正牌沙田雞粥 (已結業)

經過見到新開張，同男朋友入去試下，有下次呀!雖然天氣好熱，不過雞粥依個招牌菜一定要試!好夠鮮味仲好香甜，而且粥底夠棉，雞約有四至五件，必叫!!!!!!!!!!!另外再叫左碟豉油皇炒麵，感覺份量極度十足，炒麵雖然賣相普普通通，但味道的確超級好味，豉油味好香，麵條軟硬度啱啱好，最緊要炒得乾身又有鑊氣唔會濕淋淋.兩個人, 叫左一碗雞粥一碟炒麵已經好足夠。下次黎要試埋佢d 小炒, 見到坐隔離枱果d小菜好吸引....隻乳鴿d香味飄晒過黎......不過實在太飽, 今次叫唔到喇. 

近日樓下開左間沙田雞粥, 聽落好似幾吸引, 咁岩岩放工經過見到唔洗等位就同老婆入去試下,  坐底一睇原來仲有d中式小菜食, 最後我就叫左碗雞粥, 豉油王炒麵同中式牛柳。 上餐速度幾快,  粥黎到熱辣辣, 粥底好綿同好足料, 唔稀。而d雞肉都好嫩滑同而且雞味濃, 個粥配合埋d雞味咸咸地幾好味。豉油王炒面炒得幾乾身, 而且個炒面唔會太咸。 而個中式牛柳都煮得不錯不失。總體而言暫時食落既食物質素都幾好, 而環境方面位置都尚算闊落, 兩個人食兩個送一碗粥食左200蚊到, 即係人均100左右。我認為可以翻食的 

招牌雞粥/乳鴿必食，由沙田搬咗去西環，搭地鐵方便好多，一出地鐵就到，今次一個人去淨係食咗乳鴿同雞粥，下次叫多兩個朋友去試埋佢嘅豉油王炒麵同炸大腸先，因為之前呢幾個餸喺沙田都係必食嘅，可能啱啱開業，有部份設施都仲係未準備好，有改善空間。

非常好味嘅鷄粥，雖然由沙田轉戰到西環，但我仍然覺得味道没有變，鷄滑粥綿。還有炒麵，兩者可以説是絕配，撚手小菜相當不錯，尤其是黄金鮮魷、猪紅韭菜、豉椒炒蜆或蟶子，小炒王。這菜式也是我每次到店必食之選。因我住在沙田區，以往我差不多每天都會到店，雖然此店搬到西環營業，但每個星期至少到一至兩次惠顧。而每次三五知己相聚，大家亦不約而同地想吃此店鷄粥及小炒，以我所知此店已經營超過四十年以上，可以説是老牌店，歷史悠久屹立不倒。