有點薄荷香,味道較易接受,後者來得濃烈較惹味,不過辣度要稍後才感覺到。在覺得辣的時候,這杯芒果乳酪(+$10)就很幫忙了!芒果味道頗濃,只是芒果較酸沒有香甜感覺,但卻開胃得多!乳酪味道比較輕,只隱約地感到其獨特味道,比我想像中的味道好得多,不俗!前菜選了咖喱角,熱呼呼的不可用手拿,只可用刀叉將其切開,原來是以咖喱薯仔蓉當餡,外皮不是酥脆款式,個人卻甚為接受!咖喱薯仔蓉也有點辣,但又不會太過份,又熱又香又帶點辣,真的停不了口!主菜咖喱羊肉配naan最後送到,三片大餅令我傻了眼,份量應該比吃飯來得飽吧??naan 厚薄不均,薄的地方脆得像薄脆,厚的部份柔軟像麵包,個人比較喜歡厚麵

set lunch $32有好多野食今日2個人叫左2份分別叫左:一個soup, 咖哩角,咖哩牛+雞, 一個要飯, 一個要naanportion好大, naan好好味但係, 因為我地2個人都唔係好食得spicy所以, 叫左小spicy都唔係好掂但係overall, 都好好味...!!

之前以為這裡執了笠，原來是資料出錯吧。碰巧要到九龍城入貨，便帶同4位朋友來試試午餐，因看之前食評覺得實在太抵食了。星期日大概一點幾來到，店內一個客人都沒有...環境幾好，企企理理。細問下老闆才給午餐套餐menu給我們，果真是平。選擇是咖哩可選配雞、羊、牛、雜菜，可選飯或Naan，又有咖哩角食，甚為豐富！熱辣辣的咖哩角先來，吃落食到有多種調味料，不是一味死辣，甚有層次感。後是普通Naan到來，每人可分到三塊，份量算多了！每種不同肉類也配不同味的咖哩，以配牛的最為惹味！配羊的則稍酸，可能是選了不辣的關係吧？雖然是來吃午餐，但質素絕不兒戲，份量也和平時去重慶食開的沒甚麼分別，總之就是很滿足！之後見有其他客人入來點了飯餐，發現那碟飯也多得有點離譜。但稍稍看了餐牌，是有點貴的，不知又是否物有所值呢？會來Encore Lunch Set!!

每次我同男朋友慶祝大時大節時，出街食飯往往令我地最頭痛，因為唔知食咩好，我同佢咩都食，冇咩要求，最緊要係唔需要等位便可以了，但係情人節去邊都會多人，好多餐廳都會有情人節餐，但係哩d套餐總會係又貴又唔好食，所以諗左好耐，我地就決定去冇咁多人既地方，就係九龍城.....大家可能會諗九龍城出名就係食泰國菜，其實除左泰國菜，都仲有好多其他菜，就係印度菜，而小女都係第一次食，感覺好新鮮。餐廳入面環境有少少暗，有點romantic，waiter態度好nice，不過個日都幾多人食野，所以service有點慢，menu裡菜式賣相其實睇落樣樣都差唔多，冇咩特別，所以我地好隨意叫了幾樣東西，雖然賣相普通，但係食落味道相當濃烈，如果唔食得辣的就要小心叫菜，最叫waiter比d意見，(waiter係印度人但係識廣東話，可放心)但係缺點就係份量少，所以我地都叫左成5，6樣菜式，咁至夠飽。(可能我地大食啦>.<)特別介紹：鄉村芝士球味道非常濃郁，一d都唔辣，愛吃芝士又或者唔食得辣既朋友必定要試，絕對very good!!埋單around$300(男朋友比錢所以唔記得幾錢lu)Over all 我同

23-2-2008黎間印度菜館我成日都黎食，食過5次以上啦....我每次黎食lunch都係叫咖哩雞加烤餅，因為又平又好食...今日又黎食啦，仲帶埋4個朋友一齊黎食.......佢地食完都話Good呀............首先每人都會送一塊簿脆，食落好似食暑片咁....仲有d醬比你點，不過d醬麻麻地，所以唔點仲好....咖哩雞可以揀唔辣or大中小辣，d咖哩落左唔同的香料好好味.....熱辣辣的咖哩汁用黎點烤餅真係一流呀............烤餅係即叫即烤，外脆內軟，好味.............個餐仲有餐飲送，都係$25，真係好抵.........環境:黎間餐廳環境唔錯，仲會播d印度音樂........黎道真係幾適合同朋友聚下舊，傾下計...........服務:兩個印度男侍應服務十分好，好有笑容......試過有次叫的大辣咖哩辣到我同朋友食到狂流鼻水，狂飲水，所以食到好慢...佢過黎話幫我地將個咖哩煮返冇咁辣，好體貼...就算你坐到好耐，佢地都會幫你加下水，等你冇咁渴......唔錯的服務.............^.^(我2月23號黎食，都仲有開，冇結業)

周日下午一條友第一次去，叫左個普通30幾蚊SET LUNCH再加杯Sweet Lassi，開頭有擔心佢俾面色我睇（周未食ＳＥＴ有時會遇到）。點知態度一流，仲問我滿唔滿意，死未！先黎一客餐湯，睇落似普通南瓜湯，飲落有料到，係酸辣味南瓜湯，仲加左幾粒印度飯落去，有咬口。跟住杯Lassi好得，好balance，偏濃。羊肉同薄餅都有水準，雖然唔會話好食過出面好多，起碼你覺得埋單先40幾，有咁環境、服務同食物，仲想點呀老友。

本來無諗過會打食評，因為自己好懶，所以...但上過咁多次OPENRICE去搵好野食，唔比返人地知好唔好食好似好自私。所以去左登記，仲變左個名叫肥仁(好名)。想同女朋友食一d特別的菜式，又見到個食評ok，所以book位黎食。個晚8點到，見到入面只有兩圍枱，無咩人氣。仲怕佢唔好食。但都係要入去一試，唔試唔知好唔好，試左先可以比較到。我同女朋友坐左一會睇下個食譜，有好多種咖哩，又唔知邊種好，見到好多不同味道的烤餅，真係唔知叫咩好。我女朋友就問個侍應邊種咖哩好食，之後佢介紹左雞咖哩，但唔記得咩名，不過好好味，而且唔太油，一流作品。我地仲叫左個雜菜及兩個烤餅，食到好飽。結帳時，佢仲送左一碟糖+mint的甜品，味道都等別，好得意。因為我地係上個星期食的(5-Sep)，菜名就唔係太有印象。只記得好好食，同d侍應好好招呼。

今晚食完2人set dinner,羊肉curry正,點Naan 食無得頂啊!!!Waiter有禮貌又nice仲好好傾~推薦佢地的Hot India Tea, 好香濃的茶味!!!!會再去食!!!

都半年多未有再訪.是次跟一家人午飯, 點set lunch. 咖哩自己要了羊, 而家人要了魚. 另, 隨餐都要naan及samosa, 飲品要可樂及凍奶茶.侍者先端上papadum. 可能是剛炸好, 未瀝乾油就奉客, 於是泛著油光.可幸吃下去也不覺油, 蘸些汁醬, 又脆又醒胃.之後是samosa. 咬落熱辣辣, 絕對做起只一會. 這次的較前幾次的辣些, 亦更香.緊接當然是主食咖哩及naan. 咖哩香料味濃, 都算正宗. 羊只淡淡羶味, 卻是意料之內, 口感適中, 不會過腍過勒, 初心想淺試羊肉這是個不錯的選擇.但綜合之前多次於此進膳的經驗, 要肉的話還是牛好, 肉味會較濃.那魚是龍脷, 家人食得幾滋味, 自己就覺得因為切得太細, 加上魚先天較鬆散的質地, 吃上來總覺差些什麼.而naan亦是做起不久, 吃時揍緊嘴還可嗅到麵粉香, 不油, 蘸上咖哩是美味非常, 以前甚至可以之掃光盤咖哩汁.最後是飲品. 可樂是玻璃樽裝, 時光仿佛倒流十幾年; 凍奶茶味道則太淡. 記得於這店飲過熱檸檬茶, 茶是用上錫蘭紅茶, 味道精緻, 是次本想叫熱奶茶, 不過侍者一再確認是hot或iced時, 想起天氣悶熱

尋日專登梨呢度試見comment唔錯,間鋪好細大約得7張檯, 全店都係印度侍應,不過識講廣東話,一坐底佢地已然放底左盤胡椒薄餅,同細兜醬, 我地即刻食哂,不過個薄餅幾辣, 跟住四個人叫左以下食物:-一個二人套餐包括: 印度薄餅, 呢個唔錯, 串燒雞肉味道幾好不過略帶乾身,可能印度口味係咁, 仲有咖哩魚, 我地本身點小辣,跟住個侍應話小辣等於唔辣咁唯有點中辣, 不過真係唔辣, 仲有通菜同白飯, 通菜好好食, 但白飯好幼細同長身未必岩香港人口味,個餐包兩杯野飲, 我地轉左印度啤, 另外叫左個鐵板羊架有4件好好食, 印度沙律, 呢個佢地個個都話好難食, 味道好怪, 可能多洋蔥啦, 我可以接受, 一個芝士球, 好多汁幾特別, 用梨點薄餅好味, 再加多個蔥油餅, 好似蕉葉咖哩屋果種, 另外加左一渣啤酒, 啤酒幾貴55蚊, 一個椰清同印度拉茶, 埋單$461, 佢地送左d香料既糖俾我地食,不過唔岩口味

睇過食評，便試一試此餐廳。8 人食，每人都係$88，但食到個個都飽(給那些好味的包食飽的.....)食物ok~咖哩不辣，反而是有點香料太濃的感覺。面包配濃汁Shrimp是最好食的。最後的餐飲啤酒改為要飲印度啤....hm...感覺清，新鮮又好玩。餐後的"香草"都好好玩同食。待應又好nice，要食下特別野此餐廳都係不錯的選擇~

2人餐$165 + 多杯野飲+ 10% service charge = $200唔駛找乾淨坐得舒服唔迫, 但toilet好大陣異味老闆同伙計都好nice, 個set可以轉其他野食唔駛跟足yeah!! 食食下老闆仲問我地d野夠唔夠spicy haha,我地叫左一個係中一個係大辣..但都唔太spicy law... 佢就拎返去kitchen 加spice 上碟good service!!食物就ok la, 唔係話好好味同重慶o個d差唔多, 但環境好好多...

今日冇咩人,只有3台客食左個2人set dinner,好好味,老闆又好好人,就連個waiter都好好service,食左$182.比$200 唔駛找haha

有事到九龍城，每次來也食泰菜，今次就轉轉口味，食印度菜。可能係平日的關係，全晚也沒有什麼客人，直覺有點像包場一樣。我們叫了串燒鮮魚件、爽滑濃汁羊肉、烤餅和烤麥餅。串燒鮮魚件- 雖然係雪藏魚，但肉質都唔會差，加上燒過的外皮，把魚肉的香味緊緊包在餡內，香料味濃，帶有微微的辣味，真係幾好食，值得一試。爽滑濃汁羊肉- 有點像免治羊肉，用來送烤餅就最好味了，羊肉唔羶，肉質美味嫩滑，真係食唔停口。烤餅- 烤餅有三片，即叫即烤，因此非常脆，還有很香的麵粉味，但如淨食味道就偏淡，送香濃的免治羊肉，就非常好食。烤麥餅- 麥餅就只有二片，除了脆之外還有很香濃的麥味，感覺比淨烤餅更加好味。價錢唔算貴，味道很好，感覺唔會比重慶的印度菜館差，值得推介。

看過這間餐館的食評，於是和朋友一嘗那裡的set lunch。我倆一致選擇了咖哩角和naan，至於main course則點了一個魚和一個雞。咖哩角熱辣辣的，不錯。咖哩魚的質素叫人喜出望外。以naan點上咖哩汁是最佳配搭。和重慶相比起來，這裡的咖哩少了一份油膩，感覺健康一點。雖然咖哩份量不大，但naan實在太飽肚，結果我們都吃不完所有東西。飯後再來一杯餐飲，正正常常的凍檸茶。有機會會再來吃晚飯。